ભગવદ્ગીતા · અધ્યાય 75

બલદેવઃ -
ભક્ત્ય્-ઉદ્દીપ્તિ-કરં સ્વસ્ય પારમૈશ્વર્યમ્ અદ્ભુતમ્ ।
સ્વ-ભક્તેશ્ ચ મહોત્કર્ષં નવમે હરિર્ ઊચિવાન્ ॥
વિજ્ઞાનાનન્દ-ઘનો ઽસઙ્ખ્યેય-કલ્યાણ-ગુણ-રત્નાલયઃ સર્વેશ્વરો ઽહં શુદ્ધ-ભક્તિ-સુલભ ઇતિ સપ્તમાદિભ્યામ્ અભિધાયેદાનીં ભક્તેર્ ઉદ્દીપકં નિજૈશ્વર્યં તસ્યાઃ પ્રભાવ`અચાભિધાસ્યન્ન્ આદૌ તાં સ્તૌતિ ઇદમ્ ઇતિ ત્રિભિઃ । ઇદં જ્ઞાનં મત્-કીર્તનાદિ-લક્ષણ-ભક્તિ-રૂપમ્ । પરત્ર ધર્મસ્યાસ્ય ઇત્ય્ ઉક્તેઃ । કીર્તનાદેશ્ ચિચ્-છક્તિ-વૃત્તિત્વાત્ । જ્ઞાયતે ઽનેન ઇતિ નિરુક્તેશ્ ચ । તત્ કિલ ગુહ્યતમમ્ । દ્વિતીયાદાવ્ ઉપદિષ્ટં મદ્-ઐશ્વર્ય-જ્ઞાનં ગુહ્યતરમ્ ઇત્ય્ અર્થઃ । નવમાદાવ્ ઉપદેશ્યં તુ કેવલ-ભક્તિ-લક્ષણમ્ ઇદં જ્ઞાનં ગુહ્યતમમ્ ઇત્ય્ અર્થઃ । તચ્ ચ વિજ્ઞાન-સહિતં મદ્-અનુભવાવસાનં
તે વક્ષ્યામિ । કીદૃશાયેત્ય્ આહ અનસૂયવ ઇતિ । મદ્-ગુણેષુ દોષારોપ-રહિતાય દુર્ગમસ્ય સ્વ-રહસ્યસ્યાનુકમ્પયોપદેષ્ટરિ મયિ નિજૈશ્વર્ય-પ્રખ્યાપનેનાત્માનં પ્રશંસસીતિ દોષ-દૃષ્ટિ-શૂન્યાયેત્ય્ અર્થઃ । તેનાન્યો ઽપ્ય્ એતદ્ અનસૂયં પ્રતિ બ્રૂયાદ્ ઇતિ દર્શિતમ્ । યજ્ જ્ઞાત્વા ત્વમ્ અશુભાત્ સંસારાન્ મોક્ષ્યસે

ભ્ગ્ 9.2
રાજ-વિદ્યા રાજ-ગુહ્યં પવિત્રમ્ ઇદમ્ ઉત્તમમ્ ।
પ્રત્યક્ષાવગમં ધર્મ્યં સુસુખં કર્તુમ્ અવ્યયમ્