અવદાનશતક · અધ્યાય 31

ઇતિ
ભગવાન્ આહ: એવમ્ એતદ્ આનન્દ, એવમ્ એતત્ । નાહેત્વપ્રત્યયમ્ આનન્દ તથાગતા અર્હન્તઃ સમ્યક્સંબુદ્ધાઃ સ્મિતં પ્રાવિષ્કુર્વન્તિ । પશ્યસ્ય્ આનન્દ એભિર્ ગોષ્ઠિકૈર્ મમૈવંવિધં સત્કારં કૃતમ્* । એવં ભદન્ત । એતે આનન્દ ગોષ્ઠિકા અનેન કુશલમૂલેન ચિત્તોત્પાદેન દેયધર્મપરિત્યાગેન ચ વિંશત્યન્તરકલ્પાન્ વિનિપાતં ન ગમિષ્યન્તિ, પશ્ચિમે ભવે પશ્ચિમે નિકેતે પશ્ચિમે સમુચ્છ્રયે પશ્ચિમે આત્મભાવપ્રતિલમ્ભે વલ્ગુસ્વરા નામ પ્રત્યેકબુદ્ધા ભવિષ્યન્તિ । અયમ્ એષાં દેયધર્મો યો મમાન્તિકે ચિત્તપ્રસાદ ઇતિ । તસ્માત્ તર્હિ ભિક્ષવ એવં શિક્ષિતવ્યમ્: યદ્ બુદ્ધપ્રત્યેકબુદ્ધાર્યશ્રાવકેષુ કારાન્ કરિષ્યામઃ । ઇત્ય્ એવં વો ભિક્ષવઃ શિક્ષિતવ્યમ્* ॥
ઇદમ્ અવોચદ્ ભગવાન્ । આત્તમનસસ્ તે ભિક્ષવો ભગવતો ભાષિતમ્ અભ્યનન્દન્* ॥
-------------------- વૈદ્ય, પ્. 78 --------------------
ચતુર્થો વર્ગઃ ।
તસ્યોદ્દાનમ્:
પદ્મકઃ કવડશ્ ચૈવ ધર્મપાલઃ શિબિસ્ તથા ।
સુરૂપો મૈત્રકન્યશ્ ચ શશો ધર્મગવેષિણા ।
અનાથપિણ્ડઃ સુભદ્રશ્ ચ વર્ગો ભવતિ સમુદ્દિતઃ ॥
અવ્શ્_31 પદ્મકઃ । (એદ્. સ્પેયેર્, વોલ્. ઇ)
બુદ્ધો ભગવાન્ સત્કૃતો ગુરુકૃતો માનિતઃ પૂજિતો રાજભી રાજમાત્રૈર્ ધનિભિઃ પૌરૈઃ શ્રેષ્ઠિભિઃ સાર્થવાહૈર્ દેવૈર્ નાગૈર્ યક્ષૈર્ અસુરૈર્ ગરુડૈઃ કિન્નરૈર્ મહોરગૈર્ ઇતિ દેવનાગયક્ષાસુરગરુડકિન્નરમહોરગાભ્યર્ચિતો બુદ્ધો ભગવાન્ જ્ઞાતો મહાપુણ્યો લાભી ચીવરપિણ્ડપાતશયનાસનગ્લાનપ્રત્યયભૈષજ્યપરિષ્કારાણાં સશ્રાવકસંઘઃ શ્રાવસ્ત્યાં વિહરતિ જેતવને ઽનાથપિણ્ડદસ્યારામે । શરત્કાલસમયે ભિક્ષવો રોગેણ બાધ્યન્તે પીતપાણ્ડુકાઃ કૃશશરીરા દુર્બલાઙ્ગાઃ । ભગવાંસ્ ત્વ્ અલ્પાબાધો ઽલ્પાતઙ્કો ઽરોગો બલવાન્* । તદ્દર્શનાદ્ ભિક્ષવો ભગવન્તં પપ્રચ્છુઃ: પશ્ય ભદન્ત એતે ભિક્ષવઃ શારદિકેન રોગેણ બાધ્યન્તે, પીતપાણ્ડુકાઃ કૃશશરીરા દુર્બલાઙ્ગાઃ । ભગવાંસ્ ત્વ્ અલ્પાબાધો ઽલ્પાતઙ્કો બલવાન્ અરોગજાતીયઃ, સમપાકયા ચ ગ્રહણ્યા સમન્વાગત ઇતિ ॥
ભગવાન્ આહ: તથાગતેનૈવૈતાનિ ભિક્ષવઃ પૂર્વમ્ અન્યાસુ જાતિષુ કર્માણિ કૃતાન્ય્ ઉપચિતાનિ લબ્ધસંભારાણિ પરિણતપ્રત્યયાનિ ઓઘવત્ પ્રત્યુપસ્થિતાન્ય્ અવશ્યંભાવીનિ । મયૈતાનિ કર્માણિ કૃતાન્ય્ ઉપચિતાનિ । કો ઽન્યઃ પ્રત્યનુભવિષ્યતિ? ન ભિક્ષવઃ કર્માણિ કૃતાન્ય્ ઉપચિતાનિ બાહ્યે પૃથિવીધાતૌ વિપચ્યન્તે, નાબ્ધાતૌ, ન તેજોધાતૌ, ન વાયુધાતૌ, અપિ તૂપાત્તેષ્વ્ એવ સ્કન્ધધાત્વાયતનેષુ કર્માણિ કૃતાનિ વિપચ્યન્તે શુભાન્ય્ અશુભાનિ ચ;
ન પ્રણશ્યન્તિ કર્માણ્ય્ અપિ કલ્પશતૈર્ અપિ । *{ઔછ્: કર્માણિ કલ્પકોટિશતૈર્ અપિ।}*
સામગ્રીં પ્રાપ્ય કાલં ચ ફલન્તિ ખલુ દેહિનામ્*