અથર્વવેદ · અધ્યાય 15.12

તદ્યસ્યૈવં વિદ્વાન્ વ્રાત્ય ઉદ્ધૃતેષ્વગ્નિષ્વધિશ્રિતેઽગ્નિહોત્રેઽતિથિર્ગૃહાન્ આગચ્છેત્

સ્વયમેનમભ્યુદેત્ય બ્રૂયાદ્વ્રાત્યાતિ સૃજ હોષ્યામીતિ

સ ચાતિસૃજેજ્જુહુયાન્ ન ચાતિસૃજેન્ ન જુહુયાત્

સ ય એવં વિદુષા વ્રાત્યેનાતિસૃષ્ટો જુહોતિ

પ્ર પિતૃયાણં પન્થાં જાનાતિ પ્ર દેવયાનમ્

ન દેવેષ્વા વૃશ્ચતે હુતમસ્ય ભવતિ

પર્યસ્યાસ્મિંલ્લોક આયતનં શિષ્યતે ય એવં વિદુષા વ્રાત્યેનાતિસૃષ્ટો જુહોતિ

અથ ય એવં વિદુષા વ્રાત્યેનાનતિસૃષ્ટો જુહોતિ

ન પિતૃયાણં પન્થાં જાનાતિ ન દેવયાનમ્

આ દેવેષુ વૃશ્ચતે અહુતમસ્ય ભવતિ

નાસ્યાસ્મિંલ્લોક આયતનં શિષ્યતે ય એવં વિદુષા વ્રાત્યેનાનતિસૃષ્ટો જુહોતિ