આર્યભટીય (ટીકા સહિત) · અધ્યાય 1

આર્યભટકૃતમ્
આર્યભટીયમ્
ભાસ્કર-વિરચિત-ભાષ્યોપેતમ્
ગીતિકાપાદઃ
[ મઙ્ગલાચરણમ્ ]
યસ્માત્ અશેષજગતામ્ પ્રભવમ્ સ્થિતિમ્ ચ
સંહારમ્ અપિ ઉપદિશન્તિ સમગ્રધીકાઃ ।
ભૃગ્વઙ્ગિરઃપ્રભૃતયઃ વિદિતાન્તરાયાઃ
તસ્મૈ નમઃ કમલજાય ચતુર્મુખાય ।
અથ અશેષજગદનુગ્રહાય આચાર્યાર્યભટમુખારવિન્દવિનિસ્સૃત-દશગીતિકા-સૂત્રવ્યાખ્યાનમ્ આરભ્યતે । તસ્ય એવ અશેષવિઘ્નનિરાકરણાય સર્વવિદ્યાપ્રભવસ્ય ભગવતઃ કમલયોનેઃ પ્રણામપ્રક્રાન્તશાસ્ત્રવસ્તુપરિગ્રહાય આર્યામ્ આદૌ પ્રયુક્તવાન્ ã
પ્રણિપત્ય એકમ્ અનેકમ્ કમ્ સત્યામ્ દેવતામ્ પરમ્ બ્રહ્મ ।
આર્યભટઃ ત્રીણિ ગદતિ ગણિતમ્ કાલક્રિયામ્ ગોલમ્