108 Buddhist stotras · અધ્યાય 36

યે જિનપૂર્વકાયે ભવન્તિ યે ચ ધ્રિયન્તિ દશદિશિ લોકે ।
તાન્ હિ જિનાંશ્ચ કરોમિ પ્રણામં તં જિનસંઘમહં પ્રભિજષ્યે ॥

શાન્તપ્રશાન્તવિશુદ્ધમુનીન્દ્રં સ્વર્ણસુવર્ણપ્રભાસિતગાત્રમ્ ।
સર્વસુરાસુરસુસ્વરઘોષં બ્રહ્મરુતસ્વરગર્જિતઘોષમ્ ॥

ષટ્પદભૌંરમહીરુહકેશં નીલસુકુઞ્ચિતકાશનિકાશમ્ ।
શઙ્ખતુષારસુપાણ્ડરદન્તં હેમવિરાજિતભાષિતનાભમ્ ॥

નીલવિશાલવિશુદ્ધસુનેત્રં નીલમિવોત્પલફુલ્લિતક્ષેત્રમ્ ।
પદ્મસુવર્ણવિભાન્તસુજિહ્વં પદ્મપ્રભાષિતપદ્મસુખાભમ્ ॥

શઙ્ખમૃણાલનિભં સુખતાર્ણં દક્ષિણવર્તિતવેડુલિતર્ણમ્ ।
સૂક્ષ્મનિશાકરક્ષીણશશીવ માત્રસુમન્ત્રસરોજસુનાભમ્ ॥

કાઞ્ચનકોટિસુવર્ણસુનાસમુન્નતમૃદુતરપાદપપત્રમ્ ।
અગ્રધરાગ્રવિશિષ્ટનાસાગ્રં મૃદુકરસર્વજિનં સતતં તમ્ ॥

એકસમેકતરોમમુખાગ્રં બાલસુરોમપ્રદક્ષિણવર્તમ્ ।
નીલનિભોજ્જ્વલકુણ્ડલજાતં નીલવિરાજિતમૌલસુગ્રીવમ્ ॥

જાતસમાનપ્રભાષિતગાત્રં પૂજિતસર્વદશદિશિ લોકે ।
દુઃખમનન્તં પ્રશમિતલોકં સર્વસુખેન ચ તર્પિતલોકમ્ ॥

નરકસ્થાસુ ચ તિર્યગ્ગતિષુ પ્રેતસુરાસુરમનુજગતીષુ ।
સર્વપિશાચસુખાર્પિતસત્ત્વં સર્વપ્રશાન્તમપાયગતીષુ ॥

વર્ણસુવર્ણં કનકનિભાસં કાઞ્ચનતપ્તપ્રભાસિતગાત્રમ્ ।
સૌમ્યશશાઙ્કસુવિમલવક્ત્રં વિકસિતરાજિતસુવિમલવદનમ્ ॥

તરુણરુહાગ્રકકોમલગાત્રં સિંહવિવાદકવિક્રમનાદમ્ ।
લમ્બિતહસ્તપ્રલમ્બિતબાહું મારુતપ્રેરિતસાલલજિહ્વમ્ ॥

વ્યોમપ્રભોજ્જ્વલમુંચિતરશ્મિં સૂર્યમિવ પ્રભયા પ્રતપન્તમ્ ।
નિર્મલગાત્રવરેભિ મુનીન્દ્રં સર્વપ્રભાસિતક્ષેત્રમનન્તમ્ ॥

ચન્દ્રનિશાકરભાસ્કરજાલં ક્ષેત્રમનન્તસહસ્રગતેષુ ।
તે ઽપિ ચ નિશ્ચિતસર્વિ બભૂવ બુદ્ધપ્રભાસવિરોચનતાયૈ ॥

બુદ્ધદિવાકરલોકપ્રદીપં બુદ્ધદિવાકરરશ્મિસહસ્રમ્ ।
ક્ષેત્રમનન્તસહસ્રગતેષુ પશ્યતુ લોકતથાગતસૂર્યમ્ ॥

પુણ્યશતાનિ સહસ્ર ચ કૃત્વા સર્વગુણેભિરલંકૃતગાત્રમ્ ।
સૌરગજેન્દ્રનિભં જિતબાહું વિમલરક્ષિતમણ્ડિતબાહુમ્ ॥

ભૂમિતલોપમ શાલિતતુલ્યં સૂક્ષ્મરજોપમમાગતબુદ્ધાઃ ।
સૂક્ષ્મરજોપમ યે ચ ભવન્તિ સૂક્ષ્મરજોપમ યે તિષ્ઠન્તિ ॥

તાંશ્ચ જિનાન્ પ્રકરોમિ પ્રણામં કાયેન વાચા મનસા પ્રસન્ના ।
પુષ્પપ્રદાન સુગન્ધપ્રદાનૈર્વર્ણશતેન શુચિશ્ચ સ્મરામિ ॥

જિહ્વશતૈરપિ બુદ્ધગુણાનાં કલ્પસહસ્રશતેન હિ વક્તુમ્ ।
યે ચ સુનિર્વૃતસાધુજિનાનાં સા ચ લલાટ વિચિત્ર અનેકૈઃ ॥

એકજિનસ્ય ગુણાન્ નહિ શક્યો જિહ્વસહસ્રેણ ભાષિતુ કિંચિત્ ।
કામમશક્તિ હિ સર્વજિનાનાં એકગુણસ્ય હિ વિસ્તરવક્તુમ્ ॥

સર્વ સદેવકુલોક્તસમૂહઃ સર્વભવાગ્ર ભવજલપૂર્ણાન્ ।
યે જલગ્રહણતુ શક્યપ્રમાણં નૈવ તુ એકગુણા સુગતાન્તમ્ ॥

વર્ણિતુ સુસ્તુતમજ્જિનસર્વં કાયતુ વાચ પ્રસન્નમનેન ।
પ્રમેય સંચિત પુણ્યફલાગ્રં તેન ચ સત્ત્વ પ્રભોતુ જિનત્વમ્ ॥

એવ તુ વિશ્વં નરપતિબુદ્ધં એવ કરોમિ નૃપઃપ્રણિધાનમ્ ।
યત્ર ચ કુત્ર ચિ મભ્યભવેત જાતિ અનાગત કલ્પમનન્તા ॥

ઈદૃશભેરી પશ્યમિ સ્વપ્ને ઈદૃશનાદં તત્ર શૃણોમિ ।
ઈદૃશ જિનસ્તુતિ કમલાકરેણ જાતિ જરાસ્મર તત્ર લભેયમ્ ॥

બુદ્ધગુણાનિ અનન્તમતુલ્યં યે ઽપિ ચ દુર્લભ કલ્પસહસ્રમ્ ।
અનુશ્રુત યે ચ સ્વપ્નગતે ઽપિ તેષુ ચ દેશયિ દિવસગતો ઽપિ ॥

દુઃખસમુદ્ર વિમોચયિ સત્ત્વા પૂરયિ ષડભિઃ પારમિતાભિઃ ।
બોધિમનુત્તર પુણ્ય લભેયં ક્ષત્રભવેત્તમભાસમપત્થ્યા ॥

ભેરિપ્રદાનવિપાકફલેન સર્વજિનાન ચ સંસ્તુતિહેતોઃ ।
સંમુખપશ્યમિ શાક્યમુનીન્દ્રં વ્યાકરણં હ્યહુ તત્ર લભેયમ્ ॥

યૌ ઇમ દારકદ્વૌ મમ પુત્રૌ કનકેન્દ્ર કનકપ્રભાશ્વરૌ ।
તૌ ઉભિ દારક તત્ર લભેયં બોધિમનુત્તરવ્યાકરણં ચ ॥

યે પિ ચ સત્ત્વ અનેકમનન્તા શરણવિહીના વ્યસનગતાશ્ચ ।
તેષુ ભવેય અનાગત સર્વત્રાણપરાયણ શરણપ્રદશ્ચ ॥

દુઃખસમુદ્ભવ સંક્ષયકર્તા સર્વસુખસ્ય ચ આકરભંત ।
કલ્પ અનાગત બોધિ ચરેયં યત્તહુ પૂર્વં કોટિ ગતાશ્ચ ॥

સ્વર્ણપ્રભાસોત્તમદેશનતાય પાપસમુદ્રં શોષતુ મહ્યમ્ ।
કર્મસમુદ્ર વિકીર્યતુ મહ્યં ક્લેશસમુદ્ર વિછિદ્યતુ મહ્યમ્ ॥

પુણ્યસમુદ્રં પૂર્યતુ મહ્યં જ્ઞાનસમુદ્ર વિશોધ્યતુ મહ્યમ્ ।
વિમલજ્ઞાન પ્રભાસવરેણ કામ પ્રભા ચ ભવિષ્યતુ મહ્યમ્ ॥

પુણ્યપ્રભાસ વિલોચનતા ચ સર્વત્રિલોકિ વિશિષ્ટ ભવેયમ્ ।
પુણ્યવરેણ સમન્વિત નિત્યં દુઃખસમુદ્ર ઉત્તારયિતા ચ ॥

સર્વસુખસ્ય ચ સાગરકલ્પં કલ્પમનાગત બોધિ ચરેયમ્ ।
યત્નત પૂર્વક કોટિગતાયા ઈદૃશક્ષત્રવિશિષ્ટ ત્રિલોકે ॥