અષ્ટાવક્ર ગીતા · અધ્યાય 13

અકિંચનભવં સ્વાસ્થ્યં કૌપીનત્વે ઽપિ દુર્લભમ્
ત્યાગાદાને વિહાયાસ્માદ્ અહમ્ આસે યથાસુખમ્ ॥

કુત્રાપિ ખેદઃ કાયસ્ય, જિહ્વા કુત્રાપિ ખિદ્યતે
મનઃ કુત્રાપિ તત્ ત્યક્ત્વા પુરુષાર્થે સ્થિતઃ સુખમ્ ॥

કૃતં કિમ્ અપિ નૈવ સ્યાદ્ ઇતિ સઞ્ચિન્ત્ય તત્ત્વતઃ
યદા યત્ કર્તુમ્ આયાતિ તત્ કૃત્વાસે યથાસુખમ્ ॥

કર્મનૈષ્કર્મ્યનિર્બન્ધ ભાવા દેહસ્થયોગિનઃ
સંયોગાયોગવિરહાદ્ અહમ્ આસે યથાસુખમ્ ॥

અર્થાનર્થૌ ન મે સ્થિત્યા ગત્યા ન શયનેન વા
તિષ્ઠન્ ગચ્છન્ સ્વપન્ તસ્માદ્ અહમ્ આસે યથાસુખમ્ ॥

સ્વપતો નાસ્તિ મે હાનિઃ સિદ્ધિર્ યત્નવતો ન વા
નાશોલ્લાસૌ વિહાયાસ્માદ્ અહમ્ આસે યથાસુખમ્ ॥

સુખાદિરૂપા નિયમં ભાવેષ્વ્ આલોક્ય ભૂરિશઃ
શુભાશુભે વિહાયાસ્માદ્ અહમ્ આસે યથાસુખમ્ ॥