આપસ્તમ્બગૃહ્યસૂત્ર (ટીકા સહિત) · અધ્યાય 40

ઇતિ શ્રીસુદર્શનાચાર્યાવિરચિતે ગૃહ્યતાત્પર્યદર્શને દ્વાદશઃ ખણ્ડઃ સમાપ્તઃ ॥
ત્રયોદશઃ ખણ્ડઃ ।
9 મધુપર્કઃ -
1 પૂજ્યેન કૂર્ચે ઉપવેશઃ ।
અથૈતદપરં તૂષ્ણીમેવ તીર્થે સ્નાત્વા તૂષ્ણી સમિધમાદધાતિ ॥ આ
ચોમ્મેન્તરિએસ્:
આપ્ગ્સ્-અના_13.1:
વ્યાખ્યાતં સ્નાનકર્મ ગરીયશ્ચ મુખ્યં ચ ।
અથેદાનીમેતદપરં સ્નાનવિધાનં લઘીયશ્ચ ગૌણં ચ વ્યાખ્યાયતે ।
કિં તત્?તૂષ્ણામેવ તીર્થે ભૂમિષ્ઠે જલે સ્નાતિ ।
નોદ્ધૃતાભિશ્શીતાભિઃ ।
તૂષ્ણીંચ સમિધમાદધાતિ ।
ન મ્નત્રેણ ।
પાલાશી સમિત્ ।
એતાવદેવ- અસ્મિન્ વિધૌ કાર્યમ્ ।
નાન્યત્ કિઞ્ચિત્ ઽપ્રાગુદયાત્ વ્રજ મિત્યાદિકમ્ ।
વપનાદિ તુ લૌકિક મધર્મકં ભવતિ ।
તત્ર પ્રયોગઃ-કેશશ્મશ્રુનખલોમાનિ વાપયિત્વા મે ખલાદણ્ડમજિનમિત્યપનીય તૂષ્ણીમેવ તીર્થે સ્નાત્વા દન્તઝાવનમૌદુમ્બરેણ કાષ્ઠેન કૃત્વા સ્નાનીયોચ્છાદિતઃ પુનઃ સ્નાત્વા અહતે વાસસી પરિધાયાચમ્યાગ્નિમુપસમાધાય સંપરિસ્તીર્ય પાલાશીં સમિધમગ્નિં મનસા ધ્યાયન્નાધાય મણિપ્રભૃતીન્યલઙ્કરણાનિ યથોપપાદમુપાદત્તે તૂષ્ણીમેવ સર્વમ્