અહિર્બુધ્નસંહિતા · અધ્યાય 25

સુદર્શનયન્ત્રવૈભવવર્ણનં નામ પઞ્ચવિંશોઽધ્યાયઃ
ધ્યાતં સકૃદ્ભવાનેકકોટ્યઘૌઘં હરત્યરમ્।
સુદર્શનસ્ય તદ્દિવ્યં ભર્ગો દેવસ્ય ધીમહિ॥
યન્ત્રવૈભવં પ્રદર્શયિતુમુક્તાર્થાનુવાદઃ
નારદઃ---
ભગવન્ સમ્યગાખ્યાતં વિસ્તરેણ 1યથાતથમ્।
યત્કારણં યદાધારં યત્પ્રમાણમિદં જગત્

તથા ધર્માર્થકામાનાં સ્વરૂપં 2સાધનં તથા।
પરવિદ્યા તથા વિદ્યા તથા ચાધ્યાત્મસંજ્ઞિતા

મુક્તિશ્ચ પરમા પ્રોક્તા બન્ધસ્તત્સાધનં3 તથા।
વર્ણાશ્રમવિભાગશ્ચ તદ્ધર્માશ્ચ વિશેષતઃ

સર્વેષામેવ વર્ણાનાં રાજ્ઞાં રક્ષાવિધિસ્તથા।
રાજ્ઞાં તુ રક્ષણવિધિર્દિવ્યોઽયં વર્ણિતસ્તથા

કથં કિલ કલૌ પ્રાપ્તે રાજ્ઞાં રક્ષાવિધિર્ભવેત્।
સંક્ષેપતઃ કલિસ્વરૂપકથનમ્
ન યક્ષ્યન્તિ ન દાસ્યન્તિ ન હોષ્યન્તિ દ્વિજાતયઃ

-------------------------------------------
1.યથાતથા દ્
2.સાધનાનિ ચ દ્
3.તદ્ભાવનં દ્
-----------------------------------------
ન સર્વે સ્વેષુ ધર્મેષુ કરિષ્યન્તિ મતિં કલૌ।
શક્તયઃ સર્વમન્ત્રાણાં પ્રયાસ્યન્તિ તિરસ્કૃતિમ્

નિર્વીર્યાશ્ચ ભવિષ્યન્તિ રાજાનઃ સત્ત્વવર્જિતાઃ।
નિર્ધના હૃતરાજ્યાશ્ચ દસ્યુભિઃ પરિપીડિતાઃ

અલ્પક્ષીરા ભવિષ્યન્તિ ગાવઃ પ્રાપ્તે કલૌ યુગે।
પ્રજાઃ ક્ષુધાર્તાશ્ચ 4કલાવવગ્રહનિપીડિતાઃ

પાષણ્ડધર્મનિરતા ભગવન્તં જનાર્દનમ્।
નિન્દનાદીન્ કરિષ્યન્તિ તમઃ પ્રાયા હ્યવેદિનઃ

તાદૃશે કલૌ રાજ્ઞાં રક્ષાવિધ્યુપાયપ્રશ્નઃ
ઇત્થં દોષાસ્પદે કાલે રાજ્ઞાં રક્ષાવિધિઃ કથમ્।
સંપત્સ્યતે શક્તિહીનૈર્દ્વિજૈઃ સત્ત્વવિવર્જિતૈઃ

યેનોપાયેન રક્ષા સ્યાત્તં5 મે બ્રૂહિ સુનિશ્ચિતમ્।
સર્વજ્ઞ ત્વદૃતે વક્તું કઃ શક્નોતિ મહેશ્વર

તત્પ્રતિવચનારમ્ભઃ
અહિર્બુધ્ન્યઃ-------
સાધુ સાધુ યદેતત્ ત્વં પૃષ્ટવાનસિ નારદ।
સત્યમેતત્ કલૌ રક્ષાવિધિર્મન્ત્રૈર્ન યુજ્યતે

તથાપિ ભક્ત ઇતિ તે કથયામિ શ્રૃણુષ્વ તમ્।
-------------------------------------
4.કલૌ પાપગ્રહ બ્ ચ્
5.તન્મે અ બ્ ચ્
---------------------------------------
સર્વેષામેવ ભૂતાનાં 6રાજ્ઞાં ચૈવ વિશેષતઃ

રક્ષાવિધિં પરં ગુહ્યં તન્ત્રાણાં સારમુત્તમમ્।
સ્વકૃતપિતામહશિરશ્છેદમહાપાપપ્રશમાય નારાયણાત્ સુદર્શનયન્ત્રપ્રાપ્તિકથનમ્
મમ નારાયણેનોક્તં પુણ્યે બદરિકાશ્રમે

પિતામહશિરશ્છેદમહાપાતકશાન્તયે।
સર્વબાધાપ્રશમનં સર્વદુઃખનિવારણમ્

તન્મહિમસંક્ષેપઃ
સર્વસિદ્ધિપ્રદં સર્વસંપદામેકકારણમ્।
પરાભિચારશમનં પરરાજ્યપ્રદં 26શુભમ્

27કલિદોષાપહરણં સર્વશત્રુનિબર્હણમ્।
યસ્ય સંસ્મરણેનૈવ નૄણાં નશ્યન્તિ શત્રવઃ

દસ્યવો નષ્ટવિષયા વિદ્રવન્તિ દિશો દશ।
યન્ત્રં યસ્ય ગૃહે ન્યસ્તં તસ્ય સર્વં પ્રસિધ્યતિ

યો રાજા યન્ત્રમેતત્તુ સાદરં કારયેદ્ ગૃહે।
તસ્ય ભૂમણ્ડલં સર્વં ભવેદ્ વશ્યં ન સંશયઃ

સૌદર્શનસ્ય યન્ત્રસ્ય માહાત્મ્યં વર્ણિતં મયા।
-------------------------------------------
6.રાજ્ઞાં રક્ષા અ બ્ ચ્
7.શિવમ્ બ્ ચ્
8.કલિદોષહરં શાન્તં દ્
-------------------------------------------
સુદર્શનનારસિંહયન્ત્રફલપ્રદર્શનમ્
સુદર્શનેન યુક્તસ્ય નારસિંહસ્ય યન્ત્રકમ્

યઃ કારયતિ તસ્યાન્યો લોકો વશ્યો ભવેદપિ।
એતલ્લેખનમાત્રેણ સર્વં 28સંપદ્યતે નૃણામ્

વિષ્ણુપઞ્જરયન્ત્રફલપ્રદર્શનમ્
વિષ્ણુપઞ્જરયન્ત્રસ્ય કરણેનૈવ દેવતાઃ।
સર્વાઃ પ્રસીદન્તિ સદા કિં પુનર્મનુજાદયઃ10

સમુદિતયન્ત્રત્રયફલસ્યાશક્યવર્ણનત્વમ્
એષાં ત્રયાણાં યન્ત્રાણાં સમાહારફલં મયા।
વક્તું ન શક્યતે સર્વં સર્વજ્ઞેનાપિ નારદ

મહાસુદર્શનયન્ત્રફલમ્
મહાસુદર્શનસ્યેહ યન્ત્રસ્ય કરણાદ્ દ્વિજઃ।
ત્રૈલોક્યં સમવાપ્નોતિ કિં પુનર્મણ્ડલં ભુવઃ

એકત્ર કલ્પિતસુદર્શનનારસિંહ-
મન્યત્ર કેવલસુદર્શનમુજ્જ્વલાઙ્ગમ્।
સંકલ્પિતોભયમુખં ઘટિતાસ્ત્રજાલં
શ્રીવિષ્ણુપઞ્જરગતં યુતમન્ત્રજાલમ્

-------------------------------------
9.સંપત્સ્યતે એ.f
10.મનુજા દ્વિજ દ્
-------------------------------------
માહાસુદર્શનમપુણ્યકૃતાં જનાના-
મપ્રાપ્યમાશ્રિતસુખપ્રદમેકયન્ત્રમ્।
તેજોમયં સકલલોકનમસ્કૃતં યત્
તત્ કારયેત્ સકલલોકજયં યદીચ્છેત્

ઇતિ શ્રીપાઞ્ચરાત્રે તન્ત્રરહસ્યે અહિર્બુધ્ન્યસંહિતાયાં સુદર્શનયન્ત્રવૈભવવર્ણનં નામ પઞ્ચવિંશોઽધ્યાયઃ
આદિતઃ શ્લોકાઃ 1470
----------*****---------