અષ્ટાઙ્ગનિઘણ્ટુ · શ્લોક 401-408

નેત્રં પાદઃ શિફા ચાઙ્ઘ્રિઃ મૂલં શાલૂકકન્દકૌ
ત્વક્ ચર્મ વલ્કલં પ્રોક્તં વિટપઃ શિખરં શિરઃ ॥

પત્ત્રં દલં છદઃ પર્ણં પલાશશ્ છદનં તથા
પલ્લવસ્તુ પ્રવાલઃ સ્યાત્ મુકુલં કોરકં સ્મૃતમ્ ॥

કલિકા જાલકશ્ ચૈવ કોરકક્ષારકુડ્મલાઃ
પ્રસૂનં સુમનઃ સૂનં પુષ્પં ચ કુસુમં સ્મૃતમ્ ॥

આમં શલાટુસંજ્ઞં તુ પક્વં ફલમુદાહૃતમ્
મકરન્દઃ પુષ્પરસઃ દલોત્થો દલજો રસઃ ॥

ઔષધં ભેષજં પથ્યમ્ અગદં ચ ભિષગ્જિતમ્
ક્રિયા ચિકિત્સિતં શસ્ત્રં પ્રાયશ્ ચિત્તં સમાહિતમ્ ॥

રોગહારો ઽગદંકારો ભિષગ્ વૈદ્યશ્ ચિકિત્સકઃ
રોગજ્ઞો જીવનો વિદ્વાન્ આયુર્ વેદી ગદાન્તકઃ ॥

શીતાંશ્વમૃતલક્ષ્મીભિર્ જુષ્ટો ઽસૌ ધનસંયુતઃ
ક્ષીરોધિજશ્ ચાબ્જયોનિઃ પાયાદ્ ધન્વન્તરિસ્તથા ॥

નાસત્યાવ્ અશ્વિનૌ દસ્રાવ્ આશ્વિનેયૌ ચ તાવ્ ઉભૌ
રક્ષતાં દેવભિષજૌ વૈદ્યપુત્રાન્ સ્વરોચિષા ॥