ભગવદ્ગીતા · અધ્યાય 48

શ્રીધરઃ :
ચિત્તે શુદ્ધે ઽપિ ન ધ્યાનં વિના સંન્યાસ-માત્રતઃ ।
મુક્તિઃ સ્યાદ્ ઇતિ ષષ્ઠે ઽસ્મિન્ ધ્યાન-યોગો વિતન્વતે ॥
પૂર્વાધ્યાયે સંક્ષેપેણોક્તં યોગં પ્રપઞ્ચયિતું ષષ્ઠાધ્યાયારમ્ભઃ । તત્ર તાવત્ સર્વ-કર્માણિ મનસા સંન્યસ્ય [ગીતા 5.13] ઇત્ય્ આરભ્ય સંન્યાસ-પૂર્વિકાયા જ્ઞાન-નિષ્ઠાયાસ્ તાત્પર્યેનાભિધાનાદ્ દુઃખ-રૂપત્વાચ્ ચ કર્મણઃ સહસા સંન્યાસાતિપ્રસઙ્ગં પ્રાપ્તં વારયિતું સંન્યાસાદ્ અપિ શ્રેષ્ઠત્વેન કર્મ-યોગં સ્તૌતિ અનાશ્રિત ઇતિ દ્વાભ્યામ્ । કર્મ-ફલમ્ અનાશ્રિતો ઽનપેક્ષમાણઃ સન્ન્ અવશ્ય-કાર્યતયા વિહિતં કર્મ યઃ કરોતિ, સ એવ સંન્યાસી યોગી ચ ન તુ નિરગ્નિર્ અગ્નિ-સાધ્યેષ્ટાખ્ય-કર્મ-ત્યાગી । ન ચાક્રિયો ઽનગ્નિ-સાધ્ય-પૂર્તાખ્ય-કર્મ-ત્યાગી