અથર્વવેદ · અધ્યાય 15.13

તદ્યસ્યૈવં વિદ્વાન્ વ્રાત્ય એકાં રાત્રિમતિથિર્ગૃહે વસતિ ।
યે પૃથિવ્યાં પુણ્યા લોકાસ્તાન્ એવ તેનાવ રુન્ધે

તદ્યસ્યૈવં વિદ્વાન્ વ્રાત્યો દ્વિતીયાં રાત્રિમતિથિર્ગૃહે વસતિ ।
યેઽન્તરિક્ષે પુણ્યા લોકાસ્તાન્ એવ તેનાવ રુન્ધે

તદ્યસ્યૈવં વિદ્વાન્ વ્રાત્યસ્તૃતીયાં રાત્રિમતિથિર્ગૃહે વસતિ ।
યે દિવિ પુણ્યા લોકાસ્તાન્ એવ તેનાવ રુન્ધે

તદ્યસ્યૈવં વિદ્વાન્ વ્રાત્યશ્ચતુર્થીં રાત્રિમતિથિર્ગૃહે વસતિ ।
યે પુણ્યાનાં પુણ્યા લોકાસ્તાન્ એવ તેનાવ રુન્ધે

તદ્યસ્યૈવં વિદ્વાન્ વ્રાત્યોઽપરિમિતા રાત્રીરતિથિર્ગૃહે વસતિ ।
ય એવાપરિમિતાઃ પુણ્યા લોકાસ્તાન્ એવ તેનાવ રુન્ધે

અથ યસ્યાવ્રાત્યો વ્રાત્યબ્રુવો નામબિભ્રત્યતિથિર્ગૃહાન્ આગછેત્

કર્ષેદેનં ન ચૈનં કર્ષેત્

અસ્યૈ દેવતાયા ઉદકં યાચામીમાં દેવતાં વાસય ઇમામિમાં દેવતાં પરિ વેવેષ્મી પરિ વેવિષ્યાત્

તસ્યામેવાસ્ય તદ્દેવતાયાં હુતં ભવતિ ય એવં વેદ