અથર્વવેદ · અધ્યાય 2.13

આયુર્દા અગ્ને જરસં વૃણાનો ઘૃતપ્રતીકો ઘૃતપૃષ્ઠો અગ્ને ।
ઘૃતં પીત્વા મધુ ચારુ ગવ્યં પિતેવ પુત્રાન્ અભિ રક્ષતાદિમમ્

પરિ ધત્ત ધત્ત નો વર્ચસેમં જરામૃત્યું કૃણુત દીર્ઘમાયુઃ ।
બૃહસ્પતિઃ પ્રાયચ્છદ્વાસ એતત્સોમાય રાજ્ઞે પરિધાતવા ઉ

પરીદં વાસો અધિથાઃ સ્વસ્તયેઽભૂર્ગૃષ્ટીનામભિશસ્તિપા ઉ ।
શતં ચ જીવ શરદઃ પુરૂચી રાયશ્ચ પોષમુપસંવ્યયસ્વ

એહ્યશ્માનમા તિષ્ઠાશ્મા ભવતુ તે તનૂઃ ।
કૃણ્વન્તુ વિશ્વે દેવા આયુષ્ટે શરદઃ શતમ્

યસ્ય તે વાસઃ પ્રથમવાસ્યં હરામસ્તં ત્વા વિશ્વેઽવન્તુ દેવાઃ ।
તં ત્વા ભ્રાતરઃ સુવૃધા વર્ધમાનમનુ જાયન્તાં બહવઃ સુજાતમ્