આપસ્તમ્બગૃહ્યસૂત્ર (ટીકા સહિત) · અધ્યાય 34

અથ પાલાશકર્મભાષ્યં લિખ્યતે-
કેચિત્ સ્મૃત્યન્તરોપસંહારેણ પલાશવૃક્ષસમીપે પાલાશં કર્મ કુર્વતે સમાનમ્ ।
અન્યેષાં ચ શ્રદ્ધધાનાનાં હિતાર્થ પાલાશકર્મણો વિધિરુચ્યતે-ત્રીણ્યહાનિ પ્રત્યહમામમૈક્ષમાચરેત્ ।
ચતુર્થઽહન્યન્નસંસ્કારેણ સંસ્કૃત્યાચાર્યેણ સહ પ્રાચીમૂદીચીં વા દિશમુપનિષ્ક્રમ્ય પૂર્વેણોત્તરેણ વા પલાશવૃક્ષં ત્રીણ્યુદગપવર્ગાણિ સ્થણ્ડિલાનિ કલ્પયિત્વા તેષુ યથાક્રમં પ્રત્યઙ્મુખઃ પ્રણવશ્રદ્ધામેધાભ્યોર્ઽઘ્યપાદ્યાચમનસ્નાનવસ્ત્રગન્ધમાલ્યધૂપદીપબલીંશ્ચ દત્વાથોપતિષ્ઠતે ।
ઽયશ્છન્દદસામ્ઽઇત્યનેન ઽશ્રુતં મે ગોપાયઽ(તૈ.ઉ.1-4) ઇત્યન્તેન પ્રણવમ્ ।
ઽશ્રદ્ધયાગ્નિઃ સમિધ્યતેઽ(તૈ.બ્રા.2-8-8) ઇતિ સૂક્તેન શ્રદ્ધામ્ ।
ઽમેધા દેવીઽ(તૈ.ઉ.4-41) ઇત્યનુવાકેન મેધામ્ ।
તતઃ પલાશમૂલે દણ્ડં વિસૃજ્ય અન્યદણ્ડમાદાય સહાચાર્યો ગૃહમાગચ્છતીતિ ॥
ચતુર્થે પટલેપીત્થં યથાભાષ્યં યથામતિ ।
કૃતં સુદર્શનાર્યેણ ગૃહ્યતાતપર્યદર્શનમ્ ॥
સુબદ્ધં દુર્લભં ભાષ્યં ભાષ્યાર્થશ્ચ સુદુર્ગ્રહઃ ।
અતો ઽનુકમ્બ્યા વિદ્વદ્ભિઃ મન્દબુદ્ધિશ્રુતા વયમ્ ॥
ઇતિ શ્રૂસુદર્શનાચાર્યકૃતૌ ગૃહ્યસૂત્રતાત્પર્યદર્શને એકાદશઃ ખણ્ડઃ ॥
સમાપ્તશ્ચતુર્થઃ પટલઃ ॥
====================================================================================
અથોપાકર્મોત્સર્જનપટલઃ
7 ઉપાકર્મોત્સર્જનપ્રકરણમ્ -
1 ઉપાકર્મકાલવિધાનમ્ ।
અથાત ઉપાકરણોત્સર્જને વ્યાખ્યાસ્યામઃ