અથર્વવેદ · અધ્યાય 4.20

આ પશ્યતિ પ્રતિ પશ્યતિ પરા પશ્યતિ પશ્યતિ ।
દિવમન્તરિક્ષમાદ્ભૂમિં સર્વં તદ્દેવિ પશ્યતિ

તિસ્રો દિવસ્તિસ્રઃ પૃથિવીઃ ષટ્ચેમાઃ પ્રદિશાઃ પૃથક્।
ત્વયાહં સર્વા ભૂતાનિ પશ્યાનિ દેવ્યોષધે

દિવ્યસ્ય સુપર્ણસ્ય તસ્ય હાસિ કનીનિકા ।
સા ભૂમિમા રુરોહિથ વહ્યં શ્રાન્તા વધૂરિવ

તાં મે સહસ્રાક્ષો દેવો દક્ષિણે હસ્ત આ દધત્।
તયાહં સર્વં પશ્યામિ યશ્ચ શૂદ્ર ઉતાર્યઃ

આવિષ્કૃણુષ્વ રૂપાણિ માત્માનમપ ગૂહથાઃ ।
અથો સહસ્રચક્ષો ત્વં પ્રતિ પશ્યાઃ કિમીદિનઃ

દર્શય મા યાતુધાનાન્ દર્શય યાતુધાન્યઃ ।
પિશાચાન્ત્સર્વાન્ દર્શયેતિ ત્વા રભ ઓષધે

કશ્યપસ્ય ચક્ષુરસિ શુન્યાશ્ચ ચતુરક્ષ્યાઃ ।
વીધ્રે સૂર્યમિવ સર્પન્તં મા પિશાચં તિરસ્કરઃ

ઉદગ્રભં પરિપાણાદ્યાતુધાનં કિમીદિનમ્ ।
તેનાહં સર્વં પશ્યામ્યુત શૂદ્રમુતાર્યમ્

યો અન્તરિક્ષેણ પતતિ દિવં યશ્ચ અતિસર્પતિ ।
ભૂમિં યો મન્યતે નાથં તં પિશાચં પ્ર દર્શય