આપસ્તમ્બગૃહ્યસૂત્ર (ટીકા સહિત) · અધ્યાય 37

ઇતિ ગૃહ્યસૂત્રાવૃત્તાવનાકુલાયાં ઉપાકર્મોત્સર્જનપટલઃ ॥
====================================================================================
અથ પઞ્ચમઃ પટલઃ
દ્વાદશઃ ખણ્ડઃ ।
8 સમાવર્તનમ્ -
પૂર્વત્રોપનયનં વ્યાખ્યાતમ્ ।
ઉપનીતસ્ય ચ ધર્મશાસ્ત્રે ઽઅથ બ્રહ્મચર્યવિધિઃઽ(આપ.ધ.1-2-18) ઇત્યારભ્ય ધર્મા ઉપદિષ્ટાઃ ।
અધ્યાયકાણ્ડવ્રતાનામુપાકરણસમાપનર્યોર્વિધ્શ્ચ ઽઉપાકરણે સમાપને ચ ઋષિર્યઃ પ્રજ્ઞાયતેઽ(આપ.ગૃ.8-1) ઇત્યત્ર સમ્પૂર્ણમેવ વ્યાખ્યાતઃ
અથોજાનીં વેદં વ્રતાનિ વા પારં નીત્વા હયુભયમેવ વા ॥
(યાજ્ઞ.સ્મૃ.1-51) ઇત્યાદિવચનાર્થાનુષ્ઠાનેન કૃતકૃત્યસ્ય ગુરુકુલાત્ સમાવૃત્તસ્યાનુષ્ઠેયં સમાવર્તનાપરપર્યાયં સ્નાનાખ્યં કર્મ વ્યાખ્યાયતે ।
કેચિત્-ઽઉપાકરણે સમાપને ચ ઽ(આપ.ગૃ.8-1) ઇત્યત્રૈતયોઃ કલ્પસ્યાપ્રસિધ્ધત્વાત્, અવશ્યમન્યત્ર પ્રસિદ્ધ આશ્રયિતવ્ય ઇતિ વદન્તઃ
ઽઅથાત ઉપાકરણોત્સર્જને વ્યાખ્યાસ્યામઃ, ઇત્યાદિકં વ્રતપટલં નામ ઉપનયનાનન્તરં વ્યાચક્ષતે ।
નૈતત્;ઽઉપાકરણે સમાપને ચઽ; (આપ.ગૃ.8-1) ઇત્યત્રૈવાનયોર્વિધ્યોર્ભાષ્યકારેણ સમ્પૂર્ણમેવ વ્યાખ્યાતત્વાત્, વ્રતપટલાધ્યયનસ્ય ચ વિપ્રતિપન્નત્વાત્, ભાષ્યે પ્રસઙ્ગભાવાચ્ચ ॥
1 ઉદયાત્પૂર્વ ગોષ્ઠપ્રવેશવિધાનમ્ ।
વેદમધીત્ય સ્નાસ્યન્ પ્રગુદયાદ્વ્રજં પ્રવિશ્યાન્તર્લોમ્ના ચર્મણા દ્વારમપરિધાયાઽસ્તે ॥ આ
ચોમ્મેન્તરિએસ્:
આપ્ગ્સ્-અના_12.1:
એવમુપનીતશ્ચર્તબ્રહ્મચર્યો ઽધીતવેદષડઙ્ગો યદ્યાચાર્યકુલાદન્યમાશ્રમં પ્રેપ્સુર્ભવતિ તસ્ય સ્નાનં વિધિવત્ ભવતિ તદેતત્ સ્નાનમિત્યુચ્યતે ।
સ્નાનં સમાવર્તનં તત્ કરિષ્યાન્નિત્યર્થઃ ।
પ્રાગુદયાદિત્યા દિત્યોદયો ગૃહ્યતે ।
નૈનમેતદહરાદિત્ય ઇતિ દર્શનાત્ ।
વ્રજં ગોષ્ઠમ્ ।
અન્તઃ
અભ્યન્તરં લોમાનિ યસ્ય તેન ચર્મણા યસ્ય કસ્યચિત્ મૃગસ્ય ।
આસનવચનં નિષ્ક્રમણપ્રતિષેધાર્થમ્ ।
વેદમિત્યવિવક્ષિતમેકવચનમ્ ।
વેદં વેદૌ વેદાન્ વા અધીત્ય પાઠતશ્ચાર્થતશ્ચાધિગમ્યેત્યર્થઃ ।
સ્નાસ્યન્નિતિ વચનં નૈષ્ઠિકસ્ય ઉત્તરં કર્મ મા ભૂદિતિ