108 Buddhist stotras · અધ્યાય 5

નમસ્તારે તુરે વીરે ક્ષણદ્યુતિનિભેક્ષણે ।
ત્રૈલોક્યનાથવક્ત્રાબ્જવિકસત્કમલોદ્ભવે ॥

નમઃ શતશરચ્ચન્દ્રસંપૂર્ણેવ વરાનને ।
તારાસહસ્રકિરણૈઃ પ્રહસત્કિરણોજ્જ્વલે ॥

નમઃ કનકનીલાબ્જપાણિપદ્મવિભૂષિતે ।
દાનવીર્યતપઃશા(ક્ષા)ન્તિતિતિક્ષાધ્યાનગોચરે ॥

નમસ્તથાગતોષ્ણીષવિજયાનન્તચારિણિ ।
શેષપારમિતાપ્રાપ્તજિનપુત્રનિષેવિતે ॥

નમસ્તુતારહુંકારપૂરિતાશાદિગન્તરે ।
સપ્તલોકક્રમાક્રા[ન્તે] અશેષકરુણા(ણે)ક્ષણે ॥

નમઃ શક્રાનલબ્રહ્મમરુદ્વિશ્વેશ્વરાર્ચિતે ।
ભૂતવેતાલગન્ધર્વગણયક્ષપુરસ્કૃતે ॥

નમઃ સ્ત્રદિતિ ફટ્કાર પરજત્ર(યન્ત્ર)પ્રમર્દિનિ ।
પ્રત્યાલીઢપદન્યાસે શિખી(ખિ)જ્વાલાકુલોજ્જ્વલે ॥

નમસ્તુરે મહાઘોરે માલવીરવિનાશિનિ ।
ભૃકુટીકૃતવક્ત્રાબ્જસર્વશત્રુનિસુન્દની(ષૂદિનિ) ॥

નમઃ સ્ત્રીરત્નમુદ્રાઙ્કહૃદયાઙ્ગુલિભૂષિતે ।
ભૂષિતાશેષદિક્ચક્રનિકરસ્વકરાકુલે ॥

નમઃ પ્રમુદિતાશેષમુક્તાક્ષીરપ્રસારિણિ ।
હસત્પ્રહસતુત્તારે મારલોલવશઙ્કરિ ॥

નમઃ સમન્તભૂપાલપત(ટ)લાકર્ષણ(ણે)ક્ષણે ।
ચરભૃકુટિહૂંકારસર્વાપદવિમોચની(ચિનિ) ॥

નમઃ શ્રીખણ્ડખણ્ડેન્દુ[સુ]મુક્તાભરણ(ણો)જ્જ્વલે ।
અમિતાભજિતાભારભાસુરે કિરણોદ્ધ્રુવે(દ્ધુરે) ॥

નમઃ કલ્પાન્તહુતભુગજ્વાલામાલાન્તરે(ર)સ્થિતે ।
આલીઢમુદિ(દ્રિ)તાબદ્ધરિપુચક્રવિનાશિની(નિ) ॥

નમઃ કરતરા(લા)ઘાટ(ત)ચરણાહતભૂતલે ।
ભૃકુટીકૃતહુંકારસપ્તપાતાલભેદિની(નિ) ॥

નમઃ શિવે શુભે શાન્તે શાન્તનિર્વાણગોચરે ।
સ્વાહાપ્રણવસંયુક્તે મહાપાતકનાશની(શિનિ) ॥

નમઃ પ્રમુદિતાબદ્ધરિગાત્રપ્રભેદિનિ ।
દશાક્ષરપદન્યાસે વિદ્યાહુંકારદીપિતે ॥

નમ[સ્તારે] તુરે પાદઘાતહુંકારવીજિતે ।
મેરુમણ્ડલકૈલાશભુવનત્રયચારિણી(ણિ) ॥

નમઃ સુરે સ(શ)રાકારહરિણાઙ્કકરે(ર)સ્થિતે ।
હરિદ્વિરુક્તફટ્કાર(રે) અશેષવિષનાશિણી(નિ) ॥

નમઃ સુરાસુરગણયક્ષકિન્નરસેવિતે ।
અબુદ્ધમુદિતાભોગકરી(રિ) દુઃસ્વપ્નનાશિની(નિ) ॥

નમશ્ચન્દ્રાર્કસમ્પૂર્ણનયનદ્યુતિભાસ્વરે ।
તારાદ્વિરુક્તતુત્તારે વિષમજ્વલ(ર)નાશિનિ ॥

નમઃ સ્ત્રીતત્ત્વવિન્યાસે શિવશક્તિસમન્વિતે ।
ગ્રહવેતાર(લ)યક્ષોષ્મનાશિનિ પ્રવરે તુરે ॥

મન્ત્રમૂલમિદં સ્તોત્રં નમસ્કારૈકવિંશતિઃ(તિ) ।
યઃ પઠેત્પ્રાતઃ(પઠેત્ પ્રયતઃ) ધીમાન્ દેવ્યાભક્તિસમન્વિતે(તઃ) ॥

સાયં વા પ્રાતરુત્થાય સ્મરેત્ સર્વાભયપ્રદમ્ ।
સર્વપાપપ્રશમનં સર્વદુર્ગતિનાશનમ્ ॥

અભિષિક્તો ભવેત્ તૂર્ણં સપ્તભિર્જિનકોટિભિઃ ।
માસમાત્રેણ ચૈવાસૌ સુખં બૌદ્ધપદં વ્રજેત્ ॥

વિષં તસ્ય મહાઘોરં સ્થાવરં ચાથ જઙ્ગમમ્ ।
સ્મરણાન્ન પદં યાતિ ખાદિતં પિ(પી)તમેવ વા ॥

ગ્રહજો(જા)લવિષાર્તાનાં પરસ્ત્રીવિષનાશનમ્ ।
અન્યેષાં ચૈવ સત્ત્વાનાં દ્વિસપ્તમભિવર્તિતમ્ ॥

પુત્રકામો લભેત્ પુત્રં ઘનકામો લભેદ્ધનમ્ ।
સર્વકામાનવાપ્નોતિ ન વિઘ્નૈઃ પ્રતિહન્યતે ॥