અથર્વવેદ · અધ્યાય 10.5

ઇન્દ્રસ્યૌજ સ્થેન્દ્રસ્ય સહ સ્થેન્દ્રસ્ય બલં સ્થેન્દ્રસ્ય વીર્યં સ્થેન્દ્રસ્ય નૃમ્ણં સ્થ ।
જિષ્ણવે યોગાય બ્રહ્મયોગૈર્વો યુનજ્મિ

ઇન્દ્રસ્યૌજ સ્થેન્દ્રસ્ય સહ સ્થેન્દ્રસ્ય બલં સ્થેન્દ્રસ્ય વીર્યં સ્થેન્દ્રસ્ય નૃમ્ણં સ્થ ।
જિષ્ણવે યોગાય ક્ષત્રયોગૈર્વો યુનજ્મિ

ઇન્દ્રસ્યૌજ સ્થેન્દ્રસ્ય સહ સ્થેન્દ્રસ્ય બલં સ્થેન્દ્રસ્ય વીર્યં સ્થેન્દ્રસ્ય નૃમ્ણં સ્થ ।
જિષ્ણવે યોગાયેન્દ્રયોગૈર્વો યુનજ્મિ

ઇન્દ્રસ્યૌજ સ્થેન્દ્રસ્ય સહ સ્થેન્દ્રસ્ય બલં સ્થેન્દ્રસ્ય વીર્યં સ્થેન્દ્રસ્ય નૃમ્ણં સ્થ ।
જિષ્ણવે યોગાય સોમયોગૈર્વો યુનજ્મિ

ઇન્દ્રસ્યૌજ સ્થેન્દ્રસ્ય સહ સ્થેન્દ્રસ્ય બલં સ્થેન્દ્રસ્ય વીર્યં સ્થેન્દ્રસ્ય નૃમ્ણં સ્થ ।
જિષ્ણવે યોગાયાપ્સુયોગૈર્વો યુનજ્મિ

ઇન્દ્રસ્યૌજ સ્થેન્દ્રસ્ય સહ સ્થેન્દ્રસ્ય બલં સ્થેન્દ્રસ્ય વીર્યં સ્થેન્દ્રસ્ય નૃમ્ણં સ્થ ।
જિષ્ણવે યોગાય વિશ્વાનિ મા ભૂતાન્યુપ તિષ્ઠન્તુ યુક્તા મ આપ સ્થ

અગ્નેર્ભાગ સ્થ અપાં શુક્રમાપો દેવીર્વર્ચો અસ્માસુ ધત્ત ।
પ્રજાપતેર્વો ધામ્નાસ્મૈ લોકાય સાદયે

ઇન્દ્રસ્ય ભાગ સ્થ અપાં શુક્રમાપો દેવીર્વર્ચો અસ્માસુ ધત્ત ।
પ્રજાપતેર્વો ધામ્નાસ્મૈ લોકાય સાદયે

સોમસ્ય ભાગ સ્થ અપાં શુક્રમાપો દેવીર્વર્ચો અસ્માસુ ધત્ત ।
પ્રજાપતેર્વો ધામ્નાસ્મૈ લોકાય સાદયે

વરુણસ્ય ભાગ સ્થ અપાં શુક્રમાપો દેવીર્વર્ચો અસ્માસુ ધત્ત ।
પ્રજાપતેર્વો ધામ્નાસ્મૈ લોકાય સાદયે

મિત્રાવરુણયોર્ભાગ સ્થ અપાં શુક્રમાપો દેવીર્વર્ચો અસ્માસુ ધત્ત ।
પ્રજાપતેર્વો ધામ્નાસ્મૈ લોકાય સાદયે

યમસ્ય ભાગ સ્થ અપાં શુક્રમાપો દેવીર્વર્ચો અસ્માસુ ધત્ત ।
પ્રજાપતેર્વો ધામ્નાસ્મૈ લોકાય સાદયે

પિતૄણાં ભાગ સ્થ અપાં શુક્રમાપો દેવીર્વર્ચો અસ્માસુ ધત્ત ।
પ્રજાપતેર્વો ધામ્નાસ્મૈ લોકાય સાદયે

દેવસ્ય સવિતુર્ભાગ સ્થ અપાં શુક્રમાપો દેવીર્વર્ચો અસ્માસુ ધત્ત ।
પ્રજાપતેર્વો ધામ્નાસ્મૈ લોકાય સાદયે

યો વ આપોઽપાં ભાગોઽપ્સ્વન્તર્યજુષ્યો દેવયજનઃ ।
ઇદં તમતિ સૃજામિ તં માભ્યવનિક્ષિ ।
તેન તમભ્યતિસૃજામો યોઽસ્માન્ દ્વેષ્ટિ યં વયં દ્વિષ્મઃ ।
તં વધેયં તં સ્તૃષીયાનેન બ્રહ્મણાનેન કર્મણાનયા મેન્યા

યો વ આપોઽપામૂર્મિરપ્સ્વન્તર્યજુષ્યો દેવયજનઃ ।
ઇદં તમતિ સૃજામિ તં માભ્યવનિક્ષિ ।
તેન તમભ્યતિસૃજામો યોઽસ્માન્ દ્વેષ્ટિ યં વયં દ્વિષ્મઃ ।
તં વધેયં તં સ્તૃષીયાનેન બ્રહ્મણાનેન કર્મણાનયા મેન્યા

યો વ આપોઽપાં વત્સોઽપ્સ્વન્તર્યજુષ્યો દેવયજનઃ ।
ઇદં તમતિ સૃજામિ તં માભ્યવનિક્ષિ ।
તેન તમભ્યતિસૃજામો યોઽસ્માન્ દ્વેષ્ટિ યં વયં દ્વિષ્મઃ ।
તં વધેયં તં સ્તૃષીયાનેન બ્રહ્મણાનેન કર્મણાનયા મેન્યા

યો વ આપોઽપાં વૃષભોઽપ્સ્વન્તર્યજુષ્યો દેવયજનઃ ॥ ઇદં તમતિ સૃજામિ તં માભ્યવનિક્ષિ ।
તેન તમભ્યતિસૃજામો યોઽસ્માન્ દ્વેષ્ટિ યં વયં દ્વિષ્મઃ ॥ તં વધેયં તં સ્તૃષીયાનેન બ્રહ્મણાનેન કર્મણાનયા મેન્યા

યો વ આપોઽપાં હિરણ્યગર્ભોઽપ્સ્વન્તર્યજુષ્યો દેવયજનઃ ।
ઇદં તમતિ સૃજામિ તં માભ્યવનિક્ષિ ।
તેન તમભ્યતિસૃજામો યોઽસ્માન્ દ્વેષ્ટિ યં વયં દ્વિષ્મઃ ।
તં વધેયં તં સ્તૃષીયાનેન બ્રહ્મણાનેન કર્મણાનયા મેન્યા

યો વ આપોઽપામશ્મા પૃશ્નિર્દિવ્યોઽપ્સ્વન્તર્યજુષ્યો દેવયજનઃ ।
ઇદં તમતિ સૃજામિ તં માભ્યવનિક્ષિ ।
તેન તમભ્યતિસૃજામો યોઽસ્માન્ દ્વેષ્ટિ યં વયં દ્વિષ્મઃ ।
તં વધેયં તં સ્તૃષીયાનેન બ્રહ્મણાનેન કર્મણાનયા મેન્યા

યો વ આપોઽપામગ્નયોઽપ્સ્વન્તર્યજુષ્યો દેવયજનઃ ।
ઇદં તમતિ સૃજામિ તં માભ્યવનિક્ષિ ।
તેન તમભ્યતિસૃજામો યોઽસ્માન્ દ્વેષ્ટિ યં વયં દ્વિષ્મઃ ।
તં વધેયં તં સ્તૃષીયાનેન બ્રહ્મણાનેન કર્મણાનયા મેન્યા

યદર્વાચીનં ત્રૈહાયણાદનૃતં કિં ચોદિમ ।
આપો મા તસ્માત્સર્વસ્માદ્દુરિતાત્પાન્ત્વંહસઃ

સમુદ્રં વઃ પ્ર હિણોમિ સ્વાં યોનિમપીતન ।
અરિષ્ટાઃ સર્વહાયસો મા ચ નઃ કિં ચનામમત્

અરિપ્રા આપો અપ રિપ્રમસ્મત્।
પ્રાસ્મદેનો દુરિતં સુપ્રતીકાઃ પ્ર દુષ્વપ્ન્યં પ્ર મલં વહન્તુ

વિષ્ણોઃ ક્રમોઽસિ સપત્નહા પૃથિવીસંશિતોઽગ્નિતેજાઃ ।
પૃથિવીમનુ વિ ક્રમેઽહં પૃથિવ્યાસ્તં નિર્ભજામો યોઽસ્માન્ દ્વેષ્ટિ યં વયં દ્વિષ્મઃ ।
સ મા જીવીત્તં પ્રાણો જહાતુ

વિષ્ણોઃ ક્રમોઽસિ સપત્નહાન્તરિક્ષસંશિતો વાયુતેજાઃ ।
અન્તરિક્ષમનુ વિ ક્રમેઽહમન્તરિક્ષાત્તં નિર્ભજામો યોઽસ્માન્ દ્વેષ્ટિ યં વયં દ્વિષ્મઃ ।
સ મા જીવીત્તં પ્રાણો જહાતુ

વિષ્ણોઃ ક્રમોઽસિ સપત્નહા દ્યૌસંશિતઃ સૂર્યતેજાઃ ।
દિવમનુ વિ ક્રમેઽહં દિવસ્તં નિર્ભજામો યોઽસ્માન્ દ્વેષ્ટિ યં વયં દ્વિષ્મઃ ।
સ મા જીવીત્તં પ્રાણો જહાતુ

વિષ્ણોઃ ક્રમોઽસિ સપત્નહા દિક્સંશિતો મનસ્તેજાઃ ।
દિશો અનુ વિ ક્રમેઽહં દિગ્ભ્યસ્તં નિર્ભજામો યોઽસ્માન્ દ્વેષ્ટિ યં વયં દ્વિષ્મઃ ।
સ મા જીવીત્તં પ્રાણો જહાતુ

વિષ્ણોઃ ક્રમોઽસિ સપત્નહાશાસંશિતો વાતતેજાઃ ।
આશા અનુ વિ ક્રમેઽહમાશાભ્યસ્તં નિર્ભજામો યોઽસ્માન્ દ્વેષ્ટિ યં વયં દ્વિષ્મઃ ।
સ મા જીવીત્તં પ્રાણો જહાતુ

વિષ્ણોઃ ક્રમોઽસિ સપત્નહા ઋક્સંશિતો સામતેજાઃ ।
ઋચોઽનુ વિ ક્રમેઽહમૃગ્ભ્યસ્તં નિર્ભજામો યોઽસ્માન્ દ્વેષ્ટિ યં વયં દ્વિષ્મઃ ।
સ મા જીવીત્તં પ્રાણો જહાતુ

વિષ્ણોઃ ક્રમોઽસિ સપત્નહા યજ્ઞસંશિતો બ્રહ્મતેજાઃ ।
યજ્ઞમનુ વિ ક્રમેઽહં યજ્ઞાત્તં નિર્ભજામો યોઽસ્માન્ દ્વેષ્ટિ યં વયં દ્વિષ્મઃ ।
સ મા જીવીત્તં પ્રાણો જહાતુ

વિષ્ણોઃ ક્રમોઽસિ સપત્નહૌષધીસંશિતો સોમતેજાઃ ।
ઓષધીરનુ વિ ક્રમેઽહમોષધીભ્યસ્તં નિર્ભજામો યોઽસ્માન્ દ્વેષ્ટિ યં વયં દ્વિષ્મઃ ।
સ મા જીવીત્તં પ્રાણો જહાતુ

વિષ્ણોઃ ક્રમોઽસિ સપત્નહાપ્સુસંશિતો વરુણતેજાઃ ।
અપોઽનુ વિ ક્રમેઽહમદ્ભ્યસ્તં નિર્ભજામો યોઽસ્માન્ દ્વેષ્ટિ યં વયં દ્વિષ્મઃ ।
સ મા જીવીત્તં પ્રાણો જહાતુ

વિષ્ણોઃ ક્રમોઽસિ સપત્નહા કૃષિસંશિતોઽન્નતેજાઃ ।
કૃષિમનુ વિ ક્રમેઽહં કૃષ્યાસ્તં નિર્ભજામો યોઽસ્માન્ દ્વેષ્ટિ યં વયં દ્વિષ્મઃ ।
સ મા જીવીત્તં પ્રાણો જહાતુ

વિષ્ણોઃ ક્રમોઽસિ સપત્નહા પ્રાણસંશિતઃ પુરુષતેજાઃ ।
પ્રાણમનુ વિ ક્રમેઽહં પ્રાણાત્તં નિર્ભજામો યોઽસ્માન્ દ્વેષ્ટિ યં વયં દ્વિષ્મઃ ।
સ મા જીવીત્તં પ્રાણો જહાતુ

જિતમસ્માકમુદ્ભિન્નમસ્માકમભ્યષ્ઠાં વિશ્વાઃ પૃતના અરાતીઃ ।
ઇદમહમામુષ્યાયણસ્યામુષ્યાઃ પુત્રસ્ય વર્ચસ્તેજઃ પ્રાણમાયુર્નિ વેષ્ટયામીદમેનમધરાઞ્ચં પાદયામિ

સૂર્યસ્યાવૃતમન્વાવર્તે દક્ષિણામન્વાવૃતમ્ ।
સા મે દ્રવિણં યચ્છતુ સા મે બ્રાહ્મણવર્ચસમ્

દિશો જ્યોતિષ્મતીરભ્યાવર્તે ।
તા મે દ્રવિણં યચ્છન્તુ તા મે બ્રાહ્મણવર્ચસમ્

સપ્તઋષીન્ અભ્યાવર્તે ।
તે મે દ્રવિણં યચ્છન્તુ તે મે બ્રાહ્મણવર્ચસમ્

બ્રહ્માભ્યાવર્તે ।
તન્ મે દ્રવિણં યચ્છન્તુ તન્ મે બ્રાહ્મણવર્ચસમ્

બ્રાહ્મણામભ્યાવર્તે ।
તે મે દ્રવિણં યચ્છન્તુ તે મે બ્રાહ્મણવર્ચસમ્

યં વયં મૃગયામહે તં વધૈ સ્તૃણવામહૈ ।
વ્યાત્તે પરમેષ્ઠિનો બ્રહ્મણાપીપદામ તમ્

વૈશ્વાનરસ્ય દંષ્ટ્રાભ્યાં હેતિસ્તં સમધાદભિ ।
ઇયં તં પ્સાત્વાહુતિઃ સમિદ્દેવી સહીયસી

રાજ્ઞો વરુણસ્ય બન્ધોઽસિ ।
સોઽમુમામુષ્યાયણમમુષ્યાઃ પુત્રમન્ને પ્રાણે બધાન

યત્તે અન્નં ભુવસ્પત આક્ષિયતિ પૃથિવીમનુ ।
તસ્ય નસ્ત્વં ભુવસ્પતે સંપ્રયચ્છ પ્રજાપતે

અપો દિવ્યા અચાયિષં રસેન સમપૃક્ષ્મહિ ।
પયસ્વાન્ અગ્ન આગમં તં મા સં સૃજ વર્ચસા

સં માગ્ને વર્ચસા સૃજ સં પ્રજયા સમાયુષા ।
વિદ્યુર્મે અસ્ય દેવા ઇન્દ્રો વિદ્યાત્સહ ઋષિભિઃ

યદગ્ને અદ્ય મિથુના શપતો યદ્વાચસ્તૃષ્ટં જનયન્ત રેભાઃ ।
મન્યોર્મનસઃ શરવ્યા જાયતે યા તયા વિધ્ય હૃદયે યાતુધાનાન્

પરા શૃણીહિ તપસા યાતુધાનાન્ પરાગ્ને રક્ષો હરસા શૃણીહિ ।
પરાર્ચિષા મૂરદેવાં છૃણીહિ પરાસુતૃપઃ શોશુચતઃ શૃણીહિ

અપામસ્મૈ વજ્રં પ્ર હરામિ ચતુર્ભૃષ્ટિં શીર્ષભિદ્યાય વિદ્વાન્ ।
સો અસ્યાઙ્ગાનિ પ્ર શૃણાતુ સર્વા તન્ મે દેવા અનુ જાનન્તુ વિશ્વે