ભગવદ્ગીતા · અધ્યાય 67

વિશ્વનાથઃ ---
પાર્થ-પ્રશ્નોત્તરં યોગં મિશ્રાં ભક્તિં પ્રસઙ્ગતઃ ।
શુદ્ધાં ચ ભક્તિં પ્રોવાચ દ્વે ગતી અપિ ચાસ્ટમે ॥
પૂર્વાધ્યાયાન્તે બ્રહ્માદિ-સપ્ત-પદાર્થાનાં જ્ઞાનં ભગવતોક્તમ્ । અત્ર તેષાં તત્ત્વં જિજ્ઞાસુઃ પૃચ્છતિ દ્વાભ્યામ્ । અત્ર દેહે કો ઽધિયજ્ઞો યજ્ઞાધિષ્ઠાતા, સ ચાસ્મિન્ દેહે કથં જ્ઞેય ઇત્ય્ ઉત્તરસ્યાનુસઙ્ગી ॥1-2॥
બલદેવઃ -
ઉત્કાન્ પૃષ્ટઃ ક્રમાદ્ વ્યાખ્યદ્ બ્રહ્માદીન્ હરિર્ અષ્ટમે ।
યોગ-મિશ્રાં ચ શુદ્ધાં ચ ભક્તિ-માર્ગ-દ્વયં તથા ॥
પૂર્વાધ્યાયાન્તે મુમુક્ષાણાં જ્ઞેયતયોદ્દિષ્ટાન્ બ્રહ્માદીન્ સપ્તાર્થાન્ વિબોદ્ધુમ્ અર્જુનઃ પૃચ્છતિ । કિં તદ્ બ્રહ્મેતિ કિં પરમાત્મ-ચૈતન્યં વા । કિં જીવાત્મ-ચૈતન્યં વા તદ્ બ્રહ્મેત્ય્ અર્થઃ । કિમ્ અધ્યાત્મમ્ ઇતિ આત્માનં દેહમ્ અધિકૃત્યેતિ નિરુક્તેઃ । શ્રોત્રાદીન્દ્રિય-વૃન્દં વા સૂક્ષ્મ-ભૂત-વૃન્દં વા તદ્ ઇતિ । આવયોસ્ તૌલ્યાત્ કિમ્ ઇતિ માં પૃચ્છસીતિ શઙ્કાં નિવર્તયિતું સમ્બોધનં હે પુરુષોત્તમેતિ । પરેશત્વાત્ તવ સર્વં સુવિદિતં ન તુ મેમેતિ ભાવઃ । અધિભૂતં ચ કિમ્ ઇતિ ભૂતાન્ય્ અધિકૃત્યેતિ નિરુક્તેર્ ઘટ્યાદિ-કાર્યં વા સ્થૂલ-શરીરં
વા તદ્ ઇતિ । અધિદૈવં કિમ્ ઇતિ દેવતા-વિષયકમ્ અનુધ્યાનં વા સમષ્ટિર્ વિરાટ્ વા તદ્ ઇતિ

ભ્ગ્ 8.2
અધિયજ્ઞઃ કથં કો ઽત્ર દેહે ઽસ્મિન્ મધુસૂદન ।
પ્રયાણકાલે ચ કથં જ્ઞેયો ઽસિ નિયતાત્મભિઃ