ભગવદ્ગીતા · અધ્યાય 57

શ્રીધરઃ -
વિજ્ઞેયમ્ આત્મનસ્ તત્ત્વં સંયોગં સમુદીરિતમ્ ।
ભજનીયમ્ અથેદાનીમ્ ઐશ્વરં રૂપમ્ ઈર્યતે ॥
પૂર્વાધ્યાયાન્તે મદ્-ગતેનાન્તરાત્મના યો માં ભજતે સ મે યુક્તતમો મતઃ ઇત્ય્ ઉક્તમ્ । અત્ર કીદૃશસ્ ત્વં યસ્ય ભક્તિઃ કર્તવ્યેત્ય્ અપેક્ષાયાં સ્વ-સ્વરૂપં નિરુપયિષ્યન્ શ્રી-ભગવાન્ ઉવાચ મયીતિ । મયિ પરમેશ્વર આસક્તમ્ અભિનિવિષ્ટં મનો યસ્ય સઃ । મદ્-આશ્રયો ઽહમ્ એવાશ્રયો યસ્ય । અનન્ય-શરણઃ સન્ । યોગં યુઞ્જન્ન્ અભ્યસન્ અસંશયં યથા ભવત્ય્ એવમ્ । માં સમગ્રં વિભૂતિ-બલૈશ્વર્યાદિ-સહિતં યથા જ્ઞાસ્યસિ તદ્ ઇદં મયા વક્ષ્યમાણં શૃણુ