અથર્વવેદ · અધ્યાય 16.7

તેનૈનં વિધ્યામ્યભૂત્યૈનં વિધ્યામિ નિર્ભૂત્યૈનં વિધ્યામિ પરાભૂત્યૈનં વિધ્યામિ ગ્રાહ્યૈનં વિધ્યામિ તમસૈનં વિધ્યામિ

દેવાનામેનં ઘોરૈઃ ક્રૂરૈઃ પ્રૈષૈરભિપ્રેષ્યામિ

વૈશ્વાનરસ્યૈનં દંષ્ટ્રયોરપિ દધામિ

એવાનેવાવ સા ગરત્

યોઽસ્માન્ દ્વેષ્ટિ તમાત્મા દ્વેષ્ટુ યં વયં દ્વિષ્મઃ સ આત્માનં દ્વેષ્ટુ

નિર્દ્વિષન્તં દિવો નિઃ પૃથિવ્યા નિરન્તરિક્ષાદ્ભજામ

સુયામંશ્ચાક્ષુષ

ઇદમહમામુષ્યાયણેઽમુષ્યાઃ પુત્રે દુષ્વપ્ન્યં મૃજે

યદદોઅદો અભ્યગછં યદ્દોષા યત્પૂર્વાં રાત્રિમ્

યજ્જાગ્રદ્યત્સુપ્તો યદ્દિવા યન્ નક્તમ્

યદહરહરભિગછામિ તસ્માદેનમવ દયે

તં જહિ તેન મન્દસ્વ તસ્ય પૃષ્ટીરપિ શૃણીહિ

સ મા જીવીત્તં પ્રાણો જહાતુ