અભિસમયાલંકારવૃત્તિઃ સ્ફુટાર્થા · અધ્યાય 0

પ્રજ્ઞાપારમિતોપદેશશાસ્ત્રે
આચર્યહરિભદ્રકૃતા
અભિસમયાલઙ્કારવૃત્તિઃ સ્ફુટાર્થા
સર્વાકારજ્ઞતાધિકારઃ પ્રથમઃ
નમઃ સર્વબુદ્ધબોધિસત્ત્વેભ્યઃ
મંગલાચરણમ્
પ્રજ્ઞાપારમિતાયૈ યસ્યાસ્તદલઙ્કારકારિકાણામ્ ।
સર્વાલઙ્કરણાર્થં ક્રિયતે વ્યાખ્યા નમસ્તસ્યૈ

જગદાસઙ્ગસઙ્ગેન ત્વાર્યાસઙ્ગેન તાયિના ।
આકર્ણ્યાજિતનાથાત્તન્મહાશાસ્ત્રં વ્યભજ્યત

જગદ્ધિતપરો બન્ધુઃ વસુબન્ધુઃ સ્વકાશયમ્ ।
ચાન્તર્જ્ઞેયં સમાશ્રિત્ય તદ્વ્યાખ્યામકરોત્તતઃ

આર્યાન્તર્ગણિતઃ ખ્યાતો વિમુક્તિરિતિ તત્કૃતામ્ ।
અકૃતામિવ તાં દ્રષ્ટ્વા ચક્રે ઽન્યાં મધ્યયા ધિયા

તતો વિમુક્તિસેનેન શાસ્ત્રાણ્યપ્રાપ્ય સર્વશઃ ।
શ્રદ્ધાભૂમિસ્થિતેનાપિ વ્યાખ્યાતા સ્વમનીષયા

એવં વિદ્વદ્વરૈઃ પ્રોક્તે કિઞ્ચન્નૈયૂન્યમીક્ષ્યતે ।
અસ્મિન્ સર્વં સુસમ્પન્નં મહદાશ્ચર્યકારકમ્

અયં સુદુર્લભઃ પન્થાઃ ગમ્ભીરશ્ચ યથાર્થકઃ ।
સુવિમૃશ્યશ્ચ વિદ્વદ્ભિઃ પ્રાપ્તો બુદ્ધાનુકમ્પયા

સર્વથા મમ નાસ્ત્યેવ ગોચરો ઽપ્યહમુત્સહે ।
પુણ્યવિધ્યનુકૂલત્વાત્ સ્વપરોપચિકીર્ષયા