અથર્વવેદપરિશિષ્ટસ્ · ભાગ 8195

(અવ્પરિસ્_68,2.33) સ્વપ્ને યદા પ્રસૂયેત સુભિક્ષં નિર્દિશેત્ તદા । શયનાસનયાનાનિ ગૃહગ્રામપુરાણિ ચ ॥
(અવ્પરિસ્_68,2.34) યેષાં સ્વપ્ને પ્રલીયન્તે તેષાં વૃદ્ધિમ્ અથાદિશેત્ । ગોવૃષં પુરુષં વૃક્ષં હસ્તિનં પર્વતં ગૃહમ્ ॥
(અવ્પરિસ્_68,2.35) નરસ્યારોહણાદ્ વૃદ્ધિઃ પાણ્ડુરાણિ વિશેષતઃ । દૈવતાનિ દ્વિજા ગાવઃ પિતરો લિઙ્ગિનો ગ્રહાઃ ॥
(અવ્પરિસ્_68,2.36) યદ્ વદન્તિ નરં સ્વપ્ને તત્ તથૈવ વિનિર્દિશેત્ । સરિત્સરસમુદ્રાણાં તરણે શોકતારણમ્ ॥
(અવ્પરિસ્_68,2.37) નરસ્ય શોણિતં પીત્વા પ્રકૃતાણ્લ્ લભતે નરઃ । ચન્દ્રેન્દ્રધ્વજસૂર્યાણાં પતને નૃપતેર્ ભયમ્ ॥
(અવ્પરિસ્_68,2.38) મહાર્ણવમહેન્દ્રાણાં ક્ષોભે ક્ષોભં વિનિર્દિશેત્ । કેશશ્મશ્રુનખાનાં ચ પતને શોકસંભવઃ ॥
(અવ્પરિસ્_68,2.39) કૃમિણત્વં ભવેદ્ ધન્યં ક્રોષ્ટુકેર્ વચનં યથા । ક્રવ્યાદૈર્ દમ્ષ્ટ્રિભિશ્ ચાપિ વિનાશો ભૂતવિગ્રહે ॥
(અવ્પરિસ્_68,2.40) શસ્ત્રમુષ્ટિપ્રહારેષુ વિજાનીયાજ્ જ્વરાગમમ્ । યદ્યદ્ ઉજ્જ્વલવદ્ દ્રવ્યં તત્તત્ સુખકરં ભવેત્ ॥
(અવ્પરિસ્_68,2.41) યદ્યદ્ વિરુધ્યતે વાપિ સ્વપ્ને તત્ તસ્ય નિર્દિશેત્ । [નોપાનેન] પ્રજાતાનાં દર્શને સ્થાનમ્ આદિશેત્ ॥
(અવ્પરિસ્_68,2.42) ઉપાનહબલછત્ત્રદર્શને ચ ગ્ર્હે તથા । હસદ્ભિર્ વા પરિવૃતો નૃત્યદ્ભિઃ સ્વજનૈર્ અપિ ॥
(અવ્પરિસ્_68,2.43) સંયુક્તં સૂકરખરૈર્ ઉષ્ટ્રૈઃ કૃષ્ણચતુષ્પદૈઃ । રથમ્ આરુહ્ય યો યાયાદ્ અક્ષતસ્ તુ યુગંધરઃ ॥
(અવ્પરિસ્_68,2.44) પ્રકીર્ણકેશો હ્રિયતે દક્ષિણેનાપરેણ વા । દક્ષિણેનાગતા કન્યા કાલિકાકુલવાસિની ॥
(અવ્પરિસ્_68,2.45) નીયતે પુરુષૈર્ યશ્ ચ પાશહસ્તૈર્ વિશેષતઃ । નિરસ્તાનાં વિષમાણાં પ્રેતેનાકુશલં ભવેત્ ॥
(અવ્પરિસ્_68,2.46) પિણ્યાકસ્ય તિલાનાં ચ કર્ષાસુ લવણસ્ય ચ । રૂઢશ્મશ્રુનખાનાં ચ દુશ્ચેલાનાં ચ વાસસામ્ ॥
(અવ્પરિસ્_68,2.47) વિરાગવાસસાં વાપિ વિકૃતાનાં તથૈવ ચ । સરીસૃપાણાં વ્યાલાનાં શત્રૂણાં ચાપિ દર્શનમ્ ॥
(અવ્પરિસ્_68,2.48) કૃષ્ણાનાં વાપિ સર્વેષાં રાજદ્વિજવૃષાદ્ ઋતે । દર્શનં ગમનં વાપિ શોકમ્ આયાસવેદનમ્ ॥
(અવ્પરિસ્_68,2.49) પદ્મૈર્ વા જલભાણ્ડૈર્ વા ક્રીડિતાયાસદર્શનમ્ । પદ્માનિ વાહરેત્ સ્વપ્ને હસ્તછેદમ્ અવાપ્નુયાત્ ॥
(અવ્પરિસ્_68,2.50) પ્રસન્ને તુ ધ્રુવં શોકો રજ્જુછેદે મ્રિયેત સઃ । રૂઢસ્ય સ્રોતસા શોકો મૃત્યુઃ સ્રિઓતસિ નશ્યતઃ ॥
(અવ્પરિસ્_68,2.51) દન્તા બાહું તથા શીર્ષ્ણો છિન્નાંશદ્રવ્યદર્શનમ્ । ભ્રાતરં પિતરં વાપિ પુત્રં વા નાશયન્તિ તે ॥
(અવ્પરિસ્_68,2.52) દ્વારે વા સાર્ગલે વાપિ શય્યાં શખાં તથૈવ ચ । સ્વપ્ને યસ્ય પ્રનશ્યન્તિ ભાર્યા તસ્ય વિનશ્યતિ ॥
(અવ્પરિસ્_68,2.53) કૃકલાસો વૃકો વાપિ પુરુષો વાપિ પિઙ્ગલઃ । શય્યાં યસ્યાધિરોહન્તિ ભાર્યા તસ્યાપિ દુષ્યતિ ॥
(અવ્પરિસ્_68,2.54) સ્વપ્ને યો મારયેત્ સર્પં શ્વેતપીતકલોહિતમ્ । કૃષ્ણસ્ય વા શિરશ્ છિન્દ્યાત્ પુત્રસ્ તસ્ય વિનશ્યતિ ॥
(અવ્પરિસ્_68,2.55) રાજપુત્રશ્ ચ ચોરશ્ ચ રાજભૃટ્યશ્ ચ યો ભવેત્ । તસ્ય સ્વપ્નાઃ ફલં દદ્યુર્ એતેષુ યદ્ ઉદાહૃતમ્ ॥
(અવ્પરિસ્_68,2.56) યેષાં લાભે ભવેદ્ વૃદ્ધિસ્ તેષાં નાશે ગુણો ભવેત્ । યેષાં લાભે ભવેદ્ ધાનિસ્ તેષાં લાભે ગુણો ભવેત્ ॥
(અવ્પરિસ્_68,2.57) શુભં દૃષ્ટ્વા તુ યઃ સ્વપ્ને પુનઃ પશ્યત્ય્ અપૂજિતમ્ । શુભં વાપ્ય્ અશુભં વાપિ યત્ પશ્ચાત્ તત્ફલં લભેત્ ॥
(અવ્પરિસ્_68,2.58) સ્વપ્નાસ્ તુ પ્રથમે યામે સંવત્સરવિપાકિનઃ । દ્વિતીયે ઽષ્ટસુ માસેષુ તૃતીયે તુ તદર્ધભાક્ ॥
(અવ્પરિસ્_68,2.59) માસિકો ગોવિસર્ગે તુ સદ્યઃપાકઃ પ્રભાતિકે. કાલઃ પઞ્ચસ્વ્ અવસ્થાસુ શર્વર્યાઃ કીર્તિતઃ પૃથક્ ॥
(અવ્પરિસ્_68,2.60) વિપ્રેભ્યઃ શક્તિતો દાનં શાન્તિઃ સ્વષ્ટ્યયનાદયઃ । વિનાશયન્તિ દુઃસ્વપ્નં પ્રાતશ્ ચાશ્વત્થસેવનમ્ ॥
(અવ્પરિસ્_68,2.61) અશ્વત્થસેવા તિલપાત્રદાનં ગોસ્પર્શનં બ્રાહ્મણતર્પણં ચ । શાન્તિક્રિયા સ્વસ્ત્યયનક્રિયા ચ દુઃસ્વપ્નમ્ એતાનિ વિનાશયન્તિ ॥
(અવ્પરિસ્_68,2.62) વસ્નકનકદાનદેવપૂજાગુરુગોષ્ઠનિષેવિતાનિ કુર્યુઃ । દ્વિજવૃષબ્ઃગવાશ્વપાર્થિવાનાં દર્શનમ્ ઇતિહાસમઙ્ગલાઃ સ્યુઃ ॥
(અવ્પરિસ્_68,3.1) ઇમાન્ દૃષ્ટ્વાશુભાન્ સ્વપ્નાન્ પ્રાતર્ ઉત્થાય સત્વરઃ । નદીસંગમતોયેન મુખં સંમાર્જ્ય તત્ત્વતઃ ॥
(અવ્પરિસ્_68,3.2) હિરણ્યવર્ણાભિર્ ઉદકં શંતાતીયમયોભુવા । અભિમન્ત્ર્ય પ્રયત્નેન મુખં સંમાર્જ્ય તત્ત્વતઃ ॥
(અવ્પરિસ્_68,3.3) યો ન જીવઃ પરો ઽપેહિ વિદ્મ તે સ્વપ્ન વેદનમ્ । રોચના સર્ષપા મૃદા સમિત્ સકુસુમં દધિ ॥
(અવ્પરિસ્_68,3.4) ગામ્ અજં કનકં સત્ત્વં કુમારીં બ્રાહ્મણં શુભમ્ । અભિવન્દ્ય નૃપો યાયાત્ સુહૃદાંશ્ ચ મનોહરાન્ ॥
(અવ્પરિસ્_68,3.5) યદા તુ યાત્રાં નૃપતિઃ કર્તુમ્ ઇચ્છેદ્ વિધાનવિત્ । અથ સ્વસ્ત્યયનૈઃ [સૌમ્યૈઃ સૌમ્યૈસ્ તમ્ અભિમન્ત્રયેત્ ॥
(અવ્પરિસ્_68,3.6) તતઃ શુક્લામ્બરધરો વાગ્યતઃ સંયતેન્દ્રિયઃ । તાં નિશં સંવિશેદ્ રાજા ભૂમૌ ચૈવાભિમન્ત્રયેત્ ॥
(અવ્પરિસ્_68,3.7) [અન્યથૈવ હિ ન સ્વપ્નદર્શનાર્થનિદર્શનમ્] । એવમ્ ઉક્ત્વા નરપતિઃ પ્રયતાત્મા તતઃ સ્વપેત્ ॥
(અવ્પરિસ્_68,3.8) પ્રશસ્તસ્વપ્નતાં દૃષ્ટ્વા તતો યાયાન્ નરાધિપઃ । સ્વપ્નેષુ વાપ્રશસ્ત્રેષુ તતઃ શાન્તિં સમારભેત્ ॥
(અવ્પરિસ્_68,3.9) માહેન્દ્રીમ્ અમૃતાં રૌદ્રીં કુર્યાદ્ વાપ્ય્ અપરાજિતામ્ । કૌબેરીં વા પ્રયુઞ્જીત આદિત્યાં વા સદક્ષિણામ્ ॥
(અવ્પરિસ્_68,3.10) રજનિકરદિવાકરૌ કરાભ્યાં સ્પૃશતિ યદા ગ્રસતે ઽથ વા નરેન્દ્રઃ । લવણજલનિધિં નદીં ચ દોર્ભ્યાં તરતિ હ્રદાપદકર્દમં તમો વા ॥

(અવ્પરિસ્_68,3.11) નરતુરગમહીરુહાન્ નગાન્ વા ભવનચરાન્ ન વિરોહયેદ્ ગજાન્ વા । જ્વલનમરણકાલવૃદ્ધયોગાન્ યદિ નૃપ આત્મગતાંશ્ ચ પશ્યતીહ ॥
(અવ્પરિસ્_68,3.12) યદિ ચ નૃપતિર્ આત્મનો ઽભ્રચારૈર્ ભ્રમતિ મહીં સપુરાં પરિક્ષિપેત્ । યદિ ચ સ ચિરમગ્નગાત્રમાત્રો ભ્રમતિ નૃપો ગ્રસતે ઽથ મેદિનીં વા ॥
(અવ્પરિસ્_68,3.13) યદિ ચ જયતિ દમ્ષ્ટ્રિણો નરાન્ વા યદિ ચ ભવેત્ સિતમાલ્યદાનધારી । યદિ ચ રુદિતિ ચૈવમ્ આદિ દૃષ્ટ્વા પરવિષયં હૃષિતસ્ તતસ્ તુ યાયાત્ ॥
(અવ્પરિસ્_68,4.1) સ કલુષસલિલાવપાંસુમગ્નો મધુઘ્}ઋતતૈલવસાપ્રદિગ્ધગાત્રઃ । મલિનવસનજીર્ણરક્તવાસા યદિ સુમનોભિર્ અલંકૃતઃ સ્વયં વા ॥
(અવ્પરિસ્_68,4.2) સ્વપિતિ જયતિ ખાદતિ પ્રહૃષ્ટો વિલપતિ નર્તતિ ગાયનપ્રહાસૈઃ । ભવતિ ચ મુદિતો લભેત કન્યાં યદિ નૃપતિર્ નયશો ભવેજ્ જયાર્થી ॥
(અવ્પરિસ્_68,4.3) મયખરસૂકરવાનરાધિરૂઢો હૃતમુકુટાઙ્ગદવસ્ત્રચિહ્નનગ્નઃ । વિનિહતતુરગદ્વિપો નરેન્દ્રો યદિ પતિતધ્વજવાંસ્ તતો ન યાયાત્ ॥
(અવ્પરિસ્_68,4.4) નરપતિર્ અપરાજિતઃ પરૈર્ યો યદિ ચ પરૈઃ પરિહસ્યતે મદદ્ભિઃ । યદિ ચ ભવતિ દુર્દૃશોગ્રરૂપો <અથ> ન સ ઈદૃશકઃ પરાન્ પ્રયાયાત્ ॥
(અવ્પરિસ્_68,4.5) સ્વપ્નાન્ દૃષ્ટ્વા શુભાન્ રાજા જપદ્ભિર્ અભિમન્ત્રિતઃ । યુક્તઃ સ શકુનૈર્ ભૂપ ઉત્પાતગણવર્જિતઃ ॥
(અવ્પરિસ્_68,4.6) સહાયવાન્ સુસંનદ્ધો નિમિત્તજ્ઞૈઃ સમન્વિતઃ । સુમુહૂર્તે સુનક્ષત્રે પ્રયાયાદ્ વસુધાધિપઃ ॥
(અવ્પરિસ્_68,5.1) તૈલાભ્યક્તશ્ ચ કૃસરાં ભુઙ્ક્તે તૈલપરિપ્લુતામ્ । માતરં પ્રવિશેદ્ યશ્ ચ જ્વલિતં ચ હુતાશનમ્ ॥
(અવ્પરિસ્_68,5.2) પ્રાસદાત્ પર્વતાગ્રાદ્ વા પતેદ્ યશ્ ચાપિ માનવઃ । મગ્નઃ કર્દમકૂપેષુ જલે યશ્ ચાપિ નશ્યતિ ॥
(અવ્પરિસ્_68,5.3) દ્રુમમ્ ઉન્મૂલયેદ્ યસ્ તુ પશ્યેદ્ રાજ્ઞોપસેવકમ્ । કુમારીવદને યશ્ ચ વાનરીં વાધિગચ્છતિ ॥
(અવ્પરિસ્_68,5.4) રક્તકણ્ઠગતે વાપિ યસ્ય કણ્ઠે વિસર્જતિ । વિવર્ણો વાપિ પાશૈર્ યો બધ્યતે મ્રિયતે તુ સઃ ॥
(અવ્પરિસ્_68,5.5) કાંસ્યં વા કાંસ્યપાત્રીં વા યસ્ય તેજો ઽધિરોહતિ । અચિરેણૈવ કાલેન સો ઽસિના વધ્યતે નરઃ ॥
(અવ્પરિસ્_68,5.6) યૂપાગ્રમ્ અધિરુહ્યાથ નાવાગ્રમ્ અધિરોહતિ । અચિરેણૈવ કાલેન શૂલાગ્રં સો ઽધિરોહતિ ॥
(અવ્પરિસ્_68,5.7) મુણ્ડઃ કાષાયવાસો વા શ્વેતરક્તપટો ઽપિ વા । સ્વપ્ને યસ્યાધિરોહન્તિ વ્યાધિસ્ તસ્યાધિરોહતિ ॥
(અવ્પરિસ્_68,5.8) શ્વા વા અજગરો ગોધા તરક્ષુ શલ્યકો ઽપિ વા । કૃકલાસો રુરુર્ વ્યાઘ્રો દ્વીપી યસ્યાધિરોહતિ ॥
(અવ્પરિસ્_68,5.9) અહિશ્ ચ રૌદ્રજટિલઃ શ્વેતરક્તપટો ઽપિ વા । સ્વપ્ને યમ્ ઉપતિષ્ઠન્તિ વ્યાધિસ્ તમ્ ઉપતિષ્ઠતિ ॥
(અવ્પરિસ્_68,5.10) મહીભસ્મપ્રદિગ્ધાઙ્ગો નિરાવરણ એવ ચ । સમસ્યાનાં સજાતાનામ્ ઉત્સવાનાં ચ દર્શનમ્ ॥
(અવ્પરિસ્_68,5.11) દુર્ગમ્ અધ્વાનગમનમ્ અનૂપાનાં ચ સેવનમ્ । અભ્યઙ્ગશ્ ચૈવ ગાત્રાણાં તિલગોમયકર્દમૈઃ ॥
(અવ્પરિસ્_68,5.12) સુવર્ણમણિમુક્તાનિ ભૂષણં રજતાનિ ચ । દર્શનં વાપ્ય્ અથૈતેષાં વ્યાધીનાં સંપ્રવેશનમ્ ॥
(અવ્પરિસ્_68,5.13) ગાયનં નર્તનં હાસ્યં વિવાહકરણં તથા । આનન્દશ્ ચ પ્રમોદશ્ ચ વ્યસનસ્ય ચ દર્શનમ્ ॥
(અવ્પરિસ્_68,5.14) પુરાણઘૃતદિગ્ધાઙ્ગો નરો મરણમ્ આપ્નુયાત્ । એવમ્ ઉક્તા મહોત્પાતા વિવિધાઃ પૂર્વચોદિતઃ ॥
(અવ્પરિસ્_68,5.15) ઉલ્કાભેદાસ્ તથા પઞ્ચ પરિવેષા નવ સ્મૃતાઃ । દિગ્દાહો ઽષ્ટવિધઃ પ્રોક્તો વિદ્યુદ્ અષ્ટવિધા તથા ॥
(અવ્પરિસ્_68,5.16) ચત્વારો ભૂમિકમ્પાશ્ ચ નિર્ઘાતો ઽષ્ટવિધસ્ તથા । વિંશતી દ્વે ચ વિજ્ઞેયા ભેદા હ્ય્ ઉલ્કાદિષુ સ્મૃતાઃ ॥
(અવ્પરિસ્_68,5.17) મહોત્પાતાશ્ ચ બહવઃ શાન્તિયોગેષુ કીર્તિતાઃ । તેષુ સર્વેષુ વિધિવચ્ છાન્તિકામો નરાધિપઃ ॥
(અવ્પરિસ્_68,5.18) અથર્વાણં ચ વૃણુયાત્ સર્વશાસ્ત્રવિદં નૃપઃ । સ વૃતો ભયભીતેન શમનાર્થં મહાત્મના ॥
(અવ્પરિસ્_68,5.19) પ્રજાનામ્ અભયં સમ્યગ્ દાપયેત્ પૃથિવીપતિઃ । અનન્તરં ગવાં પૂજા બ્રાહ્મણાનાં વિશેષતઃ ॥
(અવ્પરિસ્_68,5.20) દેવતાયતને સદ્યો દોહાન્ ભૂમૌ પ્રકારયેત્ । સતતં ચાનુલિપ્યસ્ તુ પુષ્પૈર્ ધૂપૈર્ યથોદિતૈઃ ॥
(અવ્પરિસ્_68,5.21) પ્રદીપૈર્ વિવિધૈઃ શુભ્રૈઃ સર્વદિક્ષુપ્રકલ્પિતૈઃ । તથા બલ્યુપહારૈશ્ ચ પાયસાપૂપસંયુતૈઃ ॥
(અવ્પરિસ્_68,5.22) હૃદ્યૈર્ બહુવિધૈર્ ભક્ષૈઃ સર્વદિક્ષુપ્રકલ્પિતૈઃ । તસ્મિન્ન્ એવાન્તરે શાન્તે ગોષ્ઠે વા જલસંનિધૌ ॥
(અવ્પરિસ્_68,5.23) નિર્ગત્ય નગરાદ્ વાપિ શુચૌ દેશે સમાહિતઃ । વૃણુયાચ્ છાન્તિતત્ત્વજ્ઞાન્ ઉત્પાતવિહિતાઞ્ શુભાન્ ॥
(અવ્પરિસ્_68,5.24) ષોડશાષ્ટૌ વૃતાસ્ તે ચ પુરશ્ચરણશોધિતાઃ । અઙ્ગાનિ કુર્યુર્ અન્યે ચ શતસંખ્યા દ્વિજોત્તમાઃ ॥
(અવ્પરિસ્_68,5.25) ઉદયાસ્તે સુખાસીના જપં કુર્યુર્ અતન્દ્રિતાઃ । તે સદસ્યા ઇતિ પ્રોક્તા વાચને યજ્ઞકર્મણિ ॥
(અવ્પરિસ્_68,5.26) તેષાં વરિષ્ઠઃ શાન્તિજ્ઞ ઉપદ્રષ્ટા મનોહરઃ । સર્વકર્મસુ વેત્તા ય આનયેત્ સો ઽપ્ય્ અથાદરાત્ ॥
(અવ્પરિસ્_68,5.27) ભૂમિં સંશોધ્ય વિધિવત્ કૃત્વા તત્ર ચ મણ્ડપમ્ । વિધિવત્ કલ્પયેદ્ વેદિં યજ્ઞપાત્રાણિ ચ સ્વયમ્ ॥
(અવ્પરિસ્_68,5.28) એવં યથોક્તવિધિના અગ્નિમન્થનપૂર્વકામ્ । મહાશાન્તિં પ્રયુઞ્જીત સર્વોપદ્રવનાશિનીમ્ ॥
(અવ્પરિસ્_68,5.29) અન્નૈર્ વસ્ત્રૈશ્ ચ વિવિધૈઃ સંયુક્તાં બહુદક્ષિણામ્ । કારયિત્વા મહાશાન્તિં વરં ગાં ચ નિવેદયેત્ ॥
(અવ્પરિસ્_68,5.30) ગૃહમ્ આભરણં છત્ત્રમ્ અનડુદ્વાજિનં તથા । કુઞ્જરં વા તથા દત્ત્વા ઘણ્તાભરણભૂષિતમ્ ॥
(અવ્પરિસ્_68,5.31) મહત્ સુખમ્ અવાપ્નોતિ કાર્યસિદ્ધિં ચ વિન્દતિ । કાર્યસિદ્ધિં ચ વિન્દતિ ॥

(પરિશિષ્ટ_69. અથર્વહૃદયમ્)
(અવ્પરિસ્_69,1.1) ઓમ્ ઉપસંગમ્ય મુનયઃ સર્વજ્ઞં શાન્તમાનસમ્ । અપૃચ્છન્ ગતમાત્સ્યર્યં ભૃગું બ્રહ્મવિદાં વરમ્ ॥
(અવ્પરિસ્_69,1.2) કામા હિ બહવો લોકે સંસ્થિતા ભિન્નસાધનાઃ । એકમ્ એવ પરં તેષાં સમ્યક્ ત્વં બ્રૂહ્ય્ અસંશયમ્ ॥
(અવ્પરિસ્_69,1.3) સમાસેન પ્રવક્ષ્યામિ યેન સર્વં પ્રદદ્યતે । અતિપ્રશ્નો ઽયમ્ ઉદ્ગીર્ણસ્ તથાપિ કથયામ્ય્ અહમ્ ॥
(અવ્પરિસ્_69,1.4) સર્વાર્થસાધનાર્થાય શ્રુતિર્ આઙ્ગિરસી હિતા । સ્વતેજસા પ્રજ્વલન્તી હૃદયં તદ્ અથાર્વણામ્ ॥
(અવ્પરિસ્_69,1.5) પ્રભાવં તસ્ય વક્ષ્યામિ ઉપરિષ્ટાદ્ યથાવિધિ । દુઃસાધ્યાનિ નિમિત્તાનિ તાનિ વેદ્મિ હિ કાનિ ચિત્ ॥
(અવ્પરિસ્_69,2.1) અકાલે યસ્ય જાયન્તે દન્તાઃ કેશૈર્ વિવર્જિતઃ । પ્રભૂતલમ્બકેશો વા તથા હીનાધિકાઙ્ગુલિઃ ॥
(અવ્પરિસ્_69,2.2) દ્વિદન્તશ્ ચાપિ જાયેત તસ્ય કર્મ સ્વશાખિકમ્ । સ્વશાખાયાં તુ યત્ પ્રોક્તં કુર્યાદ્ વાથર્વણં વિધિમ્ ॥
(અવ્પરિસ્_69,2.3) દ્વિમૂર્ધા વા ત્રિનેત્રો વા તથૈકાક્ષિર્ દ્વિનાસિકઃ । હીનહસ્તો ઽપરો હ્ય્ અર્થે ન ત્વ્ અથર્વશિરાઃ સ ચ ॥
(અવ્પરિસ્_69,2.4) કૃતોપચારઃ પઞ્ચ સપ્ત શુદ્ધાત્મા સાધ્યસત્કૃતઃ । સ શાન્ત્યુદકમ્ આચમ્ય શાન્તવૃક્ષસમીપતઃ ॥
(અવ્પરિસ્_69,2.5) શાન્તવૃક્ષસમિદ્ભિસ્ તુ તિલૈસ્ ત્રિમધુરૈસ્ તથા । હોમં કુર્યાદ્ અથર્વા તુ તેન નન્દતિ સત્કુલમ્ ॥
(અવ્પરિસ્_69,3.1) ન લભેદ્ યદ્ય્ અથર્વાણં કુર્યાદ્ દશગુણં સ્વયમ્ । મહાવ્યાહૃતિહોમં ચ સાવિત્રં જપમ્ એવ ચ ॥
(અવ્પરિસ્_69,3.2) વિકૃતાઙ્ગો ઽધિકાઙ્ગો વા જાતો હીનાઙ્ગો એવ વા । કુલસ્યાદ્ભુતમ્ અત્યર્થં તદ્ અથર્વા શમં નયેત્ ॥
(અવ્પરિસ્_69,3.3) કપ્યુષ્ટ્રેભગવાદીનાં જાયન્તે ઽઙ્ગમુખૈઃ સમાઃ । યસ્મિન્ રાષ્ટ્રે નૃપસ્ તત્ર ષણ્માસાદ્દ્ હિ વિનશ્યતિ ॥
(અવ્પરિસ્_69,3.4) કપ્યાદયો વ જાયન્તે અન્યસ્ય તુલ્યગાત્રકાઃ । વૃક્ષે ઽન્યવૃક્ષજં પુષ્પં જાયતે ફલમ્ એવ વા ॥
(અવ્પરિસ્_69,3.5) દ્વિજોત્તમમ્ અથર્વાણં તત્રેચ્છેચ્ છાન્તિમ્ આત્મનઃ । કારયેત મહાશાન્તિં રાષ્ટ્રસ્ય ચ પુરસ્ય ચ ॥
(અવ્પરિસ્_69,4.1) ઉપસ્થિતે રાજ્યનાશે મહારૌરવ એવ વા । દુર્ભિક્ષે મરકે વાપિ અનાવૃષ્ટિભયે ઽપિ વા ॥
(અવ્પરિસ્_69,4.2) સર્વં રાષ્ટ્રે વિનશ્યેત સસ્યં શલભમૂષકૈઃ । અકસ્માન્ નિર્જલા વા સ્યાદ્ અશોષા વા મહાસરિત્ ॥
(અવ્પરિસ્_69,4.3) તથાન્યેષ્વ્ અપુ અનુક્તેષુ ઘોરેષૂપસ્થિતેષુ ચ । કુર્યુઃ શાન્તિમ્ અથર્વાણો દ્વિજા હ્ય્ એતેષુ ભેષજમ્ ॥
(અવ્પરિસ્_69,4.4) લભતે રાજ્યયોગ્યો ઽપિ ન રાજ્યં રજ^નન્દનઃ । પઠન્ ન લભતે વિદ્યાં દ્વિજઃ શૃણ્વન્ન્ અપિ શ્રુતમ્ ॥
(અવ્પરિસ્_69,4.5) આધિત્સુર્ અપિ નાધાનં કુર્યાદ્ આવાસમ્ એવ ચ । કન્યા પરિણિનીષુર્ વા કામ્યેષ્વ્ ઇષ્ટપતિં ન ચ ॥
(અવ્પરિસ્_69,5.1) વન્ધ્યા વા મૃતવત્સા યા દુર્ભગા સ્ત્રીપ્રસૂ ચ યા । સકૃત્પ્રસૂતા યા નારી ગર્ભં ગૃહ્ણાતિ નૈવ ચ ॥
(અવ્પરિસ્_69,5.2) સૂતિકાલે ઽપ્ય્ અતિક્રાન્તે ગર્ભે સ્ફુરણવત્ય્ અપિ । ન સૂતિં લભતે યા તુ બહુપુત્રીયતે ચ યા ॥
(અવ્પરિસ્_69,5.3) કૃષીવલઃ કૃષીવલં જયત્ય્ આયુધજીવ્ય્ અપિ । જયાપ્સુર્ વ્યવહારે વા સૌભાગ્યં સાર્વભૌતિકમ્ ॥
(અવ્પરિસ્_69,5.4) અથાપહન્તું ભયમ્ એવમાદિકં યદાભિલષ્યેત્ ફલમ્ ઉક્તમ્ એવ વા । તદાઙ્ગિરસ્યં વરમન્ત્રસંપદા સ્ફુરન્તમ્ ઉચ્ચૈઃ શરણં વ્રજેદ્ દ્વિજમ્ ॥
(અવ્પરિસ્_69,5.5) રાત્રૌ દ્વિછાયવૃક્ષં વા કુસ્વપ્નં વાપિ રિષ્ટદમ્ । દિવા ગ્રહાન્ નિરીક્ષેત ભૂમિકમ્પૈવમાદિકમ્ ॥
(અવ્પરિસ્_69,6.1) જ્વાલાદ્ભુતાન્ય્ અથ પ્રોક્તાનિ યાનિ ઉલ્કાદિભેદા ગદિતાસ્ તથા યે । સ્વપ્નાદ્ભુતાન્ય્ અપિ વાન્યાદ્ભુતાનિ ગૃહેષુ યાન્ય્ અર્થવિદો વદન્તિ ॥
(અવ્પરિસ્_69,6.2) એતેષુ શાન્તિં કુર્વીત અમૃતાં વા સદક્ષિણામ્ । રૌદ્રીં વા વૈશ્વદેવીં વા અભયાં વાપરાજિતામ્ ॥
(અવ્પરિસ્_69,6.3) ગોભૂહિરણ્યવસ્ત્રાન્નૈસ્ તિલૈર્ વા સફલૈઃ શુભૈઃ । ઉપાનચ્છત્ત્રસંયુક્તાં ગુર્વાભરણસંયુતામ્ ॥
(અવ્પરિસ્_69,6.4) પ્રતિપતીયથોક્તં વા યઃ કુર્વીત વિધાન્વિત્ । એતદ્ ઉત્પાતજં સર્વં મહાશાન્ત્યા પ્રલીયતે ॥
(અવ્પરિસ્_69,6.5) યસ્ય રાજ્ઞો જનપદે અથર્વા શાન્તિપારગઃ । નિવસત્ય્ અપિ તદ્રાષ્ટ્રં વર્ધતે નિરુપદ્રવમ્ ॥
(અવ્પરિસ્_69,7.1) યસ્ય રાજ્ઞો જનપદે સ નાસ્તિ વિવિધૈર્ ભયૈઃ । પીડ્યતે તસ્ય તદ્ રાષ્ટ્રં પઙ્લે ગૌર્ ઇવ મજ્જતિ ॥
(અવ્પરિસ્_69,7.2) તસ્માદ્ રાજા વિશેષેણ અથર્વાણં જિતેન્દ્રિયમ્ । દાનસંમાનસત્કારૈર્ નિત્યં સમભિપૂજયેત્ ॥
(અવ્પરિસ્_69,7.3) નિત્યં ચ કારયેચ્ છાન્તિં ગ્રહઋક્ષાણિ પૂજયેત્ । ભૂમિદોહાન્ પ્રકુર્વીત દેવતાયતનેષુ ચ ॥
(અવ્પરિસ્_69,7.4) ચતુષ્પથેષુ ગોષ્ઠેષુ તીર્થેષ્વ્ અપ્સુ ચ કારયેત્ । ગોતર્પણં ચ વિધિવત્ સર્વદોષવિનાશનમ્ ॥
(અવ્પરિસ્_69,7.5) એવં તુ ખ્યાપયન્ રાજા સર્વકાલં જિતેન્દ્રિયઃ । અનન્તં સુખમ્ આપ્નોતિ કૃત્સ્નાં ભુઙ્ક્તે વસુંધરામ્ ॥
(અવ્પરિસ્_69,8.1) ઉપસ્થિતં મૃત્યુમ્ અપિ દ્વિજોત્તમઃ શમં નયેત્ । અધીત્યાથર્વાઙ્ગિરસસ્ તાદૃશમ્ આધૃતવ્રતઃ ॥
(અવ્પરિસ્_69,8.2) દ્યુતિં પ્રભાં સદા સ્ફુરન્ મન્ત્રપવિત્રવાન્ નરઃ । નૃપે ધનિનિ ચાન્યત્ર શાન્ત્યાપ્ત્વા દક્ષિણાં બુધઃ ॥
(અવ્પરિસ્_69,8.3) સીદન્ કુટુમ્બકઃ પોષં ગૃહીત્વાન્યત્ સમુત્સૃજેત્ । ત્રિઃ સંહિતાં હવિષ્યાદ્યં જપેત્ કૃચ્છ્રં ચ શુદ્ધયે ॥
(અવ્પરિસ્_69,8.4) સાવિત્રીલક્ષમ્ અયુતં સહસરમ્ અથ ચોત્તરમ્ । જપ્ત્વા દશાંશકો હોમઃ કાર્યો દોષાનુસારતઃ ॥

(અવ્પરિસ્_69,8.5) શતીરનિર્મલો યસ્ તુ નાર્ચિતો ઽપિ દ્વિજોત્તરમ્ । અમત્સરી નિતાન્તં યઃ સો ઽત્ર શાન્તિં સમારભેત્ ॥
(અવ્પરિસ્_69,8.6) એવંવિધો ઽઙ્ગિરા યત્ર યાનિ સાધ્યાનિ સાધયેત્ । ન ન્યૂનં તત્ર કિંચિત્ સ્યાદ્ ઇતિ તદ્ ભૃગુભાષિતમ્ ॥
(અવ્પરિસ્_69,8.7) લઘુશાન્ત્યુદકવિધિના ગાયત્ર્યા વાપુ અથર્વકઃ । કુર્યાત્ સર્વમ્ ઇદં જાનન્ન્ અથર્વહૃદયં બુધઃ ॥
(અવ્પરિસ્_69,9.1) યે ન જાનન્ત્ય્ અધીતા અપિ શ્રુતિમ્ આઙ્ગિરસીં દ્વિજાઃ । અથર્વહૃદયં ચાપિ ન તે વેદવિદઃ સ્મૃતાઃ ॥
(અવ્પરિસ્_69,9.2) અથર્વહૃદયં વેત્તા અથર્વા પરમઃ સ્મૃતઃ । નાથર્વણે ઽપ્ય્ ઇદં દેયં ગુરોર્ વિદ્વેષયાયિનિ ॥
(અવ્પરિસ્_69,9.3) અન્યશાખ્યં દ્વિજો મોહાત્ પાઠયન્ પ્રવિલીયતે । અથર્વહૃદયં બુદ્ધ્વા યઃ પઠેદ્ ભક્તિપૂર્વકમ્ ॥
(અવ્પરિસ્_69,9.4) અથર્વા નાદ્ભુતં તસ્ય શાન્તિર્ એવ સદા ભવેત્ । શાન્તિર્ એવ સદા ભવેત્ ॥
(પરિશિષ્ટ_70. ભાર્ગવીયાણિ)
(અવ્પરિસ્_70,1.1) ઓં સંપૂજ્ય વિધિવત્ પ્રાજ્ઞં વિદ્વાંસો મુનયઃ પુરા । અપૃચ્છન્ ભૃગુમ્ અવ્યગ્રં સર્વસત્ત્વહિતે રતમ્ ॥
(અવ્પરિસ્_70,1.2) લોકત્રયનિવિષ્ટાનામ્ ઉત્પાતાનામ્ અનેકધા । ભિન્નાનાં શમનં નોક્તં વદ ત્વ્ અસંશયં મુને ॥
(અવ્પરિસ્_70,1.3) પ્રત્યુવાચ ભૃગુર્ વિપ્રાન્ શૃણુતાહિતમાનસઃ । ઉત્પાતશમનત્રિત્વં કથ્યમાનમ્ અસંશયમ્ ॥
(અવ્પરિસ્_70,1.4) તત્ર વિપ્રાન્ પ્રવક્ષ્યામિ દુરિષ્ટશમનક્ષમાન્ । અથર્વાઙ્ગિરસો વેદે વિધિજ્ઞાન્ સર્વકર્મણામ્ ॥
(અવ્પરિસ્_70,1.5) અહિંસાસત્યદાક્ષિણ્યશૌચશ્રદ્ધાસમન્વિતાઃ । શ્રુતિસ્મૃતિસદાચારાઃ કુલશીલવયો ઽન્વિતાઃ ॥
(અવ્પરિસ્_70,1.6) તેષામ્ એકઃ પ્રધાનત્વે યઃ શાન્તો દ્વિજસત્તમઃ । ભૃગ્વઙ્ગિરોવિદ્ અત્યર્થં શુચિઃ સ્યાત્ સાધુસંમતઃ ॥
(અવ્પરિસ્_70,1.7) બ્રહ્માણં તં નૃપઃ કુર્યાદ્ ધોતારં સર્વવેદિનમ્ । એવમ્ ઉક્તે ભૃગું વિપ્રાઃ પ્રોચુર્ વિગતકલ્મષમ્ ॥
(અવ્પરિસ્_70,1.8) હોતારો ભૂમિભર્તૄણાં મહાશાન્તેઃ પ્રકીર્તિતાઃ । નનુ ક્ષીણે વિદ્વન્ સ્વધર્મપ્રચ્યુતે ઽપિ વા ॥
(અવ્પરિસ્_70,1.9) તત્ર શાન્તૌ પ્રયુક્તાયાં કસ્ય શાન્તિફલં ભવેત્ । નૃપો ઽપ્ય્ અધાર્મિકઃ કુર્યાદ્ બ્રહ્મણસ્ તર્પણં પુરા ॥
(અવ્પરિસ્_70,1.10) તતઃ કૃતા મહાશાન્તી રાજાનં પાતિ સર્વતઃ । સ વૃતઃ પાવનં ગચ્છેદ્ દ્વિજાનાં પાવનાય વૈ ॥
(અવ્પરિસ્_70,1.11) દ્વાદશાહં વ્રતં તત્ર પયોમૂલફલાશનૈઃ ॥
(અવ્પરિસ્_70,2.1) ત્રીણિ ત્ર્યહાણિ કુર્વીત પયોમૂલફલૈઃ શુભૈઃ । અનશ્નંશ્ ચ ત્ર્યહં ધીરઃ સ પુરશ્ચરણો ભવેત્ ॥
(અવ્પરિસ્_70,2.2) તથૈકોનં શતં નૄણાં શુશ્રૂષૂણામ્ અકલ્મષમ્ । અનુક્તવચ્ ચ ત્ર્યહં તત્ કર્મણઃ કરણે ક્ષમમ્ ॥
(અવ્પરિસ્_70,2.3) કૃચ્છ્રં ચાપિ હિતં કૃત્વા કુર્યુઃ કર્મ સમાહિતાઃ । શુદ્ધાત્માનો જપૈર્ હોમૈર્ વૈદિકૈર્ વીતમત્સરાઃ ॥
(અવ્પરિસ્_70,2.4) તતઃ પરં પુરોધઃસુ દિવ્યં તત્રમ્ અવાપ્નુયાત્ । ગ્રહાતિથ્યં ચ સંરભ્ય દિશાં યાગં ચ સર્વતઃ ॥
(અવ્પરિસ્_70,2.5) નક્ષત્રેષુ ચ સર્વેષુ યાગં કૃત્વા વિધાનતઃ । તતો ઽમૃતમહાશાન્ત્યા સ્થાપયેત્ પદ્મસંભવમ્ ॥
(અવ્પરિસ્_70,3.1) સાવિત્ર્યા લક્ષહોમં તુ ભૌમે તિષ્ઠેદ્ વિશારદાઃ । કુર્યુર્ દેયં ચ દાનાનાં વિપ્રેભ્યો યસ્ય યત્ પ્રિયમ્ ॥
(અવ્પરિસ્_70,3.2) ગોભૂમિકાઞ્ચનાશ્વાનાં રત્નાનાં ધાન્યવાસસામ્ । રથાનાં વારણાનાં ચ દાનં કામમ્ અતઃ પરમ્ ॥
(અવ્પરિસ્_70,3.3) તુષ્યેયુર્ યેન વા વિપ્રાઃ સંભવો યસ્ય યસ્ય હિ । તત્ તત્ સર્વમ્ ઉપાદેયમ્ એષ દાનવિધિઃ સ્મૃતઃ ॥
(અવ્પરિસ્_70,3.4) દદ્યાચ્ ચ ગુરવે ગ્રામં ધેનું વાસોયુગં તથા । અલંકારૈશ્ ચ સંપૂજ્ય પ્રીણયેત્ પ્રીતમાનસઃ ॥
(અવ્પરિસ્_70,3.5) અનેન વિધિના ભૌમમ્ અદ્ભુતં શમયેદ્ ગુરુઃ । એષ એવ વિધિર્ જ્ઞેયો વિયત્યે ઽપ્ય્ અદ્ભુતાશ્રયે ॥
(અવ્પરિસ્_70,4.1) વિશેષો ઽયં તુ સાવિત્ર્યા દશલક્ષાંસ્ તુ હોમયેત્ । હોમસમાહિતમનાઃ કુર્યાચ્ ચ ઘૃતકમ્બલમ્ ॥
(અવ્પરિસ્_70,4.2) ધેનૂનાં દ્વાદશં દેયં શતનિષ્કસમન્વિતમ્ । ગુરવે દીયમાનં તચ્ છમયત્ય્ અમ્બરાદ્ભુતમ્ ॥
(અવ્પરિસ્_70,4.3) દિવ્યાદ્ભુતેષુ કર્તવ્યઃ કોટિહોમસમન્વિતૈઃ । ગોસહસ્રં ચ દાતવ્યં ગુરવે દક્ષિણાવિધિઃ ॥
(અવ્પરિસ્_70,4.4) એષ પ્રોક્તો વિધિઃ સમ્યગ્ દિવ્યાનિષ્ટવિપત્કરે । સુભિક્ષક્ષેમસંપત્ત્યા પ્રજાનાં પુષ્ટિવર્ધનઃ ॥
(અવ્પરિસ્_70,4.5) કોટિહોમેષુ સર્વેષુ દ્રવ્યભેદાશ્રયં ફલમ્ । શાન્તિપુષ્ટ્યભિચારાર્થં તન્ મે નિગદતઃ શૃણુ ॥
(અવ્પરિસ્_70,4.6) સૌમ્યવૃક્ષાશ્રયાઃ કાર્યાઃ સમિધઃ શાન્તિમ્ ઇચ્છતા । અર્કકાશ્મર્યનિમ્બાનાં સમિદ્ભિઃ શત્રુશાતનમ્ ॥
(અવ્પરિસ્_70,4.7) દુર્નામકણ્ટકમ્બૂનાં સમિદ્ભિશ્ ચ વિશેષતઃ । ભગ્નસ્ફુટિતવૃક્ષાણાં ફલં શત્રુનિબર્હણમ્ ॥
(અવ્પરિસ્_70,4.8) બિલ્વપદ્મોત્પલાનાં તુ શુચિદેશપ્રરોહિણામ્ । સર્વદા સર્વકામાંસ્ તુ હોમૈઃ પ્રાપ્નોતિ માનવઃ ॥
(અવ્પરિસ્_70,4.9) તિલવ્રીહિયવાદીનાં દધ્નો મધુઘૃતસ્ય ચ । પયોગોધૂમશાલીનાં હોતા શાન્તિં સમારભેત્ ॥
(અવ્પરિસ્_70,4.10) સર્વેષાં હવિષાં ચૈવ ઘૃતં શાન્તિકરં સ્મૃતમ્ । સર્વદ્રવ્યે ઘૃતં તસ્માદ્ ધોમે પ્રક્ષેપમ્ અર્હતિ ॥
(અવ્પરિસ્_70,5.1) યજ્ઞોપવીતિના કાર્યં શાન્તિકર્મ વિપશ્ચિતા । ઉપવીતં તુ પિત્ર્યેષુ સર્વેષ્વ્ એવ સમારભેત્ ॥

(અવ્પરિસ્_70,5.2) મધ્વાજ્યદધિદુગ્ધેષુ ભક્ષ્યમાણે વિલેપને । યન્ત્રવાહનશસ્ત્રેષુ ભવનેષ્વ્ આયુધેષુ ચ ॥
(અવ્પરિસ્_70,5.3) દર્પણે ભક્તપાત્રે ચ મણિમુક્તાફલેષુ ચ । ભૂષણેષુ તથાન્યેષુ શય્યાયામ્ આસનેષુ ચ ॥
(અવ્પરિસ્_70,5.4) કાકોલૂકકપોતાનાં મધોર્ વા દર્શનં ભવેત્ । અન્યેષાં ચાપ્રશસ્તાનામ્ આગમો મૃગપક્ષિણામ્ ॥
(અવ્પરિસ્_70,5.5) અશ્વેતાનાં ચ પુષ્પાણાં સરીસૃપગણસ્ય ચ । વસાલોહિતમાંસાનામ્ અસ્થિમજ્જાશિરોરુહામ્ ॥5 ॥
(અવ્પરિસ્_70,6.1) અકસ્માચ્ ચૈવ સંઘાતે દર્શને નખભસ્મનામ્ । રસાન્યત્વે રસાનાં ચ દુર્ગન્ધે વાનિમિત્તજે ॥
(અવ્પરિસ્_70,6.2) પદ્મપુષ્પાકૃતિર્ યત્ર દૃશ્યતે મધુસર્પિષિ । કૃસરાપાયસે ચૈવ ક્ષયસ્ તસ્ય ધનાયુષોઃ ॥
(અવ્પરિસ્_70,6.3) ઘૃતે વા મધુદધ્નિ વા યદા પદ્માકૃતિર્ ભવેત્ । સ્વસ્તિકો વાપિ દૃશ્યેત તદા મરણમ્ આદિશેત્ ॥
(અવ્પરિસ્_70,6.4) વિકારો યત્ર દૃશ્યેત ક્ષીરોદનહવિહ્ષુ વા । શ્રોત્રિયાય તુ તદ્ દદ્યાદ્ ભાવૈવ શમયેન્ નરઃ ॥
(અવ્પરિસ્_70,6.5) યત્રસ્થં ચાદ્ભુતં પશ્યેત્ તત્રાપિ પ્રતિપાદયેત્ । કુર્યાદ્ વા વારુણીં શાન્તિં પરમેણ સમાધિના ॥
(અવ્પરિસ્_70,7.1) અન્યાકૃતિષુ વાપ્ય્ એતદ્ યે સ્થાને શાન્તિકારકાઃ । તેષામ્ અથાક્ષયં વિદ્યાદ્ આયુષાર્થધનેન વા ॥
(અવ્પરિસ્_70,7.2) ચલિતે જ્વલિતે પાતે સ્ફુરિત ઉત્પતિતે તથા । મહાજનગજાશ્વાનાં સ્થાને વિદ્યાન્ મહદ્ ભયમ્ ॥
(અવ્પરિસ્_70,7.3) તત્ર યુધ્યન્તિ જાતીનાં ભયં તત્ સ્યાદ્ અસંશયમ્ । તત્રાપિ ચાર્થનિચયૈઃ પશુભિર્ વિદ્યયાપિ વા ॥
(અવ્પરિસ્_70,7.4) ઉત્પાતશમનાર્થં તુ યે ક્રિયા ન પ્રયુઞ્જતે । નરાઃ ક્ષિપ્રં વિનશ્યન્તે સાન્વયાઃ સપરિચ્છદાઃ ॥
(અવ્પરિસ્_70,7.5) વિપ્રાણાં ભોજનં કાર્યં સહસ્રસ્યાયુતસ્ય વા । બલિપુષ્પોપહારૈશ્ ચ દેવતાનાં પ્રસાદનમ્ ॥
(અવ્પરિસ્_70,7.6) કર્તવ્યં ચ યથાન્યાયં શાન્તિકર્મ વિપશ્ચિતા । એવં કૃતે ભયં સર્વં તત્ક્ષણાદ્ એવ નશ્યતિ ॥
(અવ્પરિસ્_70,8.1) શુભાશુભસ્થિતં ચૈવ મુનયો ભૃગુમ્ અબ્રુવન્ । સ પ્રત્યુવાચ પુરુષુ સંવત્સરસમાશ્રયે ॥
(અવ્પરિસ્_70,8.2) શીતોષ્ણવૃષ્ટિકાલેષુ વીતદોષેષુ સર્વદા । સંવત્સરાખ્યઃ પુરુષો નિરુપદ્રવ ઉચ્યતે ॥
(અવ્પરિસ્_70,8.3) યદિ નિર્ઘાતભૂકમ્પદિગ્દાહાદિવિવર્જિતઃ । કેતુભિશ્ ચૈવ યુજ્યેત યદિ વાદિત્યકીલકૈઃ ॥
(અવ્પરિસ્_70,8.4) અન્યૈર્ વા લોકનાશાર્થૈર્ અદ્ભુતૈર્ નાશનાકુલૈઃ । તત એષ વિશુદ્ધાત્મા પુરુષઃ સુખમ્ એધતે ॥
(અવ્પરિસ્_70,8.5) અથ ચેત્ સ બહુવિધૈર્ અદ્ભુતૈઃ પરિસંયુતઃ । સંવત્સરં ભવેચ્ છીઘ્રં કુર્યુસ્ તચ્છમનં બુધાઃ ॥
(અવ્પરિસ્_70,9.1) તત્ર શાન્તિં પ્રવક્ષ્યામિ સર્વપાપપ્રણાશિનીમ્ । દિવ્યતન્ત્રવિદ્ આચાર્યો યયા ફલમ્ અવાપ્નુયાત્ ॥
(અવ્પરિસ્_70,9.2) પૂર્વં તાવદ્ વિશુદ્ધાત્મા સ પુરશ્ચરણો ભવેત્ । દેવતાનાં તતો યાગં યથાશ્રુતિ સમાચરેત્ ॥
(અવ્પરિસ્_70,9.3) યાગં કૃત્વા ગ્રહાણાં તુ નક્ષત્રાણાં તતઃ પરમ્ । ઋતૂન્ અથાર્તવાંશ્ ચૈવ મહાદેવગણાધિપાન્ ॥
(અવ્પરિસ્_70,9.4) દિશશ્ ચ વિદિશશ્ ચૈવ યમેન્દ્રવરુણાંસ્ તથા । વિશ્વેશ્વરં ચ વિષ્ણું ચ યજેતાદ્ભુતકર્મ ચ ॥
(અવ્પરિસ્_70,9.5) સૂર્યાચન્દ્રમસાવ્ અગ્નિં સર્વાન્ ગ્રહગણાંસ્ તથા । વાયું તથાશ્વિનૌ ચૈવ મહાશાન્તિં વિધાનતઃ ॥
(અવ્પરિસ્_70,9.6) કુર્યાદ્ દેવાદૃતો ધીમાન્ એવં દોષઃ પ્રશામ્યતિ ॥
(અવ્પરિસ્_70,10.1) શ્વેતં વા ભવતિ પયો વિલોહિતં વા પીતં વા ભવતિ હિ કૃષ્ણપિઙ્ગલં વા । ઉત્પાતઃ ફલતિ યથા ચતુઃપ્રકારસ્ તત્ સર્વં શૃણુત સમાસતો મયોક્તમ્ ॥
(અવ્પરિસ્_70,10.2) વિપ્રાણાં ભવતિ હિ શુક્લમ્ અમ્બુદોષે રાજાનં સપદિ નિહન્તિ લોહિતં ચ । પીતં ચેદ્ ભવતિ નિહન્તિ વૈશ્યવર્ગં શૂદ્રાણાં ભવતિ હિ કૃષ્ણપિઙ્ગદોષે ॥
(અવ્પરિસ્_70,10.3) બીજં યત્ર પ્રરોહેત ફલમ્ અથ પ્રમાદતઃ । એતદ્ અત્યદ્ભુતં નામ દમ્પત્યોસ્ તુ વિનાશનમ્ ॥
(અવ્પરિસ્_70,10.4) અપૂજનાત્ તુ પૂજ્યસ્ય તથાપૂજ્યસ્ય પૂજનાત્ । અન્તઃકરણદોષાચ્ ચ હેતોઃ શાન્તિર્ ન જાયતે ॥
(અવ્પરિસ્_70,10.5) તસ્માદ્ વેદાર્થશાસ્ત્રજ્ઞાન્ વીતરાગાન્ અમત્સરાન્ । પરિચારકમુખ્યાંશ્ ચ કારયેત્ કુશલાન્ દ્વિજાન્ ॥
(અવ્પરિસ્_70,11.1) વિચારિતં ચ વિદ્વદ્ભિર્ નિશ્ચિતં સુધિયા પુનઃ । દેશકાલસમાયુક્તં કર્મ કુર્યાદ્ વિચક્ષણઃ ॥
(અવ્પરિસ્_70,11.2) ચોદિતે કર્મણ્ય્ અન્યસ્મિન્ નાન્યત્ કુર્યાદ્ વિધાનવિત્ । ન ચ પ્રારભ્ય કર્માણિ સ્થાતવ્યં ક્વ ચિદ્ અન્તરે ॥
(અવ્પરિસ્_70,11.3) નાપિ કુર્વીત મતિમાન્ કદા ચિત્ કર્મસંકરમ્ । કુર્વંસ્ તુ ન તથા કર્મ દોષમ્ ઉત્પાદયેદ્ ભૃશમ્ ॥
(અવ્પરિસ્_70,11.4) અન્યથાકરણે દોષાન્ સમીક્ષ્ય તુ બહૂન્ ઇહ । સંકલ્પવાન્ ન સમાપ્તિઃ [સાવીર્યાકૃતિકર્મણી] ॥
(અવ્પરિસ્_70,11.5) દૃષ્ટ્વાદ્ભુતં તુ કાર્ત્સ્ન્યેન તતઃ શાન્તિં સમારભેત્ । અસમીક્ષ્ય તુ કુર્વાણો ન શાન્તિં લભતે નરઃ ॥
(અવ્પરિસ્_70,12.1) વાતિકસ્ય યથા વૈદ્યઃ પૈત્તિકસ્ય ચ નિશ્ચયે । રોગસ્ય ભૈષજે દત્તે કર્મસિદ્ધિમ્ અવાપ્નુયાત્ ॥
(અવ્પરિસ્_70,12.2) તસ્માત્ તાવત્ પરીક્ષેત યાવન્ નિષ્પન્નમ્ અદ્ભુતમ્ । અસદસ્યસદસ્યાનાં કર્તુઃ કારયિતુસ્ તથા ॥
(અવ્પરિસ્_70,12.3) વિગુણં ક્રિયમાણં તુ કર્મ કુર્યાદ્ ઉપદ્રવમ્ । વિશેષતો નિહન્યેત કર્તારં સપરિચ્છદમ્ ॥
(અવ્પરિસ્_70,12.4) હેતુશ્રુતં ચ દૃષ્ટં ચ તસ્માત્ સાગુણ્યમ્ આચરેત્ । સગુણે ચ કૃતે તસ્મિન્ સર્વસંપદ્ ભવેદ્ ધ્રુવમ્ ॥

(અવ્પરિસ્_70,12.5) અશોકપુષ્પૈર્ હોમે તુ મધુક્ષીરસમન્વિતૈઃ । પ્રાપ્નોતિ સુકૃતૈર્ વિપ્રો ગન્ધર્વપદમ્ ઉત્તમમ્ ॥
(અવ્પરિસ્_70,12.6) બ્રહ્માદિસ્તમ્બપર્યન્તં યં યં કામં સમીહતે । તત્ તત્ પ્રાપ્નોત્ય્ અયત્નેન સત્યમ્ એતદ્ દ્વિજોત્તમાઃ ॥
(પરિશિષ્ટ_70બ્. ગાર્ગ્યાણિ)
(અવ્પરિસ્_70બ્,1.1) ઓં પ્રણમ્ય વિષ્ટરાસીનાં બ્રહ્માણં કવિસત્તમમ્ । પ્રણમ્ય શિરસા દેવં ગૌતમઃ પર્યપૃચ્છત ॥
(અવ્પરિસ્_70બ્,1.2) અદ્ભુતાનિ સુરશ્રેષ્ઠ પ્રજાનામ્ અહિતાય વૈ । શમનં ચ તથા તેષાં પ્રબ્રૂહિ વિનયેન મે ॥
(અવ્પરિસ્_70બ્,1.3) તસ્ય તદ્ વચનં શ્રુત્વા બ્રહ્મા લોકપિતામહઃ । અબ્રવીત્ પરમઃ પ્રીતઃ સર્વોત્પાતપ્રતિક્રિયામ્ ॥
(અવ્પરિસ્_70બ્,1.4) શૃણુ વત્સ યથાન્યાયં દ્વાદશાધ્યાયસંગ્રહમ્ । પ્રચ્યમાનમ્ અશેષં તં વાતવૈકૃતનોદિતમ્ ॥
(અવ્પરિસ્_70બ્,1.5) યસ્માચ્ ચ વાયુર્ વલવાઞ્ શ્રેષ્ઠઃ સર્વાદ્ભુતોદ્ભવઃ । તસ્માત્ તમ્ એવ પ્રથમં પ્રવક્ષ્યામિ યથાવિધિ ॥
(અવ્પરિસ્_70બ્,2.1) યાન્તિ યાનાન્ય્ અયુક્તાનિ વિના નૃભિસ્ તથા । યુક્તાનિ વા ન ગચ્છન્તિ નરેન્દ્રાણાં મહદ્ ભયમ્ ॥
(અવ્પરિસ્_70બ્,2.2) ભેર્યો મૃદઙ્ગાઃ પટહા વાદ્યન્તે વાપ્ય્ અનાહતાઃ । આહતાશ્ ચ ન વાદ્યન્તે અચલાનિ ચલન્તિ વા ॥
(અવ્પરિસ્_70બ્,2.3) અરણ્યે તૂર્યનિર્ઘોષો યદિ શ્રૂયેત નાભસઃ । શરીરં વ્યથતે તત્ર યદિ વા વેશ્મનિ શ્રુતઃ ॥
(અવ્પરિસ્_70બ્,2.4) શ્રૂયન્તે ચ મહાશબ્દા ગીતગાન્ધર્વનિસ્વનાઃ । શરીરં બાધ્યતે તત્ર વ્યાધિર્ વા સુમહાન્ ભવેત્ ॥
(અવ્પરિસ્_70બ્,2.5) કોષ્ઠે વા પતતે યત્ર હસ્તાદ્ દર્વી કદા ચન । પતતે મુસલં ચાપિ શૂર્પં વા ધૂયતે યદિ ॥
(અવ્પરિસ્_70બ્,3.1) ગોલાઙ્ગલાનાં સંસર્ગો વિકારશ્ ચન્દ્રસૂર્યયોઃ । નારીં વા ધયતે નારી જાયતે તુમુલં ભયમ્ ॥
(અવ્પરિસ્_70બ્,3.2) પ્રત્યાહરન્તિ સર્પન્તિ સ્તમ્ભપ્રાસાદપાદપાઃ । શયનાસનયાનાનિ નિયતં નૃપતેર્ વધઃ ॥
(અવ્પરિસ્_70બ્,3.3) વાતિ ચાકાલિલો વાયુર્ ઘોરઃ શર્કરકર્ષણઃ । પાતયન્ વૃક્ષવેશ્માનિ કલ્પાન્ત ઇવ ભીષણઃ ॥
(અવ્પરિસ્_70બ્,3.4) સપ્તાહમ્ અથ વા પક્ષં નિબધ્નાત્ય્ અતિદારુણમ્ । ત્ર્યહાદ્ યદિ ન વર્ષેત ઘોરં શસ્ત્રભયં ભવેત્ ॥
(અવ્પરિસ્_70બ્,3.5) વાયવ્યેષ્વ્ એવ નૃપતિર્ વાયું સપ્તભિર્ અર્ચયેત્ । દ્વાવ્ ઇમાવ્ ઇતિ તિસ્રો હિ જપ્તવ્યાઃ પ્રયતૈર્ દ્વિજૈઃ ॥
(અવ્પરિસ્_70બ્,4.1) બહ્વન્નદક્ષિણો હોમઃ કર્તવ્યો ઽતિપ્રયત્નતઃ । વાયવ્યામ્ એવ શાન્તૌ ચ વાયોઃ સવિતુર્ આવપેત્ ॥
(અવ્પરિસ્_70બ્,4.2) આદાવ્ અન્તે ચ મધ્યે ચ તથૈવમ્ અનુયોજયેત્ । ગુરવે દક્ષિણાં દદ્યાદ્ વાયવીશાન્તિસિદ્ધયે ॥
(અવ્પરિસ્_70બ્,4.3) યમકં જાયતે પુષ્પં ફલં વા યમકં યદિ । કુમુદોત્પલપદ્માનિ એકનાલે બહૂન્ય્ અપિ ॥
(અવ્પરિસ્_70બ્,4.4) બહુશીર્ષા દ્વિશીર્ષા વા તથાન્યપ્રસવા અપિ । યવા વા વ્રીહયો વાપિ સ્વામિનો મરણાય તે ॥
(અવ્પરિસ્_70બ્,4.5) એકવૃક્ષે ચ સંપશ્યેન્ નાનાત્વં ફલપુષ્પયોઃ । વ્યત્યાસમ્ અન્યથાત્વં વા પરચક્રાગમો ભવેત્ ॥
(અવ્પરિસ્_70બ્,5) [થે મનુસ્ચ્રિપ્ત્સ્ ચોન્તૈન્ નો ખણ્ડિકા fઇવે.]
(અવ્પરિસ્_70બ્,6.1) અનૃતુ ફલપુષ્પં વા ન યથર્તુ ફલન્તિ વા । ઓષધીવીરુધો વાપિ જનમારભયં ભવેત્ ॥
(અવ્પરિસ્_70બ્,6.2) અથ ધાન્યવિપર્યાસે અભદ્રં ચાપિ શંસતિ । તિલા વા સમતૈલાઃ સ્યુઃ સુરાતૈલા ભવન્તિ વા ॥
(અવ્પરિસ્_70બ્,6.3) અગ્રામ્યં કારયેત્ પુષ્પં ફલં વા વિકૃતં નૃપઃ । ધાન્યાનાં વૈકૃતે ક્ષેત્રં સહ સસ્યેન દાપયેત્ ॥
(અવ્પરિસ્_70બ્,6.4) સૌર્યં ચરું પુષ્પફલે વિકૃતે પશુમ્ એવ ચ । ક્ષૈત્રપત્યં ચ ભૌમં ચ નિર્વપેત્ સસ્યવૈકૃતે ॥
(અવ્પરિસ્_70બ્,6.5) સૌર્યી શાન્તિઃ પ્રયોક્તવ્યા સૌર્યૈર્ મન્ત્રૈર્ યથાવિધિ । ઉચ્ચા પતન્તમ્ ઇત્ય્ ઋગ્ભ્યાં ગર્ભં તુ પરિકીર્તિતમ્ ॥
(અવ્પરિસ્_70બ્,7.1) ભૌમેન ચાનુવાકેન ગર્ભયેત્ સસ્યવૈકૃતે । સદક્ષિણૈર્ દ્વિજૈર્ ભુક્તૈઃ કર્તારં ચાર્ચયેત્ તતઃ ॥
(અવ્પરિસ્_70બ્,7.2) પુરેષુ યેષુ દૃશ્યન્તે પાદપા દેવચોદિતાઃ । રુદન્તો વા હસન્તો વા સ્રવન્તો વા બહૂન્ રસાન્ ॥
(અવ્પરિસ્_70બ્,7.3) અરોગા વા નિવાતે ચ શાખા મુઞ્ચન્ત્ય્ અસંભ્રમે । ફલં પુષ્પં તથા બાલા દર્શયન્તીતિ હાસનમ્ ॥
(અવ્પરિસ્_70બ્,7.4) સર્વાવસ્થાં દર્શયન્તઃ ફલપુષ્પમ્ અનાર્તવમ્ । [ક્ષિપ્રં તત્ર ભયં ઘોરં ઘોરં પ્રવર્ય્તેત ચતુર્વિધમ્ ॥
(અવ્પરિસ્_70બ્,7.5) સર્પાન્ મત્સ્યાન્ પક્ષિણો વા યત્ર દેવઃ પ્રવર્ષતિ । તત્ર સસ્યોપઘાતઃ સ્યાદ્ ભયં વાતિપ્રવર્તતે ॥
(અવ્પરિસ્_70બ્,7.6) સુરાસવં તથા ક્ષૌદ્રં સર્પિસ્ તૈલં તથા દધિ । યત્ર વર્ષતિ પર્જન્યઃ ક્ષુદ્રગસ્ તત્ર જાયતે ॥
(અવ્પરિસ્_70બ્,7.7) ઉલ્કાતારાશ્ ચ ધિષ્ણ્યેષુ યદાઙ્ગારાંશ્ ચ વર્ષતિ । તદા વ્યાધિભયં ઘોરં તેષુ દેશેષુ નિર્દિશેત્ ॥
(અવ્પરિસ્_70બ્,7.8) નારાચાઃ શક્તયઃ ખડ્ગાઃ પ્રદીપ્યન્તે યદા મુહુઃ । તદા શસ્ત્રભયં ઘોરં તેષુ દેશેષુ નિર્દિશેત્ ॥
(અવ્પરિસ્_70બ્,7.9) પુમાન્ અશ્વો ગજો વાપિ યદા યત્ર પ્રદીપ્યતે । નશ્યન્તિ સેવકાસ્ તત્ર પ્રધાનશ્ ચ વિનઙ્ક્ષ્યતિ ॥
(અવ્પરિસ્_70બ્,7.10) યત્ર સ્રવેચ્ ચૈત્યવૃક્ષઃ સહસા વિવિધાન્ રસાન્ । પૃથક્પૃથક્ સમસ્તાન્ વા તત્ પ્રવક્ષ્યામિ લક્ષણમ્ ॥
(અવ્પરિસ્_70બ્,7.11) ઘૃતે મધુનિ દુગ્ધે ચ ઘૃતે દુગ્ધે તથામ્ભસિ । ક્ષૌદ્રે મધુનિ પાનીયે ઘૃતે ચૈવાપરં પયઃ ॥

(અવ્પરિસ્_70બ્,7.12) યત્રૈતચ્ ચ મહોત્પાતં વૃક્ષેષુ સ્યાત્ સુદારુણમ્ । સુરાસવે મિથોભેદઃ શોણિતે શસ્ત્રપાતનમ્ ॥
(અવ્પરિસ્_70બ્,7.13) તૈલે પ્રધાના વધ્યન્તે ભક્તે ક્ષુદ્ભયમ્ આદિશેત્ । અનૃતૌ ચેત્ ફલં યત્ર પુષ્પં વા દૃશ્યતે દ્રુમે ॥
(અવ્પરિસ્_70બ્,7.14) ધ્રુવં સ્યાદ્ દશમે માસિ રાજ્ઞસ્ તત્ર વિપર્યયઃ । પુષ્પે પુષ્પં ભવેદ્ યત્ર ફલે ચૈવ તથા ફલમ્ ॥
(અવ્પરિસ્_70બ્,7.15) પર્ણે પર્ણં વિજાનીયાત્ તત્ર નાનાવિધં ભયમ્ । શુક્લેન વાસસા યત્ર ચૈત્યવૃક્ષઃ સમાવૃતઃ ॥
(અવ્પરિસ્_70બ્,7.16) બ્રાહ્મણાનાં ભયં ઘોરં તદા તીવ્રં વિનિર્દિશેત્ । રક્તવસ્ત્રાવૃતૈશ્ ચાન્યૈઃ ક્ષત્રૈયાણાં મહાભયમ્ ॥
(અવ્પરિસ્_70બ્,7.17) પીતવસ્ત્રૈશ્ તુ વૈશ્યાનાં શૂદ્રાણાં કૃષ્ણવાસસૈઃ । નીલૈઃ સસ્યોપઘાતાય મિશ્રૈસ્ તુ મૃગપક્ષિણામ્ ॥
(અવ્પરિસ્_70બ્,7.18) વિવર્ણૈર્ વાયવસ્ તીવ્રાઃ પરં સ્યુર્ દશમાસતઃ । દૈવતાનિ પ્રલપન્તિ યસ્ય રાષ્ટ્રે હસન્તિ વા ॥
(અવ્પરિસ્_70બ્,7.19) ઉદીક્ષન્તે પુરો વાપિ તત્ર વિદ્યાન્ મહદ્ ભયમ્ । વિહસન્તિ નિમીલન્તિ લિઙ્ગાનિ વિકૃતાનિ ચ ॥
(અવ્પરિસ્_70બ્,7.20) માસાન્તરેણ જાનીયાત્ તત્ર તત્ર મહદ્ ભયમ્ । યત્ર ચિત્રમ્ ઉદીક્ષેત ગાયતે ચેષ્ટતે મુહુઃ ॥
(અવ્પરિસ્_70બ્,7.21) એતેષ્વ્ અષ્ટસુ માસેષુ રાજ્ઞો મરણમ્ આદિશેત્ । ચિત્રાણિ યત્ર લિઙ્ગાનિ તથૈવાયતનાનિ ચ ॥
(અવ્પરિસ્_70બ્,7.22) વિકારં કુર્યુર્ અત્યર્થં તત્ર વિદ્યાન્ મહાભયમ્ । ઉત્પાટનં તદાગાનાં સરસો વા fઇરેસ્ તથા ॥
(અવ્પરિસ્_70બ્,7.23) સમુદ્દેશે પ્રદીપ્યન્તે વિદ્યાત્ તત્ર ભયં મહત્ । યત્ર વૃક્ષા અકાલીનં દર્શનં ફલપુષ્પયોઃ] ॥
(અવ્પરિસ્_70બ્,7.24) ક્ષીરં સ્નેહં સુરાં રક્તં મધુ તોયં સ્રવન્તિ વા । શૂષ્યન્ત્ય્ અરોગાઃ સહસા શુષ્કા રુહન્તિ વા પુનઃ ॥
(અવ્પરિસ્_70બ્,7.25) ઉત્તિષ્ઠન્તિ નિષીદન્તિ તત્ પ્રવક્ષ્યાન્ય્ અતઃ પરમ્ ॥
(અવ્પરિસ્_70બ્,8.1) હસને દેહનાશઃ સ્યાદ્ યોધા નશ્યન્તિ શખયા । સંભ્રમો દેશનાશાય ફલી શિલ્પિક્ષયાય ચ ॥
(અવ્પરિસ્_70બ્,8.2) બાલાનાં મરણં કુર્યાદ્ બાલાનાં ફલપુષ્પતા । સ્વરાષ્ટ્રભેદં કુરુતે ફલપુષ્પમ્ અનાર્તવમ્ ॥
(અવ્પરિસ્_70બ્,8.3) ક્ષયઃ ક્ષીરસ્રવે જ્ઞેયઃ સ્નેહે દુર્ભિક્ષલક્ષણમ્ । વાહનાપચયં મદ્યે રક્તે સંગ્રામમ્ આદિશેત્ ॥
(અવ્પરિસ્_70બ્,8.4) મધુસ્રાવે ભવેદ્ વ્યાધિર્ જલસ્રાવે ન વર્ષતિ । અરોગા યદિ શુષ્યન્તે વિદ્યાદ્ દુર્ભિક્ષલક્ષણમ્ ॥
(અવ્પરિસ્_70બ્,8.5) ભેદઃ સ્વપતિતોત્થાને રુદત્સ્વ્ અન્નક્ષયો ભવેત્ । જલ્પને ધનનાશઃ સ્યાદ્ ગુલ્મવલ્લીલતાસુ ચ ॥
(અવ્પરિસ્_70બ્,9.1) પૂજિતાનાં જલસ્રુતૌ રાજ્ઞો મૃત્યું સમાદિશેત્ । આચ્છાદયિત્વા તં વૃક્ષાં ગન્ધમાલ્યૈર્ વિભૂષયેત્ ॥
(અવ્પરિસ્_70બ્,9.2) ભોજનં ચાત્ર વિપ્રાણાં મધુસર્પિઃસમન્વિતમ્ । છત્ત્રધ્વજં ચ દાતવ્યં પર્ણહોમસ્ તથા પરમ્ ॥
(અવ્પરિસ્_70બ્,9.3) મન્ત્રૈર્ ઔષધસંયુક્તૈર્ ભ્વોરદાબન્ અતઃ પરમ્ । બલિં ચૈવોપહારાંશ્ ચ ગીતનૃત્યં સમન્તતઃ ॥
(અવ્પરિસ્_70બ્,9.4) ગન્ધમાલ્યં ચ ધૂપં ચ દીપં દદ્યાત્ તથૈવ ચ । ભક્ષભોજ્યાન્નપાનં ચ રુદ્રસ્યોપહરેન્ નિશિ ॥
(અવ્પરિસ્_70બ્,9.5) પાકશ્ ચ દશમે માસિ શુક્રસ્ય વચનં યથા । બૃહસ્પતિસ્ તથાદિત્યે બ્રુવેતે યત્ તથૈવ તત્ ॥
(અવ્પરિસ્_70બ્,10.1) રૌદ્રી ચૈવાત્ર કર્તવ્યા વૃક્ષાદ્ભુતવિનાશિની । દુરવે દક્ષિણાં દદ્યાન્ નિષ્કં ભૂમિં ચ તત્ર વૈ ॥
(અવ્પરિસ્_70બ્,10.2) અકાલપ્રસુવો નાર્યઃ કાલાતીતાઃ પ્રજાસ્ તથા । સંબદ્ધયુગ્મપ્રસવા દ્વિયુગ્મપ્રસવા અપિ ॥
(અવ્પરિસ્_70બ્,10.3) અમાનુષાણિ રુણ્ડાનિ સંજાયન્તે યદા સ્ત્રિયામ્ । અત્યઙ્ગાનિ અનઙ્ગાનિ હીનાઙ્ગાન્ય્ અથ વા પુનઃ ॥
(અવ્પરિસ્_70બ્,10.4) ચતુષ્પત્પક્ષિસદૃશાન્ય્ અર્ધમાનુષવન્તિ ચ । વિનાશસ્ તત્સ્ય દેશસ્ય કુલસ્ય ચ વિનિર્દિશેત્ ॥
(અવ્પરિસ્_70બ્,10.5) અપ્રાપ્તવયસો ગર્ભો દ્વિચતુષ્પત્સ્ત્રિયો ઽપિ વા । વિધ્વસ્તં વિકૃતં ચાપિ પ્રજાયેત ભયાય તત્ ॥
(અવ્પરિસ્_70બ્,11.1) તાન્ય્ આશુ પરભૂમિષુ ત્યક્તવ્યાનિ શુભાર્થિભિઃ । શાન્તિશ્ ચાત્ર પ્રકર્તવ્યા બ્રાહ્મણૈર્ બ્રહ્મવાદિભિઃ ॥
(અવ્પરિસ્_70બ્,11.2) વડવા હસ્તિની ગૌર્ વા યદિ યુગ્મં પ્રસૂયતે । વિજાતં વિકૃતં વાપિ ષણ્માસૈર્ મ્રિયતે નૃપઃ ॥
(અવ્પરિસ્_70બ્,11.3) અપત્યાનિ ચ યૂથેભ્યસ્ ત્યાજ્યાનિ પરભૂમિષુ । સ્વામિનો નગરં યૂથમ્ અન્યથા તુ વિનાશયેત્ ॥
(અવ્પરિસ્_70બ્,11.4) વિયોનિષુ યદા યાન્તિ ંશ્રીભાવઃ પ્રજાસ્વ્ અપિ । ખરોષ્ટ્રહયમાતઙ્ગાઃ પક્ષિણો વા ન સાધુ તત્ ॥
(અવ્પરિસ્_70બ્,11.5) અકાલે વાપિ માદ્યન્તે કાલે વાપુ અમદા યદિ । શિવોષ્ટ્રહયમાતઙ્ગાઃ પક્ષિણો વા ન સાધુ તત્ ॥
(અવ્પરિસ્_70બ્,12.1) અથાનડ્વાન્ અનડ્વાહં ધેનુર્ ધેનું પિબેદ્ યદિ । શુની વા ધયતે ધેનું શુનીં ધેનુર્ અથાપિ વા ॥
(અવ્પરિસ્_70બ્,12.2) [તિર્યગ્યોનૌ માનુષી વા પરચક્રાગમો ભવેત્ । અમાનુષા માનુષાણિ જલપન્તે પ્રાણિનો યદિ ॥
(અવ્પરિસ્_70બ્,12.3) વિચેષ્ટાં વા વિરાવં વા માસેન મ્રિયતે નૃપઃ] । ચતુષ્પત્પક્ષિભુજગાન્ માનુષી જનયેદ્ યદિ ॥
(અવ્પરિસ્_70બ્,12.4) તિર્યગ્યોનૌ માનુષં વા પરચક્રાગમો ભવેત્ । જઙ્ગમે સ્થાવરં જાતં સ્થાવરે વાથ જઙ્ગમમ્ ॥
(અવ્પરિસ્_70બ્,12.5) તસ્મિન્ યોનિવિપર્યાસે પરચક્રાગમો ભવેત્ । ત્યાગો વિવાસો દાનં વા દત્ત્વાપ્ય્ આશુ શુભં ભવેત્ ॥
(અવ્પરિસ્_70બ્,13.1) સ્થાલીપાકેન યષ્ટવ્યં પશુના વા પુરોહિતઃ । પ્રાજાપત્યેન મન્ત્રેણ યજેદ્ બહ્વન્નદક્ષિણામ્ ॥

(અવ્પરિસ્_70બ્,13.2) યામ્યાકર્મપ્રયોગસ્ તુ પ્રથમં તત્ર દૃશ્યતે । પ્રાજાપત્યાં તતઃ શાન્તિં પ્રાજાર્થી કારયેન્ નૃપઃ ॥
(અવ્પરિસ્_70બ્,13.3) આદાવ્ અન્તે ચ મધ્યે ચ શાન્તાવ્ ઉક્તસ્ તુ તદ્ગણઃ । આરોગ્યં ચ શિવં ચૈવ દેશે તસ્મિન્ નૃપે ભવેત્ ॥
(અવ્પરિસ્_70બ્,13.4) યત્રાદ્ભુતાનિ દૃશ્યન્તે વિચિત્રાણિ સમન્તતઃ । સુસમૃદ્ધો ઽપિ દેશઃ સ ક્ષિપ્રમ્ એવ વિનશ્યતિ ॥
(અવ્પરિસ્_70બ્,13.5) રાજવેશ્મસુ વૈકૃત્યે પ્રાસાદધ્વજતોરણે । ઔત્પાતિકાનિ દૃશ્યન્તે રાજ્ઞસ્ તત્ર મહદ્ ભયમ્ ॥
(અવ્પરિસ્_70બ્,14.1) પ્રાસાદતોરણાટ્ટાલદ્વારપ્રાસાદવેશ્મનામ્ । અકસ્માત્ પતનં તેષાં રાજમૃત્યુકરં સ્મૃતમ્ ॥
(અવ્પરિસ્_70બ્,14.2) દેવરાજધ્વજાનાં ચ પતનં ભઙ્ગ એવ વા । નિષેવણં વા ક્રવ્યાદૈઃ..........પ્રભ્રષ્ટૈર્ વીતરશ્મિકૈઃ ॥
(અવ્પરિસ્_70બ્,15.1) પ્રભ્રષ્ટગ્રહનક્ષત્રૈર્ દિશઃ સર્વાઃ સમાકુલાઃ । સંધ્યા ચોભયથા દીપ્તા તત્ર વિદ્યાન્ મહદ્ ભયમ્ ॥
(અવ્પરિસ્_70બ્,15.2) યદિ વા દીર્યતે ઽકસ્માદ્ ભૂમિશ્ છિદ્રીભવેદ્ યદિ । પ્રકમ્પતે ઽતિમાત્રં વા સર્વેષુ ચ ભયાય તત્ ॥
(અવ્પરિસ્_70બ્,15.3) રક્ષઃપતંગૈઃ પન્થાનો ન વહન્તિ ભયાન્વિતાઃ । રક્ષોરૂપાણિ દૃશ્યન્તે ન ચ રક્ષા ગૃહેષ્વ્ અપિ ॥
(અવ્પરિસ્_70બ્,15.4) સંપ્રવિષ્ટૈઃ પિશાચૈર્ વા રક્ષોભિર્ વાપિ તન્નિભૈઃ । અચિરાન્ નગરં તત્ર જનમારેણ માર્યતે ॥
(અવ્પરિસ્_70બ્,15.5) ઋતવસ્ તુ વિપર્યસ્તા બ્રાહ્મણાશ્ ચ વિધર્મિણઃ । નક્ષત્રાણિ વિયોગીનિ ભયમ્ ઈદૃક્ પ્રદર્શનમ્ ॥
(અવ્પરિસ્_70બ્,16.1) અપૂજ્યા યત્ર પૂજ્યન્તે ન પૂજ્યન્તે ચ પૂજિતાઃ । પૂજ્યેષ્વ્ અદાનનિષ્ઠા ચ ભયમ્ ઈદૃક્ પ્રદર્શનમ્ ॥
(અવ્પરિસ્_70બ્,16.2) નાદીયન્તે ન પૂજ્યન્તે બ્રાહ્મણા બલિભિઃ સુરાઃ । ન ચૈવાત્મીયધર્મેષુ રતિં કુર્વન્ત્ય્ અધર્મતઃ ॥
(અવ્પરિસ્_70બ્,16.3) ભિન્નાઃ કૌટિલ્યબહુલા ગજાઃ પુરુષવાજિનઃ । કલહે સ્યુર્ નિરુત્સાહાઃ સસત્યાઃ સત્યવર્જિતાઃ ॥
(અવ્પરિસ્_70બ્,16.4) શીલાચારવિહીનાશ્ ચ મદ્યમાંસાનૃતપ્રિયાઃ । નગ્નપાષણ્ડભૂયિષ્ઠા વિનાશે પર્યુપસ્થિતે ॥
(અવ્પરિસ્_70બ્,16.5) મહાબલિં મહાશાન્તિં ભોજ્યાનિ સુમહાન્તિ ચ । પ્રાજાપત્યં મહેન્દ્રં ચ મહાદેવમ્ અથાપિ વા ॥
(અવ્પરિસ્_70બ્,17.1) ઐન્દ્રસ્થાને તુ માહેન્દ્રીં રૌદ્રે રૌદ્રીં પ્રયોજયેત્ । ગવામ્ અષ્ટશતં દદ્યાદ્ વિપ્રેભ્યો મનુજાધિપઃ ॥
(અવ્પરિસ્_70બ્,17.2) ગુરવે તુ શતં નિષ્કં પ્રજાસ્વ્ એવં શિવં ભવેત્ । અનાવૃષ્ટ્યાતિવૃષ્ટ્યા વા દુર્ભિક્ષેણ ભયં ભવેત્ ॥
(અવ્પરિસ્_70બ્,17.3) અકાલવર્ષો રોગાય અતિવૃષ્ટિર્ ભયાય ચ । અનભ્રં વર્ષતે ઽકસ્માદ્ વૈદ્યુતં ગર્જિતં તથા ॥
(અવ્પરિસ્_70બ્,17.4) અનભ્રે વાપિ નિર્ઘાતઃ પતિતો રાજમૃત્યવે । તીક્ષ્ણં ચ વર્ષત્ય્ અનૃતૌ ઋતુષ્વ્ એવ ન વર્ષતિ ॥
(અવ્પરિસ્_70બ્,17.5) યદા ચોષ્ણે ભવેચ્ છીતં શીતે ચોષ્ણં તથૈવ ચ । દૃષ્ટો ભાવસ્ તુ વિકૃતો ન યથર્તુ સ્વરૂપકઃ ॥
(અવ્પરિસ્_70બ્,17.6) અનારોગ્યં ભવેચ્ ચૈવ પ્રજાનામ્ ઇતિ નિર્દિશેત્ ॥
(અવ્પરિસ્_70બ્,18.1) સપ્તરાત્રં યદા વર્ષેત્ પ્રબદ્ધં પાકશાસનઃ । અનૃતૌ તસ્ય દેશસ્ય પ્રધાનસ્ય વધો ધ્રુવમ્ ॥
(અવ્પરિસ્_70બ્,18.2) શોણિતં વર્ષતે યત્ર તત્ર શસ્ત્રભયં ભવેત્ । મજ્જાસ્થિસ્નેહમાંસં વા જનમારીભયં ભવેત્ ॥
(અવ્પરિસ્_70બ્,18.3) અઙ્ગારપાંસુવૃષ્ટેસ્ તુ નગરં તદ્ વિનશ્યતિ । ફલં પુષ્પં શમીધાન્યં હિરણ્યં વા ભયાય તત્ ॥
(અવ્પરિસ્_70બ્,18.4) જન્તવો દીનવિકૃતાઃ પલાલો ઽપિ વિનાશનઃ । છિદ્રાવર્તાઃ પ્લવઙ્ગશ્ ચ સસ્યાનામ્ અતિવર્ધનમ્ ॥
(અવ્પરિસ્_70બ્,18.5) અનભ્રે વા દિવા રાત્રૌ શ્વેતમ્ ઇન્દ્રાયુધં ભવેત્ । પૂર્વપશ્ચાદુત્તરે વા દક્ષિણે વાપિ દૃશ્યતે ॥
(અવ્પરિસ્_70બ્,18.6) સુસમૃદ્ધમ્ અપિ સ્થાનં દુર્ભિક્ષેણ વિનશ્યતિ ॥
(અવ્પરિસ્_70બ્,19.1) યદ્ય્ અનભ્રે ઽપિ વિમલે સૂર્યછાયા ન દૃશ્યતે । ન નિરભ્રે પ્રતીપા વા તત્ર દેશભયં ભવેત્ ॥
(અવ્પરિસ્_70બ્,19.2) સૂર્યેન્દ્રવાયુપર્જન્યા યષ્ટવ્યા વર્ષવૈકૃતે । અન્નાનિ સહિરણ્યાનિ ધાન્યં ગાવશ્ ચ દક્ષિણાઃ ॥
(અવ્પરિસ્_70બ્,19.3) વૈશ્વદેવી ચ કર્તવ્યા સર્વાદ્ભુતવિનાશિની । ગુરવે ચ હયઃ શ્વેતઃ સર્વલક્ષણલક્ષિતઃ ॥
(અવ્પરિસ્_70બ્,19.4) શતં નિષ્કં સુવર્ણસ્ય દાતવ્યં વા ગવાં શતમ્ ॥
(અવ્પરિસ્_70બ્,19.5) અથાતો ઽગ્નિવૈકૃતમ્ અધ્યાયં વ્યાખ્યાસ્યામો યથોવાચ ભગવાઞ્શુક્રઃ ॥
(અવ્પરિસ્_70બ્,19.6) અનિન્ધનો ઽગ્નિર્ દીપ્યેત યત્ર તૂર્ણમ્ અઘસ્વનઃ । ન દીપ્યતે સેન્ધનો વા સરાષ્ટ્રં પીડયેન્ નૃપમ્ ॥
(અવ્પરિસ્_70બ્,19.7) પ્રજ્વલેદ્ દધિ માંસં વા તથા દૂર્વાપિ કિં ચન । અગ્નિં વિના યદાશુષ્કં નિયતં નૃપતેર્ વધઃ ॥
(અવ્પરિસ્_70બ્,20.1) પ્રાસાદં તોરણં દ્વારં પ્રાકારં કાશ્યપં ગૃહમ્ । શયનાસનયાનં ચ ધ્વજં છત્ત્રં સચામરમ્ ॥
(અવ્પરિસ્_70બ્,20.2) અનગ્નિના યદિ દહેદ્ વિદ્યુતા વાપિ નિર્દહેત્ । સપ્તાહાભ્યન્તરે તત્ર નિયતં નૃપતેર્ વધઃ ॥
(અવ્પરિસ્_70બ્,20.3) અનિશાયાં તમાંસિ સ્યુર્ યદિ વા પાંસવો રજઃ । ધૂમાશ્ ચાનગ્નિજા યત્ર તત્ર વિદ્યાન્ મહદ્ ભયમ્ ॥
(અવ્પરિસ્_70બ્,20.4) રાત્રૌ દિવા ચાનભ્રે વા યદિ જ્વાલા પ્રદૃશ્યતે । ગર્હિતં જ્યોતિષાં ચૈવ દર્શનં વા ભવેન્ નિશિ ॥
(અવ્પરિસ્_70બ્,20.5) પુરાણાં ચૈવ પતનં જ્વલતાં ચ મુહુર્મુહુર્ । દૃશ્યતે ઽન્યચ્ ચ સહસા તત્રાપ્ય્ અગ્નિભયં વદેત્ ॥

(અવ્પરિસ્_70બ્,21.1) પ્રાસાદાદિષુ ચૈત્યેષુ યદિ ધૂમો વિનાગ્નિના । ભવત્ય્ અગ્નિર્ અધૂમો વા તથૈવાતિભયાવહઃ ॥
(અવ્પરિસ્_70બ્,21.2) જ્વલન્તિ યદિ શસ્ત્રાણિ વિનમન્ત્ય્ ઉન્નમન્તિ વા । કોશેભ્યો વાપિ નિર્યાન્તિ સંગ્રામસ્ તુમુલો ભવેત્ ॥
(અવ્પરિસ્_70બ્,21.3) પ્રદીપ્યન્તે ચ સહસા ચતુષ્પત્પક્ષિમાનુષાઃ । વૃક્ષા વા પર્વતા વાપિ તત્ર વિદ્યાન્ મહદ્ ભયમ્ ॥
(અવ્પરિસ્_70બ્,21.4) શયનાસનયાનેષુ કેશપ્રાવરણેષુ ચ । દૃશ્યતે ઽતીવ સહસા તત્રાપ્ય્ અગ્નિભયં ભવેત્ ॥
(અવ્પરિસ્_70બ્,21.5) ગર્જન્ત્ય્ આયુધશસ્ત્રાણિ વિનમન્ત્ય્ ઉન્નમન્તિ વા । ધનુના સહ વા બાણાઃ સંગ્રામસ્ તુમુલો ભવેત્ ॥
(અવ્પરિસ્_70બ્,22.1) સમિદ્ભિઃ ક્ષીરઋક્ષાણાં સર્ષપૈસ્ તુ ઘૃતેન ચ । હોતવ્યો ઽગ્નિઃ સ્વકૈર્ મન્ત્રૈઃ મન્ત્રૈઃ સુવર્ણં ચાત્ર દક્ષિણા ॥
(અવ્પરિસ્_70બ્,22.2) પાયસં સર્પિષા મિશ્રં દ્વિજાતીન્ ભોજયેત્ તતઃ । તેભ્ય એવ યથાશક્ત્યા દક્ષિણાં દાપયેન્ નૃપઃ ॥
(અવ્પરિસ્_70બ્,22.3) અગ્નિર્ ભૂમ્યામ્ ઇતિ ત્રિભિર્ આગ્નેયં તત્ર કારયેત્ । ગુરવે દક્ષિણાં દદ્યાન્ નિષ્કમ્ અશ્વં ચ સુન્દરમ્ ॥
(અવ્પરિસ્_70બ્,23.1) ગાર્ગ્યેણોક્તં પ્રવક્ષ્યામિ કૃત્સ્નમ્ ઉત્પાતલક્ષણમ્ । ભૂમિકમ્પો ભવેદ્ યત્ર દેવતાપ્રતિમા હસેત્ ॥
(અવ્પરિસ્_70બ્,23.2) દેવતા ભ્રમતે યત્ર મૃત્યુસ્ તત્ર વિનિર્દિશેત્ । ગર્જનં વાપિ કૂપાનામ્ ઉપસર્ગસ્ તુ જાયતે ॥
(અવ્પરિસ્_70બ્,23.3) પ્રતિસ્રોતવહા નદ્યો ભવન્તિ ચ કથં ચન । ષડ્ભિર્ માસૈર્ વિજાનીયાત્ પરચક્રાભિમર્શનમ્ ॥
(અવ્પરિસ્_70બ્,23.4) અકાલજં ફલં પુષ્પં શીતોષ્ણત્વમ્ અકાલજમ્ । અન્યં સ્વામિનમ્ ઇચ્છન્તિ નદ્યશ્ ચાકાલસંભવાઃ ॥
(અવ્પરિસ્_70બ્,23.5) અચલં ચ ચલં યત્ર ચલં વા<પ્ય્> અચલં ભવેત્ । રાજા વિનશ્યતે તર દેશો વાપિ વિનશ્યતિ ॥
(અવ્પરિસ્_70બ્,23.6) દિવા તારા યત્ર પશ્યેચ્ છ્વેતઃ પક્ષ્ય્ અથ વા ભવેત્ । રાત્રૌ ચેન્દ્રાયુધં પશ્યેદ્ દેશભઙ્ગં વિનિર્દિશેત્ ॥
(અવ્પરિસ્_70બ્,23.7) શશકં જમ્બુકં વાપિ સૂકરં હરિણં તથા । સ્થાનમધ્યે યદા પશ્યેચ્ છૂન્યં ભવતિ નિશ્ચયમ્ ॥
(અવ્પરિસ્_70બ્,23.8) અરણ્યમૃગજાતીયાઃ સ્વયં યાન્તિ નૃપાલયમ્ । તત્ સ્થાનં તુ ભવેચ્ છૂન્યં ભગ્નપ્રાકારતોરણમ્ ॥
(અવ્પરિસ્_70બ્,23.9) પ્રાકારવેશ્મભિટ્ટીષુ તોરણે ગોકુલે ઽપિ વા । મધૂનિ યત્ર દૃશ્યન્તે તત્ર વૈ કસ્ય કિં ફલમ્ ॥........................
(અવ્પરિસ્_70બ્,23.10) કાલનષ્ટપથં સીમાં તૃણવલ્લીસમાકુલામ્ । સ દેશો માનુષૈર્ મુક્તો મૃગાણાં ગોચરો ભવેત્ ॥
(અવ્પરિસ્_70બ્,23.11) પ્રત્યાદિત્યં યદા પશ્યેત્ પુરે દેવકુલે ઽપિ વા । અપિ શક્રસમો રાજા અબ્દમધ્યે વિનશ્યતિ ॥
(અવ્પરિસ્_70બ્,23.12) વાપીકૂપતડાગેષુ નદ્યાં વા તરતે શિલા । રાજભઙ્ગં ભવેચ્ ચૈવ ચૌરવ્યાધિભયં તથા ॥
(અવ્પરિસ્_70બ્,23.13) રાજગામિષુ પુષ્પેષુ વસ્ત્રેષ્વ્ આભરણેષુ ચ । અનગ્નિના યદિ દહેત્ પરિઘં તત્ર વૈ ધ્રુવમ્ ॥
(અવ્પરિસ્_70બ્,23.14) તત્ પાતપરિત્યક્ત કદા ચિદ્ અપિ બુધસ્યાદયં ભવતિ । દહનં પવનજલમરણરોગરક્ષક્ષયાય બુદ્ધિવાક્ કરોતિ બુધઃ ॥
(અવ્પરિસ્_70બ્,23.15) તત્ર કુર્યાન્ મહાશાન્તિમ્ અમૃતાં વિશ્વભેષજીમ્ ॥
(પરિશિષ્ટ_70ચ્. બાર્હસ્પત્યાનિ)
(અવ્પરિસ્_70ચ્,22.1) ઓમ્ આસીનં તુ હિમવતિ બૃહસ્પતિં સુખાવહમ્ । ગૌતમઃ પરિપૃચ્છતિ વિનયાત્ સંશિતવ્રતઃ ॥
(અવ્પરિસ્_70ચ્,22.2) કથમ્ અગ્નિઃ પરીક્ષ્યો ઽયં મન્ત્રકર્મણિ શોભનઃ । સ્વરૂપં જ્ઞાપય ત્વં હિ શુભાશુભનિબોધને ॥
(અવ્પરિસ્_70ચ્,23.1) બૃહસ્પતિઃ પ્રત્યાહ તં ગૌતમ્ ॥ શ્વેતઃ સુગન્ધિઃ પદ્માભો નિર્ભૂમો દુન્દુભિસ્વનઃ । અસક્તો ઽમુટિતશિખઃ સ્નિગ્ધોત્થાયી પ્રદક્ષિણઃ ॥
(અવ્પરિસ્_70ચ્,23.2) હૂયમાનઃ પ્રદીપ્તઃ સ્યાદ્ દીપ્તતેજાઃ સુખપ્રદઃ । શાન્તિકર્મણિ યત્રાગ્નિર્ નિયતં સિદ્ધિલક્ષણમ્ ॥
(અવ્પરિસ્_70ચ્,23.3) સ્વસ્તિકા વર્ધમાના ચ શ્રીવત્સા ચ પ્રદક્ષિણા । જ્વાલારૂપેણ દૃશ્યેત સા વૈ શ્રીઃ સર્વતોમુખી ॥
(અવ્પરિસ્_70ચ્,23.4) યદા હોત્ર પ્રસન્નેન હૂયમાનો યથા શિખી । ઘોષમ્ ઉત્પાદયન્ સ્નિગ્ધં કલ્યાણં તદ્ વિનિર્દિશેત્ ॥
(અવ્પરિસ્_70ચ્,23.5) દીપ્તશ્ ચ રત્નસંકાશઃ ક્ષેમો દુન્દુભિવદ્ ઘનઃ । ધૂમઃ પ્રશસ્તો ભવતિ સ્વાર્થસિદ્ધિકરો નૃણમ્ ॥
(અવ્પરિસ્_70ચ્,24.1) સ્નિગ્ધઘોષો ઽલ્પધૂમશ્ ચ ગૌરવર્ણો મહાન્ ભવેત્ । પિણ્ડિતાર્ચિર્ વપુષ્માન્ વા પાવકઃ સિદ્ધિકારકઃ ॥
(અવ્પરિસ્_70ચ્,24.2) યદા ત્વ્ અગ્નિઃ સર્વદિક્થા જ્વાલાગ્રૈઃ સ્પૃશતે હવિઃ । તદાસ્ય નૃપતિઃ શીઘ્રં પરરાષ્ટ્રં ચ મર્દતિ ॥
(અવ્પરિસ્_70ચ્,24.3) તિષ્ઠન્તં સ્થાવરં સ્નિગ્ધં શ્રૂયતે યત્ર ગીતકમ્ । વાચઃ પ્રસન્ના હોમેષુ મઙ્ગલ્યાશ્ ચૈવ સિદ્ધયે ॥
(અવ્પરિસ્_70ચ્,24.4) કોકિલસ્ય માયુરસ્ય ભાસસ્ય કુરલસ્ય ચ । હોમેષુ શ્રવણં ચૈવ પ્રાદક્ષિણ્યં ચ શસ્યતે ॥
(અવ્પરિસ્_70ચ્,24.5) શતપત્ત્રા રુદન્તી ચ ચાષસ્ય નન્દનં તથા । રમ્ભણં ચૈવ ધેનૂનાં હવનેષુ પ્રશસ્યતે ॥
(અવ્પરિસ્_70ચ્,25.1) પદ્મવૈડૂર્યનિકાશા વાદિત્રાણાં ચ નિસ્વનાઃ । ગાવઃ સવર્ણવત્સા ચ દૃષ્ટા હોમે પ્રશસ્યતે ॥
(અવ્પરિસ્_70ચ્,25.2) વિકાસિપદ્મસદૃશઃ પ્રસન્નાર્ચિર્ હુતાશનઃ । સુસમાનાભિર્ અર્ચાભિઃ સ્નિગ્ધાભિર્ અનુપૂર્વશઃ ॥
(અવ્પરિસ્_70ચ્,25.3) ગમ્ભીરં નર્દતે યત્ર તદ્ અગ્ર્યં સિદ્ધિલક્ષણમ્ । અક્ષતાન્ ફલપુષ્પાણિ વર્ધમાનમ્ અપાં ઘટમ્ ॥
(અવ્પરિસ્_70ચ્,25.4) દૃષ્ટ્વા વા યદિ વા શ્રુત્વા કર્મસિદ્ધિં સમાદિશેત્ । પીઠછત્ત્રધ્વજનિભા જ્વાલા વારણસંનિભાઃ ॥

(અવ્પરિસ્_70ચ્,25.5) પ્રશસ્તા ઉજ્જ્વલાશ્ ચૈવ વજ્રકુણ્ડલસંનિભાઃ । પ્રદક્ષિણગતિઃ શ્રીમાન્ અગ્નિઃ કર્તુર્ મનોહરઃ । યસ્ય સ્યાદ્ વિજયં કુર્યાત્ ક્ષિપ્રં નરપતેર્ ધ્રુવમ્ ॥
(અવ્પરિસ્_70ચ્,26.1) ભૂમ્યાં મેઘાભિવૃષ્ટાનાં મધુપાયસસર્પિષામ્ । કૃષ્ણવર્ત્મા સુગન્ધિઃ સ્યાજ્ જયં ક્ષિતિપતેર્ વદેત્ ॥
(અવ્પરિસ્_70ચ્,26.2) શઙ્ખસ્વસ્તિકરૂપાણિ ચક્રરૂપં તથા ગદા । શિરોમાલા ચ દૃશ્યેત તદ્ વૈ વિજયલક્ષણમ્ ॥
(અવ્પરિસ્_70ચ્,26.3) ઘૃતવર્ણનિભસ્ ત્વ્ અગ્નિઃ સ્નિગ્ધઘોષો મહાસ્વનઃ । ચિત્રભાનુઃ પ્રસન્નો વા નિયતં સિદ્ધિલક્ષણમ્ ॥
(અવ્પરિસ્_70ચ્,26.4) મૃગપક્ષિણ આરણ્યાઃ પ્રવિશન્તિ યદા પુરમ્ । ગ્રામ્યા વા ત્યક્ત્વા નગરમ્ અરણ્યં યાન્તિ નિર્ભયાઃ ॥
(અવ્પરિસ્_70ચ્,26.5) દિવા રાત્રિચરા વાપિ રાત્રૌ વાપિ દિવાચરાઃ । દિવા વા પુરમધ્યસ્થા ઘોરં વાશ્યન્તિ નિર્ભયાઃ ॥
(અવ્પરિસ્_70ચ્,27.1) રાજદ્વારે પુરદ્વારે શિવા વાપ્ય્ અશુભં વદેત્ । [ત્યક્ત્વારણ્યં ચ તિષ્ઠન્તિ નગરં મૃગપક્ષિણઃ] ॥
(અવ્પરિસ્_70ચ્,27.2) આષાઢે શ્રાવણે વાપિ શૂન્યં ભવતિ તત્પુરમ્ । [ત્યક્ત્વા સિંહાઃ સહરિણા મૂષિકં સૂકરં રુરુમ્ ॥
(અવ્પરિસ્_70ચ્,27.3) દૃષ્ટ્વા પ્રવિષ્ટાન્ નગરે શૂન્યં ભવતિ તત્પુરમ્] । અભિવાચં વદન્તે ચ પશવ્યા મૃગપક્ષિણઃ ॥
(અવ્પરિસ્_70ચ્,27.4) શ્યેના ગૃધ્રા બકાઃ કાકાઃ સર્વે મણ્ડલચારિણઃ । વાશન્તે ભૈરવં યત્ર તદ્ અપ્ય્ આશુ વિનશ્યતિ ॥
(અવ્પરિસ્_70ચ્,27.5) નિશાયાં બહવઃ શ્વાનો રોરુવન્તિ યદા તુ તે । હન્યમાના ન ગચ્છન્તિ તત્ર વાસો ન રોચતે ॥
(અવ્પરિસ્_70ચ્,27.6) પ્રાસાદધ્વજશાલાસુ પ્રાકારદ્વારતોરણૈઃ । ગર્દભઋશ્યભાસાનાં પિણ્ડાન્ દૃષ્ટ્વા પુરં ત્યજેત્ ॥
(અવ્પરિસ્_70ચ્,27.7) પૂર્વમુખશ્ ચ સંધ્યાયામ્ અપ્રશાન્તસ્વરો મૃગઃ । ગ્રામીણઘાતં શંસેત્ સ ગ્રામણ્યપ્રતિચારતઃ ॥
(અવ્પરિસ્_70ચ્,27.8) ગ્રામદ્વારે ચ વાશ્યેત વનાદ્ આગત્ય જમ્બુકઃ । તીક્ષ્ણસ્વરેણ મહતા દિષ્ટો ગ્રામવધો હિ સઃ ॥
(અવ્પરિસ્_70ચ્,27.9) યદ્ યાતિ વેશ્મ કપોતઃ પ્રવિશેત વિશેષતઃ । રાજવેશ્મન્ય્ ઉલૂકો વા તત્ ત્યાજ્યમ્ અચિરાદ્ ગૃહમ્ ॥
(અવ્પરિસ્_70ચ્,27.10) અકસ્માદ્ વેશ્મપ્રાકારે પ્રાસાદે તોરણે ધ્વજે । પતન્તિ બહવો ગૃધ્રાઃ કાકોલૂકા બકૈઃ સહ ॥
(અવ્પરિસ્_70ચ્,28.1) અથાપ્ય્ એતેષુ સ્થાનેષુ મધુ સંજાયતે યદા । નલિની ચૈવ વલ્મીકઃ ષણ્માસૈર્ મ્રિયતે નૃપઃ ॥
(અવ્પરિસ્_70ચ્,28.2) મૃગઃ પશુર્ વા પક્ષી વા સૂકરો વાપિ વાશ્યતે । યદિ ચોત્થાય શૃણુતે સ મનુષ્યો વિનશ્યતિ ॥
(અવ્પરિસ્_70ચ્,28.3) કાકમૂષિકમાર્જારાઞ્ શ્વપતંગાન્ ભયાવહાન્ । અતીવ બહુશો દૃષ્ટ્વા દુર્ભિક્ષેણ ક્ષયં વદેત્ ॥
(અવ્પરિસ્_70ચ્,28.4) શ્વાનઃ શિવાભિર્ વાશ્યન્તો ભ્રમન્તઃ પુરમધ્યતઃ । અસ્થીનિ વા મૃતાદીનાં જનમારભયંકરાઃ ॥
(અવ્પરિસ્_70ચ્,28.5) કાષ્ઠં વા યદિ વા શૃઙ્ગં ગૃહીત્વા શુનકઃ સ્વયમ્ । ગ્રામમધ્યેન ધાવન્ સ્યાત્ તથૈવાહુર્ મહદ્ ભયમ્ ॥
(અવ્પરિસ્_70ચ્,29.1) પુરોહિતસ્ તુ કુર્વીત કાપોતીં શાન્તિમ્ ઉત્તમામ્ । દેવાઃ કપોત ઇતિ ચ સૂક્તં તત્ર સમાદિશેત્ ॥
(અવ્પરિસ્_70ચ્,29.2) આવાપે વ્યતિષઙ્ગે ચ ઉપરિષ્ટાચ્ ચ હૂયતે । કામિકાં દક્ષિણાં દદ્યાદ્ ગુરુર્ વા યેન તુષ્યતિ ॥
(અવ્પરિસ્_70ચ્,29.3) દેવતાર્ચાઃ પ્રનૃત્યન્તિ દીપ્યન્તિ પ્રજ્વલન્તિ વા । ઉદ્વિજન્તિ રુદન્તે વા પ્રસ્વિદ્યન્તે હસન્તિ વા ॥
(અવ્પરિસ્_70ચ્,29.4) ઉત્તિષ્ઠન્તિ નિષીદન્તિ પ્રધાવન્તિ પિબન્તિ વા । એજન્તિ વિક્ષિપન્તે વા ગાત્રપ્રહરણધ્વજાન્ ॥
(અવ્પરિસ્_70ચ્,29.5) અવાઙ્મુખા વદન્તે વા સ્થાનાત્ સ્થાનં વ્રજન્તિ વા । વપન્તે વાગ્નિમ્ ઉદકં સ્નેહં રક્તં પયો વસામ્ ॥
(અવ્પરિસ્_70ચ્,30.1) જલ્પન્તિ વા નિશ્વસન્તિ વિચેષ્ટન્તે રુદન્તિ વા । ચિત્રં સંવીક્ષ્યતે યત્ર ગાત્રૈર્ વાપિ વિચેષ્ટિતૈઃ ॥
(અવ્પરિસ્_70ચ્,30.2) યત્રૈતે સંપ્રદૃશ્યન્તે વિકારાઃ સહસોત્થિતાઃ । લિઙ્ગાયતનચૈત્યેષુ તત્ર વાસો ન રોચતે ॥
(અવ્પરિસ્_70ચ્,30.3) રાજ્ઞો વા વ્યસનં તત્ર સ વા દેષઃ પ્રલીયતે । ક્ષુચ્શસ્ત્રમરણૈર્ વાપિ કિં ચિત્ તત્રાભિશસ્યતે ॥
(અવ્પરિસ્_70ચ્,30.4) દેવતાયતનૈર્ વાપિ પ્રયાતાઃ સુમહોત્સવૈઃ । જપહોમશ્ ચ કલ્પન્તા સીદતાં ચ સમે પથિ ॥
(અવ્પરિસ્_70ચ્,30.5) સમે પાતમ્ અકસ્માચ્ ચ ઉદાસીનાં તથૈવ ચ । દૃશ્યતે તદ્ વિનાશાય રાજ્ઞો જનપદસ્ય વા ॥
(અવ્પરિસ્_70ચ્,31.1) યત્ર પ્રસ્થાનિ ભૂતાનિ લિઙ્ગસ્યાયતનાનિ ચ । તત્ર શામ્યન્તિ ઘોરાણિ જપહોમશ્ ચ કલ્પતે ॥
(અવ્પરિસ્_70ચ્,31.2) પ્રસાદઃ પુણ્ડરીકં વા વિશીર્યેત પતેત વા । વાતવજ્રહતો વાપિ પુરમુખ્યે ભયં ભવેત્ ॥
(અવ્પરિસ્_70ચ્,31.3) પિતામહસ્ય ધર્મેષુ યન્ નિમિત્તં દ્વિજેષુ તત્ । અશ્વક્રાન્તાગ્નિયાનેષુ યાનિ તાનિ પુરોહિતે ॥
(અવ્પરિસ્_70ચ્,31.4) પશૂનાં રુદ્રજં જ્ઞેયં નૃપાણાં લોકપાલજમ્ । જ્ઞેયં માણ્ડલિકાનાં ચ યત્ તત્ સ્કન્દવિશાખયોઃ ॥
(અવ્પરિસ્_70ચ્,31.5) લૌકિકં વૈષ્ણવં જ્ઞેયં વૈશ્વદેવં ચ સર્વદા । સેનાપતૌ ગણેશાનાં ગાન્ધર્વં સચિવેષુ ચ ॥
(અવ્પરિસ્_70ચ્,31.6) દેવપ્રેષ્યં નૃપપ્રેષ્યે દેવસ્ત્રીણાં નૃપસ્ત્રિયામ્ । કાશ્યપં યન્ત્રપ્રાસાદે વાસ્તોષ્પત્યં પુરે સ્થિતમ્ ॥
(અવ્પરિસ્_70ચ્,31.7) કુમારીષુ કુમારીજં કુમારેષુ કુમારજમ્ । યક્ષરાક્ષસનાગૈશ્ ચ યથોક્તૈઃ પાનકર્મ ચ ॥
(અવ્પરિસ્_70ચ્,32.1) અથાતઃ સર્વસર્વસમુચ્છયઃ એકમ્ અધ્યાયં વ્યાખ્યાસ્યામો યથોવાચ ભગવાન્ બૃહસ્પતિઃ ॥
(અવ્પરિસ્_70ચ્,32.2) યદ્ દ્વાદશભિર્ અધ્યાયૈર્ વ્યાખ્યાનં પરિકીર્તિતમ્ । તત્ સમાસેન ભૂયો ઽપિ શૃણુ પર્યાયમ્ આગતમ્ ॥

(અવ્પરિસ્_70ચ્,32.3) પરાજિતો રાહુનિપીડિતમણ્ડલો વિવર્ણઃ સંધ્યાવિકૃતો નિઃપ્રભો યદા । અસ્તમનં યાતિ દિવાકરઃ તદાશુ વિદ્યાત્ સુબ્રહ્મજનક્ષયમ્ ॥
(અવ્પરિસ્_70ચ્,32.4) ગૃહીતો રાહુણા સાર્ધમ્ ઉત્તિષ્ઠતિ દિવાકરઃ । તદા ધર્મફલં ક્ષીણં કલિમ્ આવિશતે પ્રજા ॥
(અવ્પરિસ્_70ચ્,32.5) અમુક્તો રાહુણા સાર્ધમ્ ઉત્તિષ્ઠતિ યદા શશી । તદા ધર્મફલં ક્ષીણં કલિમ્ આવિશતે પ્રજા ॥
(અવ્પરિસ્_70ચ્,32.6) અમુક્તો રાહુણા સાર્ધમ્ અસ્તં ગચ્છતિ ચન્દ્રમાઃ । તદા તતો ભયં વિદ્યાન્ મૃત્યુમ્ આવિશતે પ્રજા ॥
(અવ્પરિસ્_70ચ્,32.7) અવાદ્યમાનાઃ પટહાઃ પ્રવદન્તિ મુહુર્મુહુઃ । શસ્ત્રાણિ વાહનાનિ ચ જ્વલન્ત્ય્ અશુભદારુણમ્ ॥
(અવ્પરિસ્_70ચ્,32.8) વાતપ્રકોપો રજસાનુવિદ્ધા દિશશ્ ચ સંધ્યા ચ ઘનાનુયાતા । દ્રક્ષન્તિ સંધ્યા યદિ પઞ્ચવર્ણા ભયાનિ રાજ્ઞઃ પ્રતિવેદયન્તિ ॥
(અવ્પરિસ્_70ચ્,32.9) અનભ્રે સ્તનતે યત્ર નભોગુલ્મ ગુલ્માયતે । ક્ષિપ્રં વિદ્રવતે રાષ્ટ્રં દશવર્ષાણિ પઞ્ચ ચ ॥
(અવ્પરિસ્_70ચ્,32.10) અનભ્રે પતતે વિદ્યુદ્ દર્શયેદ્ વાઘનોત્થિતામ્ । અનભ્રે વાપિ નિર્ઘાતઃ પતિતો રાજમૃત્યવે ॥
(અવ્પરિસ્_70ચ્,32.11) યદ્ય્ અહ્નિ વાતેષુ મહેન્દ્રરેખા મહેન્દ્રચાપઃ સમુદેતિ રાત્રૌ । તદા ભયં પાર્થિવમણ્ડલાનાં વદન્તિ શાસ્ત્રાર્થવિદો દ્વિજેન્દ્રાઃ ॥
(અવ્પરિસ્_70ચ્,32.12) નિકલ્કયુક્તો નિશિ સેન્દ્રચાપો વિવર્ધમાનઃ સમુદેતિ રાત્રૌ । વિશીર્યમાણા પતતે તથોલ્કા તદા ભયં પાર્થિવમણ્ડલાનામ્ ॥
(અવ્પરિસ્_70ચ્,32.13) મુઞ્ચન્તિ નાગા રુધિરં કરૈશ્ ચ લોમાનિ દીપ્યન્તિ તુરંગમાણામ્ । દીપ્યન્તિ ખડ્ગાનિ ચ ખેચરાણિ ચિહ્નાનિ રાજ્ઞઃ પ્રતિવેદયન્તિ ॥
(અવ્પરિસ્_70ચ્,32.14) ગિરિવરપતનં સ્વભૂમિચાલઃ પ્રતિભયતા ચ તથૈવ માનુષાણામ્ । વિકૃતજનનમ્ ઉક્તિમ્ ઉગ્રવાચા મહતિ ભયે મૃગપક્ષિણો વદન્તિ ॥
(અવ્પરિસ્_70ચ્,32.15) છત્ત્રે ગૃહે વાસરથે ધ્વજે ચ ધૂમઃ સમુત્તિષ્ઠતિ યસ્ય ચાગ્નિઃ । સ પાર્થિવઃ ક્ષીનમનુષ્યકોશઃ પ્રાપ્નોતિ નાશં ચ જનક્ષયં ચ ॥
(અવ્પરિસ્_70ચ્,32.16) મહોર્મિભિઃ સ્વૈર્ વિતતૈર્ જલોઘૈર્ નદ્યઃ સ્વકૂલાચ્ ચ હરન્તિ વૃક્ષાન્ । યદિ પ્રતિસ્રોતવહાસ્ તદા સ્યુર્ વિનાશના દેશપરા નૃપસ્ય ॥
(અવ્પરિસ્_70ચ્,32.17) યદા તુ ઘાતે ચ દિવાકરપ્રભાઃ સ્વરેણુભિર્ વાપિ વિધૂમસંભ્રમાઃ । ન તસ્ય વાસં વિષયે વદન્તિ આહુર્ ગણાનાં ચ વિવૃદ્ધિનાશઃ ॥
(અવ્પરિસ્_70ચ્,32.18) હુતાશનસ્ય્ જ્વલનં નિરેધં તથા ન ચૈવ જ્વલતે ચ સેધ્મા । .......... ભયાનિ રાજ્ઞઃ પ્રતિવેદયન્તિ ॥
(અવ્પરિસ્_70ચ્,32.19) શિલોચ્ચયાનાં ચ શિલાનિપાતઃ પુરદ્રુમાણાં ચ વિષાણપાતઃ । ચૈત્યદ્રુમાણાં ચ તથૈવ પાતો ભયાનિ રાજ્ઞઃ પ્રતિવેદયન્તિ ॥
(અવ્પરિસ્_70ચ્,32.20) અચાલ્યવત્સાઃ પુરગોપુરેષુ ભ્રમન્તિ ગાવઃ કૃતરૌદ્રશબ્દાઃ । મૃણાલબાદ્ધાશ્ ચ ગજા ભવન્તિ ભયાનિ રાજ્ઞઃ પ્રતિવેદયન્તિ ॥
(અવ્પરિસ્_70ચ્,32.21) પ્રાસાદગોપુરમુખાશ્ ચ પતન્તિ યત્ર ઇન્દ્રધ્વજોત્થિતવનસ્પતિવાજિનાં ચ । તેષાં વદન્તિ પચનાનિ સુખાવહાનિ સૌમ્યાદિ સંપ્રભયતા ચ તથાદિશન્તિ ॥
(અવ્પરિસ્_70ચ્,32.22) ઊર્ધ્વં વિલોક્ય નગરં પ્રતિસંનિવિષ્ટાઃ સૂર્યોદયે ખલુ રુદન્તિ શિવાતિરૌદ્રમ્ । ગૃધ્રાશ્ ચ મણ્ડલસમુત્પતિતા ભ્રમન્તિ પ્રાપ્તં ભયં જનપદસ્ય સમાદિશન્તિ ॥
(અવ્પરિસ્_70ચ્,32.23) દણ્ડાશનિઃ પતતિ યત્ર સવિસ્ફુલિઙ્ગા ભૂઃ કમ્પતે દિનકરસ્ય ભવેત્ પ્રશાન્તિઃ । ચન્ધ્રે ચ યત્ર વિકૃતં ચ ભવેદ્ અશાન્તં માસાત્ સમુદ્ભવતિ તત્ર ભયો ઽતિઘોરઃ ॥
(અવ્પરિસ્_70ચ્,32.24) ચૈત્યદ્રુમાણાં રુધિરપ્રકોપાઃ કબન્ધયાનાનિ ભવન્તિ યત્ર । સંધ્યાસુ રક્ષો ઽધિપતેર્ જનાનાં પ્રભૂતિ રાજ્ઞો ઽતિભયે ભવન્તિ ॥
(અવ્પરિસ્_70ચ્,32.25) વૃષ્ટિર્ યદા વર્ષતિ રેણુવર્ષૈસ્ તતોપરિષ્ટાદ્ ધરિતાલવર્ષમ્ । તતઃ પરં વર્ષતિ શૈલવર્ષં તદા બલં નશ્યતિ પાર્થિવસ્ય ॥
(અવ્પરિસ્_70ચ્,32.26) આરણ્યો ગ્રામવાસી મૃગશકુનિગણો ગ્રામવાસી વનાન્તે ગૃધ્રાણાં સંનિપાતો નરપતિભવને ગોપુરે વા પુરે વા । યત્ર સ્યાન્ માનુષીણાં ખરકરભમુખાનેકરૂપા પ્રસૂતિસ્ તત્સ્થાને જીવિતાર્થી સ્થિતિમ્ અતિ કુરુતે નૈવ પાતૈઃ પ્રદુષ્ટે ॥
(અવ્પરિસ્_70ચ્,32.27) પ્રયાન્તિ દેવાઃ સહસાયતસ્થા વનાનિ વા યત્ર પતન્તિ ભૂમૌ । સ્થાનાનિ મુચ્યન્તિ નદન્તિ કે ચિત્ તથા પરં શોણિતજગ્ધગાત્રાઃ ॥
(અવ્પરિસ્_70ચ્,32.28) ઉત્પાતસંઘૈર્ અત્યુગ્રૈઃ ક્ષાત્રહાનિઃ પ્રજાયતે । લોકાનાં પીડનં ચૈવ રોગચૌરાગ્નિસંભવમ્ ॥
(અવ્પરિસ્_70ચ્,32.29) અગ્નીનાં સંપ્રદોષાઃ પ્રતિભયજનના દીપ્યમાના દિશશ્ ચ મધ્યાહ્ને ચાન્તરિક્ષે ગ્રહગણખચિતા ગૃધ્રસંઘૈઃ પ્રકીર્ણાઃ । નિર્ઘાતૈઃ પાંસુવર્ષૈઃ સતતમલિનતા ભૂપ્રચાલશ્ ચ ઘોરો દેવાનાં ચાશ્રુપાતો નૃપતિભયકરા રાષ્ટ્રનાશાય ચૈતે ॥
(અવ્પરિસ્_70ચ્,32.30) શિવાદયે યત્ર દિવાકરસ્ય જ્વાલાવિમુચ્ય્ ઊર્ધ્વમુખી પ્રરોદિતિ । સમાવૃતા વાયસગૃધ્રસંઘૈસ્ તદા ભયં વેદવિદો વદન્તિ ॥
(અવ્પરિસ્_70ચ્,32.31) રુદન્તિ નાગાસ્ તુ વિમુક્તહસ્તા વિમુક્તદન્તાસ્ તુરગા રુદન્તિ । રુદન્તિ નાર્યશ્ ચ સમાગમે ચ તદા ભયં સ્યાચ્ છ્રુતિલિઙ્ગમૂલમ્ ॥
(અવ્પરિસ્_70ચ્,32.32) યદા તુ વસ્ત્રાણિ વરદ્રુમાણાં પ્રકાશવૃષ્ટ્યા નિપતન્તિ મૂર્ધ્નિ । સમીક્ષ્ય પાતં ચ યથાર્થદૃષ્ટં ભયાય રાષ્ટ્રસ્ય નૃપસ્ય વિદ્યાત્ ॥
(અવ્પરિસ્_70ચ્,32.33) શકટાદ્યાનિ યાનાનિ યદાયુક્તાનિ સંચલેત્ । તદા જનપદે વિદ્યાન્ મહાભયમ્ ઉપસ્થિતમ્ ॥
(અવ્પરિસ્_70ચ્,32.34) યથૈવ નિત્યં દૃશ્યન્તે તથૈવ સમુદાહરેત્ । ન તસ્યાતિક્રમઃ કશ્ ચિદ્ અકૃતે શાન્તિકર્મણિ ॥
(અવ્પરિસ્_70ચ્,32.35) ક્ષયો જનપદસ્ત્રીણાં વિદ્યાદ્ ગજપુરોહિતે । જપં હોમં ચ શાન્તિં ચ ઉત્પાતેષુ પ્રયોજયેત્ ॥
(અવ્પરિસ્_70ચ્,32.36) વિશેષેણામૃતાં કુર્યાદ્ બૃહસ્પતિવચો યથા । હોમં લક્ષમિતં કુર્યાજ્ જપેદ્ વા વેદસંહિતામ્ । દાનાનિ તુ હિરણ્યાનિ શાન્તિકર્મણિ યોજયેત્ ॥
(પરિશિષ્ટ_71. ઔશનસાદ્ભુતાનિ)
(અવ્પરિસ્_71,1.1) પપ્રચ્છોશનસં કાવ્યં નારદઃ પર્યવસ્થિતઃ । દિવ્યાંશ્ ચૈવાન્તરિક્ષાંશ્ ચ ઉત્પાતાન્ પાર્થિવાંસ્ તથા ॥
(અવ્પરિસ્_71,1.2) ઋતૂનાં ચ વિપર્યાસે તથૈવ મૃગપક્ષિણામ્ । અમાનુષાણાં વ્યાહારે સ્થાવરાણાં વ્યતિક્રમે ॥
(અવ્પરિસ્_71,1.3) યોનિવ્યતિકરે ચૈવ માંસશોનિતવર્ષણે । અનગ્નિજ્વલને ચૈવ તથા યાનાનુસર્પણે ॥
(અવ્પરિસ્_71,1.4) શસ્ત્રપ્રજ્વલને ચૈવ ચૈત્યશુષ્કવિરોહણે । લિઙ્ગાયતનચિત્રાણાં રોદને ગર્જને તથા ॥
(અવ્પરિસ્_71,1.5) ઉદપાનતડાગાબાન્ જ્વલને ગર્જને ઽપિ વા । મત્સ્યસર્પદ્વિજાતીનાં રસાનાં ચ પ્રવર્ષણે ॥

(અવ્પરિસ્_71,2.1) આયુધાનાં પ્રજ્વલને ગર્જને ચ વિશેષતઃ । પુષ્પે ફલે ચ વૃક્ષાણામ્ અકાલે ચ વિરોહણે ॥
(અવ્પરિસ્_71,2.2) પ્રાસાદાદ્રિવિમાનાનાં પ્રાકારાણાં ચ કમ્પને । ગીતવાદિત્રશબ્દાશ્ ચ યત્ર સ્યુર્ અનિમિત્તતઃ ॥
(અવ્પરિસ્_71,2.3) યે ચાન્યે કે ચિદ્ ઉત્પાતા જાયન્તે વિકૃતાત્મકાઃ । તેષાં ફલં ચ કાલં ચ તત્ત્વેનાચક્ષ્વ ભાર્ગવ ॥
(અવ્પરિસ્_71,2.4) સ તસ્મૈ પૃચ્છતે સમ્યઙ્ નારદાયાશનાઃ કવિઃ । ત્રિવિધાન્ અપ્ય્ અથોત્પાતાન્ વ્યાખ્યાતુમ્ ઉપચક્રમે ॥
(અવ્પરિસ્_71,2.5) યદા શીતે ભવત્ય્ ઉષ્ણમ્ ઉષ્ણે શીતમ્ અતીવ ચ । નવમાસાત્ પરં વિદ્યાત્ તેષુ દેશેષુ વૈ ભયમ્ ॥
(અવ્પરિસ્_71,3.1) યત્રાનૃતૌ પ્રબદ્ધેન ત્ર્યહાદ્ ઊર્ધ્વં પ્રવર્ષતિ । તસ્મિન્ દેશે પ્રધાનસ્ય પુરુષસ્ય વધો ભવેત્ ॥
(અવ્પરિસ્_71,3.2) કોકિલાશ્ ચ મયૂરાશ્ ચ અકાલે મદભાગિનઃ । સંસર્ગં વાપિ ગચ્છેયુર્ વિદ્યાજ્ જાનપદં ભયમ્ ॥
(અવ્પરિસ્_71,3.3) રુરવશ્ ચૈવ રૌદ્રાશ્ ચ પૃષતા હરિણાસ્ તથા । યેષુ દેશેષુ દૃશ્યન્તે તાન્ અરણ્યાય નિર્દિશેત્ ॥
(અવ્પરિસ્_71,3.4) પ્રધાનાશ્ ચૈવ વધ્યન્તે પક્ષે સપ્તદશે તથા । તસ્મિઞ્ જનપદે ચૈવ મહદ્ ઉત્પદ્યતે ભયમ્ ॥
(અવ્પરિસ્_71,3.5) ગાવો ઽશ્વાઃ કુઞ્જરાઃ શ્વાનઃ ખરોષ્ટ્રા વાનરોરગાઃ । નકુલાઃ પક્ષિણો વ્યાલાઃ સૂકરા મહિષા મૃગાઃ ॥
(અવ્પરિસ્_71,4.1) સત્ત્વાન્ય્ એતાનિ જલ્પન્તિ યેષુ દેશેષુ માનુષમ્ । તેષુ દેશેષુ રાજા તુ ષષ્ઠે માસિ વિનશ્યતિ ॥
(અવ્પરિસ્_71,4.2) ઉત્પાતા વિકૃતાત્માનો દૃશ્યન્તે યત્ર તત્ર વૈ । દેશે ભવતિ શીઘ્રં હિ ષણ્માસાદ્ ભયમ્ ઉત્તમમ્ ॥
(અવ્પરિસ્_71,4.3) આસનં શયનં યાનં યદા યત્ર પ્રસર્પતિ । વિપક્ષાત્ તત્ર તત્સ્વામી ભયં પ્રાપ્નોતિ દારુણમ્ ॥
(અવ્પરિસ્_71,4.4) ધાન્યકોષ્ઠાયુધાગારાઃ પાષાણાઃ કૂપપર્વતાઃ । એતાનિ યત્ર સર્પન્તિ વિકૃતાનિ વદન્તિ ચ ॥
(અવ્પરિસ્_71,4.5) બહુ વા જાયતે તીવ્રં તસ્મિન્ દેશે ભયં મહત્ । ત્રીન્ માસાન્ પરકાલે તુ શેષે સૌમ્યાતિકં ફલમ્ ॥
(અવ્પરિસ્_71,5.1) દેશે વા યદિ વા ગ્રામે યોનિવ્યતિકરો ભવેત્ । તત્ર સંવત્સરાદ્ ઊર્ધ્વં મહદ્ ઉત્પદ્યતે ભયમ્ ॥
(અવ્પરિસ્_71,5.2) ગૌર્ અશ્વં વડવા વાપિ યસ્મિન્ દેશે પ્રસૂયતે । અભ્યન્તરેણ તદ્વર્ષાદ્ રાજ્ઞો મરણમ્ આદિશેત્ ॥
(અવ્પરિસ્_71,5.3) માનુષી જનયેદ્ યત્ર તૃણાદાન્ વિવિધાન્ પશૂન્ । ષણ્માસોત્થં ભયં તીવ્રં તત્ર તૂત્પદ્યતે મહત્ ॥
(અવ્પરિસ્_71,5.4) પરચક્રાગમં ચૈવ નિર્દિશેદ્ ઇહ શાસ્ત્રવિત્ । સંગ્રામાશ્ ચાત્ર વિપુલા જાયન્તે વિકૃતાત્મકાઃ ॥
(અવ્પરિસ્_71,5.5) સર્પં વા પક્ષિણં વાપિ જનયેદ્ યત્ર માનુષી । પ્રચલસ્ તસ્ય દેશસ્ય ષણ્માસાત્ તુ પરં ભવેત્ ॥
(અવ્પરિસ્_71,6.1) ઉષ્ટ્રં વા યા પ્રસૂયેત વાનરં વાપિ માનુષી । અન્યદ્ વા જઙ્ગમં કિં ચિત્ સ્થાવરં વાપિ કિં ચન ॥
(અવ્પરિસ્_71,6.2) રોગેણ શસ્ત્રપાતેન દુર્ભિક્ષેણ ચ પીડિતઃ । સ દેશો વ્યથતે શીઘ્રં રાજા તત્ર વિનશ્યતિ ॥
(અવ્પરિસ્_71,6.3) અમાનુષી માનુષં વા માનુષી વાપ્ય્ અમાનુષમ્ । પ્રસૂયતે તુ જાનીયાત્ પરચક્રાગમં ધ્રુવમ્ ॥
(અવ્પરિસ્_71,6.4) ચતુરક્ષં દ્વિશીર્ષં વા ગાત્રૈર્ ન્યૂનાધિકૈસ્ તથા । વ્યઞ્જનૈશ્ ચોપસંપન્નં માનુષી યા પ્રસૂયતે ॥
(અવ્પરિસ્_71,6.5) દ્વિસંવત્સરપર્યન્તાદ્ રાજા તત્ર વિનશ્યતિ । ઉષ્ટ્રો વૃષો વાપ્ય્ અશ્વો વા ગજો વા યત્ર જાયતે ॥
(અવ્પરિસ્_71,6.6) પક્ષાન્ માસાચ્ ચ ભવતિ રાજ્ઞસ્ તત્ર ભયં મહત્ । પરચક્રસમુત્થં વા સ દેશો ભયમ્ ઋચ્છતિ ॥
(અવ્પરિસ્_71,7.1) યોનિવ્યતિકરં યત્ર કુર્યુર્ એવંવિધં સ્ત્રિયઃ । ગૌર્ વા સૂયેત્ તથાન્યાનિ તત્ર રાજ્યં વિનશ્યતિ ॥
(અવ્પરિસ્_71,7.2) વસન્તિ યેષુ દેશેષુ તેષુ વિદ્યાન્ મહદ્ ભયમ્ । તસ્માદ્ એતાનિ સત્ત્વાનિ રાજા ક્ષિપ્રં પ્રવાસયેત્ ॥
(અવ્પરિસ્_71,7.3) અશ્વા કિશોરં જનયેચ્ છૃઙ્ગિણં યત્ર તત્ર તુ । આદિશેન્ મરણં રાજ્ઞો વર્ષાભ્યન્તર એવ હિ ॥
(અવ્પરિસ્_71,7.4) માઘે બુધે ચ મહિષી શ્રાવણે વડવા દિવા । સિંહે ગાવઃ પ્રસૂયન્તે સ્વામિનો મૃત્યુદાયકાઃ । ઇતિ શાસ્ત્રસમુચ્ચયાત્ ॥
(અવ્પરિસ્_71,7.5) નારી ખરવૃષોષ્ટ્રાશ્વાઞ્ શુનઃ સૂકરગર્દભાન્ । રાક્ષસાન્ વા પિશાચાન્ વા યદાપ્ય્ એવં પ્રસૂયતે ॥
(અવ્પરિસ્_71,7.6) વ્યાપદ્યન્તે ઽત્ર ધાન્યાનિ સસ્યાનિ ચ ધનાનિ ચ । ચતુર્વિધં ભયં ઘોરં ક્ષિપ્રં તત્ર પ્રવર્તતે ॥
(અવ્પરિસ્_71,8.1) વધ્યન્તે હિ પ્રધાનાસ્ તુ સાર્ધમાસાષ્ટમે તથા । વ્યાધીંશ્ ચ તેષુ દેશેષુ ત્રીણિ વર્ષાણિ નિર્દિશેત્ ॥
(અવ્પરિસ્_71,8.2) અનગ્નિર્ જ્વલતે યત્ર દેશે તૂર્ણમ્ અનિન્ધનઃ । યો રાજા તસ્ય દેશસ્ય સદેશઃ સ વિનશ્યતિ ॥
(અવ્પરિસ્_71,8.3) માંસવર્ષેણ મઘવા યત્ર દેશે પ્રવર્ષતિ । અસ્થીનિ રુધિરં મજ્જાં વસાં ચૈતેષુ વૈ ધ્રુવમ્ ॥
(અવ્પરિસ્_71,8.4) પરચક્રાગમઃ શીઘ્રં વિજ્ઞેયસ્ તુ મહદ્ ભયમ્ । આહવાશ્ ચાત્ર જાયન્તે વિપુલા વિકૃતાત્મકાઃ ॥
(અવ્પરિસ્_71,8.5) અઙ્ગારવાલુકાધાન્યં યત્ર દેવઃ પ્રવર્ષતિ । ક્ષિપ્રં તત્ર ભયં ઘોરં પ્રવર્તેત ચતુર્વિધમ્ ॥
(અવ્પરિસ્_71,9.1) સર્પાન્ મત્સ્યાન્ પક્ષિણો વા યત્ર દેવઃ પ્રવર્ષતિ । તત્ર સસ્યોપઘાતઃ સ્યાદ્ ભયં ચાતિપ્રવર્તતે ॥
(અવ્પરિસ્_71,9.2) સુરાસવં તથા ક્ષૌદ્રં સર્પિસ્ તૈલં પયો દધિ । યત્ર વર્ષતિ પર્જન્યઃ ક્ષુદ્રોગસ્ તત્ર જાયતે ॥
(અવ્પરિસ્_71,9.3) ઉલ્કાતારાશ્ ચ ધિષ્ણ્યેષુ યદાઙ્ગારાંશ્ ચ વર્ષતિ । તદા વ્યાધિભયં ઘોરં તેષુ દેશેષુ નિર્દિશેત્ ॥

(અવ્પરિસ્_71,9.4) પુમાન્ અશ્વો ગજો વાપિ યદા યત્ર પ્રદીપ્યતે । દશમાસાત્ પરં તત્ર જાનીયાદ્ રાષ્ટ્રસંપ્લવમ્ ॥
(અવ્પરિસ્_71,9.5) નારાચાઃ શક્તયઃ ખડ્ગાઃ પ્રદીપ્યન્તે યદા મુહુઃ । તદા શસ્ત્રભયં ઘોરં તેષુ દેશેષુ નિર્દિશેત્ ॥
(અવ્પરિસ્_71,10.1) ચૈત્યવૃક્ષાઃ પ્રભજ્યન્તે વિસ્વરં વિનદન્તિ ચ । પ્રહસન્તિ પ્રસર્પન્તિ ગાયન્તિ ચ રુદન્તિ ચ ॥
(અવ્પરિસ્_71,10.2) આગમઃ પરચક્રસ્ય તેષુ ચાપદ્યતે ત્વરમ્ । સચક્રા વાપિ નશ્યન્તિ પ્રધાનશ્ ચાત્ર વધ્યતે ॥
(અવ્પરિસ્_71,10.3) યત્ર સ્રવેચ્ ચૈત્યવૃક્ષઃ સહસા વિવિધાન્ રસાન્ । પૃથક્પૃથક્ સમસ્તાન્ વા તત્ પ્રવક્ષ્યામિ લક્ષણમ્ ॥
(અવ્પરિસ્_71,10.4) ઘૃતે મધુનિ દુગ્ધે ચ ઘૃતે દુગ્ધે તથામ્ભસિ । ક્ષૌદ્રે મધુનિ તૈલે વા વ્યાધયઃ સ્યુઃ સુદારુણાઃ ॥
(અવ્પરિસ્_71,10.5) સુરાસવે મિથોભેદઃ શોણિતે શસ્ત્રપાતનમ્ । તૈલે પ્રધાના વધ્યન્તે ભક્ષે ક્ષુદ્ભયમ્ આદિશેત્ ॥
(અવ્પરિસ્_71,11.1) અનૃતૌ ચેત્ ફલં યત્ર પુષ્પં વા સૂયતે દ્રુમઃ । વિદ્યાદ્ દ્વાદશમે માસિ રાજ્ઞસ્ તત્ર વિપર્યયમ્ ॥
(અવ્પરિસ્_71,11.2) પુષ્પે પુષ્પં ભવેદ્ યત્ર ફલે વા સ્યાત્ તથા ફલમ્ । પર્ણે પર્ણં વિજાનીયાત્ તત્ર જાનપદં ભયમ્ ॥
(અવ્પરિસ્_71,11.3) શુક્લેન વાસસા યત્ર ચૈત્યવૃક્ષઃ સમાવૃતઃ । બ્રાહ્મણાનાં ભયં ઘોરમ્ આશુ તીવ્રં વિનિર્દિશેત્ ॥
(અવ્પરિસ્_71,11.4) રક્તવસ્ત્રાવૃતૈશ્ ચાન્યૈઃ ક્ષત્રિયાણાં મહદ્ ભયમ્ । પીતવસ્ત્રૈસ્ તુ વૈશ્યાનાં શૂદ્રાણાં કૃષ્ણવાસસૈઃ ॥
(અવ્પરિસ્_71,11.5) નીલૈઃ સસ્યોપઘાતઃ સ્યાચ્ ચિત્રૈસ્ તુ મૃગપક્ષિણામ્ । વિવર્ણૈર્ વ્યાધયસ્ તીવ્રાઃ પરં સ્યુર્ દશમાસતઃ ॥
(અવ્પરિસ્_71,12.1) દૈવતાનિ પ્રસર્પન્તિ યત્ર રાષ્ટ્રે હસન્તિ વા । ઉદીક્ષન્તે ઽથ રોધાંસિ તત્ર વિદ્યાન્ મહદ્ ભયમ્ ॥
(અવ્પરિસ્_71,12.2) વિહસન્તિ નિમીલન્તિ ગાયન્તિ વિકૃતાનિ ચ । માંસશોનિતગન્ધાનિ યત્ર તત્ર મહદ્ ભયમ્ ॥
(અવ્પરિસ્_71,12.3) યત્ર ચિત્રમ્ ઉદીક્ષેત ગાયતે ચેષ્ટતે મુહુઃ । એતેષ્વ્ અષ્ટસુ માસેષુ રાજ્ઞો મરણમ્ આદિશેત્ ॥
(અવ્પરિસ્_71,12.4) ચિત્રાણિ યત્ર લિઙ્ગાનિ તથૈવાયતનાનિ ચ । વિકારં કુર્યુર્ અત્યર્થં તત્ર વિદ્યાન્ મહદ્ ભયમ્ ॥
(અવ્પરિસ્_71,12.5) ઉદપાનં તડાગં વા સરઃ પર્વત એવ વા । સમુદ્દેશેષુ દીપ્યન્તે વિદ્યાદ્ ભયમ્ ઉપસ્થિતમ્ ॥
(અવ્પરિસ્_71,13.1) [પ્રહસેયુઃ સ્તનેયુર્ વા] શ્વા વા માર્જારવદ્ વદેત્ । તસ્ય દેશસ્ય રાજા તુ પીડામ્ આપ્નોતિ દારુણામ્ ॥
(અવ્પરિસ્_71,13.2) શઙ્ખવૈણવતૂર્યાણાં દુન્દુભીનાં ચ નિસ્વનઃ । દેશે યત્ર ભૃશં તત્ર રાજદણ્ડો નિપાત્યતે ॥
(અવ્પરિસ્_71,13.3) યસ્ય રાજ્ઞો જનપદે નિત્યોદ્વિગ્નાઃ પ્રજાઃ ક્ષયમ્ । ગચ્છન્તિ ન ચિત્રાત્ તત્ર વિનાશમ્ અપિ નિર્દિશેત્ ॥
(અવ્પરિસ્_71,13.4) યસ્ય રાજ્ઞો જનપદે નિત્યમ્ એવ ગવાં ક્ષયઃ । ભયં તત્ર વિજાનીયાદ્ અચિરાત્ સમુપસ્થિતમ્ ॥
(અવ્પરિસ્_71,13.5) યસ્ય રાજ્ઞો જનપદે નદી વહતિ કર્દમમ્ । કાષ્ઠં તૃણં ચોપલં વા મૃતમત્સ્યાન્ ગ્રહાંસ્ તથા ॥
(અવ્પરિસ્_71,14.1) મદ્યં ક્ષૌદ્રં ચ માંસં ચ સર્પિસ્ તૈલં પયો દધિ । અન્યરાજાગમભયં તત્ર દેશે સમાદિશેત્ ॥
(અવ્પરિસ્_71,14.2) યસ્ય રાજ્ઞો જનપદે પ્રતિસ્રોતો નદી વહેત્ । માસાષ્ટકાજ્ જાનપદં ભયં સ્યાચ્ છસ્ત્રપાણિનઃ ॥
(અવ્પરિસ્_71,14.3) કૂપો વા ગર્જતે યત્ર યદા વાપ્ય્ અવદીર્યતે । લોહિતં વાથ પૂયં વા ભયં તત્ર વિનિર્દિશેત્ ॥
(અવ્પરિસ્_71,14.4) આયુધાનિ પ્રધાવન્તિ તીવ્રં પ્રત્યાહરન્તિ ચ । તૂણીરાત્ સહસા બાણા ઉદ્ગિરન્તિ નદન્તિ ચ ॥
(અવ્પરિસ્_71,14.5) સ્વભાવતશ્ ચ પૂર્યન્તે ધનૂમ્ષિ પ્રજ્વલન્તિ ચ । સંગ્રામો દારુણસ્ તત્ર દેશે ભવતિ બિશ્ચિતઃ ॥
(અવ્પરિસ્_71,15.1) અકાલે પુષ્પવન્તશ્ ચ ફલવન્તશ્ ચ પાદપાઃ । દૃશ્યન્તે યસ્ય રાષ્ટ્રેષુ તસ્ય નાશો વિભાવ્યતે ॥
(અવ્પરિસ્_71,15.2) વૃક્ષા વલ્લ્યશ્ ચ તરુણા યત્ર સ્યુઃ ફલપુષ્પદાઃ । અકાલે ચાપિ દૃશ્યેયુસ્ તત્ર વિદ્યાન્ મહદ્ ભયમ્ ॥
(અવ્પરિસ્_71,15.3) પ્રાસાદાનિ વિમાનાનિ પ્રજ્વલન્તિ તુ યત્ર વૈ । દૃઢાનિ ચ વિશીર્યન્તે યસ્ય સ મ્રિયતે ઽચિરાત્ ॥
(અવ્પરિસ્_71,15.4) વદન્ત્ય્ અરણ્યે તૂર્યાણિ શ્રૂયન્તે વ્યોમ્નિ નિત્યશઃ । નિવસેત તદા રાજા સમાગમ્ય દિશો દશ ॥
(અવ્પરિસ્_71,15.5) યસ્ય વેશ્મનિ શ્રૂયન્તે ગીતવાદિત્રનિસ્વનાઃ । અકસ્માન્ મ્રિયતે સમ્યગ્ ધનં ચાસ્ય વિલુપ્યતે ॥
(અવ્પરિસ્_71,15.6) શઙ્ખવૈણવવીણાશ્ ચ ભેરીમુરજગોમુખાઃ । વાદ્યમાનાઃ પ્રદૃશ્યન્તે દેશે યત્રાપ્ય્ અઘટ્ટિતાઃ ॥
(અવ્પરિસ્_71,15.7) સંભૃત્યૈવ તતો ભારમ્ અન્યં જનપદં વ્રજેત્ । મૃગવાંસ્ તુ સ દેશો હિ વાયુશ્ ચાત્રોપજાયતે ॥
(અવ્પરિસ્_71,15.8) અનાહતા દુન્દુભયો વાદિત્રાણિ વદન્તિ ચ । છિદ્રાણિ ચ ગૃહે યસ્ય સ શીઘ્રં ભયમ્ ઋચ્છતિ ॥
(અવ્પરિસ્_71,15.9) દેવરાજધ્વજાનાં ચ પતનં ભઙ્ગ એવ વા । ક્રવ્યાદાનાં પ્રવેશં ચ રાજ્ઞઃ પીડાકરં ભવેત્ ॥
(અવ્પરિસ્_71,15.10) વાજિવારણમુખ્યાનામ્ અકસ્માન્ મરણં ભવેત્ । ઇતરક્ષમાપતેસ્ તત્ર વિજ્ઞેયા સત્વરાગતિઃ ॥
(અવ્પરિસ્_71,16.1) અશ્વત્થે પુષ્પિતે ક્ષત્રં બ્રાહ્મણં ચાપ્ય્ ઉદુમ્બરે । પ્લક્ષે વૈશ્યાશ્ તુ પીડ્યન્તે ન્યગ્રોધે દસ્યવસ્ તથા ॥
(અવ્પરિસ્_71,16.2) શ્વેતમ્ ઇન્દ્રાયુધં વિપ્રાન્ રક્તં ક્ષત્રિયનાશનમ્ । વૈશ્યાનાં પીતકં રાત્રૌ કૃષ્ણં શૂદ્રવિનાશનમ્ ॥
(અવ્પરિસ્_71,16.3) નિર્ઘાતે ભૂમિકમ્પે ચ ચૈત્યશુષ્કવિરોહણે । દેશપીડાં વિજાનીયાત્ પ્રધાનશ્ ચાત્ર વધ્યતે ॥

(અવ્પરિસ્_71,16.4) ઇન્દ્રયષ્ટિર્ ભજ્યતે વા વિશસ્તો વા પશુર્ વ્રજેત્ । યદા તદા વિજાનીયાદ્ રાજ્ઞઃ પીડામ્ ઉપસ્થિતામ્ ॥
(અવ્પરિસ્_71,16.5) પિતામહે વાસુદેવે સોમધર્માર્યમેષ્વ્ અપિ । નિમિત્તમ્ અશુભં યત્ર બ્રાહ્મણાનાં ભયાવહમ્ ॥
(અવ્પરિસ્_71,17.1) બૃહસ્પતૌ વા શુક્રે વા પાવકે પાકશાસને । યાનિ રૂપાણિ દૃશ્યન્તે વિદ્યાત્ તાનિ પુરોહિતે ॥
(અવ્પરિસ્_71,17.2) મહાદેવે કુબેરે ચ તથા સ્કન્દવિશાખયોઃ । નિમિત્તં તત્ પાર્થિવેષુ વિજ્ઞેયં સંપ્રવર્તિતમ્ ॥ [અકસ્માદ્ દૃશ્યતે યત્ તુ નિમિત્તં સંપ્રકીર્તિતમ્ ॥]
(અવ્પરિસ્_71,17.3) દેવાનાં પાર્થિવાનાં ચ રથો યત્ર નિમજ્જતિ । ભયં તત્ર વિજાનીયાત્ પાર્થિવસ્યાશુરદ્ભુતમ્ ॥
(અવ્પરિસ્_71,17.4) સોમે ચ વાસુદેવે ચ વરુણે પાકશાસને । યદ્ ભયં દૃશ્યતે તદ્દ્ હિ જ્ઞેયં ભાણ્ડાધિકે કને ॥
(અવ્પરિસ્_71,17.5) વાતે પ્રાજાપતૌ ચૈવ વિશ્વકર્મણિ ચૈવ હિ । પ્રવર્તતે યન્ નિમિત્તં તજ્ જાનપદિકં ભવેત્ ॥
(અવ્પરિસ્_71,17.6) કુમારીષુ કુમારીણાં કુમારાણાં કુમારજમ્ । તથા પ્રેષ્યેષુ સર્વેષુ કલ્પયેચ્ છાસ્ત્રતઃ ફલમ્ ॥
(અવ્પરિસ્_71,17.7) ઇન્દ્રાણિ વરુણાની ચ ભદ્રકાલી મહાબલા । વીરમાતા ચ યદ્ બ્રૂયુસ્ તદ્ રાજમહિષીભયમ્ ॥
(અવ્પરિસ્_71,17.8) એકૈવાસાં તથા ચાન્યા યાશ્ ચાન્યા દેવતાઃ સ્ત્રિયઃ । કુર્યુર્ નિમિત્તં તત્ સ્ત્રીણાં પ્રધાનાનાં ચ નિર્દિશેત્ ॥
(અવ્પરિસ્_71,17.9) ગન્ધર્વેષુ નિમિત્તં યત્ તદ્ અન્યેષુ પ્રદૃશ્યતે । સેનાપતીનાં ભયકૃત્ સચિવાનાં ભયાય ચ ॥
(અવ્પરિસ્_71,17.10) રક્ષપન્નગયક્ષેષુ લિઙ્ગસ્યાયતનેષુ ચ । યથારૂપં યથાકર્મ પુરુષેષુ વ્યવસ્થિતમ્ ॥
(અવ્પરિસ્_71,18.1) દક્ષિણેષુ શરીરેષુ દેવતાનાં ચ વેશ્મસુ । સર્વેષ્વ્ અઙ્ગેષુ નારીણાં તુલ્યં સ્યાદ્ ઉભયોર્ ભયમ્ ॥
(અવ્પરિસ્_71,18.2) સ્વશરીરે યથોત્પાતા વિહિતા દૈવચિન્તકૈઃ । તથૈવ પરિસંખ્યેયં સર્વત્રૈવ શુભાશુભમ્ ॥
(અવ્પરિસ્_71,18.3) માણિભદ્રાદયો યક્ષા ગન્ધર્વાશ્ ચિત્રસેનયઃ । તદ્ભયં તુ પ્રધાનાનામ્ અમાત્યાનાં વિભાવયેત્ ॥
(અવ્પરિસ્_71,18.4) યેષુ દેશેષુ દૃશ્યેત દૈવતેષુ શુભાશુભમ્ । તે ચ દેશા વિનશ્યન્તિ રાજા વાથ વિનશ્યતિ ॥
(અવ્પરિસ્_71,18.5) બ્રાહ્મણા યત્ર વધ્યન્તે ગ્રામે રાષ્ટ્રે ઽથ વા પુરે । રાજધાનીષુ વા યત્ર તદ્ અભાવસ્ય લક્ષણમ્ ॥
(અવ્પરિસ્_71,19.1) યત્રાબલં વધ્યમાનં રાજા નૈવાભિરક્ષતિ । તત્ર દૈવકૃતો દણ્ડો નિપતત્ય્ આશુ રાજનિ ॥
(અવ્પરિસ્_71,19.2) છત્ત્રધ્વજપતાકાસુ દેવસ્થાને ગૃહેષુ ચ । દ્વારાટ્ટાલક^હર્મ્યેષુ [કારયેદ્દ્ હોમવાચનમ્] ॥
(અવ્પરિસ્_71,19.3) યત્ર પ્રકૃતિભૂતાનિ લિઙ્ગાનિ વિકૃતાનિ ચ । દેવતાશ્ ચાપિ નદ્યશ્ ચ ક્ષરક્ષામમહીરુહાઃ ॥
(અવ્પરિસ્_71,19.4) સેના ચૈવ ન દૃશ્યેત હસ્ત્યશ્વૈશ્ ચ પદાતિભિઃ । હીનાઙ્ગા વિકૃતાઙ્ગા વા પ્રલયં તત્ર નિર્દિશેત્ ॥
(અવ્પરિસ્_71,19.5) સ્તમ્ભવૃક્ષા ધ્વજા યત્ર સ્રવેયૂ રુધિરામ્બુ ચ । ધૂમયેયુર્ જ્વલેયુર્ વા મન્ત્રિણાં તત્ર વૈ વધઃ ॥
(અવ્પરિસ્_71,19.6) જગત્સ્વામિનિ જાનીયાદ્ યદિ ચેદ્ દિવિ જાયતે । આન્તરિક્ષં તુ દેશે સ્યાદ્ ભૌમં સસ્યોપતિષ્ઠતિ ॥
(અવ્પરિસ્_71,19.7) ભાર્યાયાં વાહને પુત્રે કોશે સેનાપતૌ પુરે । પુરોહિતે નરેન્દ્રે વા પતતે દૈવમ્ અષ્ટધા ॥
(અવ્પરિસ્_71,19.8) માહેન્દ્રીમ્ અમૃતાં રૌદ્રીં વૈશ્વદેવીમ્ અથાપિ વા । ઉત્પાતેષુ મહાશાન્તિં કારયેદ્ બહુદક્ષિણામ્ ॥
(અવ્પરિસ્_71,19.9) શામ્યન્તિ યેન ઘોરાણિ યોગક્ષેમં ચ જાયતે । રાજાનો મુદિતાસ્ તત્ર પાલયન્તિ વસુંધરામ્ ॥
(પરિશિષ્ટ_72. મહાદ્ભુતાનિ)
(અવ્પરિસ્_72,1.1) અથ મહાદ્ભુતાનિ વ્યાખ્યાસ્યામઃ ॥
(અવ્પરિસ્_72,1.2) ક્ષિપ્રવિપાકીન્ય્ અમોઘાનિ ઘોરાણિ ગ્રહોપહતમ્ ઉલ્કાભિહતં ગ્રસ્તં નિરસ્તમ્ ઉપધૂપિતં વા યદા સ્યાજ્ જન્મનક્ષત્રં કર્મનક્ષત્રમ્ અભિષેચનીયજનપદનક્ષત્રમ્
(અવ્પરિસ્_72,1.3) એતેષુ ક્ષિપ્રમ્ એવ મહાશાન્તિમ્ અમૃતાં કારયેદ્ રાજાષ્ટમે ચ ચન્દ્રમસઃ સ્થાને <વજ્રે> ચ દેવોપસૃષ્ટે સ્કમ્ભે વા
(અવ્પરિસ્_72,1.4) અથ વા નાનાવર્ણે બહુરૂપે શૃઙ્ગિણિ ચાદિત્યે કીલવતિ ચ્[આદ્ભુતાન્ય્] ઉલ્કાભિહતે
(અવ્પરિસ્_72,1.5) કચન્ધ એવ નિશ્વસતિ હસતિ ભ્રમતિ
(અવ્પરિસ્_72,1.6) હાસે ભાસે નાદે શબ્દે વાસને ચ વૈશ્વાનરે ઽપ્રજ્વલિતે ઽન્તરિક્ષે ભસ્માસ્થ્યશ્માઙ્ગારા વીથી ચેન્દ્રધનુષિ રાત્રૌ વીધ્ર એવ તુ ॥
(અવ્પરિસ્_72,2.1) ચન્દ્રાર્કૌ યસ્ય રાષ્ટ્રે પરિવિષ્યેતાતાં તાન્ વિપક્ષાન્ પરોલકસંસ્થાઞ્ જનપદાંસ્
(અવ્પરિસ્_72,2.2) તથૈવ કાકકપોતકઙ્કગૃધ્રયક્ષરાક્ષસપિશાચશ્વાપદેષુ નક્તં વદત્સ્વ્ અભિવદત્સુ ગાયત્સુ રાયત્સુ વા ચક્રધ્વજવેશ્માવસથપ્રાસાદાગ્રે
(અવ્પરિસ્_72,2.3) વાપીકૂપ ઉદપાને ચોદ્ગિરતિ નદતિ વિદ્યોતતિ વા
(અવ્પરિસ્_72,2.4) રથયન્ત્રવારણપ્રવહણવાદિત્રાદિષૂલ્કાદયો ઽઙ્ગારા ધૂમો ઽર્ચિર્ વા પ્રાદુર્ભાવે
(અવ્પરિસ્_72,2.5) લિઙ્ગં વિલિઙ્ગે રાજ્ઞઃ
(અવ્પરિસ્_72,2.6) કાલોલૂકકૃકલાસશ્યેનનિપતિતે રાજછત્ત્રે ભગ્ને ધ્વજે ચક્રસ્ય રાજ્ઞો દણ્ડે રાજ્ઞશ્ ચ દન્તે
(અવ્પરિસ્_72,2.7) હસ્તિન્યાં ચ મત્તાયાં ગ્રામે ચ પ્રસૂતાયામ્

(અવ્પરિસ્_72,2.8) રાજરથશ્ ચ રાજાધિરૂઢો ભગ્નાક્ષઃ સપ્તરાત્રાદ્ રાજ્ઞો હન્તિ પુરોહિતમ્ અમાત્યં સેનાપતિં જાયાં હસ્તિનં મહિષીં કુમારં રાજાનમ્ એવ વા ઋધ્નુયાદ્ ય એવં વેદ
(અવ્પરિસ્_72,2.9) દ્વાદશં શતં ગવાં ધેનૂનાં કંસવસનં હિરણ્યં નિષ્કો ઽશ્વ એતાશ્ ચ દક્ષિણાઃ ॥
(અવ્પરિસ્_72,3.1) નાનુત્પન્નેષુ દૈવેષુ રાજ્ઞાં શાન્તિર્ વિધીયતે । અસ્થાનેષુ કૃતા શાન્તિર્ નિમિત્તાયોપપદ્યતે । તસ્માત્ સ્થાનં સમુદ્દિશ્ય કારયેચ્ છાન્તિમ્ આત્મનઃ ॥
(અવ્પરિસ્_72,3.2) સર્પસમિતૌ વાયુસંભ્રમે ઉદકપ્રાદુર્ભાવગમનેષુ
(અવ્પરિસ્_72,3.3) ધનુઃસંધ્યોલ્કાપરિવેષવિદ્યુદ્દણ્ડાશનિપરિઘપરિધિનિર્ઘાતે
(અવ્પરિસ્_72,3.4) રજોવર્ષમ્ ઉપલવર્ષં દધિમધુઘૃતક્ષીરવર્ષં મજ્જારુધિર<વર્ષમ્> વર્ષતિ
(અવ્પરિસ્_72,3.5) હીનગભસ્તી દ્વે માર્ગે વીથ્યૌ વિત્તક્ષયે સોમસ્ય ક્ષયે ઽપૂર્ણપૂરણે ક્ષયસ્યાવભાસાઃ સદ્યો ઽપરરાત્રાદ્ દિગ્દાહોપધૂપનમ્
(અવ્પરિસ્_72,3.6) ગ્રહવૈષમ્યમ્ આરોહણમ્ આક્રમણં ગન્ધર્વનગરં મારુતપ્રકોપસ્ તિથિકરણમુહૂર્તનક્ષત્રગ્રહાદીનાં સોમવિયોગઃ
(અવ્પરિસ્_72,3.7) પ્રતિસ્રોતોગામિન્યો નદ્યઃ પ્રાસાદતોરણધ્વજેષુ વાયસસમવાયા વૃકશકટારોહણં વૃષદંશાતિમાર્જનમ્ ઉલૂકપ્રતિગર્જનં શ્યેનગૃધ્રાદીનાં ધ્વજાભિલપનમ્
(અવ્પરિસ્_72,3.8) વિકૃતાશ્ ચ માનુષામાનુષપ્રભવાઃ સ્ત્રીબાલવૃદ્ધપ્રલાપાઃ પ્રદીપ્તેન્દ્રયષ્ટિપાદભગ્ને ઽદ્રવ્યેષ્વ્ એકવૃક્ષે દ્વિછાયે પ્રતિછાયે પરિવૃક્તમ્
(અવ્પરિસ્_72,3.9) અત ઊર્ધ્વમ્ [છાયો] ઽકસ્માચ્ ચૈત્યવૃક્ષસ્તમ્ભપતને વિરોહત્સ્વ્ અવિરોહેષ્વ્ અછિન્નપર્ણપ્રપાતાચ્ છુષ્કશાખિનો દ્રુમા ધૂમરજોદકપ્રાદુર્ભાવગમનેષુ વનસ્પતિષુ
(અવ્પરિસ્_72,3.10) બહુશસ્ત્રભઙ્ગ ઇન્દ્રકીલગોપુરાટ્ટાલકધ્વજાદીનાં ભઙ્ગ ઉચિતાનાં વ્યુચ્છેદને ઽનુચિતાનાં પ્રવર્ધને દૃઢભઙ્ગેસુ
(અવ્પરિસ્_72,3.11) શુષ્કવિરોહે ગૃહે વલ્મીકે શયનદેશે દર્હસ્તમ્બોત્પત્તૌ મિત્રવિરોધે ઽમિત્રપ્રીતૌ ચ દેવતાર્ચયો તથછેદને
(અવ્પરિસ્_72,3.12) યત્ર રાજાપ્રસાદમુખઃ પૌરેષુ ચ ભૃત્યાદિષુ ભવતિ ભવન્તિ ચાત્ર શ્લોકાઃ
(અવ્પરિસ્_72,3.13) યદા તુ પ્રતિપત્ સોમો વિકૃત્યા વિકૃતો ભવેત્ । અનુદ્ભિન્નો વિલૂનો વા રાજ્ઞો મરણમ્ આદિશેત્ ॥
(અવ્પરિસ્_72,3.14) આયુધાકારરૂપાણિ શ્વેતવર્ણાકૃતીનિ ચ । પઞ્ચવર્ણાનિ ચાભ્રાણિ તથા દણ્ડનિભાનિ ચ ॥
(અવ્પરિસ્_72,3.15) યદા ચન્દ્રાર્કયોર્ મધ્યે કૃષ્ણં ભવતિ મણ્ડલમ્ । સ શઙ્કુર્ ઇતિ વિજ્ઞેયો ગ્રહઃ પરમદારુણઃ ॥
(અવ્પરિસ્_72,3.16) તત્ર રાજ્ઞો વધં વિદ્યાત્ સર્વભૂતભયાવહમ્ । તત્ર કુર્યાન્ મહાશાન્તિમ્ અમૃતાં વિશ્વભેષજીમ્ ઇતિ ॥
(અવ્પરિસ્_72,4.1) અથ યસ્મિન્ન્ એવ જનપદે ગોબ્રાહ્મણસૂતસાંવત્સરવૈદ્યાનાં પરિવ્રાજકચારણવાનપ્રસ્થબ્રહ્મચારિણાં વાપિ સંકરઃ પ્રવર્તતે તદ્ અદ્ભુતં વિદ્યાત્
(અવ્પરિસ્_72,4.2) કર્મસંકરં યજ્ઞસંકરં વ્યવહારસંકરં ચ યત્ર ચ ધર્મો ઽધર્મેષ પીડ્યતે તદ્ અદ્ભુતં વિદ્યાત્
(અવ્પરિસ્_72,4.3) તેષામ્ અજ્ઞાતપ્રાયશ્ચિત્તં યદ્ અજ્ઞાતમ્ અનામ્નાતમ્ ઇતિ મધ્યે જુહુયાત્ પુરુષસૂક્તં ચ તેષ્વ્ અકૃતપ્રાયશ્ચિત્તેષુ મહાદ્ભુતાનિ પ્રાદુર્ભવન્તિ ॥
(અવ્પરિસ્_72,4.4) દિવ્યાનીત્ય્ આચક્ષતે દેવગૃહેષ્વ્ અથ હસન્તિ ગાયન્તિ રુદન્તિ ક્રોશન્તિ પ્રસ્વિદ્યન્તિ પ્રધૂમાયન્તિ પ્રજ્વલન્તિ પ્રકમ્પન્ત્ય્ ઉન્મીલયન્તિ નિમીલયન્તિ લિહિતં સ્રવન્તિ પરિવર્તયન્તિ વા
(અવ્પરિસ્_72,4.5) તેષામ્ પ્રાદુર્ભાવગમનેષ્વ્ અન્યરાજાગમનં વા વિદ્યાદ્ ઉદગ્રં વા[ઙ્ગેગમ્] અવૃષ્ટિશસ્ત્રભયં બુભુક્ષામારં જાનપદમ્ અમાત્યાનાં રાજ્ઞો વિનાશમ્
(અવ્પરિસ્_72,4.6) તેષુ સર્વેષુ ભૃગ્વઙ્ગિરોવિદમ્ ઇત્ય્ ઉક્તં સ ચતુષ્પથ ઈશાનં પ્રપદ્યેત ॥ ઓં પ્રપદ્યે ભૂઃ પ્રપદ્યે ભુવઃ પ્રપદ્યે સ્વઃ પ્રપદ્યે જનત્ પ્રપદ્ય ઇતિ પ્રપદ્યેત
(અવ્પરિસ્_72,4.7) કપિલાનામ્ અષ્ટશતસ્ય ક્ષીરેણ પાયસં શ્રપયિત્વા કપિલાસ્વ્ અલભ્યમાનાસુ દોગ્ધ્રીણાં શતસ્ય ક્ષીરેણ પાયસં શરપયિત્વા પ્રાઞ્ચમ્ ઇધ્મમ્ ઉપસમાધાય પરિસ્તીર્ય બર્હી રૌદ્રેણ ગણેન શાન્તા જુહુયાત્ ॥ સર્પિર્ જુહુયાત્ પાયસં જુહુયાચ્ છુક્લાઃ સુમનસ ઉપહરેદ્ બ્રાહ્મણાન્ ભક્તેનોપેપસન્તિ તા એવ ગા દદ્યાદ્ રાજ્યં વા પરિમિતકાલં તસ્ય પરિતુષ્ટયે ગોસહસ્રં કર્ત્રે દદ્યાદ્ ગ્રામવરં ચ ॥
(અવ્પરિસ્_72,5.1) અથ યત્રૈતચ્ છયને વાથ વસ્ત્રે વા જાયતે યદ્ ધુતાશનઃ । એતદ્ અત્યદ્ભુતં નામ સર્વક્ષયકરં નૃણામ્ ॥
(અવ્પરિસ્_72,5.2) અત્ર બ્રાહ્મીં મહાશાન્તિં કારયેદ્ બહુદક્ષિણામ્ । બહ્વન્નાં બહુસંભારામ્ અનૂચાનસુદક્ષિણામ્ । રાજ્યકામો ઽર્થકામો વા પૂજયેત્ તુ બૃહસ્પતિમ્ ॥
(અવ્પરિસ્_72,5.3) સૃજન્તિ દેવા દિવ્યાદ્ભુતાનિ પ્રાગ્ ઉપસર્ગાત્ પ્રતિબોધનાર્થમ્ । કાર્યાણિ વિઘ્નાનિ તથા જનાનાં કર્માકુલે વર્ણસમાકુલે ચ ॥
(અવ્પરિસ્_72,5.4) દૈવ્યોપસૃષ્ટેન બલેન કાર્યં કાર્ય ચ શાન્તિઃ પ્રણિપત્ય દેવાન્ । તતોપસર્ગાદ્ વિઘ્નાત્ પ્રમુચ્યતે દિવિ ચેદ્ અનિષ્ટં ન પુનઃ સ કુર્યાત્ ॥
(અવ્પરિસ્_72,5.5) પૃથિવ્યામ્ અન્તરિક્ષે ચ દિવિ ચાપ્ય્ ઉપલક્ષયેત્ । ચેષ્ટિતં સર્વભૂતાનાં રુતં ચ મૃગપક્ષિણામ્ ॥
(અવ્પરિસ્_72,6.1) ગ્રામે કુલે વા યદિ વાપિ દેશે રાજન્ય્ અમાત્યેષુ તથા દ્વિજેષુ । ભાવઃ પશૂનાં વિકૃતો વિરૂપસ્ તદ્ અદ્ભુતં તસ્ય દેશસ્ય વિદ્યાત્ ॥
(અવ્પરિસ્_72,6.2) અમાત્યભેદો વિવિધૈકશીર્ષ એકદ્વિશીર્ષે ભવતિ દ્વિરાજ્યમ્ । અપાદહસ્તે મ્રિયતે હ્ય્ અમાત્યો જાતે કવન્ધે નૃપતિર્ વિનશ્યેત્ ॥
(અવ્પરિસ્_72,6.3) યદાધિકાઙ્ગો યદિ વાઙ્ગહીનો ભવેત્ પશૂનાં વિકૃતો વિરૂપઃ । સ્ત્રીણાં તથૈવ વિકૃતો વિરૂપસ્ તદ્ અદ્ભુતં તસ્ય દેશસ્ય વિદ્યાત્ ॥
(અવ્પરિસ્_72,6.4) અનાસ્યં વાપ્ય્ અનોષ્ઠં વા જાયતે ચેદ્ વિદૂલકમ્ । અરૂપમ્ અસરૂપં વા જાયતે ચેદ્ વિદૂલકમ્ ॥
(અવ્પરિસ્_72,6.5) અધરાદીન્ન્ અચક્ષુર્ વા જાયતે ચેદ્ વિદૂલકમ્ । એતદ્ અત્યદ્ભુતં નામ રાષ્ટ્રે રાજ્યક્ષયમ્કરમ્ ॥
(અવ્પરિસ્_72,6.6) તમ્ અદ્ભિઃ સ્નાતં સુરભિં સુગન્ધિં ગતાસુમ્ અગ્નૌ જુહુયાદ્ ઘૃતાક્તમ્ । ગનેણ રૌદ્રેણ ઘૃતં ચ હુત્વા તથા મહાત્મા શિવમ્ અસ્ય કુર્યાત્ ॥