અથર્વવેદ · અધ્યાય 3.9

કર્શફસ્ય વિશફસ્ય દ્યૌઃ પિતા પૃથિવી માતા ।
યથાભિચક્ર દેવાસ્તથાપ કૃણુતા પુનઃ

અશ્રેષ્માણો અધારયન્ તથા તન્ મનુના કૃતમ્ ।
કૃણોમિ વધ્રિ વિષ્કન્ધં મુષ્કાબર્હો ગવામિવ

પિશઙ્ગે સૂત્રે ખૃગલં તદા બધ્નન્તિ વેધસઃ ।
શ્રવસ્યું શુષ્મં કાબવં વધ્રિં કૃણ્વન્તુ બન્ધુરઃ

યેના શ્રવસ્યવશ્ચરથ દેવા ઇવાસુરમાયયા ।
શુનાં કપિરિવ દૂષણો બન્ધુરા કાબવસ્ય ચ

દુષ્ટ્યૈ હિ ત્વા ભત્સ્યામિ દૂષયિષ્યામિ કાબવમ્ ।
ઉદાશવો રથા ઇવ શપથેભિઃ સરિષ્યથ

એકશતં વિષ્કન્ધાનિ વિષ્ઠિતા પૃથિવીમનુ ।
તેષાં ત્વામગ્રે ઉજ્જહરુર્મણિં વિષ્કન્ધદૂષણમ્