Advayasiddhi · શ્લોક 1-20

પ્રકૃતિપ્રભાસ્વરં નાથં સર્વજ્ઞં ત્રિભવોદ્ભવમ્ ।
પ્રણમ્ય શિરસા વજ્રમ્ ઈપ્સિતાર્થફલપ્રદમ્ ॥

દેશકાલતિથિવારનક્ષત્રૈર્ મણ્ડલૈર્ વિના ।
વક્ષ્યે હં વજ્રસત્ત્વસ્ય સંક્ષેપાત્ સાધનં પરમ્ ॥

નિયમવ્રતોપવાસૈર્ અક્ષરોચ્ચારણભાવનૈઃ ।
અતત્ત્વયોગો અતત્ત્વયોગી ન સિદ્ધ્યેત્ કલ્પકોટિશતૈર્ અપિ ॥

વિડ્વજ્રોદકબીજાદ્યૈર્ નાસિકાભ્યન્તરોદ્ભવૈઃ ।
પૂજયેદ્ સતતં મન્ત્રી આત્માનં તત્ત્વભાવનૈઃ ॥

જનનીં ભગિનીશ્ ચૈવ દુહિતૃભાગિનેયિકાન્ ।
પ્રજ્ઞ્નોપાયવિધાનેન પૂજયેદ્ યોગવિત્ સદા ॥

એકાઙ્ગવિકલાં હીનાં શિલ્પનીં શ્વપચીં તથા ।
યોષિતાં પૂજયેન્ નિત્યં જ્ઞાનવજ્રપ્રભાવનૈઃ ॥

યેન યેન હિ બદ્ધ્યન્તે જન્તવો રૌદ્રકર્મણા ।
સોપાયેન તુ તેનૈવ મુચ્યન્તે ભવબન્ધનાત્ ॥

સમયાન્ અહરહઃ કુર્યાદ્ દિવ્યાન્ પઞ્ચકુલોદ્ભવાન્ ।
પૂજયેચ્ ચ પ્રદીપાદ્યૈઃ સક્ષીરૈર્ વિશ્વસમ્ભવૈઃ ॥

પ્રોત્ફુલ્લનયનો મન્ત્રી નિત્યં પ્રહસિતાનનઃ ।
ચિત્તમ્ આરોપ્ય સંબોધૌ ભાવયેજ્ જ્ઞાનસાગરમ્ ॥

યાવત્ સ્થિરચલા ભાવા સન્ત્ય્ અત્ર ત્રિભવાલયે ।
સર્વે તે તત્ત્વયોગેન દ્રષ્ટવ્યા વજ્રધૃગ્ યથા ॥

પરવાદિનશ્ ચ કેચિલ્ લિન્ગભેદૈર્ વ્યવસ્તિતાઃ ।
તે ઽપ્ય્ અત્ર નાવમન્તવ્યા વજ્રસત્ત્વવિકુર્વિતૈઃ ॥

સર્વાન્ સમરસીક્ર્ત્ય ભાવાન્ નૈરાત્મ્યનિઃસૃતાન્ ।
ભાવયેત્ સતતં મન્ત્રી દેહં પ્રકૃતિનિર્મલમ્ ॥

ગન્ધમાલ્યાદિભિર્ વસ્ત્રૈર્ ધૂપનૈવેદ્યકૈસ્ તથા ।
ગીતવાદ્યૈસ્ તથા નૃત્યૈઃ સોપાયૈર્ ભજતે વિભુઃ ॥

ન કષ્ટકલ્પનાં કુર્યાન્ નોપવાસં ન ચ ક્રિયામ્ ।
સ્નાનં શૌચં ન ચૈવાત્ર ગ્રામધર્મવિવર્જનં ॥

ન ચાપિ વન્દયેદ્ દેવાન્ કાષ્ઠપાષાણમૃણ્મયાન્ ।
પૂજામ્ અસ્યૈવ કાયસ્ય કુર્વાન્ નિત્યં સ્માહિતઃ ॥

મક્ષિકાચ્છર્દિસંમિશ્રૈર્ વિણ્મૂત્રાદ્યૈશ્ ચ ભાવિતૈઃ ।
પઞ્ચપ્રદીપસંયુક્તૈઃ પૂજયેદ્ વજ્રધારિણમ્ ॥

અબલા સ્વયમ્ભુકુસુમૈઃ સક્ષીરૈર્ વિશ્વસમ્ભવૈઃ ।
પૂજયેદ્ દેવતાં તેન દેહસ્થાં તત્ત્વભાવનૈઃ ॥

પરસ્વહરણં કુર્યાત્ પરદારનિષેવનમ્ ।
વક્તવ્યં ચ મૃષાવાક્યં સર્વબુદ્ધાંશ્ ચ ઘાતયેત્ ॥

શૈલમૃણ્મયચૈત્યાદીન્ ન કુર્યાત્ પુસ્તકે રતિમ્ ।
ન મણ્ડલાનિ સ્વપ્ને ઽપિ કાયવાક્ચિત્તકર્મણા ॥

જુગુપ્સાં નૈવ કુર્વીત સર્વવસ્તુષુ મન્ત્રવિત્ ।
વજ્રસત્ત્વઃ સ્વયં તત્ર સાક્ષાદ્ રૂપેણ સંસ્થિતઃ ॥