ભગવદ્ગીતા · અધ્યાય 43

શ્રીધરઃ : અત્રોત્તરં શ્રી-ભગવાન્ ઉવાચ સંન્યાસ ઇતિ । અયં ભાવઃ - ન હિ વેદાન્ત-વેદ્યાત્મ-તત્ત્વજ્ઞં પ્રતિ કર્મ-યોગમ્ અહં બ્રવીમિ । યતઃ પૂર્વોક્તેન સંન્યાસેન વિરોધઃ સ્યાત્ । અપિ તુ દેહાત્માભિમાનિનં ત્વાં બન્ધુ-વધાદિ-નિમિત્ત-શોક-મોહાદિ-કૃતમ્ એનં સંશયં દેહાત્મ-વિવેક-જ્ઞાનાસિના છિત્ત્વા પરમાત્મ-જ્ઞાનોપાય-ભૂતં કર્મ-યોગમ્ આતિષ્ઠેતિ બ્રવીમિ । કર્મ-યોગેન શુદ્ધ-ચિત્તસ્યાત્મ-તત્ત્વ-જ્ઞાને જાતે સતિ તત્-પરિપાકાર્થં જ્ઞાન-નિષ્ઠાઙ્ગત્વેન સંન્યાસઃ પૂર્વમ્ ઉક્તઃ । એવં સત્ય્ અઙ્ગ-પ્રધાનયોર્ વિકલ્પ-યોગાત્ સંન્યાસઃ કર્મ-યોગશ્
ચેત્ય્ એતાવ્ ઉભાવ્ અપિ ભૂમિકા-ભેદેન સમુચ્ચિતાવ્ એવ નિઃશ્રેયસં સાધયતઃ । તથાપિ તુ તયોર્ મધ્યે તુ કર્મ-સંન્યાસાત્ સકાશાત્ કર્મ-યોગો વિશિષ્ટો ભવતીતિ