108 Buddhist stotras · અધ્યાય 2

નમસ્તે બુદ્ધરૂપાય ધર્મરૂપાય તે નમઃ ।
નમસ્તે સંઘરૂપાય પઞ્ચબુદ્ધાત્મને નમઃ ॥

પૃથ્વીરૂપાયાબ્રૂપાય તેજોરૂપાય તે નમઃ ।
નમસ્તે વાયુરૂપાયાકાશરૂપાય તે નમઃ ॥

બ્રહ્મણેસત્ત્વરૂપાય રજોરૂપાય વિષ્ણવે ।
તમોરૂપમહેશાય જ્ઞાનરૂપાય તે નમઃ ॥

પ્રજ્ઞોપાયાત્મરૂપાય ગુહ્યરૂપાય તે નમઃ ।
દિગ્રૂપલોકપાલાય વિશ્વરૂપાય તે નમઃ ॥

ચક્ષૂરૂપાય કર્ણાય ઘ્રાણરૂપાય જિહ્વકે ।
કાયરૂપાય શ્રીધર્મરૂપાય મનસે નમઃ ॥

નમસ્તે રૂપરૂપાય રસરૂપાય તે નમઃ ।
ગન્ધરૂપશબ્દરૂપસ્પર્શરૂપાય તે નમઃ ॥

ધર્મરૂપધારકાય ષડિન્દ્રિયાત્મને નમઃ ।
માંસાસ્થિમેદમજ્જાનાં સંઘાતરૂપિણે નમઃ ॥

રૂપાય જઙ્ગમાનાં તે સ્થાવરાણાં ચ મુર્તયે ।
તિરશ્ચાં મોહરૂપાય રૂપાયાશ્ચર્યમૂર્તયે ॥

સૃષ્ટિકર્ત્રે જન્મરૂપ કાલરૂપાય મૃત્યવે ।
ભવ્યાય વૃદ્ધરૂપાય બાલાય તે નમો નમઃ ॥

પ્રાણાપાનસમાનોદાનવ્યાનમૂર્તયે નમઃ ।
વર્ણાપવર્ણરૂપાય ભોક્ત્રે તન્મૂર્તયે નમઃ ॥

દિનરૂપાય સૂર્યાય ચન્દ્રાય રાત્રિરૂપિણે ।
તિથિરૂપાય નક્ષત્રયોગવારાદિમુર્તયે ॥

બાહ્યાભ્યન્તરરૂપાય લૌકિકાય નમોનમઃ ।
નૈર્વાણાય નમસ્તુભ્યં બહુરૂપાય તે નમઃ ॥

આદિબુદ્ધદ્વાદશકં પુણ્યં પ્રાતઃ પઠિષ્યતિ ।
યદિચ્છતિ લભેન્નૂનં મનુજો નિત્યનિશ્ચયઃ ॥