અથર્વવેદ · અધ્યાય 19.15

યત ઇન્દ્ર ભયામહે તતો નો અભયં કૃધિ ।
મઘવંછગ્ધિ તવ ત્વં ન ઊતિભિર્વિ દ્વિષો વિ મૃધો જહિ

ઇન્દ્રં વયમનૂરાધં હવામહેઽનુ રાધ્યાસ્મ દ્વિપદા ચતુષ્પદા ।
મા નઃ સેના અરરુષીરુપ ગુર્વિષૂચિરિન્દ્ર દ્રુહો વિ નાશય

ઇન્દ્રસ્ત્રાતોત વૃત્રહા પરસ્ફાનો વરેણ્યઃ ।
સ રક્ષિતા ચરમતઃ સ મધ્યતઃ સ પશ્ચાત્સ પુરસ્તાન્ નો અસ્તુ

ઉરું નો લોકમનુ નેષિ વિદ્વાન્ત્સ્વર્યજ્જ્યોતિરભયં સ્વસ્તિ ।
ઉગ્રા ત ઇન્દ્ર સ્થવિરસ્ય બાહૂ ઉપ ક્ષયેમ શરણા બૃહન્તા

અભયં નઃ કરત્યન્તરિક્ષમભયં દ્યાવાપૃથિવી ઉભે ઇમે ।
અભયં પશ્ચાદભયં પુરસ્તાદુત્તરાદધરાદભયં નો અસ્તુ

અભયં મિત્રાદભયમમિત્રાદભયં જ્ઞાતાદભયં પુરો યઃ ।
અભયં નક્તમભયં દિવા નઃ સર્વા આશા મમ મિત્રં ભવન્તુ