આર્યાસપ્તશતી · શ્લોક 684-702

સા પાણ્ડુ-દુર્બલાઙ્ગી નયસિ ત્વં યત્ર યાતિ તત્રૈવ ।
કઠિનીવ કૈતવ-વિદો હસ્ત-ગ્રહ-માત્ર-સાધ્યા તે

સખિ વિશ્વ-ગઞ્જનીયા લક્ષ્મીર્ ઇવ કમલ-મુખિ કદર્યસ્ય ।
ત્વં પ્રવયસો ઽસ્ય રક્ષા-વીક્ષણ-માત્રોપયોગ્યાસિ

ઇતિ વિભાવ્યાખ્યા-સમેતા સ-કાર-વ્રજ્યા ।
હ-કાર-વ્રજ્યા
હૃદયજ્ઞયા ગવાક્ષે વિસદૃક્ષં કિમ્ અપિ કૂજિતં સખ્યા ।
યત્ કલહ-ભિન્ન-તલ્પા ભય-કપટાદ્ એતિ માં સુતનુ

હરતિ હૃદયં શલાકા-નિહિતો ઽઞ્જન-તન્તુર્ એષ સખિ મુગ્ધે ।
લોચન-બાણ-મુચાન્તર્-ભ્રૂધનુષા કિણ ઇવોલ્લિખિતઃ

હસસિ ચરણ-પ્રહારે તલ્પાદ્ અપસારિતો ભુવિ સ્વપિષિ ।
નાસદૃશેઽપિ કૃતે પ્રિય મમ હૃદયાત્ ત્વં વિનિઃસરસિ

હસતિ સપત્ની શ્વશ્રૂ રોદિતિ વદનં ચ પિદધતે સખ્યઃ ।
સ્વપ્નાયિતેન તસ્યાં સુભગ ત્વન્-નામ જલ્પન્ત્યામ્

હૃદયં મમ પ્રતિક્ષણ-વિહિતાવૃત્તિઃ સખે પ્રિયાશોકઃ ।
પ્રબલો વિદારયિષ્યતિ જલ-કલશં નીર-લેખેવ

હન્ત વિરહઃ સમન્તાજ્ જ્વલયતિ દુર્વાર-તીવ્ર-સંવેગઃ ।
અરુણસ્ તપન-શિલામ્ ઇવ પુનર્ ન માં ભસ્મતાં નયતિ

હૃત્વા તટિનિ તરઙ્ગૈર્ ભ્રમિતશ્ ચક્રેષુ નાશયે નિહિતઃ ।
ફલ-દલ-વલ્કલ-રહિતસ્ ત્વયાન્તરિક્ષે તરુસ્ ત્યક્તઃ

હૃત-કાઞ્ચિ-વલ્લિ-બન્ધોત્તર-જઘનાદ્ અપર-ભોગ-ભુક્તાયાઃ ।
ઉલ્લસતિ રોમ-રાજિઃ સ્તન-શમ્ભોર્ ગરલ-લેખેવ

ઇતિ વિભાવ્યાખ્યા-સમેતા હ-કાર-વ્રજ્યા ।
ક્ષ-કાર-વ્રજ્યા
ક્ષીરસ્ય તુ દયિતત્વં યતો ઽપિ શાન્તોપચારમ્ આસાદ્ય ।
શૈલો ઽઙ્ગાન્ય્ આનમયતિ પ્રેમ્ણઃ શેષો જ્વરસ્યેવ

ક્ષાન્તમ્ અપસારિતો યચ્ ચરણાવ્ ઉપધાય સુપ્ત એવાસિ ।
ઉદ્ઘાટયસિ કિમ્ ઊરુ નિઃશ્વાસૈઃ પુલકયન્ન્ ઉષ્ણૈઃ

ક્ષુદ્રોદ્ભવસ્ય કટુતાં પ્રકટયતો યચ્ છતશ્ ચ મદમ્ ઉચ્ચૈઃ ।
મધુનો લઘુ-પુરુષસ્ય ચ ગરિમા લઘિમા ચ ભેદાય

પૂર્વૈર્ વિભિન્ન-વૃત્તાં ગુણાઢ્ય-ભવ-ભૂતિ-બાણ-રઘુકારૈઃ ।
વાગ્-દેવીં ભજતો મમ સન્તઃ પશ્યન્તુ કો દોષઃ

સત્-પાત્રોપનયોચિત-સત્-પ્રતિબિમ્બાભિનવ-વસ્તુ ।
કસ્ય ન જનયતિ હર્ષં સત્-કાવ્યં મધુર-વચનં ચ

એકા ધ્વૈન્-દ્વિતીયા તિર્ભુવન-સારા સ્ફુટોક્તિ-ચાતુર્યા ।
પઞ્ચેષુ-ષટ્પદ-હિતા ભૂષા શ્રવણસ્ય સપ્ત-શતી

કવિ-સમર-સિંહ-નાદઃ સ્વરાનુવાદઃ સુધૈક-સંવાદઃ ।
વિદ્વદ્-વિનોદ-કન્દઃ સન્દર્ભો ઽયં મયા સૃષ્ટઃ

।
ઉદયન-બલભદ્રાભ્યાં સપ્તશતી શિષ્ય-સોદરાભ્યાં મે ।
દ્યૌર્ ઇવ રવિ-ચન્દ્રાભ્યાં પ્રકાશિતા નિર્મલીકૃત્ય

હરિ-ચરણાઞ્જલિમ્ અલં કવિ-વર-હર્ષાય બુદ્ધિમાન્ સતતમ્ ।
કૃતાર્યા-સપ્ત-શતીમ્ એતાં ગોવર્ધનાચાર્યઃ