ભાગવત પુરાણ · અધ્યાય 01.01

જન્માદ્યસ્ય યતો ઽન્વયાદિતરતશ્ચાર્થેષ્વભિજ્ઞઃ સ્વરાટ્ $ તેને બ્રહ્મ હૃદા ય આદિકવયે મુહ્યન્તિ યત્ સૂરયઃ &
તેજોવારિમૃદાં યથા વિનિમયો યત્ર ત્રિસર્ગો ઽમૃષા % ધામ્ના સ્વેન સદા નિરસ્તકુહકં સત્યં પરં ધીમહિ ॥ ભ્પ્_01.01.001* ॥
ધર્મઃ પ્રોજ્ઝિતકૈતવો ઽત્ર પરમો નિર્મત્સરાણાં સતાં $ વેદ્યં વાસ્તવમ્ અત્ર વસ્તુ શિવદં તાપત્રયોન્મૂલનમ્ &
ધર્મઃ પ્રોજ્ઝિતકૈતવો ઽત્ર પરમો નિર્મત્સરાણાં સતાં $ વેદ્યં વાસ્તવમ્ અત્ર વસ્તુ શિવદં તાપત્રયોન્મૂલનમ્ &
શ્રીમદ્ભાગવતે મહામુનિકૃતે કિં વા પરૈરીશ્વરઃ % સદ્યો હૃદ્યવરુધ્યતે ઽત્ર કૃતિભિઃ શુશ્રૂષુભિસ્તત્ક્ષણાત્ ॥ ભ્પ્_01.01.002* ॥
નિગમકલ્પતરોર્ગલિતં ફલં $ શુકમુખાદમૃતદ્રવસંયુતમ્ &
નિગમકલ્પતરોર્ગલિતં ફલં $ શુકમુખાદમૃતદ્રવસંયુતમ્ &
પિબત ભાગવતં રસમ્ આલયં % મુહુરહો રસિકા ભુવિ ભાવુકાઃ ॥ ભ્પ્_01.01.003* ॥
નૈમિષે ઽનિમિષક્ષેત્રે ઈશયઃ શૌનકાદયઃ ।
સત્રં સ્વર્ગાય લોકાય સહસ્રસમમ્ આસત

ત એકદા તુ મુનયઃ પ્રાતર્હુતહુતાગ્નયઃ ।
સત્કૃતં સૂતમ્ આસીનં પપ્રચ્છુરિદમ્ આદરાત્

ભ્પ્_01.01.006।0 ઋષય ઊચુઃ
ત્વયા ખલુ પુરાણાનિ સેતિહાસાનિ ચાનઘ ।
આખ્યાતાન્યપ્યધીતાનિ ધર્મશાસ્ત્રાણિ યાન્યુત

યાનિ વેદવિદાં શ્રેષ્ઠો ભગવાન્ બાદરાયણઃ ।
અન્યે ચ મુનયઃ સૂત પરાવરવિદો વિદુઃ

વેત્થ ત્વં સૌમ્ય તત્ સર્વં તત્ત્વતસ્તદનુગ્રહાત્ ।
બ્રૂયુઃ સ્નિગ્ધસ્ય શિષ્યસ્ય ગુરવો ગુહ્યમ્ અપ્યુત

તત્ર તત્રાઞ્જસાયુષ્મન્ ભવતા યદ્વિનિશ્ચિતમ્ ।
પુંસામ્ એકાન્તતઃ શ્રેયસ્તન્ નઃ શંસિતુમ્ અર્હસિ

પ્રાયેણાલ્પાયુષઃ સભ્ય કલાવસ્મિન્ યુગે જનાઃ ।
મન્દાઃ સુમન્દમતયો મન્દભાગ્યા હ્યુપદ્રુતાઃ

ભૂરીણિ ભૂરિકર્માણિ શ્રોતવ્યાનિ વિભાગશઃ ।
અતઃ સાધો ઽત્ર યત્ સારં સમુદ્ધૃત્ય મનીષયા ।
બ્રૂહિ ભદ્રાય ભૂતાનાં યેનાત્મા સુપ્રસીદતિ

સૂત જાનાસિ ભદ્રં તે ભગવાન્ સાત્વતાં પતિઃ ।
દેવક્યાં વસુદેવસ્ય જાતો યસ્ય ચિકીર્ષયા

તન્ નઃ શુષ્રૂષમાણાનામ્ અર્હસ્યઙ્ગાનુવર્ણિતુમ્ ।
યસ્યાવતારો ભૂતાનાં ક્ષેમાય ચ ભવાય ચ

આપન્નઃ સંસૃતિં ઘોરાં યન્નામ વિવશો ગૃણન્ ।
તતઃ સદ્યો વિમુચ્યેત યદ્બિભેતિ સ્વયં ભયમ્

યત્પાદસંશ્રયાઃ સૂત મુનયઃ પ્રશમાયનાઃ ।
સદ્યઃ પુનન્ત્યુપસ્પૃષ્ટાઃ સ્વર્ધુન્યાપો ઽનુસેવયા

કો વા ભગવતસ્તસ્ય પુણ્યશ્લોકેડ્યકર્મણઃ ।
શુદ્ધિકામો ન શૃણુયાદ્યશઃ કલિમલાપહમ્

તસ્ય કર્માણ્યુદારાણિ પરિગીતાનિ સૂરિભિઃ ।
બ્રૂહિ નઃ શ્રદ્દધાનાનાં લીલયા દધતઃ કલાઃ

અથાખ્યાહિ હરેર્ધીમન્ન્ અવતારકથાઃ શુભાઃ ।
ઈલા વિદધતઃ સ્વૈરમ્ ઈશ્વરસ્યાત્મમાયયા

વયં તુ ન વિતૃપ્યામ ઉત્તમશ્લોકવિક્રમે ।
યચ્છૃણ્વતાં રસજ્ઞાનાં સ્વાદુ સ્વાદુ પદે પદે

કૃતવાન્ કિલ કર્માણિ સહ રામેણ કેશવઃ ।
અતિમર્ત્યાનિ ભગવાન્ ગૂઢઃ કપટમાનુષઃ

કલિમ્ આગતમ્ આજ્ઞાય ક્ષેત્રે ઽસ્મિન્ વૈષ્ણવે વયમ્ ।
આસીના દીર્ઘસત્રેણ કથાયાં સક્ષણા હરેઃ

ત્વં નઃ સન્દર્શિતો ધાત્રા દુસ્તરં નિસ્તિતીર્ષતામ્ ।
કલિં સત્ત્વહરં પુંસાં કર્ણધાર ઇવાર્ણવમ્

બ્રૂહિ યોગેશ્વરે કૃષ્ણે બ્રહ્મણ્યે ધર્મવર્મણિ ।
સ્વાં કાષ્ઠામ્ અધુનોપેતે ધર્મઃ કં શરણં ગતઃ