અથર્વવેદ · અધ્યાય 10.6

અરાતીયોર્ભ્રાતૃવ્યસ્ય દુર્હાર્દો દ્વિષતઃ શિરઃ ।
અપિ વૃશ્ચામ્યોજસા

વર્મ મહ્યમયં મણિઃ ફાલાજ્જાતઃ કરિષ્યતિ ।
પૂર્ણો મન્થેન માગમદ્રસેન સહ વર્ચસા

યત્ત્વા શિક્વઃ પરાવધીત્તક્ષા હસ્તેન વાસ્યા ।
આપસ્ત્વા તસ્મજ્જીવલાઃ પુનન્તુ શુચયઃ શુચિમ્

હિરણ્યસ્રગયં મણિઃ શ્રદ્ધાં યજ્ઞં મહો દધત્।
ગૃહે વસતુ નોઽતિથિઃ

તસ્મૈ ઘૃતં સુરં મધ્વન્નમન્નં ક્ષદામહે ।
સ નઃ પિતેવ પુત્રેભ્યઃ શ્રેયઃશ્રેયશ્ચિકિત્સતુ ભૂયોભૂયઃ શ્વઃશ્વો દેવેભ્યો મણિરેત્ય

યમબધ્નાદ્બૃહસ્પતિર્મણિં ફાલં ઘૃતશ્ચુતમુગ્રં ખદિરમોજસે ।
તમગ્નિઃ પ્રત્યમુઞ્ચત સો અસ્મૈ દુહ આજ્યં ભૂયોભૂયઃ શ્વઃશ્વસ્તેન ત્વં દ્વિષતો જહિ

યમબધ્નાદ્બૃહસ્પતિર્મણિં ફાલં ઘૃતશ્ચુતમુગ્રં ખદિરમોજસે ।
તમિન્દ્રઃ પ્રત્યમુઞ્ચતૌજસે વીર્યાય કમ્ ।
સો અસ્મૈ બલમિદ્દુહે ભૂયોભૂયઃ શ્વઃશ્વસ્તેન ત્વં દ્વિષતો જહિ

યમબધ્નાદ્બૃહસ્પતિર્મણિં ફાલં ઘૃતશ્ચુતમુગ્રં ખદિરમોજસે ।
તં સોમઃ પ્રત્યમુઞ્ચત મહે શ્રોત્રાય ચક્ષસે ।
સો અસ્મૈ વર્ચ ઇદ્દુહે ભૂયોભૂયઃ શ્વઃશ્વસ્તેન ત્વં દ્વિષતો જહિ

યમબધ્નાદ્બૃહસ્પતિર્મણિં ફાલં ઘૃતશ્ચુતમુગ્રં ખદિરમોજસે ।
તં સૂર્યઃ પ્રત્યમુઞ્ચત તેનેમા અજયદ્દિશઃ ।
સો અસ્મૈ ભૂતિમિદ્દુહે ભૂયોભૂયઃ શ્વઃશ્વસ્તેન ત્વં દ્વિષતો જહિ

યમબધ્નાદ્બૃહસ્પતિર્મણિં ફાલં ઘૃતશ્ચુતમુગ્રં ખદિરમોજસે ।
તં બિભ્રચ્ચન્દ્રમા મણિમસુરાણાં પુરોઽજયદ્દાનવાનાં હિરણ્યયીઃ ।
સો અસ્મૈ શ્રિયમિદ્દુહે ભૂયોભૂયઃ શ્વઃશ્વસ્તેન ત્વં દ્વિષતો જહિ

યમબધ્નાદ્બૃહસ્પતિર્વાતાય મણિમાશવે ।
સો અસ્મૈ વાજિનમિદ્દુહે ભૂયોભૂયઃ શ્વઃશ્વસ્તેન ત્વં દ્વિષતો જહિ

યમબધ્નાદ્બૃહસ્પતિર્વાતાય મણિમાશવે ।
તેનેમાં મણિના કૃષિમશ્વિનાવભિ રક્ષતઃ ।
સ ભિષગ્ભ્યાં મહો દુહે ભૂયોભૂયઃ શ્વઃશ્વસ્તેન ત્વં દ્વિષતો જહિ

યમબધ્નાદ્બૃહસ્પતિર્વાતાય મણિમાશવે ।
તં બિભ્રત્સવિતા મણિં તેનેદમજયત્સ્વઃ ।
સો અસ્મૈ સૂનૃતાં દુહે ભૂયોભૂયઃ શ્વઃશ્વસ્તેન ત્વં દ્વિષતો જહિ

યમબધ્નાદ્બૃહસ્પતિર્વાતાય મણિમાશવે ।
તમાપો બિભ્રતીર્મણિં સદા ધાવન્ત્યક્ષિતાઃ ।
સ આભ્યોઽમૃતમિદ્દુહે ભૂયોભૂયઃ શ્વઃશ્વસ્તેન ત્વં દ્વિષતો જહિ

યમબધ્નાદ્બૃહસ્પતિર્વાતાય મણિમાશવે ।
તં રાજા વરુણો મણિં પ્રત્યમુઞ્ચત શંભુવમ્ ।
સો અસ્મૈ સત્યમિદ્દુહે ભૂયોભૂયઃ શ્વઃશ્વસ્તેન ત્વં દ્વિષતો જહિ

યમબધ્નાદ્બૃહસ્પતિર્વાતાય મણિમાશવે ।
તં દેવા બિભ્રતો મણિં સર્વાંલ્લોકાન્ યુધાજયન્ ।
સ એભ્યો જિતિમિદ્દુહે ભૂયોભૂયઃ શ્વઃશ્વસ્તેન ત્વં દ્વિષતો જહિ

યમબધ્નાદ્બૃહસ્પતિર્વાતાય મણિમાશવે ।
તમિમં દેવતા મણિં પ્રત્યમુઞ્ચન્ત શમ્ભુવમ્ ।
સ આભ્યો વિશ્વમિદ્દુહે ભૂયોભૂયઃ શ્વઃશ્વસ્તેન ત્વં દ્વિષતો જહિ

ઋતવસ્તમબધ્નતાર્તવાસ્તમબધ્નત ।
સંવત્સરસ્તં બદ્ધ્વા સર્વં ભૂતં વિ રક્ષતિ

અન્તર્દેશા અબધ્નત પ્રદિશસ્તમબધ્નત ।
પ્રજાપતિસૃષ્ટો મણિર્દ્વિષતો મેઽધરામકઃ

અથર્વાણો અબધ્નતાથર્વણા અબધ્નત ।
તૈર્મેદિનો અઙ્ગિરસો દસ્યૂનાં બિભિદુઃ પુરસ્તેન ત્વં દ્વિષતો જહિ

તં ધાતા પ્રત્યમુઞ્ચત સ ભૂતં વ્યકલ્પયત્।
તેન ત્વં દ્વિષતો જહિ

યમબધ્નાદ્બૃહસ્પતિર્દેવેભ્યો અસુરક્ષિતિમ્ ।
સ માયં મણિરાગમદ્રસેન સહ વર્ચસા

યમબધ્નાદ્બૃહસ્પતિર્દેવેભ્યો અસુરક્ષિતિમ્ ।
સ માયં મણિરાગમત્સહ ગોભિરજાવિભિરન્નેન પ્રજયા સહ

યમબધ્નાદ્બૃહસ્પતિર્દેવેભ્યો અસુરક્ષિતિમ્ ।
સ માયં મણિરાગમત્સહ વ્રીહિયવાભ્યાં મહસા ભૂત્યા સહ

યમબધ્નાદ્બૃહસ્પતિર્દેવેભ્યો અસુરક્ષિતિમ્ ।
સ માયં મણિરાગમન્ મધોર્ઘૃતસ્ય ધારયા કીલાલેન મણિઃ સહ

યમબધ્નાદ્બૃહસ્પતિર્દેવેભ્યો અસુરક્ષિતિમ્ ।
સ માયં મણિરાગમદૂર્જયા પયસા સહ દ્રવિણેન શ્રિયા સહ

યમબધ્નાદ્બૃહસ્પતિર્દેવેભ્યો અસુરક્ષિતિમ્ ।
સ માયં મણિરાગમત્તેજસા ત્વિષ્યા સહ યશસા કીર્ત્યા સહ

યમબધ્નાદ્બૃહસ્પતિર્દેવેભ્યો અસુરક્ષિતિમ્ ।
સ માયં મણિરાગમત્સર્વાભિર્ભૂતિભિઃ સહ

તમિમં દેવતા મણિં મહ્યં દદતુ પુષ્ટયે ।
અભિભું ક્ષત્રવર્ધનં સપત્નદમ્ભનં મણિમ્

બ્રહ્મણા તેજસા સહ પ્રતિ મુઞ્ચામિ મે શિવમ્ ।
અસપત્નઃ સપત્નહા સપત્નાન્ મેઽધરામકઃ

ઉત્તરં દ્વિષતો મામયં મણિઃ કૃણોતુ દેવજાઃ ।
યસ્ય લોકા ઇમે ત્રયઃ પયો દુગ્ધમુપાસતે ।
સ માયમધિ રોહતુ મણિઃ શ્રૈષ્ઠ્યાય મૂર્ધતઃ

યં દેવાઃ પિતરો મનુષ્યા ઉપજીવન્તિ સર્વદા ।
સ માયમધિ રોહતુ મણિઃ શ્રૈષ્ઠ્યાય મૂર્ધતઃ

યથા બીજમુર્વરાયાં કૃષ્ટે ફાલેન રોહતિ ।
એવા મયિ પ્રજા પશવોઽન્નમન્નં વિ રોહતુ

યસ્મૈ ત્વા યજ્ઞવર્ધન મણે પ્રત્યમુચં શિવમ્ ।
તં ત્વં શતદક્ષિણ મણે શ્રૈષ્ઠ્યાય જિન્વતાત્

એતમિધ્મં સમાહિતં જુષણો અગ્ને પ્રતિ હર્ય હોમૈઃ ।
તસ્મિન્ વિધેમ સુમતિં સ્વસ્તિ પ્રજાં ચક્ષુઃ પશૂન્ત્સમિદ્ધે જાતવેદસિ બ્રહ્મણા