અથર્વવેદ · અધ્યાય 6.107

વિશ્વજિત્ત્રાયમાણાયૈ મા પરિ દેહિ ।
ત્રાયમાણે દ્વિપાચ્ચ સર્વં નો રક્ષ ચતુષ્પાદ્ યચ્ચ નઃ સ્વમ્

ત્રાયમાણે વિશ્વજિતે મા પરિ દેહિ ।
વિશ્વજિદ્દ્વિપાચ્ચ સર્વં નો રક્ષ ચતુષ્પાડ્યચ્ચ નઃ સ્વમ્

વિશ્વજિત્કલ્યાણ્યૈ મા પરિ દેહિ ।
કલ્યાણિ દ્વિપાચ્ચ સર્વં નો રક્ષ ચતુષ્પાદ્ યચ્ચ નઃ સ્વમ્

કલ્યાણિ સર્વવિદે મા પરિ દેહિ ।
સર્વવિદ્દ્વિપાચ્ચ સર્વં નો રક્ષ ચતુષ્પાદ્ યચ્ચ નઃ સ્વમ્