ભાગવત પુરાણ · અધ્યાય 08.18

ભ્પ્_08.18.001।0 શ્રીશુક ઉવાચ
ઇત્થં વિરિઞ્ચસ્તુતકર્મવીર્યઃ પ્રાદુર્બભૂવામૃતભૂરદિત્યામ્ ।
ચતુર્ભુજઃ શઙ્ખગદાબ્જચક્રઃ પિશઙ્ગવાસા નલિનાયતેક્ષણઃ

શ્યામાવદાતો ઝષરાજકુણ્ડલ ત્વિષોલ્લસચ્છ્રીવદનામ્બુજઃ પુમાન્ ।
શ્રીવત્સવક્ષા બલયાઙ્ગદોલ્લસત્ કિરીટકાઞ્ચીગુણચારુનૂપુરઃ

મધુવ્રાતવ્રતવિઘુષ્ટયા સ્વયા વિરાજિતઃ શ્રીવનમાલયા હરિઃ ।
પ્રજાપતેર્વેશ્મતમઃ સ્વરોચિષા વિનાશયન્ કણ્ઠનિવિષ્ટકૌસ્તુભઃ

દિશઃ પ્રસેદુઃ સલિલાશયાસ્તદા પ્રજાઃ પ્રહૃષ્ટા ઋતવો ગુણાન્વિતાઃ ।
દ્યૌરન્તરીક્ષં ક્ષિતિરગ્નિજિહ્વા ગાવો દ્વિજાઃ સઞ્જહૃષુર્નગાશ્ચ

શ્રોણાયાં શ્રવણદ્વાદશ્યાં મુહૂર્તે ઽભિજિતિ પ્રભુઃ ।
સર્વે નક્ષત્રતારાદ્યાશ્ ચક્રુસ્તજ્જન્મ દક્ષિણમ્

દ્વાદશ્યાં સવિતાતિષ્ઠન્ મધ્યન્દિનગતો નૃપ ।
વિજયાનામ સા પ્રોક્તા યસ્યાં જન્મ વિદુર્હરેઃ

શઙ્ખદુન્દુભયો નેદુર્મૃદઙ્ગપણવાનકાઃ ।
ચિત્રવાદિત્રતૂર્યાણાં નિર્ઘોષસ્તુમુલો ઽભવત્

પ્રીતાશ્ચાપ્સરસો ઽનૃત્યન્ ગન્ધર્વપ્રવરા જગુઃ ।
તુષ્ટુવુર્મુનયો દેવા મનવઃ પિતરો ઽગ્નયઃ

સિદ્ધવિદ્યાધરગણાઃ સકિમ્પુરુષકિન્નરાઃ ।
ચારણા યક્ષરક્ષાંસિ સુપર્ણા ભુજગોત્તમાઃ

ગાયન્તો ઽતિપ્રશંસન્તો નૃત્યન્તો વિબુધાનુગાઃ ।
અદિત્યા આશ્રમપદં કુસુમૈઃ સમવાકિરન્

દૃષ્ટ્વાદિતિસ્તં નિજગર્ભસમ્ભવં પરં પુમાંસં મુદમાપ વિસ્મિતા ।
ગૃહીતદેહં નિજયોગમાયયા પ્રજાપતિશ્ચાહ જયેતિ વિસ્મિતઃ

યત્ તદ્વપુર્ભાતિ વિભૂષણાયુધૈર્ અવ્યક્તચિદ્વ્યક્તમધારયદ્ધરિઃ ।
બભૂવ તેનૈવ સ વામનો વટુઃ સમ્પશ્યતોર્દિવ્યગતિર્યથા નટઃ

તં વટું વામનં દૃષ્ટ્વા મોદમાના મહર્ષયઃ ।
કર્માણિ કારયામાસુઃ પુરસ્કૃત્ય પ્રજાપતિમ્

તસ્યોપનીયમાનસ્ય સાવિત્રીં સવિતાબ્રવીત્ ।
બૃહસ્પતિર્બ્રહ્મસૂત્રં મેખલાં કશ્યપો ઽદદાત્

દદૌ કૃષ્ણાજિનં ભૂમિર્દણ્ડં સોમો વનસ્પતિઃ ।
કૌપીનાચ્છાદનં માતા દ્યૌશ્છત્રં જગતઃ પતેઃ

કમણ્ડલું વેદગર્ભઃ કુશાન્ સપ્તર્ષયો દદુઃ ।
અક્ષમાલાં મહારાજ સરસ્વત્ય્ અવ્યયાત્મનઃ

તસ્મા ઇત્ય્ ઉપનીતાય યક્ષરાટ્ પાત્રિકામદાત્ ।
ભિક્ષાં ભગવતી સાક્ષાદુમાદાદમ્બિકા સતી

સ બ્રહ્મવર્ચસેનૈવં સભાં સમ્ભાવિતો વટુઃ ।
બ્રહ્મર્ષિગણસઞ્જુષ્ટામત્યરોચત મારિષઃ

સમિદ્ધમાહિતં વહ્નિં કૃત્વા પરિસમૂહનમ્ ।
પરિસ્તીર્ય સમભ્યર્ચ્ય સમિદ્ભિરજુહોદ્દ્વિજઃ

શ્રુત્વાશ્વમેધૈર્યજમાનમૂર્જિતં બલિં ભૃગૂણામુપકલ્પિતૈસ્તતઃ ।
જગામ તત્રાખિલસારસમ્ભૃતો ભારેણ ગાં સન્નમયન્ પદે પદે

તં નર્મદાયાસ્તટ ઉત્તરે બલેર્ ય ઋત્વિજસ્તે ભૃગુકચ્છસંજ્ઞકે ।
પ્રવર્તયન્તો ભૃગવઃ ક્રતૂત્તમં વ્યચક્ષતારાદુદિતં યથા રવિમ્

તે ઋત્વિજો યજમાનઃ સદસ્યા હતત્વિષો વામનતેજસા નૃપ ।
સૂર્યઃ કિલાયાત્ય્ ઉત વા વિભાવસુઃ સનત્કુમારો ઽથ દિદૃક્ષયા ક્રતોઃ

ઇત્થં સશિષ્યેષુ ભૃગુષ્વનેકધા વિતર્ક્યમાણો ભગવાન્ સ વામનઃ ।
છત્રં સદણ્ડં સજલં કમણ્ડલું વિવેશ બિભ્રદ્ધયમેધવાટમ્

મૌઞ્જ્યા મેખલયા વીતમુપવીતાજિનોત્તરમ્ ।
જટિલં વામનં વિપ્રં માયામાણવકં હરિમ્

પ્રવિષ્ટં વીક્ષ્ય ભૃગવઃ સશિષ્યાસ્તે સહાગ્નિભિઃ ।
પ્રત્યગૃહ્ણન્ સમુત્થાય સઙ્ક્ષિપ્તાસ્તસ્ય તેજસા

યજમાનઃ પ્રમુદિતો દર્શનીયં મનોરમમ્ ।
રૂપાનુરૂપાવયવં તસ્મા આસનમાહરત્

સ્વાગતેનાભિનન્દ્યાથ પાદૌ ભગવતો બલિઃ ।
અવનિજ્યાર્ચયામાસ મુક્તસઙ્ગમનોરમમ્

તત્પાદશૌચં જનકલ્મષાપહં સ ધર્મવિન્ મૂર્ધ્ન્ય્ અદધાત્ સુમઙ્ગલમ્ ।
યદ્દેવદેવો ગિરિશશ્ચન્દ્રમૌલિર્ દધાર મૂર્ધ્ના પરયા ચ ભક્ત્યા

ભ્પ્_08.18.029।0 શ્રીબલિરુવાચ
સ્વાગતં તે નમસ્તુભ્યં બ્રહ્મન્ કિં કરવામ તે ।
બ્રહ્મર્ષીણાં તપઃ સાક્ષાન્ મન્યે ત્વાર્ય વપુર્ધરમ્

અદ્ય નઃ પિતરસ્તૃપ્તા અદ્ય નઃ પાવિતં કુલમ્ ।
અદ્ય સ્વિષ્ટઃ ક્રતુરયં યદ્ભવાન્ આગતો ગૃહાન્

અદ્યાગ્નયો મે સુહુતા યથાવિધિ દ્વિજાત્મજ ત્વચ્ચરણાવનેજનૈઃ ।
હતાંહસો વાર્ભિરિયં ચ ભૂરહો તથા પુનીતા તનુભિઃ પદૈસ્તવ

યદ્યદ્વટો વાઞ્છસિ તત્ પ્રતીચ્છ મે ત્વામર્થિનં વિપ્રસુતાનુતર્કયે ।
ગાં કાઞ્ચનં ગુણવદ્ધામ મૃષ્ટં તથાન્નપેયમુત વા વિપ્રકન્યામ્ ।
ગ્રામાન્ સમૃદ્ધાંસ્તુરગાન્ ગજાન્ વા રથાંસ્તથાર્હત્તમ સમ્પ્રતીચ્છ