અથર્વવેદ · અધ્યાય 15.11

તદ્યસ્યૈવં વિદ્વાન્ વ્રાત્યોઽતિથિર્ગૃહાન્ આગચ્છેત્

સ્વયમેનમભ્યુદેત્ય બ્રૂયાદ્વ્રાત્ય ક્વાવાત્સીર્વ્રાત્યોદકં વ્રાત્ય તર્પયન્તુ વ્રાત્ય યથા તે પ્રિયં તથાસ્તુ વ્રાત્ય યથા તે વશસ્તથાસ્તુ વ્રાત્ય યથા તે નિકામસ્તથાસ્ત્વિતિ

યદેનમાહ વ્રાત્ય ક્વાવાત્સીરિતિ પથ એવ તેન દેવયાનાન્ અવ રુન્ધે

યદેનમાહ વ્રાત્યોદકમિત્યપ એવ તેનાવ રુન્ધે

યદેનમાહ વ્રાત્ય તર્પયન્ત્વિતિ પ્રાણમેવ તેન વર્ષીયાંસં કુરુતે

યદેનમાહ વ્રાત્ય યથા તે પ્રિયં તથાસ્ત્વિતિ પ્રિયમેવ તેનાવ રુન્ધે

ઐનં પ્રિયં ગચ્છતિ પ્રિયઃ પ્રિયસ્ય ભવતિ ય એવં વેદ

યદેનમાહ વ્રાત્ય યથા તે વશસ્તથાસ્ત્વિતિ વશમેવ તેનાવ રુન્ધે

ઐનં વશો ગચ્છતિ વશી વશિનાં ભવતિ ય એવં વેદ

યદેનમાહ વ્રાત્ય યથા તે નિકામસ્તથાસ્ત્વિતિ નિકામમેવ તેનાવ રુન્ધે

ઐનં નિકામો ગચ્છતિ નિકામે નિકામસ્ય ભવતિ ય એવં વેદ