અથર્વવેદ · અધ્યાય 19.11

શં નઃ સત્યસ્ય પતયો ભવન્તુ શં નો અર્વન્તઃ શમુ સન્તુ ગાવઃ ।
શં ન ઋભવઃ સુકૃતઃ સુહસ્તાઃ શં નો ભવતુ પિતરો હવેષુ

શં નો દેવા વિશ્વદેવા ભવન્તુ શં સરસ્વતી સહ ધીભિરસ્તુ ।
શમભિષાચઃ શમુ રાતિષાચઃ શં નો દિવ્યાઃ પાર્થિવાઃ શં નો અપ્યાઃ

શં નો અજ એકપાદ્દેવો અસ્તુ શમહિર્બુધ્ન્યઃ શં સમુદ્રઃ ।
શં નો અપાં નપાત્પેરુરસ્તુ શં નઃ પૃષ્ણિર્ભવતુ દેવગોપા

આદિત્યા રુદ્રા વસવો જુષન્તામિદં બ્રહ્મ ક્રિયમાણં નવીયઃ ।
સૃણ્વન્તુ નો દિવ્યાઃ પાર્થિવાસો ગોજાતા ઉત યે યજ્ઞિયાસઃ

યે દેવાનામૃત્વિજો યજ્ઞિયાસો મનોર્યજત્રા અમૃતા ઋતજ્ઞાઃ ।
તે નો રાસન્તામુરુગાયમદ્ય યૂયં પાત સ્વસ્તિભિઃ સદા નઃ

તદસ્તુ મિત્રાવરુણા તદગ્ને શં યોરસ્મભ્યમિદમસ્તુ શસ્તમ્ ।
અશીમહિ ગાધમુત પ્રતિષ્ઠાં નમો દિવે બૃહતે સાદનાય