અથર્વવેદ · અધ્યાય 19

સૂક્તમ્ ૧
સૂક્તમ્ ૨
સૂક્તમ્ ૩
સૂક્તમ્ ૪
સૂક્તમ્ ૫
સૂક્તમ્ ૬
સૂક્તમ્ ૭
સૂક્તમ્ ૮
સૂક્તમ્ ૯
સૂક્તમ્ ૧૦
સૂક્તમ્ ૧૧
સૂક્તમ્ ૧૨
સૂક્તમ્ ૧૩
સૂક્તમ્ ૧૪
સૂક્તમ્ ૧૫
સૂક્તમ્ ૧૬
સૂક્તમ્ ૧૭
સૂક્તમ્ ૧૮
સૂક્તમ્ ૧૯
સૂક્તમ્ ૨૦
સૂક્તમ્ ૨૧
સૂક્તમ્ ૨૨
સૂક્તમ્ ૨૩
સૂક્તમ્ ૨૪
સૂક્તમ્ ૨૫
સૂક્તમ્ ૨૬
સૂક્તમ્ ૨૭
સૂક્તમ્ ૨૮
સૂક્તમ્ ૨૯
સૂક્તમ્ ૩૦
સૂક્તમ્ ૩૧
સૂક્તમ્ ૩૨
સૂક્તમ્ ૩૩
સૂક્તમ્ ૩૪
સૂક્તમ્ ૩૫
સૂક્તમ્ ૩૬
સૂક્તમ્ ૩૭
સૂક્તમ્ ૩૮
સૂક્તમ્ ૩૯
સૂક્તમ્ ૪૦
સૂક્તમ્ ૪૧
સૂક્તમ્ ૪૨
સૂક્તમ્ ૪૩
સૂક્તમ્ ૪૪
સૂક્તમ્ ૪૫
સૂક્તમ્ ૪૬
સૂક્તમ્ ૪૭
સૂક્તમ્ ૪૮
સૂક્તમ્ ૪૯
સૂક્તમ્ ૫૦
સૂક્તમ્ ૫૧
સૂક્તમ્ ૫૨
સૂક્તમ્ ૫૩
સૂક્તમ્ ૫૪
સૂક્તમ્ ૫૫
સૂક્તમ્ ૫૬
સૂક્તમ્ ૫૭
સૂક્તમ્ ૫૮
સૂક્તમ્ ૫૯
સૂક્તમ્ ૬૦
સૂક્તમ્ ૬૧
સૂક્તમ્ ૬૨
સૂક્તમ્ ૬૩
સૂક્તમ્ ૬૪
સૂક્તમ્ ૬૫
સૂક્તમ્ ૬૬
સૂક્તમ્ ૬૭
સૂક્તમ્ ૬૮
સૂક્તમ્ ૬૯
સૂક્તમ્ ૭૦
સૂક્તમ્ ૭૧
સૂક્તમ્ ૭૨
19.1
સંસં સ્રવન્તુ નદ્યઃ સં વાતાઃ સં પતત્રિણઃ ।
યજ્ઞમિમં વર્ધયતા ગિરઃ સંસ્રાવ્યેણ હવિષા જુહોમિ

ઇમં હોમા યજ્ઞમવતેમં સંસ્રાવણા ઉત યજ્ઞમિમં વર્ધયતા ગિરઃ સંસ્રાવ્યેણ હવિષા જુહોમિ

રૂપંરૂપં વયોવયઃ સંરભ્યૈનં પરિ ષ્વજે ।
યજ્ઞમિમં ચતસ્રઃ પ્રદિશો વર્ધયન્તુ સંસ્રાવ્યેણ હવિષા જુહોમિ

19.2
શં ત આપો હૈમવતીઃ શમુ તે સન્તૂત્સ્યાઃ ।
શં તે સનિષ્યદા આપઃ શમુ તે સન્તુ વર્ષ્યાઃ

શં ત આપો ધન્વન્યાઃ શં તે સન્ત્વનૂપ્યાઃ ।
શં તે ખનિત્રિમા આપઃ શં યાઃ કુમ્ભેભિરાભૃતાઃ

અનભ્રયઃ ખનમાના વિપ્રા ગમ્ભીરે અપસઃ ।
ભિષગ્ભ્યો ભિષક્તરા આપો અછા વદામસિ

અપામહ દિવ્યાનામપાં સ્રોતસ્યાનામ્ ।
અપામહ પ્રણેજનેઽશ્વા ભવથ વાજિનઃ

તા અપઃ શિવા અપોઽયક્ષ્મંકરણીરપઃ ।
યથૈવ તૃપ્યતે મયસ્તાસ્ત આ દત્ત ભેસજીઃ

19.3
દિવસ્પૃથિવ્યાઃ પર્યન્તરિક્ષાદ્વનસ્પતિભ્યો અધ્યોષધીભ્યઃ ।
યત્રયત્ર વિભૃતો જાતવેદાસ્તત સ્તુતો જુષમાણો ન એહિ

યસ્તે અપ્સુ મહિમા યો વનેષુ ય ઓષધીષુ પશુષ્વપ્સ્વન્તઃ ।
અગ્ને સર્વાસ્તન્વઃ સં રભસ્વ તાભિર્ન એહિ દ્રવિણોદા અજસ્રઃ

યસ્તે દેવેષુ મહિમા સ્વર્ગો યા તે તનુઃ પિતૃષ્વાવિવેશ ।
પુષ્ટિર્યા તે મનુષ્યેષુ પપ્રથેઽગ્ને તયા રયિમસ્માસુ ધેહિ

શ્રુત્કર્ણાય કવયે વેદ્યાય વચોભિર્વાકૈરુપ યામિ રાતિમ્ ।
યતો ભયમભયં તન્ નો અસ્ત્વવ દેવાનાં યજ હેડો અગ્ને

19.4
યામાહુતિં પ્રથમામથર્વા યા જાતા યા હવ્યમકૃણોજ્જાતવેદાઃ ।
તાં ત એતાં પ્રથમો જોહવીમિ તાભિષ્ટુપ્તો વહતુ હવ્યમગ્નિરગ્નયે સ્વાહ

આકૂતિં દેવીં સુભગાં પુરો દધે ચિત્તસ્ય માતા સુહવા નો અસ્તુ ।
યામાશામેમિ કેવલી સા મે અસ્તુ વિદેયમેનાં મનસિ પ્રવિષ્ટામ્

આકૂત્યા નો બૃહસ્પત આકૂત્યા ન ઉપા ગહિ ।
અથો ભગસ્ય નો ધેહ્યથો નઃ સુહવો ભવ

બૃહસ્પતિર્મ આકૂતિમાઙ્ગિરસઃ પ્રતિ જાનાતુ વાચમેતામ્ ।
યસ્ય દેવા દેવતાઃ સંબભૂવુઃ સ સુપ્રણીતાઃ કામો અન્વેત્વસ્માન્

19.5
ઇન્દ્રો રાજા જગતશ્ચર્ષણીનામધિ ક્ષમિ વિષુરૂપં યદસ્તિ ।
તતો દદાતિ દાશુષે વસૂનિ ચોદદ્રાધ ઉપસ્તુતશ્ચિદર્વાક્

19.6
સહસ્રબાહુઃ પુરુષઃ સહસ્રાક્ષઃ સહસ્રપાત્।
સ ભૂમિં વિશ્વતો વૃત્વાત્યતિષ્ઠદ્દશાઙ્ગુલમ્

ત્રિભિઃ પદ્ભિર્દ્યામરોહત્પાદસ્યેહાભવત્પુનઃ ।
તથા વ્યક્રામદ્વિષ્વઙશનાનશને અનુ

તાવન્તો અસ્ય મહિમાનસ્તતો જ્યાયાંશ્ચ પૂરુષઃ ।
પાદોઽસ્ય વિશ્વા ભૂતાનિ ત્રિપાદસ્યામૃતં દિવિ

પુરુષ એવેદં સર્વં યદ્ભૂતં યચ્ચ ભાવ્યમ્ ।
ઉતામૃતત્વસ્યેશ્વરો યદન્યેનાભવત્સહ

યત્પુરુષં વ્યદધુઃ કતિધા વ્યકલ્પયન્ ।
મુખં કિમસ્ય કિં બાહૂ કિમૂરૂ પાદા ઉચ્યતે

બ્રાહ્મણોઽસ્ય મુખમાસીદ્બાહૂ રાજન્યોઽભવત્।
મધ્યં તદસ્ય યદ્વૈશ્યઃ પદ્ભ્યાં શૂદ્રો અજાયત

ચન્દ્રમા મનસો જાતશ્ચક્ષોઃ સૂર્યો અજાયત ।
મુખાદિન્દ્રશ્ચાગ્નિશ્ચ પ્રાણાદ્વાયુરજાયત

નાભ્યા આસીદન્તરિક્ષં શીર્ષ્ણો દ્યૌઃ સમવર્તત ।
પદ્ભ્યાં ભૂમિર્દિશઃ શ્રોત્રાત્તથા લોકામકલ્પયન્

વિરાડગ્રે સમભવદ્વિરાજો અધિ પૂરુષઃ ।
સ જાતો અત્યરિચ્યત પશ્ચાદ્ભૂમિમથો પુરઃ

યત્પુરુષેણ હવિષા દેવા યજ્ઞમતન્વત ।
વસન્તો અસ્યાસીદાજ્યં ગ્રીષ્મ ઇધ્મઃ શરદ્ધવિઃ

તં યજ્ઞં પ્રાવૃષા પ્રૌક્ષન્ પુરુષં જાતમગ્રશઃ ।
તેન દેવા અયજન્ત સાધ્યા વસવશ્ચ યે

તસ્માદશ્વા અજાયન્ત યે ચ કે ચોભયાદતઃ ।
ગાવો હ જજ્ઞિરે તસ્માત્તસ્માજ્જાતા અજાવયઃ

તસ્માદ્યજ્ઞાત્સર્વહુત ઋચઃ સામાનિ જજ્ઞિરે ।
છન્દો હ જજ્ઞિરે તસ્માદ્યજુસ્તસ્માદજાયત

તસ્માદ્યજ્ઞાત્સર્વહુતઃ સંભૃતં પૃષદાજ્યમ્ ।
પશૂંસ્તાંશ્ચક્રે વાયવ્યાન્ આરણ્યા ગ્રામ્યાશ્ચ યે

સપ્તાસ્યાસન્ પરિધયસ્ત્રિઃ સપ્ત સમિધઃ કૃતાઃ ।
દેવા યદ્યજ્ઞં તન્વાના અબધ્નન્ પુરુષં પશુમ્

મૂર્ધ્નો દેવસ્ય બૃહતો અંશવઃ સપ્ત સપ્તતીઃ ।
રાજ્ઞઃ સોમસ્યાજાયન્ત જાતસ્ય પુરુષાદધિ

19.7
ચિત્રાણિ સાકં દિવિ રોચનાનિ સરીસૃપાણિ ભુવને જવાનિ ।
તુર્મિશં સુમતિમિચ્છમાનો અહાનિ ગીર્ભિઃ સપર્યામિ નાકમ્

સુહવમગ્ને કૃત્તિકા રોહિણી ચાસ્તુ ભદ્રં મૃગશિરઃ શમાર્દ્રા ।
પુનર્વસૂ સૂનૃતા ચારુ પુષ્યો ભાનુરાશ્લેષા અયનં મઘા મે

પુણ્યં પૂર્વા ફલ્ગુન્યૌ ચાત્ર હસ્તશ્ચિત્રા શિવા સ્વાતિ સુખો મે અસ્તુ ।
રાધે વિશાખે સુહવાનુરાધા જ્યેષ્ઠા સુનક્ષત્રમરિષ્ટ મૂલમ્

અન્નં પૂર્વા રાસતાં મે અષાઢા ઊર્જં દેવ્યુત્તરા આ વહન્તુ ।
અભિજિન્ મે રાસતાં પુણ્યમેવ શ્રવણઃ શ્રવિષ્ઠાઃ કુર્વતાં સુપુષ્ટિમ્

આ મે મહચ્છતભિષગ્વરીય આ મે દ્વયા પ્રોષ્ઠપદા સુશર્મ ।
આ રેવતી ચાશ્વયુજૌ ભગં મ આ મે રયિં ભરણ્ય આ વહન્તુ

19.8
યાનિ નક્ષત્રાણિ દિવ્યન્તરિક્ષે અપ્સુ ભૂમૌ યાનિ નગેષુ દિક્ષુ ।
પ્રકલ્પયંશ્ચન્દ્રમા યાન્યેતિ સર્વાણિ મમૈતાનિ શિવાનિ સન્તુ

અષ્ટાવિંશાનિ શિવાનિ શગ્માનિ સહ યોગં ભજન્તુ મે ।
યોગં પ્ર પદ્યે ક્ષેમં ચ ક્ષેમં પ્ર પદ્યે યોગં ચ નમોઽહોરાત્રાભ્યામસ્તુ

સ્વસ્તિતં મે સુપ્રાતઃ સુસાયં સુદિવં સુમૃગં સુશકુનં મે અસ્તુ ।
સુહવમગ્ને સ્વસ્ત્યમર્ત્યં ગત્વા પુનરાયાભિનન્દન્

અનુહવં પરિહવં પરિવાદં પરિક્ષવમ્ ।
સર્વૈર્મે રિક્તકુમ્ભાન્ પરા તાન્ત્સવિતઃ સુવ

અપપાપં પરિક્ષવં પુણ્યં ભક્ષીમહિ ક્ષવમ્ ।
શિવા તે પાપ નાસિકાં પુણ્યગશ્ચાભિ મેહતામ્

ઇમા યા બ્રહ્મણસ્પતે વિષુચીર્વાત ઈરતે ।
સધ્રીચીરિન્દ્ર તાઃ કૃત્વા મહ્યં શિવતમાસ્કૃધિ

સ્વસ્તિ નો અસ્ત્વભયં નો અસ્તુ નમોઽહોરત્રાભ્યામસ્તુ

19.9
શાન્તા દ્યૌઃ શાન્તા પૃથિવી શાન્તમિદમુર્વન્તરિક્ષમ્ ।
શાન્તા ઉદન્વતીરાપઃ શાન્તા નઃ સન્ત્વોષધીઃ

શાન્તાનિ પૂર્વરૂપાણિ શાન્તં નો અસ્તુ કૃતાકૃતમ્ ।
શાન્તં ભૂતં ચ ભવ્યં ચ સર્વમેવ શમસ્તુ નઃ

ઇયં યા પરમેષ્ઠિની વાગ્દેવી બ્રહ્મસંશિતા ।
યયૈવ સસૃજે ઘોરં તયૈવ શાન્તિરસ્તુ નઃ

ઇદં યત્પરમેષ્ઠિનં મનો વાં બ્રહ્મસંશિતમ્ ।
યેનૈવ સસૃજે ઘોરં તેનૈવ શાન્તિરસ્તુ નઃ

ઇમાનિ યાનિ પઞ્ચેન્દ્રિયાનિ મનઃષષ્ઠાનિ મે હૃદિ બ્રહ્મણા સંશિતાનિ ।
યૈરેવ સસૃજે ઘોરં તૈરેવ શાન્તિરસ્તુ નઃ

શં નો મિત્રઃ શં વરુણઃ શં વિષ્ણુઃ શં પ્રજાપતિઃ ।
શં ન ઇન્દ્રો બૃહસ્પતિઃ શં નો ભવત્વર્યમા

શં નો મિત્રઃ શં વરુણઃ શં વિવસ્વાં છમન્તકઃ ।
ઉત્પાતાઃ પાર્થિવાન્તરિક્ષાઃ શં નો દિવિચરા ગ્રહાઃ

શં નો ભૂમિર્વેપ્યમાના શમુલ્કા નિર્હતં ચ યત્।
શં ગાવો લોહિતક્ષીરાઃ શં ભૂમિરવ તીર્યતીઃ

નક્ષત્રમુલ્કાભિહતં શમસ્તુ નઃ શં નોઽભિચારાઃ શમુ સન્તુ કૃત્યાઃ ।
શં નો નિખાતા વલ્ગાઃ શમુલ્કા દેશોપસર્ગાઃ શમુ નો ભવન્તુ

શં નો ગ્રહાશ્ચાન્દ્રમસાઃ શમાદિત્યશ્ચ રાહુણા ।
શં નો મૃત્યુર્ધૂમકેતુઃ શં રુદ્રાસ્તિગ્મતેજસઃ

શં રુદ્રાઃ શં વસવઃ શમાદિત્યાઃ શમગ્નયઃ ।
શં નો મહર્ષયો દેવાઃ શં દેવાઃ શં બૃહસ્પતિઃ

બ્રહ્મ પ્રજાપતિર્ધાતા લોકા વેદાઃ સપ્તઋષયોઽગ્નયઃ ।
તૈર્મે કૃતં સ્વસ્ત્યયનમિન્દ્રો મે શર્મ યચ્છતુ બ્રહ્મા મે શર્મ યચ્છતુ ।
વિશ્વે મે દેવાઃ શર્મ યચ્છન્તુ સર્વે મે દેવાઃ શર્મ યચ્છન્તુ

યાનિ કાનિ ચિચ્છાન્તાનિ લોકે સપ્તઋષયો વિદુઃ ।
સર્વાણિ શં ભવન્તુ મે શં મે અસ્ત્વભયં મે અસ્તુ

પૃથિવી શાન્તિરન્તરિક્ષં શાન્તિર્દ્યૌઃ શાન્તિરાપઃ શાન્તિરોષધયઃ શાન્તિર્વનસ્પતયઃ શાન્તિર્વિશ્વે મે દેવાઃ શાન્તિઃ સર્વે મે દેવાઃ શાન્તિઃ શાન્તિઃ શાન્તિઃ શાન્તિભિઃ ।
યદિહ ઘોરં યદિહ ક્રૂરં યદિહ પાપં તચ્છાન્તં તચ્છિવં સર્વમેવ શમસ્તુ નઃ

19.10
શં ન ઇન્દ્રાગ્ની ભવતામવોભિઃ શં ન ઇન્દ્રાવરુણા રાતહવ્યા ।
શમિન્દ્રાસોમા સુવિતાય શં યોઃ શં ન ઇન્દ્રાપૂષણા વાજસાતૌ

શં નો ભગઃ શમુ નઃ શંસો અસ્તુ શં નઃ પુરંધિઃ શમુ સન્તુ રાયઃ ।
શં નઃ સત્યસ્ય સુયમસ્ય શંસઃ શં નો અર્યમા પુરુજાતો અસ્તુ

શં નો ધાતા શમુ ધર્તા નો અસ્તુ શં ન ઉરૂચી ભવતુ સ્વધાભિઃ ।
શં રોદસી બૃહતી શં નો અદ્રિઃ શં નો દેવાનાં સુહવાનિ સન્તુ

શં નો અગ્નિર્જ્યોતિરનીકો અસ્તુ શં નો મિત્રાવરુણાવશ્વિના શમ્ ।
શં નઃ સુકૃતાં સુકૃતાનિ સન્તુ શં ન ઇષિરો અભિ વાતુ વાતઃ

શં નો દ્યાવાપૃથિવી પૂર્વહૂતૌ શમન્તરિક્ષં દૃશયે નો અસ્તુ ।
શં ન ઓષધીર્વનિનો ભવન્તુ શં નો રજસસ્પતિરસ્તુ જિષ્ણુઃ

શં ન ઇન્દ્રો વસુભિર્દેવો અસ્તુ શમાદિત્યેભિર્વરુણઃ સુશંસઃ ।
શં નો રુદ્રો રુદ્રેભિર્જલાષઃ શં નસ્ત્વષ્ટા ગ્નાભિરિહ શૃણોતુ

શં નઃ સોમો ભવતુ બ્રહ્મ શં નઃ શં નો ગ્રાવાણઃ શમુ સન્તુ યજ્ઞાઃ ।
શં નઃ સ્વરૂનાં મિતયો ભવન્તુ શં નઃ પ્રસ્વઃ શં વસ્તુ વેદિઃ

શં નઃ સૂર્ય ઉરુચક્ષા ઉદેતુ શં નો ભવન્તુ પ્રદિશશ્ચતસ્રઃ ।
શં નઃ પર્વતા ધ્રુવયો ભવન્તુ શં નઃ સિન્ધવઃ શમુ સન્ત્વાપઃ

શં નો અદિતિર્ભવતુ વ્રતેભિઃ શં નો ભવન્તુ મરુતઃ સ્વર્કાઃ ।
શં નો વિષ્ણુઃ શમુ પૂષા નો અસ્તુ શં નો ભવિત્રં શં વસ્તુ વાયુઃ

શં નો દેવઃ સવિતા ત્રાયમાણઃ શં નો ભવન્તૂષસો વિભાતીઃ ।
શં નઃ પર્જન્યો ભવતુ પ્રજાભ્યઃ શં નઃ ક્ષેત્રસ્ય પતિરસ્તુ શંભુઃ

19.11
શં નઃ સત્યસ્ય પતયો ભવન્તુ શં નો અર્વન્તઃ શમુ સન્તુ ગાવઃ ।
શં ન ઋભવઃ સુકૃતઃ સુહસ્તાઃ શં નો ભવતુ પિતરો હવેષુ

શં નો દેવા વિશ્વદેવા ભવન્તુ શં સરસ્વતી સહ ધીભિરસ્તુ ।
શમભિષાચઃ શમુ રાતિષાચઃ શં નો દિવ્યાઃ પાર્થિવાઃ શં નો અપ્યાઃ

શં નો અજ એકપાદ્દેવો અસ્તુ શમહિર્બુધ્ન્યઃ શં સમુદ્રઃ ।
શં નો અપાં નપાત્પેરુરસ્તુ શં નઃ પૃષ્ણિર્ભવતુ દેવગોપા

આદિત્યા રુદ્રા વસવો જુષન્તામિદં બ્રહ્મ ક્રિયમાણં નવીયઃ ।
સૃણ્વન્તુ નો દિવ્યાઃ પાર્થિવાસો ગોજાતા ઉત યે યજ્ઞિયાસઃ

યે દેવાનામૃત્વિજો યજ્ઞિયાસો મનોર્યજત્રા અમૃતા ઋતજ્ઞાઃ ।
તે નો રાસન્તામુરુગાયમદ્ય યૂયં પાત સ્વસ્તિભિઃ સદા નઃ

તદસ્તુ મિત્રાવરુણા તદગ્ને શં યોરસ્મભ્યમિદમસ્તુ શસ્તમ્ ।
અશીમહિ ગાધમુત પ્રતિષ્ઠાં નમો દિવે બૃહતે સાદનાય

19.12
ઉષા અપ સ્વસુસ્તમઃ સં વર્તયતિ વર્તનિં સુજાતતા ।
અયા વાજં દેવહિતં સનેમ મદેમ શતહિમાઃ સુવીરાઃ

19.13
ઇન્દ્રસ્ય બાહૂ સ્થવિરૌ વૃષાણૌ ચિત્રા ઇમા વૃષભૌ પારયિષ્ણૂ ।
તૌ યોક્ષે પ્રથમો યોગ આગતે યાભ્યાં જિતમસુરાણાં સ્વર્યત્

આશુઃ શિશાનો વૃષભો ન ભીમો ઘનાઘનઃ ક્ષોભણશ્ચર્ષણીનામ્ ।
સંક્રન્દનોઽનિમિષ એકવીરઃ શતં સેના અજયત્સાકમિન્દ્રઃ

સંક્રન્દનેનાનિમિષેણ જિષ્ણુનાયોધ્યેન દુશ્ચ્યવનેન ધૃષ્ણુના ।
તદિન્દ્રેણ જયત તત્સહધ્વં યુધો નર ઇષુહસ્તેન વૃષ્ણા

સ ઇષુહસ્તૈઃ સ નિષઙ્ગિભિર્વશી સંસ્રષ્ટા સ યુધ ઇન્દ્રો ગણેન ।
સંસૃષ્ટજિત્સોમપા બાહુશર્ધ્યુગ્રધન્વા પ્રતિહિતાભિરસ્તા

બલવિજ્ઞાયઃ સ્થવિરઃ પ્રવીરઃ સહસ્વાન્ વાજી સહમાન ઉગ્રઃ ।
અભિવીરો અભિષત્વા સહોજિજ્જૈત્રમિન્દ્ર રથમા તિષ્ઠ ગોવિદમ્

ઇમં વીરમનુ હર્ષધ્વમુગ્રમિન્દ્રં સખાયો અનુ સં રભધ્વમ્ ।
ગ્રામજિતં ગોજિતં વજ્રબાહું જયન્તમજ્મ પ્રમૃણન્તમોજસા

અભિ ગોત્રાણિ સહસા ગાહમાનોઽદાય ઉગ્રઃ શતમન્યુરિન્દ્રઃ ।
દુશ્ચ્યવનઃ પૃતનાષાડયોધ્યોઽસ્માકં સેના અવતુ પ્ર યુત્સુ

બૃહસ્પતે પરિ દીયા રથેન રક્ષોહામિત્રામપબાધમાનઃ ।
પ્રભઞ્જંછત્રૂન્ પ્રમૃણન્ન્ અમિત્રાન્ અસ્માકમેધ્યવિતા તનૂનામ્

ઇન્દ્ર એષાં નેતા બૃહસ્પતિર્દક્ષિણા યજ્ઞઃ પુર એતુ સોમઃ ।
દેવસેનાનામભિભઞ્જતીનાં જયન્તીનાં મરુતો યન્તુ મધ્યે

ઇન્દ્રસ્ય વૃષ્ણો વરુણસ્ય રાજ્ઞ આદિત્યાનાં મરુતાં શર્ધ ઉગ્રમ્ ।
મહામનસાં ભુવનચ્યવાનાં ઘોષો દેવાનાં જયતામુદસ્થાત્

અસ્માકમિન્દ્રઃ સમૃતેષુ ધ્વજેષ્વસ્માકં યા ઇષવસ્તા જયન્તુ ।
અસ્માકં વીરા ઉત્તરે ભવન્ત્વસ્માન્ દેવાસોઽવતા હવેષુ

19.14
ઇદમુચ્છ્રેયોઽવસાનમાગાં શિવે મે દ્યાવાપૃથિવી અભૂતામ્ ।
અસપત્નાઃ પ્રદિશો મે ભવન્તુ ન વૈ ત્વા દ્વિષ્મો અભયં નો અસ્તુ

19.15
યત ઇન્દ્ર ભયામહે તતો નો અભયં કૃધિ ।
મઘવંછગ્ધિ તવ ત્વં ન ઊતિભિર્વિ દ્વિષો વિ મૃધો જહિ

ઇન્દ્રં વયમનૂરાધં હવામહેઽનુ રાધ્યાસ્મ દ્વિપદા ચતુષ્પદા ।
મા નઃ સેના અરરુષીરુપ ગુર્વિષૂચિરિન્દ્ર દ્રુહો વિ નાશય

ઇન્દ્રસ્ત્રાતોત વૃત્રહા પરસ્ફાનો વરેણ્યઃ ।
સ રક્ષિતા ચરમતઃ સ મધ્યતઃ સ પશ્ચાત્સ પુરસ્તાન્ નો અસ્તુ

ઉરું નો લોકમનુ નેષિ વિદ્વાન્ત્સ્વર્યજ્જ્યોતિરભયં સ્વસ્તિ ।
ઉગ્રા ત ઇન્દ્ર સ્થવિરસ્ય બાહૂ ઉપ ક્ષયેમ શરણા બૃહન્તા

અભયં નઃ કરત્યન્તરિક્ષમભયં દ્યાવાપૃથિવી ઉભે ઇમે ।
અભયં પશ્ચાદભયં પુરસ્તાદુત્તરાદધરાદભયં નો અસ્તુ

અભયં મિત્રાદભયમમિત્રાદભયં જ્ઞાતાદભયં પુરો યઃ ।
અભયં નક્તમભયં દિવા નઃ સર્વા આશા મમ મિત્રં ભવન્તુ

19.16
અસપત્નં પુરસ્તાત્પશ્ચાન્ નો અભયં કૃતમ્ ।
સવિતા મા દક્ષિણત ઉત્તરાન્ મા શચીપતિઃ

દિવો માદિત્યા રક્ષતુ ભૂમ્યા રક્ષન્ત્વગ્નયઃ ।
ઇન્દ્રાગ્ની રક્ષતાં મા પુરસ્તાદશ્વિનાવભિતઃ શર્મ યચ્છતામ્ ।
તિરશ્ચીન્ અઘ્ન્યા રક્ષતુ જાતવેદા ભૂતકૃતો મે સર્વતઃ સન્તુ વર્મ

19.17
અગ્નિર્મા પાતુ વસુભિઃ પુરસ્તાત્તસ્મિન્ ક્રમે તસ્મિં છ્રયે તાં પુરં પ્રૈમિ ।
સ મા રક્ષતુ સ મા ગોપાયતુ તસ્મા આત્માનં પરિ દદે સ્વાહા

વાયુર્માન્તરિક્ષેણૈતસ્યા દિશઃ પાતુ તસ્મિન્ ક્રમે તસ્મિં છ્રયે તાં પુરં પ્રૈમિ ।
સ મા રક્ષતુ સ મા ગોપાયતુ તસ્મા આત્માનં પરિ દદે સ્વાહા

સોમો મા રુદ્રૈર્દક્ષિણાયા દિશઃ પાતુ તસ્મિન્ ક્રમે તસ્મિં છ્રયે તાં પુરં પ્રૈમિ ।
સ મા રક્ષતુ સ મા ગોપાયતુ તસ્મા આત્માનં પરિ દદે સ્વાહા

વરુણો માદિત્યૈરેતસ્યા દિશઃ પાતુ તસ્મિન્ ક્રમે તસ્મિં છ્રયે તાં પુરં પ્રૈમિ ।
સ મા રક્ષતુ સ મા ગોપાયતુ તસ્મા આત્માનં પરિ દદે સ્વાહા

સૂર્યો મા દ્યાવાપૃથિવીભ્યાં પ્રતીચ્યા દિશઃ પાતુ તસ્મિન્ ક્રમે તસ્મિં છ્રયે તાં પુરં પ્રૈમિ ।
સ મા રક્ષતુ સ મા ગોપાયતુ તસ્મા આત્માનં પરિ દદે સ્વાહા

આપો મૌષધીમતીરેતસ્યા દિશઃ પાન્તુ તાસુ ક્રમે તાસુ શ્રયે તાં પુરં પ્રૈમિ ।
તા મા રક્ષન્તુ તા મા ગોપાયન્તુ તાભ્ય આત્માનં પરિ દદે સ્વાહા

વિશ્વકર્મા મા સપ્તઋષિભિરુદીચ્યા દિશઃ પાતુ તસ્મિન્ ક્રમે તસ્મિં છ્રયે તાં પુરં પ્રૈમિ ।
સ મા રક્ષતુ સ મા ગોપાયતુ તસ્મા આત્માનં પરિ દદે સ્વાહા

ઇન્દ્રો મા મરુત્વાન્ એતસ્યા દિશઃ પાતુ તસ્મિન્ ક્રમે તસ્મિં છ્રયે તાં પુરં પ્રૈમિ ।
સ મા રક્ષતુ સ મા ગોપાયતુ તસ્મા આત્માનં પરિ દદે સ્વાહા

પ્રજાપતિર્મા પ્રજનનવાન્ત્સહ પ્રતિષ્ઠયા ધ્રુવાયા દિશઃ પાતુ તસ્મિન્ ક્રમે તસ્મિં છ્રયે તાં પુરં પ્રૈમિ ।
સ મા રક્ષતુ સ મા ગોપાયતુ તસ્મા આત્માનં પરિ દદે સ્વાહા

બૃહસ્પતિર્મા વિશ્વૈર્દેવૈરૂર્ધ્વાયા દિશઃ પાતુ તસ્મિન્ ક્રમે તસ્મિં છ્રયે તાં પુરં પ્રૈમિ ।
સ મા રક્ષતુ સ મા ગોપાયતુ તસ્મા આત્માનં પરિ દદે સ્વાહા

19.18
અગ્નિં તે વસુવન્તમૃચ્છન્તુ ।
યે માઘાયવઃ પ્રાચ્યા દિશોઽભિદાસાન્

વાયું તેઽન્તરિક્ષવન્તમૃચ્છન્તુ ।
યે માઘાયવ એતસ્યા દિશોઽભિદાસાન્

સોમં તે રુદ્રવન્તમૃચ્છન્તુ ।
યે માઘાયવો દક્ષિણાયા દિશોઽભિદાસાન્

વરુણં ત આદિત્યવન્તમૃચ્છન્તુ ।
યે માઘાયવ એતસ્યા દિશોઽભિદાસાન્

સૂર્યં તે દ્યાવાપૃથિવીવન્તમૃચ્છન્તુ ।
યે માઘાયવ પ્રતીચ્યા દિશોઽભિદાસાન્

અપસ્ત ઓષધીમતીરૃચ્છન્તુ ।
યે માઘાયવ એતસ્યા દિશોઽભિદાસાન્

વિશ્વકર્માણં તે સપ્તઋષિવન્તમૃચ્છન્તુ ।
યે માઘાયવ ઉદીચ્યા દિશોઽભિદાસાન્

ઇન્દ્રં તે મરુત્વન્તમૃચ્છન્તુ ।
યે માઘાયવ એતસ્યા દિશોઽભિદાસાન્

પ્રજાપતિં તે પ્રજનનવન્તમૃચ્છન્તુ ।
યે માઘાયવો ધ્રુવાયા દિશોઽભિદાસાન્

બૃહસ્પતિં તે વિશ્વદેવવન્તમૃચ્છન્તુ ।
યે માઘાયવ ઊર્ધ્વાયા દિશોઽભિદાસાન્

19.19
મિત્રઃ પૃથિવ્યોદક્રામત્તાં પુરં પ્ર ણયામિ વઃ ।
તામા વિશત તાં પ્ર વિશત સા વઃ શર્મ ચ વર્મ ચ યચ્છતુ

વાયુરન્તરિક્ષેણોદક્રામત્તાં પુરં પ્ર ણયામિ વઃ ।
તામા વિશત તાં પ્ર વિશત સા વઃ શર્મ ચ વર્મ ચ યચ્છતુ

સૂર્યો દિવોદક્રામત્તાં પુરં પ્ર ણયામિ વઃ ।
તામા વિશત તાં પ્ર વિશત સા વઃ શર્મ ચ વર્મ ચ યચ્છતુ

ચન્દ્રમા નક્ષત્રૈરુદક્રામત્તાં પુરં પ્ર ણયામિ વઃ ।
તામા વિશત તાં પ્ર વિશત સા વઃ શર્મ ચ વર્મ ચ યચ્છતુ

સોમ ઓષધીભિરુદક્રામત્તાં પુરં પ્ર ણયામિ વઃ ।
તામા વિશત તાં પ્ર વિશત સા વઃ શર્મ ચ વર્મ ચ યચ્છતુ

યજ્ઞો દક્ષિણાભિરુદક્રામત્તાં પુરં પ્ર ણયામિ વઃ ।
તામા વિશત તાં પ્ર વિશત સા વઃ શર્મ ચ વર્મ ચ યચ્છતુ

સમુદ્રો નદીભિરુદક્રામત્તાં પુરં પ્ર ણયામિ વઃ ।
તામા વિશત તાં પ્ર વિશત સા વઃ શર્મ ચ વર્મ ચ યચ્છતુ

બ્રહ્મ બ્રહ્મચારિભિરુદક્રામત્તાં પુરં પ્ર ણયામિ વઃ ।
તામા વિશત તાં પ્ર વિશત સા વઃ શર્મ ચ વર્મ ચ યચ્છતુ

ઇન્દ્રો વીર્યેણોદક્રામત્તાં પુરં પ્ર ણયામિ વઃ ।
તામા વિશત તાં પ્ર વિશત સા વઃ શર્મ ચ વર્મ ચ યચ્છતુ

દેવા અમૃતેનોદક્રામંસ્તાં પુરં પ્ર ણયામિ વઃ ।
તામા વિશત તાં પ્ર વિશત સા વઃ શર્મ ચ વર્મ ચ યચ્છતુ

પ્રજાપતિઃ પ્રજાભિરુદક્રામત્તાં પુરં પ્ર ણયામિ વઃ ।
તામા વિશત તાં પ્ર વિશત સા વઃ શર્મ ચ વર્મ ચ યચ્છતુ

19.20
અપ ન્યધુઃ પૌરુષેયં વધં યમિન્દ્રાગ્ની ધાતા સવિતા બૃહસ્પતિઃ ।
સોમો રાજા વરુણો અશ્વિના યમઃ પૂષાસ્માન્ પરિ પાતુ મૃત્યોઃ

યાનિ ચકાર ભુવનસ્ય યસ્પતિઃ પ્રજાપતિર્માતરિશ્વા પ્રજાભ્યઃ ।
પ્રદિશો યાનિ વસતે દિશશ્ચ તાનિ મે વર્માણિ બહુલાનિ સન્તુ

યત્તે તનૂષ્વનહ્યન્ત દેવા દ્યુરાજયો દેહિનઃ ।
ઇન્દ્રો યચ્ચક્રે વર્મ તદસ્માન્ પાતુ વિશ્વતઃ

વર્મ મે દ્યાવાપૃથિવી વર્માહર્વર્મ સૂર્યઃ ।
વર્મ મે વિશ્વે દેવાઃ ક્રન્ મા મા પ્રાપત્પ્રતીચિકા

19.21
ગાયત્ર્યુષ્ણિગનુષ્ટુબ્બૃહતી પઙ્ક્તિસ્ત્રિષ્ટુબ્જગત્યૈ

19.22
આઙ્ગિરસાનામાદ્યૈઃ પઞ્ચાનુવાકૈઃ સ્વાહા

ષષ્ઠાય સ્વાહા

સપ્તમાષ્ટમાભ્યાં સ્વાહા

નીલનખેભ્યઃ સ્વાહા

હરિતેભ્યઃ સ્વાહા

ક્ષુદ્રેભ્યઃ સ્વાહા

પર્યાયિકેભ્યઃ સ્વાહા

પ્રથમેભ્યઃ શઙ્ખેભ્યઃ સ્વાહા

દ્વિતીયેભ્યઃ શઙ્ખેભ્યઃ સ્વાહા

તૃતીયેભ્યઃ શઙ્ખેભ્યઃ સ્વાહા

ઉપોત્તમેભ્યઃ સ્વાહા

ઉત્તમેભ્યઃ સ્વાહા

ઉત્તરેભ્યઃ સ્વાહા

ઋષિભ્યઃ સ્વાહા

શિખિભ્યઃ સ્વાહા

ગણેભ્યઃ સ્વાહા

મહાગણેભ્યઃ સ્વાહા

સર્વેભ્યોઽઙ્ગિરોભ્યો વિદગણેભ્યઃ સ્વાહા

પૃથક્સહસ્રાભ્યાં સ્વાહા

બ્રહ્મણે સ્વાહા

બ્રહ્મજ્યેષ્ઠા સમ્ભૃતા વિર્યાણિ બ્રહ્માગ્રે જ્યેષ્ઠં દિવમા તતાન ।
ભૂતાનાં બ્રહ્મા પ્રથમોત જજ્ઞે તેનાર્હતિ બ્રહ્મણા સ્પર્ધિતું કઃ

19.23
આથર્વણાનાં ચતુરૃચેભ્યઃ સ્વાહા

પઞ્ચર્ચેભ્યઃ સ્વાહા

ષળૃચેભ્યઃ સ્વાહા

સપ્તર્ચેભ્યઃ સ્વાહા

અષ્ટર્ચેભ્યઃ સ્વાહા

નવર્ચેભ્યઃ સ્વાહા

દશર્ચેભ્યઃ સ્વાહા

એકાદશર્ચેભ્યઃ સ્વાહા

દ્વાદશર્ચેભ્યઃ સ્વાહા

ત્રયોદશર્ચેભ્યઃ સ્વાહા

ચતુર્દશર્ચેભ્યઃ સ્વાહા

પઞ્ચદશર્ચેભ્યઃ સ્વાહા

ષોડશર્ચેભ્યઃ સ્વાહા

સપ્તદશર્ચેભ્યઃ સ્વાહા

અષ્ટાદશર્ચેભ્યઃ સ્વાહા

એકોનવિંશતિઃ સ્વાહા

વિંશતિઃ સ્વાહા

મહત્કાણ્ડાય સ્વાહા

તૃચેભ્યઃ સ્વાહા

એકર્ચેભ્યઃ સ્વાહા

ક્ષુદ્રેભ્યઃ સ્વાહા

એકાનૃચેભ્યઃ સ્વાહા

રોહિતેભ્યઃ સ્વાહા

સૂર્યાભ્યાં સ્વાહા

વ્રાત્યાભ્યાં સ્વાહા

પ્રાજાપત્યાભ્યાં સ્વાહા

વિષાસહ્યૈ સ્વાહા

મઙ્ગલિકેભ્યઃ સ્વાહા

બ્રહ્મણે સ્વાહા

બ્રહ્મજ્યેષ્ઠા સંભૃતા વીર્યાણિ બ્રહ્માગ્રે જ્યેષ્ઠં દિવમા તતાન ।
ભૂતાનાં બ્રહ્મા પ્રથમોત જજ્ઞે તેનાર્હતિ બ્રહ્મણા સ્પર્ધિતું કઃ

19.24
યેન દેવં સવિતારં પરિ દેવા અધારયન્ ।
તેનેમં બ્રહ્મણસ્પતે પરિ રાષ્ટ્રાય ધત્તન

પરીમમિન્દ્રમાયુષે મહે ક્ષત્રાય ધત્તન ।
યથૈનં જરસે નયાજ્જ્યોક્ક્ષત્રેઽધિ જાગરત્

પરીમમિન્દ્રમાયુષે મહે શ્રોત્રાય ધત્તન ।
યથૈનં જરસે નયાજ્જ્યોક્શ્રોત્રેઽધિ જાગરત્

પરિ ધત્ત ધત્ત નો વર્ચસેમં જરામૃત્યું કૃણુત દીર્ઘમાયુઃ ।
બૃહસ્પતિઃ પ્રાયચ્છદ્વાસ એતત્સોમાય રાજ્ઞે પરિધાતવા ઉ

જરાં સુ ગચ્છ પરિ ધત્સ્વ વાસો ભવા ગૃષ્ટીનામભિશસ્તિપા ઉ ।
શતં ચ જીવ શરદઃ પુરૂચી રાયશ્ચ પોષમુપસંવ્યયસ્વ

પરીદં વાસો અધિથાઃ સ્વસ્તયેઽભૂર્વાપીનામભિશસ્તિપા ઉ ।
શતં ચ જીવ શરદઃ પુરૂચીર્વસૂનિ ચારુર્વિ ભજાસિ જીવન્

યોગેયોગે તવસ્તરં વાજેવાજે હવામહે ।
સખાય ઇન્દ્રમૂતયે

હિરણ્યવર્ણો અજરઃ સુવીરો જરામૃત્યુઃ પ્રજયા સં વિશસ્વ ।
તદગ્નિરાહ તદુ સોમ આહ બૃહસ્પતિઃ સવિતા તદિન્દ્રઃ

19.25
અશ્રાન્તસ્ય ત્વા મનસા યુનજ્મિ પ્રથમસ્ય ચ ।
ઉત્કૂલમુદ્વહો ભવોદુહ્ય પ્રતિ ધાવતાત્

19.26
અગ્નેઃ પ્રજાતં પરિ યદ્ધિરણ્યમમૃતં દધ્રે અધિ મર્ત્યેષુ ।
ય એનદ્વેદ સ ઇદેનમર્હતિ જરામૃત્યુર્ભવતિ યો બિભર્તિ

યદ્ધિરણ્યં સૂર્યેણ સુવર્ણં પ્રજાવન્તો મનવઃ પૂર્વ ઈષિરે ।
તત્ત્વા ચન્દ્રં વર્ચસા સં સૃજત્યાયુષ્માન્ ભવતિ યો બિભર્તિ

આયુષે ત્વા વર્ચસે ત્વૌજસે ચ બલાય ચ ।
યથા હિરણ્યતેજસા વિભાસાસિ જનામનુ

યદ્વેદ રાજા વરુણો વેદ દેવો બૃહસ્પતિઃ ।
ઇન્દ્રો યદ્વૃત્રહા વેદ તત્ત આયુષ્યં ભુવત્તત્તે વર્ચસ્યં ભુવત્

19.27
ગોભિષ્ટ્વા પાત્વૃષભો વૃષા ત્વા પાતુ વાજિભિઃ ।
વાયુષ્ટ્વા બ્રહ્મણા પાત્વિન્દ્રસ્ત્વા પાત્વિન્દ્રિયૈઃ

સોમસ્ત્વા પાત્વોષધીભિર્નક્ષત્રૈઃ પાતુ સૂર્યઃ ।
માદ્ભ્યસ્ત્વા ચન્દ્રો વૃત્રહા વાતઃ પ્રાણેન રક્ષતુ

તિસ્રો દિવસ્તિસ્રઃ પૃથિવીસ્ત્રીણ્યન્તરિક્ષાણિ ચતુરઃ સમુદ્રાન્ ।
ત્રિવૃતં સ્તોમં ત્રિવૃત આપ આહુસ્તાસ્ત્વા રક્ષન્તુ ત્રિવૃતા ત્રિવૃદ્ભિઃ

ત્રીન્ નાકાંસ્ત્રીન્ સમુદ્રાંસ્ત્રીન્ બ્રધ્નાંસ્ત્રીન્ વૈષ્ટપાન્ ।
ત્રીન્ માતરિશ્વનસ્ત્રીન્ત્સૂર્યાન્ ગોપ્તૄન્ કલ્પયામિ તે

ઘૃતેન ત્વા સમુક્ષામ્યગ્ને આજ્યેન વર્ધયન્ ।
અગ્નેશ્ચન્દ્રસ્ય સૂર્યસ્ય મા પ્રાણં માયિનો દભન્

મા વઃ પ્રાણં મા વોઽપાનં મા હરો માયિનો દભન્ ।
ભ્રાજન્તો વિશ્વવેદસો દેવા દૈવ્યેન ધાવત

પ્રાણેનાગ્નિં સં સૃજતિ વાતઃ પ્રાણેન સંહિતઃ ।
પ્રાણેન વિશ્વતોમુખં સૂર્યં દેવા અજનયન્

આયુષાયુઃકૃતાં જીવાયુષ્માન્ જીવ મા મૃથાઃ ।
પ્રાણેનાત્મન્વતાં જીવ મા મૃત્યોરુદગા વશમ્

દેવાનાં નિહિતં નિધિં યમિન્દ્રોઽન્વવિન્દત્પથિભિર્દેવયાનૈઃ ।
આપો હિરણ્યં જુગુપુસ્ત્રિવૃદ્ભિસ્તાસ્ત્વા રક્ષન્તુ ત્રિવૃતા ત્રિવૃદ્ભિઃ

ત્રયસ્ત્રિંશદ્દેવતાસ્ત્રીણિ ચ વીર્યાણિ પ્રિયાયમાણા જુગુપુરપ્સ્વન્તઃ ।
અસ્મિંશ્ચન્દ્રે અધિ યદ્ધિરણ્યં તેનાયં કૃણવદ્વીર્યાણિ

યે દેવા દિવ્યેકાદશ સ્થ તે દેવાસો હવિરિદં જુષધ્વમ્

યે દેવા અન્તરિક્ષ એકાદશ સ્થ તે દેવાસો હવિરિદં જુષધ્વમ્

યે દેવા પૃથિવ્યામેકાદશ સ્થ તે દેવાસો હવિરિદં જુષધ્વમ્

અસપત્નં પુરસ્તાત્પશ્ચાન્ નો અભયં કૃતમ્ ।
સવિતા મા દક્ષિણત ઉત્તરાન્ મા શચીપતિઃ

દિવો માદિત્યા રક્ષન્તુ ભૂમ્યા રક્ષન્ત્વગ્નયઃ ।
ઇન્દ્રાગ્ની રક્ષતાં મા પુરસ્તાદશ્વિનાવભિતઃ શર્મ યચ્છતામ્ ।
તિરશ્ચીન્ અઘ્ન્યા રક્ષતુ જાતવેદા ભૂતકૃતો મે સર્વતઃ સન્તુ વર્મ

19.28
ઇમં બધ્નામિ તે મણિં દીર્ઘાયુત્વાય તેજસે ।
દર્ભં સપત્નદમ્ભનં દ્વિષતસ્તપનં હૃદઃ

દ્વિષતસ્તાપયન્ હૃદઃ શત્રૂણાં તાપયન્ મનઃ ।
દુર્હાર્દઃ સર્વાંસ્ત્વં દર્ભ ઘર્મ ઇવાભીન્ત્સંતાપયન્

ઘર્મ ઇવાભિતપન્ દર્ભ દ્વિષતો નિતપન્ મણે ।
હૃદઃ સપત્નાનાં ભિન્દ્ધીન્દ્ર ઇવ વિરુજં બલમ્

ભિન્દ્ધિ દર્ભ સપત્નાનાં હૃદયં દ્વિષતાં મણે ।
ઉદ્યન્ ત્વચમિવ ભૂમ્યાઃ શિર એષાં વિ પાતય

ભિન્દ્ધિ દર્ભ સપત્નાન્ મે ભિન્દ્ધિ મે પૃતનાયતઃ ।
ભિન્દ્ધિ મે સર્વાન્ દુર્હાર્દો ભિન્દ્ધિ મે દ્વિષતો મણે

છિન્દ્ધિ દર્ભ સપત્નાન્ મે છિન્દ્ધિ મે પૃતનાયતઃ ।
છિન્દ્ધિ મે સર્વાન્ દુર્હાર્દો છિન્દ્ધિ મે દ્વિષતો મણે

વૃશ્ચ દર્ભ સપત્નાન્ મે વૃશ્ચ મે પૃતનાયતઃ ।
વૃશ્ચ મે સર્વાન્ દુર્હાર્દો વૃશ્ચ મે દ્વિષતો મણે

કૃન્ત દર્ભ સપત્નાન્ મે કૃન્ત મે પૃતનાયતઃ ।
કૃન્ત મે સર્વાન્ દુર્હાર્દો કૃન્ત મે દ્વિષતો મણે

પિંશ દર્ભ સપત્નાન્ મે પિંશ મે પૃતનાયતઃ ।
પિંશ મે સર્વાન્ દુર્હાર્દો પિંશ મે દ્વિષતો મણે

વિધ્ય દર્ભ સપત્નાન્ મે વિધ્ય મે પૃતનાયતઃ ।
વિધ્ય મે સર્વાન્ દુર્હાર્દો વિધ્ય મે દ્વિષતો મણે

19.29
નિક્ષ દર્ભ સપત્નાન્ મે નિક્ષ મે પૃતનાયતઃ ।
નિક્ષ મે સર્વાન્ દુર્હાર્દો નિક્ષ મે દ્વિષતો મણે

તૃન્દ્ધિ દર્ભ સપત્નાન્ મે તૃન્દ્ધિ મે પૃતનાયતઃ ।
તૃન્દ્ધિ મે સર્વાન્ દુર્હાર્દો તૃન્દ્ધિ મે દ્વિષતો મણે

રુન્દ્ધિ દર્ભ સપત્નાન્ મે રુન્દ્ધિ મે પૃતનાયતઃ ।
રુન્દ્ધિ મે સર્વાન્ દુર્હાર્દો રુન્દ્ધિ મે દ્વિષતો મણે

મૃણ દર્ભ સપત્નાન્ મે મૃણ મે પૃતનાયતઃ ।
મૃણ મે સર્વાન્ દુર્હાર્દો મૃણ મે દ્વિષતો મણે

મન્થ દર્ભ સપત્નાન્ મે મન્થ મે પૃતનાયતઃ ।
મન્થ મે સર્વાન્ દુર્હાર્દો મન્થ મે દ્વિષતો મણે

પિણ્ડ્ઢિ દર્ભ સપત્નાન્ મે પિણ્ડ્ઢિ મે પૃતનાયતઃ ।
પિણ્ડ્ઢિ મે સર્વાન્ દુર્હાર્દો પિણ્ડ્ઢિ મે દ્વિષતો મણે

ઓષ દર્ભ સપત્નાન્ મે ઓષ મે પૃતનાયતઃ ।
ઓષ મે સર્વાન્ દુર્હાર્દો ઓષ મે દ્વિષતો મણે

દહ દર્ભ સપત્નાન્ મે દહ મે પૃતનાયતઃ ।
દહ મે સર્વાન્ દુર્હાર્દો દહ મે દ્વિષતો મણે

જહિ દર્ભ સપત્નાન્ મે જહિ મે પૃતનાયતઃ ।
જહિ મે સર્વાન્ દુર્હાર્દો જહિ મે દ્વિષતો મણે

19.30
યત્તે દર્ભ જરામૃત્યુ શતં વર્મસુ વર્મ તે ।
તેનેમં વર્મિણં કૃત્વા સપત્નાં જહિ વીર્યૈઃ

શતં તે દર્ભ વર્માણિ સહસ્રં વીર્યાણિ તે ।
તમસ્મૈ વિશ્વે ત્વાં દેવા જરસે ભર્તવા અદુઃ

ત્વામાહુર્દેવવર્મ ત્વાં દર્ભ બ્રહ્મણસ્પતિમ્ ।
ત્વામિન્દ્રસ્યાહુર્વર્મ ત્વં રાષ્ટ્રાણિ રક્ષસિ

સપત્નક્ષયણં દર્ભ દ્વિષતસ્તપનં હૃદઃ ।
મણિં ક્ષત્રસ્ય વર્ધનં તનૂપાનં કૃણોમિ તે

યત્સમુદ્રો અભ્યક્રન્દત્પર્જન્યો વિદ્યુતા સહ ।
તતો હિરન્યયો બિન્દુસ્તતો દર્ભો અજાયત

19.31
ઔદુમ્બરેણ મણિના પુષ્ટિકામાય વેધસા ।
પશૂણાં સર્વેષાં સ્ફાતિં ગોષ્ઠે મે સવિતા કરત્

યો નો અગ્નિર્ગાર્હપત્યઃ પશૂનામધિપા અસત્।
ઔદુમ્બરો વૃષા મણિઃ સં મા સૃજતુ પુષ્ટ્યા

કરીષિણીં ફલવતીં સ્વધામિરાં ચ નો ગૃહે ।
ઔદુમ્બરસ્ય તેજસા ધાતા પુષ્ટિં દધાતુ મે

યદ્દ્વિપાચ્ચ ચતુષ્પાચ્ચ યાન્યન્નાનિ યે રસાઃ ।
ગૃહ્ણેઽહં ત્વેષાં ભૂમાનં બિભ્રદૌદુમ્બરં મણિમ્

પુષ્ટિં પશૂનાં પરિ જગ્રભાહં ચતુષ્પદાં દ્વિપદાં યચ્ચ ધાન્યમ્ ।
પયઃ પશૂનાં રસમોષધીનાં બૃહસ્પતિઃ સવિતા મે નિ યછાત્

અહં પશૂનામધિપા અસાનિ મયિ પુષ્ટં પુષ્ટપતિર્દધાતુ ।
મહ્યમૌદુમ્બરો મણિર્દ્રવિણાનિ નિ યચ્છતુ

ઉપ મૌદુમ્બરો મણિઃ પ્રજયા ચ ધનેન ચ ।
ઇન્દ્રેણ જિન્વિતો મણિરા માગન્ત્સહ વર્ચસા

દેવો મણિઃ સપત્નહા ધનસા ધનસાતયે ।
પશોરન્નસ્ય ભૂમાનં ગવાં સ્ફાતિં નિ યચ્છતુ

યથાગ્રે ત્વં વનસ્પતે પુષ્ઠ્યા સહ જજ્ઞિષે ।
એવા ધનસ્ય મે સ્ફાતિમા દધાતુ સરસ્વતી

આ મે ધનં સરસ્વતી પયસ્ફાતિં ચ ધાન્યમ્ ।
સિનીવાલ્યુપા વહાદયં ચૌદુમ્બરો મણિઃ

ત્વં મણીણામધિપા વૃષાસિ ત્વયિ પુષ્ટં પુષ્ટપતિર્જજાન ।
ત્વયીમે વાજા દ્રવિણાનિ સર્વૌદુમ્બરઃ સ ત્વમસ્મત્સહસ્વારાદારાદરાતિમમતિં ક્ષુધં ચ

ગ્રામણીરસિ ગ્રામણીરુત્થાય અભિષિક્તોઽભિ મા સિઞ્ચ વર્ચસા ।
તેજોઽસિ તેજો મયિ ધારયાધિ રયિરસિ રયિં મે ધેહિ

પુષ્ટિરસિ પુષ્ટ્યા મા સમઙ્ગ્ધિ ગૃહમેધી ગૃહપતિં મા કૃણુ ।
ઔદુમ્બરઃ સ ત્વમસ્માસુ ધેહિ રયિં ચ નઃ સર્વવીરં નિ યચ્છ રાયસ્પોષાય પ્રતિ મુઞ્ચે અહં ત્વામ્

અયમૌદુમ્બરો મણિર્વીરો વીરાય બધ્યતે ।
સ નઃ સનિં મધુમતીં કૃણોતુ રયિં ચ નઃ સર્વવીરં નિ યછાત્

19.32
શતકાણ્ડો દુશ્ચ્યવનઃ સહસ્રપર્ણ ઉત્તિરઃ ।
દર્ભો ય ઉગ્ર ઓષધિસ્તં તે બધ્નામ્યાયુષે

નાસ્ય કેશાન્ પ્ર વપન્તિ નોરસિ તાડમા ઘ્નતે ।
યસ્મા અછિન્નપર્ણેન દર્ભેન શર્મ યચ્છતિ

દિવિ તે તૂલમોષધે પૃથિવ્યામસિ નિષ્ઠિતઃ ।
ત્વયા સહસ્રકાણ્ડેનાયુઃ પ્ર વર્ધયામહે

તિસ્રો દિવો અત્યતૃણત્તિસ્ર ઇમાઃ પૃથિવીરુત ।
ત્વયાહં દુર્હાર્દો જિહ્વાં નિ તૃણદ્મિ વચાંસિ

ત્વમસિ સહમાનોઽહમસ્મિ સહસ્વાન્ ।
ઉભૌ સહસ્વન્તૌ ભૂત્વા સપત્નાન્ સહિષીવહિ

સહસ્વ નો અભિમાતિં સહસ્વ પૃતનાયતઃ ।
સહસ્વ સર્વાન્ દુર્હાર્દઃ સુહાર્દો મે બહૂન્ કૃધિ

દર્ભેણ દેવજાતેન દિવિ ષ્ટમ્ભેન શશ્વદિત્।
તેનાહં શશ્વતો જનામસનં સનવાનિ ચ

પ્રિયં મા દર્ભ કૃણુ બ્રહ્મરાજન્યાભ્યાં શૂદ્રાય ચાર્યાય ચ ।
યસ્મૈ ચ કામયામહે સર્વસ્મૈ ચ વિપશ્યતે

યો જાયમાનઃ પૃથિવીમદૃંહદ્યો અસ્તભ્નાદન્તરિક્ષં દિવં ચ ।
યં બિભ્રતં નનુ પાપ્મા વિવેદ સ નોઽયં દર્ભો વરુણો દિવા કઃ

સપત્નહા શતકાણ્ડઃ સહસ્વાન્ ઓષધીનાં પ્રથમઃ સં બભૂવ ।
સ નોઽયં દર્ભઃ પરિ પાતુ વિશ્વતસ્તેન સાક્ષીય પૃતનાઃ પૃતન્યતઃ

19.33
સહસ્રાર્ઘઃ શતકાણ્ડઃ પયસ્વાન્ અપામગ્નિર્વીરુધાં રાજસૂયમ્ ।
સ નોઽયં દર્ભઃ પરિ પાતુ વિશ્વતો દેવો મણિરાયુષા સં સૃજાતિ નઃ

ઘૃતાદુલ્લુપ્તો મધુમાન્ પયસ્વાન્ ભૂમિદૃંહોઽચ્યુતશ્ચ્યાવયિષ્ણુઃ ।
નુદન્ત્સપત્નાન્ અધરાંશ્ચ કૃણ્વન્ દર્ભા રોહ મહતામિન્દ્રિયેણ

ત્વં ભૂમિમત્યેષ્યોજસા ત્વં વેદ્યાં સીદસિ ચારુરધ્વરે ।
ત્વાં પવિત્રમૃષયોઽભરન્ત ત્વં પુનીહિ દુરિતાન્યસ્મત્

તીક્ષ્ણો રાજા વિષાસહી રક્ષોહા વિશ્વચર્ષણિઃ ।
ઓજો દેવાનાં બલમુગ્રમેતત્તં તે બધ્નામિ જરસે સ્વસ્તયે

દર્ભેણ ત્વં કૃણવદ્વીર્યાણિ દર્ભં બિભ્રદાત્મના મા વ્યથિષ્ઠાઃ ।
અતિષ્ઠાય વર્ચસાધાન્યાન્ત્સૂર્ય ઇવા ભાહિ પ્રદિશશ્ચતસ્રઃ

19.34
જાઙ્ગિડોઽસિ જઙ્ગિડો રક્ષિતાસિ જઙ્ગિડઃ ।
દ્વિપાચ્ચતુષ્પાદસ્માકં સર્વં રક્ષતુ જઙ્ગિડઃ

યા ગૃત્સ્યસ્ત્રિપઞ્ચાશીઃ શતં કૃત્યાકૃતશ્ચ યે ।
સર્વાન્ વિનક્તુ તેજસોઽરસાં જઙ્ગિડસ્કરત્

અરસં કૃત્રિમં નાદમરસાઃ સપ્ત વિસ્રસઃ ।
અપેતો જઙ્ગિડામતિમિષુમસ્તેવ શાતય

કૃત્યાદૂષણ એવાયમથો અરાતિદૂષણઃ ।
અથો સહસ્વાઞ્જઙ્ગિડઃ પ્ર ન આયૂંષિ તારિષત્

સ જઙ્ગિડસ્ય મહિમા પરિ ણઃ પાતુ વિશ્વતઃ ।
વિષ્કન્ધં યેન સાસહ સંસ્કન્ધમોજ ઓજસા

ત્રિષ્ટ્વા દેવા અજનયન્ નિષ્ઠિતં ભૂમ્યામધિ ।
તમુ ત્વાઙ્ગિરા ઇતિ બ્રાહ્મણાઃ પૂર્વ્યા વિદુઃ

ન ત્વા પૂર્વા ઓષધયો ન ત્વા તરન્તિ યા નવાઃ ।
વિબાધ ઉગ્રો જઙ્ગિડઃ પરિપાણઃ સુમઙ્ગલઃ

અથોપદાન ભગવો જાઙ્ગિડામિતવીર્ય ।
પુરા ત ઉગ્રા ગ્રસત ઉપેન્દ્રો વીર્યં દદૌ

ઉગ્ર ઇત્તે વનસ્પત ઇન્દ્ર ઓજ્માનમા દધૌ ।
અમીવાઃ સર્વાશ્ચાતયં જહિ રક્ષાંસ્યોષધે

આશરીકં વિશરીકં બલાસં પૃષ્ટ્યામયમ્ ।
તક્માનં વિશ્વશારદમરસાં જઙ્ગિડસ્કરત્

19.35
ઇન્દ્રસ્ય નામ ગૃહ્ણન્ત ઋષયો જઙ્ગિડં દદુઃ ।
દેવા યં ચક્રુર્ભેષજમગ્રે વિષ્કન્ધદૂષણમ્

સ નો રક્ષતુ જઙ્ગિડો ધનપાલો ધનેવ ।
દેવા યં ચક્રુર્બ્રાહ્મણાઃ પરિપાણમરાતિહમ્

દુર્હાર્દઃ સંઘોરં ચક્ષુઃ પાપકૃત્વાનમાગમમ્ ।
તાંસ્ત્વં સહસ્રચક્ષો પ્રતીબોધેન નાશય પરિપાણોઽસિ જઙ્ગિડઃ

પરિ મા દિવઃ પરિ મા પૃથિવ્યાઃ પર્યન્તરિક્ષાત્પરિ મા વીરુદ્ભ્યઃ ।
પરિ મા ભૂતાત્પરિ મોત ભવ્યાદ્દિશોદિશો જઙ્ગિડઃ પાત્વસ્માન્

ય ઋષ્ણવો દેવકૃતા ય ઉતો વવૃતેઽન્યઃ ।
સર્વાંસ્તાન્ વિશ્વભેષજોઽરસાં જઙ્ગિડસ્કરત્

19.36
શતવારો અનીનશદ્યક્ષ્માન્ રક્ષાંસિ તેજસા ।
આરોહન્ વર્ચસા સહ મણિર્દુર્ણામચાતનઃ

શૃઙ્ગાભ્યાં રક્ષો નુદતે મૂલેન યાતુધાન્યઃ ।
મધ્યેન યક્ષ્મં બાધતે નૈનં પાપ્માતિ તત્રતિ

યે યક્ષ્માસો અર્ભકા મહાન્તો યે ચ શબ્દિનઃ ।
સર્વાં દુર્ણામહા મણિઃ શતવારો અનીનશત્

શતં વીરાન્ અજનયચ્છતં યક્ષ્માન્ અપાવપત્।
દુર્ણામ્નઃ સર્વાન્ હત્વાવ રક્ષાંસિ ધૂનુતે

હિરણ્યશૃઙ્ગ ઋષભઃ શાતવારો અયં મણિઃ ।
દુર્ણામ્નઃ સર્વાંસ્તૃધ્વાવ રક્ષાંસ્યક્રમીત્

શતમહં દુર્ણામ્નીનાં ગન્ધર્વાપ્સરસાં શતમ્ ।
શતં શશ્વન્વતીનાં શતવારેણ વારયે

19.37
ઇદં વર્ચો અગ્નિના દત્તમાગન્ ભર્ગો યશઃ સહ ઓજો વયો બલમ્ ।
ત્રયસ્ત્રિંશદ્યાનિ ચ વીર્યાણિ તાન્યગ્નિઃ પ્ર દદાતુ મે

વર્ચ આ ધેહિ મે તન્વાં સહ ઓજો વયો બલમ્ ।
ઇન્દ્રિયાય ત્વા કર્મણે વીર્યાય પ્રતિ ગૃહ્ણામિ શતશારદાય

ઊર્જે ત્વા બલાય ત્વૌજસે સહસે ત્વા ।
અભિભૂયાય ત્વા રાષ્ટ્રભૃત્યાય પર્યૂહામિ શતશારદાય

ઋતુભ્યષ્ટ્વાર્તવેભ્યો માદ્ભ્યઃ સંવત્સરેભ્યઃ ।
ધાત્રે વિધાત્રે સમૃધે ભૂતસ્ય પતયે યજે

19.38
ન તં યક્ષ્મા અરુન્ધતે નૈનં શપથો અશ્નુતે ।
યં ભેષજસ્ય ગુલ્ગુલોઃ સુરભિર્ગન્ધો અશ્નુતે

વિષ્વઞ્ચસ્તસ્માદ્યક્ષ્મા મૃગા અશ્વા ઇવેરતે ।
યદ્ગુલ્ગુલુ સૈન્ધવં યદ્વાપ્યસિ સમુદ્રિયમ્

ઉભયોરગ્રભં નામાસ્મા અરિષ્ટતાતયે

19.39
ઐતુ દેવસ્ત્રાયમાણઃ કુષ્ઠો હિમવતસ્પરિ ।
તક્માનં સર્વં નાશય સર્વાશ્ચ યાતુધાન્યઃ

ત્રીણિ તે કુષ્ઠ નામાનિ નદ્યમારો નદ્યારિષઃ ।
નદ્યાયં પુરુષો રિષત્।
યસ્મૈ પરિબ્રવીમિ ત્વા સાયંપ્રાતરથો દિવા

જીવલા નામ તે માતા જીવન્તો નામ તે પિતા ।
નદ્યાયં પુરુષો રિષત્।
યસ્મૈ પરિબ્રવીમિ ત્વા સાયંપ્રાતરથો દિવા

ઉત્તમો અસ્યોષધીનામનડ્વાન્ જગતામિવ વ્યાઘ્રઃ શ્વપદામિવ ।
નદ્યાયં પુરુષો રિષત્।
યસ્મૈ પરિબ્રવીમિ ત્વા સાયંપ્રાતરથો દિવા

ત્રિઃ શામ્બુભ્યો અઙ્ગિરેભ્યસ્ત્રિરાદિત્યેભ્યસ્પરિ ।
ત્રિર્જાતો વિશ્વદેવેભ્યઃ ।
સ કુષ્ઠો વિશ્વભેષજઃ સાકં સોમેન તિષ્ઠતિ ।
અશ્વત્થો દેવસદનસ્તૃતીયસ્યામિતો દિવિ ।
તત્રામૃતસ્ય ચક્ષણં તતઃ કુષ્ઠો અજાયત ।
સ કુષ્ઠો વિશ્વભેષજઃ સાકં સોમેન તિષ્ઠતિ ।
હિરણ્યયી નૌરચરદ્ધિરણ્યબન્ધના દિવિ ।
તત્રામૃતસ્ય ચક્ષણં તતઃ કુષ્ઠો અજાયત ।
સ કુષ્ઠો વિશ્વભેષજઃ સાકં સોમેન તિષ્ઠતિ ।
યત્ર નાવપ્રભ્રંશનં યત્ર હિમવતઃ શિરઃ ।
તત્રામૃતસ્ય ચક્ષણં તતઃ કુષ્ઠો અજાયત ।
સ કુષ્ઠો વિશ્વભેષજઃ સાકં સોમેન તિષ્ઠતિ ।
યં ત્વા વેદ પૂર્વ ઇક્ષ્વાકો યં વા ત્વા કુષ્ઠ કામ્યઃ ।
યં વા વસો યમાત્સ્યસ્તેનાસિ વિશ્વભેષજઃ

શીર્ષશોકં તૃતીયકં સદંદિર્યશ્ચ હાયનઃ ।
તક્માનં વિશ્વધાવીર્યાધરાઞ્ચં પરા સુવ

19.40
યન્ મે છિદ્રં મનસો યચ્ચ વાચઃ સરસ્વતી મન્યુમન્તં જગામ ।
વિશ્વૈસ્તદ્દેવૈઃ સહ સંવિદાનઃ સં દધાતુ બૃહસ્પતિઃ

મા ન આપો મેધાં મા બ્રહ્મ પ્ર મથિષ્ટન ।
સુષ્યદા યૂયં સ્યન્દધ્વમુપહૂતોઽહં સુમેધા વર્ચસ્વી

મા નો મેધાં મા નો દીક્ષાં મા નો હિંસિષ્ટં યત્તપઃ ।
શિવા નઃ શં સન્ત્વાયુષે શિવા ભવન્તુ માતરઃ

યા નઃ પીપરદશ્વિના જ્યોતિષ્મતી તમસ્તિરઃ ।
તામસ્મે રાસતામિષમ્

19.41
ભદ્રમિચ્છન્ત ઋષયઃ સ્વર્વિદસ્તપો દીક્ષામુપનિષેદુરગ્રે ।
તતો રાષ્ટ્રં બલમોજશ્ચ જાતં તદસ્મૈ દેવા ઉપસંનમન્તુ

19.42
બ્રહ્મ હોતા બ્રહ્મ યજ્ઞા બ્રહ્મણા સ્વરવો મિતાઃ ।
અધ્વર્યુર્બ્રહ્મણો જાતો બ્રહ્મણોઽન્તર્હિતં હવિઃ

બ્રહ્મ સ્રુચો ઘૃતવતીર્બ્રહ્મણા વેદિરુદ્ધિતા ।
બ્રહ્મ યજ્ઞસ્ય તત્ત્વં ચ ઋત્વિજો યે હવિષ્કૃતઃ ।
શમિતાય સ્વાહા

અંહોમુચે પ્ર ભરે મનીષામા સુત્રાવ્ણે સુમતિમાવૃણાનઃ ।
ઇમમિન્દ્ર પ્રતિ હવ્યં ગૃભાય સત્યાઃ સન્તુ યજમાનસ્ય કામાઃ

અંહોમુચં વ્ર્ષભં યજ્ઞિયાનાં વિરાજન્તં પ્રથમમધ્વરાણમ્ ।
અપાં નપાતમશ્વિના હુવે ધિય ઇન્દ્રિયેણ ત ઇન્દ્રિયં દત્તમોજઃ

19.43
યત્ર બ્રહ્મવિદો યાન્તિ દીક્ષયા તપસા સહ ।
અગ્નિર્મા તત્ર નયત્વગ્નિર્મેધા દધાતુ મે ।
અગ્નયે સ્વાહા

યત્ર બ્રહ્મવિદો યાન્તિ દીક્ષયા તપસા સહ ।
વાયુર્મા તત્ર નયતુ વાયુઃ પ્રણાન્ દધાતુ મે વાયવે સ્વાહા

યત્ર બ્રહ્મવિદો યાન્તિ દીક્ષયા તપસા સહ ।
સૂર્યો મા તત્ર નયતુ ચક્ષુઃ સૂર્યો દધાતુ મે ।
સૂર્યાય સ્વાહા

યત્ર બ્રહ્મવિદો યાન્તિ દીક્ષયા તપસા સહ ।
ચન્દ્રો મા તત્ર નયતુ મનશ્ચન્દ્રો દધાતુ મે ।
ચન્દ્રાય સ્વાહા

યત્ર બ્રહ્મવિદો યાન્તિ દીક્ષયા તપસા સહ ।
સોમો મા તત્ર નયતુ પયઃ સોમો દધાતુ મે ।
સોમાય સ્વાહા

યત્ર બ્રહ્મવિદો યાન્તિ દીક્ષયા તપસા સહ ।
ઇન્દ્રો મા તત્ર નયતુ બલમિન્દ્રો દધાતુ મે ।
ઇન્દ્રાય સ્વાહા

યત્ર બ્રહ્મવિદો યાન્તિ દીક્ષયા તપસા સહ ।
આપો મા તત્ર નયત્વમૃતં મોપ તિષ્ઠતુ ।
અદ્ભ્યઃ સ્વાહા

યત્ર બ્રહ્મવિદો યાન્તિ દીક્ષયા તપસા સહ ।
બ્રહ્મા મા તત્ર નયતુ બ્રહ્મા બ્રહ્મ દધાતુ મે ।
બ્રહ્મણે સ્વાહા

19.44
આયુષોઽસિ પ્રતરણં વિપ્રં ભેષજમુચ્યસે ।
તદાઞ્જન ત્વં શંતાતે શમાપો અભયં કૃતમ્

યો હરિમા જાયાન્યોઽઙ્ગભેદો વિષલ્પકઃ ।
સર્વં તે યક્ષ્મમઙ્ગેભ્યો બહિર્નિર્હન્ત્વાઞ્જનમ્

આઞ્જનં પૃથિવ્યાં જાતં ભદ્રં પુરુષજીવનમ્ ।
કૃણોત્વપ્રમાયુકં રથજૂતિમનાગસમ્

પ્રાણ પ્રાણં ત્રાયસ્વાસો અસવે મૃડ ।
નિરૃતે નિરૃત્યા નઃ પાશેભ્યો મુઞ્ચ

સિન્ધોર્ગર્ભોઽસિ વિદ્યુતાં પુષ્પમ્ ।
વાતઃ પ્રાણઃ સૂર્યશ્ચક્ષુર્દિવસ્પયઃ

દેવાઞ્જન ત્રૈકકુદ પરિ મા પાહિ વિશ્વતઃ ।
ન ત્વા તરન્ત્યોષધયો બાહ્યાઃ પર્વતીયા ઉત

વીદં મધ્યમવાસૃપદ્રક્ષોહામીવચાતનઃ ।
અમીવાઃ સર્વાશ્ચાતયન્ નાશયદભિભા ઇતઃ

બહ્વિદં રાજન્ વરુણાનૃતમાહ પૂરુષઃ ।
તસ્માત્સહસ્રવીર્ય મુઞ્ચ નઃ પર્યંહસઃ

યદાપો અઘ્ન્યા ઇતિ વરુણેતિ યદૂચિમ ।
તસ્માત્સહસ્રવીર્ય મુઞ્ચ નઃ પર્યંહસઃ

મિત્રશ્ચ ત્વા વરુણશ્ચાનુપ્રેયતુરાઞ્જન ।
તૌ ત્વાનુગત્ય દૂરં ભોગાય પુનરોહતુઃ

19.45
ઋણાદૃણમિવ સં નય કૃત્યાં કૃત્યાકૃતો ગૃહમ્ ।
ચક્ષુર્મન્ત્રસ્ય દુર્હાર્દઃ પૃષ્ટીરપિ શૃણાઞ્જન

યદસ્માસુ દુષ્વપ્ન્યં યદ્ગોષુ યચ્ચ નો ગૃહે ।
અનામગસ્તં ચ દુર્હાર્દઃ પ્રિયઃ પ્રતિ મુઞ્ચતામ્

અપામૂર્જ ઓજસો વાવૃધાનમગ્નેર્જાતમધિ જાતવેદસઃ ।
ચતુર્વીરં પર્વતીયં યદાઞ્જનં દિશઃ પ્રદિશઃ કરદિચ્છિવાસ્તે

ચતુર્વીરં બધ્યત આઞ્જનં તે સર્વા દિશો અભયાસ્તે ભવન્તુ ।
ધ્રુવસ્તિષ્ઠાસિ સવિતેવ ચાર્ય ઇમા વિશો અભિ હરન્તુ તે બલિમ્

આક્ષ્વૈકં મણિમેકં ક્ર્ણુષ્વ સ્નાહ્યેકેના પિબૈકમેષામ્ ।
ચતુર્વીરં નૈરૃતેભ્યશ્ચતુર્ભ્યો ગ્રાહ્યા બન્ધેભ્યઃ પરિ પાત્વસ્માન્

અગ્નિર્માગ્નિનાવતુ પ્રાણાયાપાનાયાયુષે વર્ચસ ઓજસે ।
તેજસે સ્વસ્તયે સુભૂતયે સ્વાહા

ઇન્દ્રો મેન્દ્રિયેણાવતુ પ્રાણાયાપાનાયાયુષે વર્ચસ ઓજસે ।
તેજસે સ્વસ્તયે સુભૂતયે સ્વાહા

સોમો મા સૌમ્યેનાવતુ પ્રાણાયાપાનાયાયુષે વર્ચસ ઓજસે ।
તેજસે સ્વસ્તયે સુભૂતયે સ્વાહા

ભગો મા ભગેનાવતુ પ્રાણાયાપાનાયાયુષે વર્ચસ ઓજસે ।
તેજસે સ્વસ્તયે સુભૂતયે સ્વાહા

મરુતો મા ગણૈરવન્તુ પ્રાણાયાપાનાયુષે વર્ચસ ઓજસે તેજસે ।
સ્વસ્તયે સુભૂતયે સ્વાહા

19.46
પ્રજાપતિષ્ટ્વા બધ્નાત્પ્રથમમસ્તૃતં વીર્યાય કમ્ ।
તત્તે બધ્નામ્યાયુષે વર્ચસ ઓજસે ચ બલાય ચાસ્તૃતસ્ત્વાભિ રક્ષતુ

ઊર્ધ્વસ્તિષ્ઠતુ રક્ષન્ન્ અપ્રમાદમસ્તૃતેમં મા ત્વા દભન્ પણયો યાતુધાનાઃ ।
ઇન્દ્ર ઇવ દસ્યૂન્ અવ ધૂનુષ્વ પૃતન્યતઃ સર્વાં છત્રૂન્ વિ ષહસ્વાસ્તૃતસ્ત્વાભિ રક્ષતુ

શતં ચ ન પ્રહરન્તો નિઘ્નન્તો ન તસ્તિરે ।
તસ્મિન્ન્ ઇન્દ્રઃ પર્યદત્ત ચક્ષુઃ પ્રાણમથો બલમસ્તૃતસ્ત્વાભિ રક્ષતુ

ઇન્દ્રસ્ય ત્વા વર્મણા પરિ ધાપયામો યો દેવાનામધિરાજો બભૂવ ।
પુનસ્ત્વા દેવાઃ પ્ર ણયન્તુ સર્વેઽસ્તૃતસ્ત્વાભિ રક્ષતુ

અસ્મિન્ મણાવેકશતં વીર્યાણિ સહસ્રં પ્રાણા અસ્મિન્ન્ અસ્તૃતે ।
વ્યાઘ્રઃ શત્રૂન્ અભિ તિષ્ઠ સર્વાન્ યસ્ત્વા પૃતન્યાદધરઃ સો અસ્ત્વસ્તૃતસ્ત્વાભિ રક્ષતુ

ઘૃતાદુલ્લુપ્તો મધુમાન્ પયસ્વાન્ત્સહસ્રપ્રાણઃ શતયોનિર્વયોધાઃ ।
શમ્ભૂશ્ચ મયોભૂશ્ચોર્જસ્વાંશ્ચ પયસ્વાંશ્ચાસ્તૃતસ્ત્વાભિ રક્ષતુ

યથા ત્વમુત્તરોઽસો અસપત્નઃ સપત્નહા ।
સજાતાનામસદ્વશી તથા ત્વા સવિતા કરદસ્તૃતસ્ત્વાભિ રક્ષતુ

19.47
આ રાત્રિ પાર્થિવં રજઃ પિતુરપ્રાયિ ધામભિઃ ।
દિવઃ સદાંસિ બૃહતી વિ તિષ્ઠસ આ ત્વેષં વર્તતે તમઃ

ન યસ્યાઃ પારં દદૃશે ન યોયુવદ્વિશ્વમસ્યાં નિ વિશતે યદેજતિ ।
અરિષ્ટાસસ્ત ઉર્વિ તમસ્વતિ રાત્રિ પારમશીમહિ ભદ્રે પારમશીમહિ

યે તે રાત્રિ નૃચક્ષસો દ્રષ્ટારો નવતિર્નવ ।
અશીતિઃ સન્ત્યષ્ટા ઉતો તે સપ્ત સપ્તતિઃ

ષષ્ટિશ્ચ ષટ્ચ રેવતિ પઞ્ચાશત્પઞ્ચ સુમ્નયિ ।
ચત્વારશ્ચત્વારિંશચ્ચ ત્રયસ્ત્રિંશચ્ચ વાજિનિ

દ્વૌ ચ તે વિંશતિશ્ચ તે રાત્ર્યેકાદશાવમાઃ ।
તેભિર્નો અદ્ય પાયુભિર્નુ પાહિ દુહિતર્દિવઃ

રક્ષા માકિર્નો અઘશંસ ઈશત મા નો દુઃશંસ ઈશત ।
મા નો અદ્ય ગવાં સ્તેનો માવીનાં વૃક ઈશત

માશ્વાનાં ભદ્રે તસ્કરો મા નૃણાં યાતુધાન્યઃ ।
પરમેભિઃ પથિભિ સ્તેનો ધાવતુ તસ્કરઃ ।
પરેણ દત્વતી રજ્જુઃ પરેણાઘાયુરર્ષતુ

અધ રાત્રિ તૃષ્ટધૂમમશીર્ષાણમહિં કૃણુ ।
હનૂ વૃકસ્ય જમ્ભયા સ્તેનં દ્રુપદે જહિ

ત્વયિ રાત્રિ વસામસિ સ્વપિષ્યામસિ જાગૃહિ ।
ગોભ્યો નઃ શર્મ યછાશ્વેભ્યઃ પુરુષેભ્યઃ

19.48
અથો યાનિ ચ યસ્મા હ યાનિ ચાન્તઃ પરીણહિ ।
તાનિ તે પરિ દદ્મસિ

રાત્રિ માતરુષસે નઃ પરિ દેહિ ।
ઉષા નો અહ્ને પરિ દદાત્વહસ્તુભ્યં વિભાવરિ

યત્કિં ચેદં પતયતિ યત્કિં ચેદં સરીસૃપમ્ ।
યત્કિં ચ પર્વતાયાસત્વં તસ્માત્ત્વં રાત્રિ પાહિ નઃ

સા પશ્ચાત્પાહિ સા પુરઃ સોત્તરાદધરાદુત ।
ગોપાય નો વિભાવરિ સ્તોતારસ્ત ઇહ સ્મસિ

યે રાત્રિમનુતિષ્ઠન્તિ યે ચ ભૂતેષુ જાગ્રતિ ।
પશૂન્ યે સર્વાન્ રક્ષન્તિ તે ન આત્મસુ જાગ્રતિ તે નઃ પશુષુ જાગ્રતિ

વેદ વૈ રાત્રિ તે નામ ઘૃતાચી નામ વા અસિ ।
તાં ત્વાં ભરદ્વાજો વેદ સા નો વિત્તેઽધિ જાગ્રતિ

19.49
ઇષિરા યોષા યુવતિર્દમૂના રાત્રી દેવસ્ય સવિતુર્ભગસ્ય ।
અશ્વક્ષભા સુહવા સંભૃતશ્રીરા પપ્રૌ દ્યાવાપૃથિવી મહિત્વા

અતિ વિશ્વાન્યરુહદ્ગમ્ભિરો વર્ષિષ્ઠમરુહન્ત શ્રવિષ્ઠાઃ ।
ઉશતી રાત્ર્યનુ સા ભદ્રાભિ તિષ્ઠતે મિત્ર ઇવ સ્વધાભિઃ

વર્યે વન્દે સુભગે સુજાત આજગન્ રાત્રિ સુમના ઇહ સ્યામ્ ।
અસ્માંસ્ત્રાયસ્વ નર્યાણિ જાતા અથો યાનિ ગવ્યાનિ પુષ્ટ્યા

સિંહસ્ય રાત્ર્યુશતી પીંષસ્ય વ્યાઘ્રસ્ય દ્વીપિનો વર્ચ આ દદે ।
અશ્વસ્ય બ્રધ્નં પુરુષસ્ય માયું પુરુ રૂપાણિ કૃણુષે વિભાતી

શિવાં રાત્રિમનુસૂર્યં ચ હિમસ્ય માતા સુહવા નો અસ્તુ ।
અસ્ય સ્તોમસ્ય સુભગે નિ બોધ યેન ત્વા વન્દે વિશ્વાસુ દિક્ષુ

સ્તોમસ્ય નો વિભાવરિ રાત્રિ રાજેવ જોષસે ।
અસામ સર્વવીરા ભવામ સર્વવેદસો વ્યુચ્છન્તીરનૂષસઃ

શમ્યા હ નામ દધિષે મમ દિપ્સન્તિ યે ધના ।
રાત્રીહિ તાન્ અસુતપા ય સ્તેનો ન વિદ્યતે યત્પુનર્ન વિદ્યતે

ભદ્રાસિ રાત્રિ ચમસો ન વિષ્ટો વિષ્વઙ્ગોરૂપં યુવતિર્બિભર્ષિ ।
ચક્ષુષ્મતી મે ઉશતી વપૂમ્ષિ પ્રતિ ત્વં દિવ્યા ન ક્ષામમુક્થાઃ

યો અદ્ય સ્તેન આયત્યઘાયુર્મર્ત્યો રિપુઃ ।
રાત્રી તસ્ય પ્રતીત્ય પ્ર ગ્રીવાઃ પ્ર શિરો હનત્

પ્ર પાદૌ ન યથાયતિ પ્ર હસ્તૌ ન યથાશિષત્।
યો મલિમ્લુરુપાયતિ સ સંપિષ્ટો અપાયતિ ।
અપાયતિ સ્વપાયતિ શુષ્કે સ્થાણાવપાયતિ

19.50
અધ રાત્રિ તૃષ્ટધૂમમશીર્ષાણમહિં કૃણુ ।
અક્ષૌ વૃકસ્ય નિર્જહ્યાસ્તેન તં દ્રુપદે જહિ

યે તે રાત્ર્યનડ્વાહસ્તીક્ષ્ણશૃઙ્ગાઃ સ્વાશવઃ ।
તેભિર્નો અદ્ય પારયાતિ દુર્ગાણિ વિશ્વહા

રાત્રિંરાત્રિમરિષ્યન્તસ્તરેમ તન્વા વયમ્ ।
ગમ્ભીરમપ્લવા ઇવ ન તરેયુરરાતયઃ

યથા શામ્યાકઃ પ્રપતન્ન્ અપવાન્ નાનુવિદ્યતે ।
એવા રાત્રિ પ્ર પાતય યો અસ્મામભ્યઘાયતિ

અપ સ્તેનં વાસયો ગોઅજમુત તસ્કરમ્ ।
અથો યો અર્વતઃ શિરોઽભિધાય નિનીષતિ

યદદ્ય રાત્રિ સુભગે વિભજન્ત્યયો વસુ ।
યદેતદસ્માન્ ભોજય યથેદન્યાન્ ઉપાયસિ

ઉષસે નઃ પરિ દેહિ સર્વાન્ રાત્ર્યનાગસઃ ।
ઉષા નો અહ્ને આ ભજાદહસ્તુભ્યં વિભાવરિ

19.51
અયુતોઽહમયુતો મ આત્માયુતં મે ચક્ષુરયુતં મે શ્રોત્રમ્ ।
અયુતો મે પ્રાણોઽયુતો મેઽપાનોઽયુતો મે વ્યાનોઽયુતોઽહં સર્વઃ

દેવસ્ય ત્વા સવિતુઃ પ્રસવેઽશ્વિનોર્બાહુભ્યાં પૂષ્ણો હસ્તાભ્યાં પ્રસૂત આ રભે

19.52
કામસ્તદગ્રે સમવર્તત મનસો રેતઃ પ્રથમં યદાસીત્।
સ કામ કામેન બૃહતા સયોની રાયસ્પોષં યજમાનાય ધેહિ

ત્વં કામ સહસાસિ પ્રતિષ્ઠિતો વિભુર્વિભાવા સખ આ સખીયતે ।
ત્વમુગ્રઃ પૃતનાસુ સસહિઃ સહ ઓજો યજમાનાય ધેહિ

દૂરાચ્ચકમાનાય પ્રતિપાણાયાક્ષયે ।
આસ્મા અશૃણ્વન્ન્ આશાઃ કામેનાજનયન્ત્સ્વઃ

કામેન મા કામ આગન્ હૃદયાદ્ધૃદયં પરિ ।
યદમીષામદો મનસ્તદૈતૂપ મામિહ

યત્કામ કામયમાના ઇદં કૃણ્મસિ તે હવિઃ ।
તન્ નઃ સર્વં સમૃધ્યતામથૈતસ્ય હવિષો વીહિ સ્વાહા

19.53
કાલો અશ્વો વહતિ સપ્તરશ્મિઃ સહસ્રાક્ષો અજરો ભૂરિરેતાઃ ।
તમા રોહન્તિ કવયો વિપશ્ચિતસ્તસ્ય ચક્રા ભુવનાનિ વિશ્વા

સપ્ત ચક્રાન્ વહતિ કાલ એષ સપ્તાસ્ય નાભીરમૃતં ન્વક્ષઃ ।
સ ઇમા વિશ્વા ભુવનાન્યઞ્જત્કાલઃ સ ઈયતે પ્રથમો નુ દેવઃ

પૂર્ણઃ કુમ્ભોઽધિ કાલ આહિતસ્તં વૈ પશ્યામો બહુધા નુ સન્તમ્ ।
સ ઇમા વિશ્વા ભુવનાનિ પ્રત્યઙ્કાલં તમાહુઃ પરમે વ્યોમન્

સ એવ સં ભુવનાન્યાભરત્સ એવ સં ભુવનાનિ પર્યૈત્।
પિતા સન્ન્ અભવત્પુત્ર એષાં તસ્માદ્વૈ નાન્યત્પરમસ્તિ તેજઃ

કાલોઽમૂં દિવમજનયત્કાલ ઇમાઃ પૃથિવીરુત ।
કાલે હ ભૂતં ભવ્યં ચેષિતં હ વિ તિષ્ઠતે

કાલો ભૂતિમસૃજત કાલે તપતિ સૂર્યઃ ।
કાલે હ વિશ્વા ભૂતાનિ કાલે ચક્ષુર્વિ પશ્યતિ

કાલે મનઃ કાલે પ્રાણઃ કાલે નામ સમાહિતમ્ ।
કાલેન સર્વા નન્દન્ત્યાગતેન પ્રજા ઇમાઃ

કાલે તપઃ કાલે જ્યેષ્ઠં કાલે બ્રહ્મ સમાહિતમ્ ।
કાલો હ સર્વસ્યેશ્વરો યઃ પિતાસીત્પ્રજાપતેઃ

તેનેષિતં તેન જાતં તદુ તસ્મિન્ પ્રતિષ્ઠિતમ્ ।
કાલો હ બ્રહ્મ ભૂત્વા બિભર્તિ પરમેષ્ઠિનમ્

કાલઃ પ્રજા અસૃજત કાલો અગ્રે પ્રજાપતિમ્ ।
સ્વયંભૂઃ કશ્યપઃ કાલાત્તપઃ કાલાદજાયત

19.54
કાલાદાપઃ સમભવન્ કાલાદ્બ્રહ્મ તપો દિશઃ ।
કાલેનોદેતિ સૂર્યઃ કાલે નિ વિશતે પુનઃ

કાલેન વાતઃ પવતે કાલેન પૃથિવી મહી ।
દ્યૌર્મહી કાલ આહિતા

કાલો હ ભૂતં ભવ્યં ચ પુત્રો અજનયત્પુરા ।
કાલાદૃચઃ સમભવન્ યજુઃ કાલાદજાયત

કાલો યજ્ઞં સમૈરયદ્દેવેભ્યો ભાગમક્ષિતમ્ ।
કાલે ગન્ધર્વાપ્સરસઃ કાલે લોકાઃ પ્રતિષ્ઠિતાઃ

કાલેઽયમઙ્ગિરા દેવોઽથર્વા ચાધિ તિષ્ઠતઃ ।
ઇમં ચ લોકં પરમં ચ લોકં પુણ્યાંશ્ચ લોકાન્ વિધૃતીશ્ચ પુણ્યાઃ ।
સર્વાંલ્લોકાન્ અભિજિત્ય બ્રહ્મણા કાલઃ સ ઈયતે પરમો નુ દેવઃ

19.55
રાત્રિંરાત્રિમપ્રયાતં ભરન્તોઽશ્વાયેવ તિષ્ઠતે ઘાસમસ્મૈ ।
રાયસ્પોષેણ સમિષા મદન્તો મા તે અગ્ને પ્રતિવેશા રિષામ

યા તે વસોર્વાત ઇષુઃ સા ત એષા તયા નો મૃડ ।
રાયસ્પોષેણ સમિષા મદન્તો મા તે અગ્ને પ્રતિવેશા રિષામ

સાયંસાયં ગૃહપતિર્નો અગ્નિઃ પ્રાતઃપ્રાતઃ સૌમનસસ્ય દાતા ।
વસોર્વસોર્વસુદાન એધિ વયં ત્વેન્ધાનાસ્તન્વં પુષેમ

પ્રાતઃપ્રાતર્ગૃહપતિર્નો અગ્નિઃ સાયંસાયં સૌમનસસ્ય દાતા ।
વસોર્વસોર્વસુદાન એધીન્ધાનાસ્ત્વા શતંહિમા ઋધેમ

અપશ્ચા દગ્ધાન્નસ્ય ભૂયાસમ્ ।
અન્નાદાયાન્નપતયે રુદ્રાય નમો અગ્નયે ।
સભ્યઃ સભાં મે પાહિ યે ચ સભ્યાઃ સભાસદઃ

ત્વામિન્દ્રા પુરુહૂત વિશ્વમાયુર્વ્યશ્નવન્ ।
અહરહર્બલિમિત્તે હરન્તોઽશ્વાયેવ તિષ્ઠતે ઘાસમગ્ને

19.56
યમસ્ય લોકાદધ્યા બભૂવિથ પ્રમદા મર્ત્યાન્ પ્ર યુનક્ષિ ધીરઃ ।
એકાકિના સરથં યાસિ વિદ્વાન્ત્સ્વપ્નં મિમાનો અસુરસ્ય યોનૌ

બન્ધસ્ત્વાગ્રે વિશ્વચયા અપશ્યત્પુરા રાત્ર્યા જનિતોરેકે અહ્નિ ।
તતઃ સ્વપ્નેદમધ્યા બભૂવિથ ભિષગ્ભ્યો રૂપમપગૂહમાનઃ

બૃહદ્ગાવાસુરેભ્યોઽધિ દેવાન્ ઉપાવર્તત મહિમાનમિચ્છન્ ।
તસ્મૈ સ્વપ્નાય દધુરાધિપત્યં ત્રયસ્ત્રિંશાસઃ સ્વરાનશાનાઃ

નૈતાં વિદુઃ પિતરો નોત દેવા યેષાં જલ્પિશ્ચરત્યન્તરેદમ્ ।
ત્રિતે સ્વપ્નમદધુરાપ્ત્યે નર આદિત્યાસો વરુણેનાનુશિષ્ટાઃ

યસ્ય ક્રૂરમભજન્ત દુષ્કૃતોઽસ્વપ્નેન સુકૃતઃ પુણ્યમાયુઃ ।
સ્વર્મદસિ પરમેણ બન્ધુના તપ્યમાનસ્ય મનસોઽધિ જજ્ઞિષે

વિદ્મ તે સર્વાઃ પરિજાઃ પુરસ્તાદ્વિદ્મ સ્વપ્ન યો અધિપા ઇહા તે ।
યશશ્વિનો નો યશસેહ પાહ્યારાદ્દ્વિષેભિરપ યાહિ દૂરમ્

19.57
યથા કલાં યથા શફં યથા ર્ણં સન્નયન્તિ ।
એવા દુષ્વપ્ન્યં સર્વમપ્રિયે સં નયામસિ

સં રાજાનો અગુઃ સમૃણામ્યગુઃ સં કુષ્ઠા અગુઃ સં કલા અગુઃ ।
સમસ્માસુ યદ્દુષ્વપ્ન્યં નિર્દ્વિષતે દુષ્વપ્ન્યં સુવામ

દેવાનાં પત્નીનાં ગર્ભ યમસ્ય કર યો ભદ્રઃ સ્વપ્ન ।
સ મમ યઃ પાપસ્તદ્દ્વિષતે પ્ર હિણ્મઃ ।
મા તૃષ્ટાનામસિ કૃષ્ણશકુનેર્મુખમ્

તં ત્વા સ્વપ્ન તથા સં વિદ્મ સ ત્વં સ્વપ્નાશ્વ ઇવ કાયમશ્વ ઇવ નીનાહમ્ ।
અનાસ્માકં દેવપીયું પિયારું વપ યદસ્માસુ દુષ્વપ્ન્યં યદ્ગોષુ યચ્ચ નો ગૃહે

અનાસ્માકસ્તદ્દેવપીયુઃ પિયારુર્નિષ્કમિવ પ્રતિ મુઞ્ચતામ્ ।
નવારત્નીન્ અપમયા અસ્માકં તતઃ પરિ ।
દુષ્વપ્ન્યં સર્વં દ્વિષતે નિર્દયામસિ

19.58
ઘૃતસ્ય જૂતિઃ સમના સદેવા સંવત્સરં હવિષા વર્ધયન્તી ।
શ્રોત્રં ચક્ષુઃ પ્રાણોઽછિન્નો નો અસ્ત્વછિન્ના વયમાયુષો વર્ચસઃ

ઉપાસ્માન્ પ્રાણો હ્વયતામુપ પ્રાણં હવામહે ।
વર્ચો જગ્રાહ પૃથિવ્યન્તરિક્ષં વર્ચઃ સોમો બૃહસ્પતિર્વિધત્તા

વર્ચસો દ્યાવાપૃથિવી સંગ્રહણી બભૂવથુર્વર્ચો ગૃહીત્વા પૃથિવીમનુ સં ચરેમ ।
યશસં ગાવો ગોપતિમુપ તિષ્ઠન્ત્યાયતીર્યશો ગૃહીત્વા પૃથિવીમનુ સં ચરેમ

વ્રજં કૃણુધ્વં સ હિ વો નૃપાણો વર્મા સીવ્યધ્વં બહુલા પૃથૂનિ ।
પુરઃ કૃણુધ્વમાયસીરધૃષ્ટા મા વઃ સુસ્રોચ્ચમસો દૃંહત તમ્

યજ્ઞસ્ય ચક્ષુઃ પ્રભૃતિર્મુખં ચ વાચા શ્રોત્રેણ મનસા જુહોમિ ।
ઇમં યજ્ઞં વિતતં વિશ્વકર્મણા દેવા યન્તુ સુમનસ્યમાનાઃ

યે દેવાનામૃત્વિજો યે ચ યજ્ઞિયા યેભ્યો હવ્યં ક્રિયતે ભાગધેયમ્ ।
ઇમં યજ્ઞં સહ પત્નીભિરેત્ય યાવન્તો દેવાસ્તવિષા માદયન્તામ્

19.59
ત્વમગ્ને વ્રતપા અસિ દેવ આ મર્ત્યેષ્વા ।
ત્વં યજ્ઞેષ્વીડ્યઃ

યદ્વો વયં પ્રમિનામ વ્રતાનિ વિદુષાં દેવા અવિદુષ્ટરાસઃ ।
અગ્નિષ્ટદ્વિશ્વાદા પૃણાતુ વિદ્વાન્ત્સોમસ્ય યો બ્રાહ્મણામાવિવેશ

આ દેવાનામપિ પન્થામગન્મ યચ્છક્નવામ તદનુપ્રવોઢુમ્ ।
અગ્નિર્વિદ્વાન્ત્સ યજાત્સ ઇદ્ધોતા સોઽધ્વરાન્ત્સ ઋતૂન્ કલ્પયાતિ

19.6
વાઙ્મ આસન્ નસોઃ પ્રાણશ્ચક્ષુરક્ષ્ણોઃ શ્રોત્રં કર્ણયોઃ ।
અપલિતાઃ કેશા અશોણા દન્તા બહુ બાહ્વોર્બલમ્

ઊર્વોરોજો જઙ્ઘયોર્જવઃ પાદયોઃ ।
પ્રતિષ્ઠા અરિષ્ટાનિ મે સર્વાત્માનિભૃષ્ટઃ

19.61
તનૂસ્તન્વા મે સહે દતઃ સર્વમાયુરશીય ।
સ્યોનં મે સીદ પુરુઃ પૃણસ્વ પવમાનઃ સ્વર્ગે

19.62
પ્રિયં મા કૃણુ દેવેષુ પ્રિયં રાજસુ મા કૃણુ ।
પ્રિયં સર્વસ્ય પશ્યત ઉત શૂદ્ર ઉતાર્યે

19.63
ઉત્તિષ્ઠ બ્રહ્મણસ્પતે દેવાન્ યજ્ઞેન બોધય ।
આયુઃ પ્રાણં પ્રજાં પશૂન્ કીર્તિં યજમાનં ચ વર્ધય

19.64
અગ્ને સમિધમાહાર્ષં બૃહતે જાતવેદસે ।
સ મે શ્રદ્ધાં ચ મેધાં ચ જાતવેદાઃ પ્ર યચ્છતુ

ઇધ્મેન ત્વા જાતવેદઃ સમિધા વર્ધયામસિ ।
તથા ત્વમસ્માન્ વર્ધય પ્રજયા ચ ધનેન ચ

યદગ્ને યાનિ કાનિ ચિદા તે દારૂણિ દધ્મસિ ।
સર્વં તદસ્તુ મે શિવં તજ્જુષસ્વ યવિષ્ઠ્ય

એતાસ્તે અગ્ને સમિધસ્ત્વમિદ્ધઃ સમિદ્ભવ ।
આયુરસ્માસુ ધેહ્યમૃતત્વમાચાર્યાય

19.65
હરિઃ સુપર્ણો દિવમારુહોઽર્ચિષા યે ત્વા દિપ્સન્તિ દિવમુત્પતન્તમ્ ।
અવ તાં જહિ હરસા જાતવેદોઽબિભ્યદુગ્રોઽર્ચિષા દિવમા રોહ સૂર્ય

19.66
અયોજાલા અસુરા માયિનોઽયસ્મયૈઃ પાશૈરઙ્કિનો યે ચરન્તિ ।
તાંસ્તે રન્ધયામિ હરસા જાતવેદઃ સહસ્રઋષ્ટિઃ સપત્નાન્ પ્રમૃણન્ પાહિ વજ્રઃ

19.67
પશ્યેમ શરદઃ શતમ્

જીવેમ શરદઃ શતમ્

બુધ્યેમ શરદઃ શતમ્

રોહેમ શરદઃ શતમ્

પૂષેમ શરદઃ શતમ્

ભવેમ શરદઃ શતમ્

ભૂષેમ શરદઃ શતમ્

ભૂયસીઃ શરદઃ શતમ્

19.68
અવ્યસશ્ચ વ્યચસશ્ચ બિલં વિ ષ્યામિ માયયા ।
તાભ્યામુદ્ધૃત્ય વેદમથ કર્માણિ કૃણ્મહે

19.69
જીવા સ્થ જીવ્યાસં સર્વમાયુર્જીવ્યાસમ્

ઉપજીવા સ્થોપ જીવ્યાસં સર્વમાયુર્જીવ્યાસમ્

સંજીવા સ્થ સં જીવ્યાસં સર્વમાયુર્જીવ્યાસમ્

જીવલા સ્થ જીવ્યાસં સર્વમાયુર્જીવ્યાસમ્

19.70
ઇન્દ્ર જીવ સૂર્ય જીવ દેવા જીવા જીવ્યાસમહમ્ ।
સર્વમાયુર્જીવ્યાસમ્

19.71
સ્તુતા મયા વરદા વેદમાતા પ્ર ચોદયન્તાં પાવમાની દ્વિજાનામ્ ।
આયુઃ પ્રાણં પ્રજાં પશું કીર્તિં દ્રવિણં બ્રહ્મવર્ચસમ્ ।
મહ્યં દત્ત્વા વ્રજત બ્રહ્મલોકમ્

19.72
યસ્માત્કોશાદુદભરામ વેદં તસ્મિન્ન્ અન્તરવ દધ્મ એનમ્ ।
કૃતમિષ્ટં બ્રહ્મણો વીર્યેણ તેન મા દેવાસ્તપસાવતેહ