અથર્વવેદ · અધ્યાય 19.10

શં ન ઇન્દ્રાગ્ની ભવતામવોભિઃ શં ન ઇન્દ્રાવરુણા રાતહવ્યા ।
શમિન્દ્રાસોમા સુવિતાય શં યોઃ શં ન ઇન્દ્રાપૂષણા વાજસાતૌ

શં નો ભગઃ શમુ નઃ શંસો અસ્તુ શં નઃ પુરંધિઃ શમુ સન્તુ રાયઃ ।
શં નઃ સત્યસ્ય સુયમસ્ય શંસઃ શં નો અર્યમા પુરુજાતો અસ્તુ

શં નો ધાતા શમુ ધર્તા નો અસ્તુ શં ન ઉરૂચી ભવતુ સ્વધાભિઃ ।
શં રોદસી બૃહતી શં નો અદ્રિઃ શં નો દેવાનાં સુહવાનિ સન્તુ

શં નો અગ્નિર્જ્યોતિરનીકો અસ્તુ શં નો મિત્રાવરુણાવશ્વિના શમ્ ।
શં નઃ સુકૃતાં સુકૃતાનિ સન્તુ શં ન ઇષિરો અભિ વાતુ વાતઃ

શં નો દ્યાવાપૃથિવી પૂર્વહૂતૌ શમન્તરિક્ષં દૃશયે નો અસ્તુ ।
શં ન ઓષધીર્વનિનો ભવન્તુ શં નો રજસસ્પતિરસ્તુ જિષ્ણુઃ

શં ન ઇન્દ્રો વસુભિર્દેવો અસ્તુ શમાદિત્યેભિર્વરુણઃ સુશંસઃ ।
શં નો રુદ્રો રુદ્રેભિર્જલાષઃ શં નસ્ત્વષ્ટા ગ્નાભિરિહ શૃણોતુ

શં નઃ સોમો ભવતુ બ્રહ્મ શં નઃ શં નો ગ્રાવાણઃ શમુ સન્તુ યજ્ઞાઃ ।
શં નઃ સ્વરૂનાં મિતયો ભવન્તુ શં નઃ પ્રસ્વઃ શં વસ્તુ વેદિઃ

શં નઃ સૂર્ય ઉરુચક્ષા ઉદેતુ શં નો ભવન્તુ પ્રદિશશ્ચતસ્રઃ ।
શં નઃ પર્વતા ધ્રુવયો ભવન્તુ શં નઃ સિન્ધવઃ શમુ સન્ત્વાપઃ

શં નો અદિતિર્ભવતુ વ્રતેભિઃ શં નો ભવન્તુ મરુતઃ સ્વર્કાઃ ।
શં નો વિષ્ણુઃ શમુ પૂષા નો અસ્તુ શં નો ભવિત્રં શં વસ્તુ વાયુઃ

શં નો દેવઃ સવિતા ત્રાયમાણઃ શં નો ભવન્તૂષસો વિભાતીઃ ।
શં નઃ પર્જન્યો ભવતુ પ્રજાભ્યઃ શં નઃ ક્ષેત્રસ્ય પતિરસ્તુ શંભુઃ