અભિધર્મદીપ · શ્લોક 221-240

દ્વિતીયા તુ વિહીનેન ધ્રુવપાકેન કર્મણા ।
તૃતીયા દ્વયમુક્તસ્ય ચતુર્થી તુ દ્વયાદૃતે

અયુક્તવિહિતં કર્મ ક્લેશોપક્લેશદૂષિતમ્ ।
શિક્ષાલિઙ્ગાદ્યપેતં ચ કેચિદાહુર્વિપશ્ચિતઃ

બોધિસત્ત્વઃ કુતો યાવદવિવર્ત્યમના યતઃ ।
બધ્નાતિ બોધિસન્નાહમઙ્ગીકૃત્વા જગદ્ધિતમ્

યદા લાક્ષણિકં કર્મ પ્રકરોત્યનપાયગઃ ।
મહાકુલઃ સમગ્રાક્ષઃ સ્વપર્ષત્સંગ્રહે રતઃ

પુમાઞ્જાતિસ્મરો વાગ્મી પ્રજ્ઞાવીર્યક્રિયાન્વિતઃ ।
તદા દેવમનુષ્યાણામભિવ્યક્તિં નિગચ્છતિ

સ હિ ત્રિભિરસંખ્યેયૈર્ધર્મકાયગુણાર્ણવમ્ ।
પ્રચિનોતિ તદાધારં કાયં કલ્પશતેન તુ

દ્વાત્રિંશલ્લક્ષણોપેતમશીતિવ્યઞ્જ નોજ્જ્વલમ્ ।
દ્વિષતામપિ યં દૃષ્ટ્વા મનઃ સદ્યઃ પ્રસીદતિ

યુગાન્તવાયુના મેરુઃ વહ્નિના વરુણાલયઃ ।
વજ્રેણ ધ્વસ્યતે વજ્રમવિકારિ તુ તન્મનઃ

કામાપ્તં ષષ્ઠજં ત્રેધા કૃપાશ્રદ્ધાપરમ્પરમ્ ।
બુદ્ધોત્પાદે નરઃ સ્ત્રી વા તદાદ્યં ચિત્તમશ્નુતે

સર્વેભ્યઃ સર્વદા સર્વં વદતો દાનપૂરણમ્ ।
મરણે ઽપિ દમાત્યાગઃ શીલસ્યોત્કૃષ્ટિરુચ્યતે

વીર્યસ્ય તિષ્યસંસ્તુત્યા ધિયો વજ્રોપમાત્પરમ્ ।
ઽસર્વાસાં તુ ક્ષયજ્ઞાને પરિપૂરિર્વિધીયતેઽ

ત્રિપુણ્યકૃતિવસ્ત્વાદ્યાસ્તલ્લાભોપાયદેશનાઃ ।
તથા ચતુરધિષ્ઠાનં સપ્તસદ્ધર્મશાસનમ્

સપ્તયોગાસ્ત્રયઃસ્કન્ધાસ્ત્રિશિક્ષાદ્યાશ્ચ દેશિતાઃ ।
તથા પારમિતાશ્ચાપિ ચતસ્રો વિનયોદિતાઃ

બોધિપક્ષ્યાશ્ચ કણ્ઠોક્તાઃ સપ્તત્રિંશત્સ્વયંભુવા ।
હેતવઃ સર્વબોધિનાં ત્રિવિધા મૃદુતાદિભિઃ

તસ્માન્ન બોધિમાર્ગો ઽન્યઃ સૂત્રાદિપિટકત્રયાત્ ।
અતો ઽન્યમિહ યો બ્રૂયાત્સ ભવેન્મારભાષિતઃ

કલ્પાનાં મહતામેતદસંખ્યેયત્રયં મતમ્ ।
સ્થાનાન્તરમસંખ્યાખ્યમદઃસંખ્યોપરિ સ્થિતમ્

અપકર્ષે જિનોત્પત્તિર્યાવચ્છતસમાયુષઃ ।
દ્વયોઃ પ્રત્યેકબુદ્ધાનામુત્કર્ષે ચક્રવર્તિનામ્

નાધો ઽશીતિસહસ્રાયોસ્તત્સમુત્પત્તિરિષ્યતે ।
તે હેમરૂપ્યતામ્રાયશ્ચક્રાઃ પુણ્યપ્રભાવતઃ

તુલ્યે ઽપિ સાધનોપાયે તદ્ભેદો ઽક્ષાદિભેદતઃ ।
ભવમોક્ષાર્થિનોર્માત્રોઃ પ્રદાનફલભેદવત્

કરુણાભાવનોદ્રેકાત્સ્વસંવિચ્ચિત્તયોસ્તથા ।
પરસંવિદ્ગુરોસ્તદ્વત્તદ્વિશેષો વિધીયતે