ભગવદ્ગીતા · અધ્યાય 95

મધુસૂદનઃ : તથા સપ્તમાદ્ આરભ્ય દશમ-પર્યન્તં તત્-પદાર્થ-નિર્ણય-પ્રધાનમ્ અપિ ભગવતો વચનં મયા શ્રુતમ્ ઇત્ય્ આહ ભવાપ્યયાવ્ ઇતિ । ભૂતાનાં ભવાપ્યયાવ્ ઉત્પત્તિ-પ્રલયૌ ત્વત્ત એવ ભવન્તૌ ત્વત્ત એવ વિસ્તરશો મયા શ્રુતૌ ન તુ સંક્ષેપેણાસકૃદ્ ઇત્ય્ અર્થઃ । કમલસ્ય પત્રે ઇવ દીર્ઘે રક્તાન્તે પરમ-મનોરમે અક્ષિણી યસ્ય તવ સ ત્વં હે કમલ-પત્રાક્ષ ! અતિસૌન્દર્યાતિશયોલ્લેખો ઽયં પ્રેમાતિશયાત્ । ન કેવલં ભવાપ્યયૌ ત્વત્તઃ શ્રુતૌ મહાત્મનસ્ તવ ભાવો માહાત્મ્યમ્ અતિશયૈશ્વર્યં વિશ્વ-સૃષ્ટ્ય્-આદિ-કર્તૃત્વે ઽપ્ય્ અવિકારે ત્વં શુભાશુભ-કર્મ-કારયિતૃત્વે ઽપ્ય્ અવૈષમ્યં બન્ધ-મોક્ષાદિ-વિચિત્ર-ફલ-દાતૃત્વે
ઽપ્ય્ અસઙ્ગૌદાસીન્યમ્ અન્યદ્ અપિ સર્વાત્મત્વાદિ સોપાધિકં નિરુપાધિકમ્ અપિ ચાવ્યયમ્ અક્ષયં મયા શ્રુતમ્ ઇતિ પરિણતમ્ અનુવર્તતે ચ-કારાત્