ભૈરવાનુકરણસ્તોત્ર · શ્લોક 41-48

વિવિધશ્મશાનમાલાવેતાલાવૃતઃ પ્રકાશયસે ।
સંવિત્તિવિષયકલનામધ્યશ્ ચિતિભૈરવો ઽસ્મીતિ ॥

ત્વય્ય્ એવામૃતલેખા પરશક્તિમયી પરપ્રમાતાતઃ ।
નાથ ત્વમ્ એવ જગતામ્ જીવનમ્ ઇતિ ભાસિ નો હૃદયે ॥

તવ શબ્દરાશિવપુષઃ પ્રત્યષ્ટકમ્ એવ બાહ્યપરિવારઃ ।
પરસૂક્ષ્માદિવિભેદાદ્ ભૈરવ લોકેશ્વરપ્રમુખાઃ ॥

મુદ્રયતિ નિખિલમ્ એતન્ નિઃશેષસ્વસ્વરૂપસંક્રમણાત્ ।
મોદયતિ ભક્તવર્ગં ગતિમુદં પૂર્ણતાપ્રથનાત્ ॥

મોચયતિ પાશજાલં દ્રાવયતિ વિભેદમ્ ઈશ તે મૂર્તિઃ ।
મુદ્રયતિ વિવિધસંવિદ્દ્રવિણં મુદ્રા તતઃ કથિતા ॥

જયતિ પરતત્ત્વભૂમિપ્રવરે નિપાયભૂતૈષ ।
સ્ફુટમ્ અધિવસતુ સતત્ત્વપ્રથયા હૃદયસ્ય મેયમલમ્ ॥

પ્રતિકલમ્ ઉદેતિ સંવિદ્ યા કિલ તત્ર સ્ફુરત્ય્ અધો વિશ્વમ્ ।
શિવશક્તિવિભવરૂપં જાનન્તિ મહેશ યાગસ્થાઃ ॥

ઇત્થં સ્ફુરસિ સદા મે ચિદ્ભૈરવ સર્વભૂતાત્મ ।
તદ્ યાગાદિજપાન્તં સમ્પન્નમ્ અયત્નતઃ સર્વમ્ ॥