અગ્નિ પુરાણ · અધ્યાય 13

:એ ઇત્ય્ આદિમહાપુરાણે આગ્નેયે હરિવંશવર્ણનં નામ દ્વાદશો
ઽધ્યાયઃ
:ન્
1 કર્ષક ઇતિ ખ, ચિહ્નિતપુસ્તકપાઠઃ
:પ્ 32
% છપ્તેર્ {13}
:શ્ અથ ત્રયોદશો ઽધ્યાયઃ
કુરુપાણ્ડવોત્પત્ત્યાદિકથનં
અગ્નિર્ ઉવાચ
ભારતં સમ્પ્રવક્ષ્યામિ કૃષ્ણમાહાત્મ્યલક્ષણમ્ ।અપ્_13.001અબ્।
ભૂભારમહરદ્વિષ્ણુર્ નિમિત્તીકૃત્ય પાણ્ડવાન્

વિષ્ણુનાભ્યબ્જજો બ્રહ્મા બ્રહ્મપુત્રો ઽત્રિરત્રિતઃ ।અપ્_13.002અબ્।
સોમઃ સોમાદ્બુધસ્તસ્માદૈલ આસીત્ પુરૂરવાઃ

તસ્માદાયુસ્તતો રાજા નહુષો ઽતો યયાતિકઃ ।અપ્_13.003અબ્।
તતઃ પુરુસ્તસ્ય વંશે ભરતો ઽથ નૃપઃ કુરુઃ

તદ્વંશે શાન્તનુસ્તસ્માદ્ભીષ્મો ગઙ્ગાસુતો ઽનુજૌ ।અપ્_13.004અબ્।
ચિત્રાઙ્ગદો વિચિત્રશ્ ચ સત્યવયાઞ્ચ શાન્તનોઃ

સ્વર્ગં ગતે શાન્તનૌ ચ ભીષ્મો ભાર્યાવિવર્જિતઃ ।અપ્_13.005અબ્।
અપાલયત્ ભ્રાતૃરાજ્યં બાલશ્ચિત્રાઙ્ગદો હતઃ

ચિત્રાઙ્ગદેન દ્વે કન્યે કાશિરાજસ્ય ચામ્બિકા ।અપ્_13.006અબ્।
અમ્બાલિકા ચ ભીષ્મેણ આનીતે વિજિતારિણા

ભાર્યે વિચિત્રવીર્યસ્ય યક્ષ્મણા સ દિવઙ્ગતઃ ।અપ્_13.007અબ્।
સત્યવત્યા હ્ય્ અનુમતાદમ્બિકાયાં નૃપોભવત્

ધૃતરાષ્ટ્રો ઽમ્બાલિકાયાં પાણ્ડુશ્ ચ વ્યાસતઃ સુતઃ ।અપ્_13.008અબ્।
ગાન્ધાર્યાં ધૃતરાષ્ટ્રાચ્ચ દુર્યોધનમુખં શતમ્

શતશૃઙ્ગાશ્રમપદે ભાર્યાયોગાદ્ યતો મૃતિઃ ।અપ્_13.009અબ્।
ઋષિશાપાત્તતો ધર્માત્ કુન્ત્યાં પાણ્ડોર્યુધિષ્ઠિરઃ

વાતાદ્ભીમો ઽર્જુનઃ શક્રાન્માદ્ર્યામશ્વિકુમારતઃ ।અપ્_13.010અબ્।
નકુલઃ સહદેવશ્ ચ પાણ્ડુર્માદ્રીયુતો મૃતઃ

કર્ણઃ કુન્ત્યાં હિ કન્યાયાં જાતો દુર્યોધાશ્રિતઃ ।અપ્_13.011અબ્।
કુરુપાણ્ડવયોર્વૈરન્દૈવયોગાદ્બભૂવ હ

:પ્ 33
દુર્યોધનો જતુગૃહે પાણ્ડવાનદહત્ કુધીઃ ।અપ્_13.012અબ્।
દગ્ધાગારાદ્વિનિષ્ક્રાન્તા માતૃપૃષ્ટાસ્તુ પાણ્ડવાઃ

તતસ્તુ એકચક્રાયાં બ્રાહ્મણસ્ય નિવેશને ।અપ્_13.013અબ્।
મુનિવેષાઃ સ્થિતાઃ સર્વે નિહત્ય વકરાક્ષસમ્

યયૌઃ પાઞ્ચાલવિષયં દ્રૌપદ્યાસ્તે સ્વયમ્વરે ।અપ્_13.014અબ્।
સમ્પ્રાપ્તા બાહુવેધેન(1) દ્રૌપદી પઞ્ચપાણ્ડવૈઃ(2)

અર્ધરાજ્યં તતઃ પ્રાપ્તા જ્ઞાતા દુર્યોધનાદિભિઃ ।અપ્_13.015અબ્।
ગાણ્ડીવઞ્ચ ધનુર્દિવ્યં પાવકાદ્રથમુત્તમમ્

સારથિઞ્ચાર્જુનઃ સઙ્ખ્યે કૃષ્ણમક્ષય્યશાયકાન્ ।અપ્_13.016અબ્।
બ્રહ્માસ્ત્રાદીંસ્ તથા દ્રોણાત્સર્વે શસ્ત્રવિશારદાઃ

કૃષ્ણેન સો ઽર્જુનો વહ્નિં ખાણ્ડવે સમતર્પયત્ ।અપ્_13.017અબ્।
ઇન્દ્રવૃષ્ટિં વારયંશ્ ચ શરવર્ષેણ પાણ્ડવઃ

જિતા દિશઃ પાણ્ડવૈશ્ ચ રાજ્યઞ્ચક્રે યુધિષ્ઠિરઃ ।અપ્_13.018અબ્।
બહુસ્વર્ણં(3) રાજસૂયં ન સેહે તં સુયોધનઃ

ભ્રાત્રા દુઃશાસનેનોક્તઃ કર્ણેન પ્રાપ્તભૂતિના ।અપ્_13.019અબ્।
દ્યૂતકાર્યે શકુનિના દ્યૂતેન સ યુધિષ્ઠિરમ્

અજયત્તસ્ય રાજ્યઞ્ચ સભાસ્થો માયયાહસત્ ।અપ્_13.020અબ્।
જિતો યુધિષ્ઠિરો ભ્રાતૃયુક્તશ્ચારણ્યકં યયૌ

વને દ્વાદશવર્ષાણિ પ્રતિજ્ઞાતાનિ સો ઽનયત્ ।અપ્_13.021અબ્।
અષ્ટાશીતિસહસ્રાણિ ભોજયન્ પૂર્વવત્ દ્વિજાન્

સધૌમ્યો દ્રૌપદીષષ્ઠસ્તતઃ પ્રાયાદ્વિરાટકમ્ ।અપ્_13.022અબ્।
કઙ્કો દ્વિજો હ્ય્ અવિજ્ઞાતો(4) રાજા ભીમોથ સૂપકૃત્

:ન્
1 બાહુભેદેન ઇતિ ગ, ચિહ્નિતપુસ્તકપાઠઃ
2 દ્રૌપદીં પઞ્ચ પાણ્ડવા ઇતિ ખ, ગ, ઙ,
ચિહ્નિતપુસ્તકત્રયપાઠઃ
3 વસુપૂર્ણમિતિ ખ, ચિહ્નિતપુસ્તકપાઠઃ રત્નપૂર્ણમિતિ ઘ,
ચિહ્નિતપુસ્તકપાઠઃ
4 કઙ્કો દ્વિજો હ્ય્ અભૂચ્છ્રેષ્ઠ ઇતિ ખ,ચિહ્નિતપુસ્તકપાઠઃ
:પ્ 34
બૃહન્નલાર્જુનો ભાર્યા સૈરિન્ધ્રી યમજૌ તથા ।અપ્_13.023અબ્।
અન્યનામ્ના ભીમસેનઃ કીચકઞ્ચાબધીન્નિશિ

દ્રૌપદીં હર્તુકામં તં અર્જુનશ્ચાજયત્ કુરૂન્ ।અપ્_13.024અબ્।
કુર્વતો ગોગ્રહાદીંશ્ ચ તૈર્ જ્ઞાતાઃ પાણ્ડવા અથ

સુભદ્રા કૃષ્ણભગિની અર્જુનાત્સમજીજનત્ ।અપ્_13.025અબ્।
અભિમન્યુન્દદૌ તસ્મૈ વિરાટશ્ચોત્તરાં સુતામ્

સપ્તાક્ષૌહિણીશ આસીદ્ધર્મરાજો રણાય સઃ ।અપ્_13.026અબ્।
કૃષ્ણો દૂતોબ્રવીદ્ ગત્વા દુર્યોધનમમર્ષણમ્

એકાદશાક્ષૌહિણીશં નૃપં દુર્યોધનં તદા ।અપ્_13.027અબ્।
યુધિષ્ઠિરાયાર્ધરાજ્યં દેહિ ગ્રામાંશ્ ચ પઞ્ચ વા

યુધ્યસ્વ વા વચઃ શ્રુત્વા કૃષ્ણમાહ સુયોધનઃ ।અપ્_13.028અબ્।
ભૂસૂચ્યગ્રં ન દાસ્યામિ યોત્સ્યે સઙ્ગ્રહણોદ્યતઃ

વિશ્વરૂપન્દર્શયિત્વા અધૃષ્યં વિદુરાર્ચિતઃ(1) ।અપ્_13.029અબ્।
પ્રાગાદ્યુધિષ્ઠિરં પ્રાહ યોધયૈનં સુયોધનમ્