અથર્વવેદ · અધ્યાય 4.21

આ ગાવો અગ્મન્ન્ ઉત ભદ્રમક્રન્ત્સીદન્તુ ગોષ્ઠે રણયન્ત્વસ્મે ।
પ્રજાવતીઃ પુરુરૂપા ઇહ સ્યુરિન્દ્રાય પૂર્વીરુષસો દુહાનાઃ

ઇન્દ્રો યજ્વને ગૃણતે ચ શિક્ષત ઉપેદ્દદાતિ ન સ્વં મુષાયતિ ।
ભૂયોભૂયો રયિમિદસ્ય વર્ધયન્ન્ અભિન્ને ખિલ્યે નિ દધાતિ દેવયુમ્

ન તા નશન્તિ ન દભાતિ તસ્કરો નાસામામિત્રો વ્યથિરા દધર્ષતિ ।
દેવાંશ્ચ યાભિર્યજતે દદાતિ ચ જ્યોગિત્તાભિઃ સચતે ગોપતિઃ સહ

ન તા અર્વા રેણુકકાટોઽશ્નુતે ન સંસ્કૃતત્રમુપ યન્તિ તા અભિ ।
ઉરુગાયમભયં તસ્ય તા અનુ ગાવો મર્તસ્ય વિ ચરન્તિ યજ્વનઃ

ગાવો ભગો ગાવ ઇન્દ્રો મ ઇચ્છાદ્ગાવઃ સોમસ્ય પ્રથમસ્ય ભક્ષઃ ।
ઇમા યા ગાવઃ સ જનાસ ઇન્દ્ર ઇચ્છામિ હૃદા મનસા ચિદિન્દ્રમ્

યૂયં ગાવો મેદયથ કૃશં ચિદશ્રીરં ચિત્કૃણુથા સુપ્રતીકમ્ ।
ભદ્રં ગૃહં કૃણુથ ભદ્રવાચો બૃહદ્વો વય ઉચ્યતે સભાસુ

પ્રજાવતીઃ સૂયવસે રુશન્તીઃ શુદ્ધા અપઃ સુપ્રપાણે પિબન્તીઃ ।
મા વ સ્તેન ઈશત માઘશંસઃ પરિ વો રુદ્રસ્ય હેતિર્વૃણક્તુ