Vyākaraṇamahābhāṣya · Part 941960

(P_6,3.25.2) KA_III,147.18-148.18 Ro_IV,596-597 {36/42} putre ca kāryī nirdiṣṭaḥ .
(P_6,3.25.2) KA_III,147.18-148.18 Ro_IV,596-597 {37/42} katham .
(P_6,3.25.2) KA_III,147.18-148.18 Ro_IV,596-597 {38/42} ṛkāragrahaṇam api prakṛtam anuvartate .
(P_6,3.25.2) KA_III,147.18-148.18 Ro_IV,596-597 {39/42} kva prakṛtam .
(P_6,3.25.2) KA_III,147.18-148.18 Ro_IV,596-597 {40/42} ṛtaḥ vidyāyonisambandhebhyaḥ .
(P_6,3.25.2) KA_III,147.18-148.18 Ro_IV,596-597 {41/42} tat vai pañcamīnirdiṣṭam ṣaṣṭhīnirdiṣṭena ca iha arthaḥ .
(P_6,3.25.2) KA_III,147.18-148.18 Ro_IV,596-597 {42/42} putre iti eṣā saptamī ṛtaḥ iti pañcamyāḥ ṣaṣṭhīm prakalpayiṣyati tasmin iti nirdiṣṭe pūrvasya iti .
(P_6,3.26) KA_III,148.20-149.2 Ro_IV,597 {1/11} devatādvandve ubhayatra vāyoḥ pratiṣedhaḥ .
(P_6,3.26) KA_III,148.20-149.2 Ro_IV,597 {2/11} devatādvandve ubhayatra vāyoḥ pratiṣedhaḥ vaktavyaḥ .
(P_6,3.26) KA_III,148.20-149.2 Ro_IV,597 {3/11} vāyvagnī , agnivāyū .
(P_6,3.26) KA_III,148.20-149.2 Ro_IV,597 {4/11} brahmaprajāpatyādīnām ca .
(P_6,3.26) KA_III,148.20-149.2 Ro_IV,597 {5/11} brahmaprajāpatyādīnām ca pratiṣedhaḥ vaktavyaḥ .
(P_6,3.26) KA_III,148.20-149.2 Ro_IV,597 {6/11} brahmaprajāpatī , śivavaiśravaṇau , skandviśākhau .
(P_6,3.26) KA_III,148.20-149.2 Ro_IV,597 {7/11} saḥ tarhi pratiṣedhaḥ vaktavyaḥ .
(P_6,3.26) KA_III,148.20-149.2 Ro_IV,597 {8/11} na vaktavyaḥ .
(P_6,3.26) KA_III,148.20-149.2 Ro_IV,597 {9/11} dvandve iti vartamāne punaḥ dvandragrahaṇasya etat prayojanam lokavedayoḥ yaḥ dvandvaḥ tatra yathā syāt .
(P_6,3.26) KA_III,148.20-149.2 Ro_IV,597 {10/11} kaḥ ca lokavedayoḥ dvandvaḥ .
(P_6,3.26) KA_III,148.20-149.2 Ro_IV,597 {11/11} vede ye sahanirvāpanirdiṣṭāḥ na ca ete sahanirvāpanirdiṣṭāḥ .
(P_6,3.28) KA_III,149.4-5 Ro_IV,598 {1/3} id vṛddhau viṣṇoḥ pratiṣedhaḥ .
(P_6,3.28) KA_III,149.4-5 Ro_IV,598 {2/3} id vṛddhau viṣṇoḥ pratiṣedhaḥ vaktavyaḥ .
(P_6,3.28) KA_III,149.4-5 Ro_IV,598 {3/3} āgnāvaiṣṇavam carum nirvapet .
(P_6,3.32-33) KA_III,149.8-10 Ro_IV,598 {1/5} kim nipātyate .
(P_6,3.32-33) KA_III,149.8-10 Ro_IV,598 {2/5} pūrvapadottarapadayoḥ ṛkārasya arārau nipātyete .
(P_6,3.32-33) KA_III,149.8-10 Ro_IV,598 {3/5} mātarapitarau bhojayataḥ .
(P_6,3.32-33) KA_III,149.8-10 Ro_IV,598 {4/5} mātarapitarau ānaya .
(P_6,3.32-33) KA_III,149.8-10 Ro_IV,598 {5/5} a mā gantām pitarāmātarā ca a mā somaḥ amṛtatvaya gamyāt .
(P_6,3.34.1) KA_III,150.3-16 Ro_IV,599-601 {1/20} bhāṣitapuṃskāt iti katham idam vijñāyate .
(P_6,3.34.1) KA_III,150.3-16 Ro_IV,599-601 {2/20} samānāyām ākṛtau yat bhāṣitapuṃskam āhosvit kva cit bhāṣitapuṃskam iti .
(P_6,3.34.1) KA_III,150.3-16 Ro_IV,599-601 {3/20} kim ca ataḥ .
(P_6,3.34.1) KA_III,150.3-16 Ro_IV,599-601 {4/20} yadi vijñāyate samānāyām ākṛtau yat bhāṣitapuṃskam iti garbhibhāryaḥ , prajātabhāryaḥ , prasūtabhāraḥ iti atra na prāpnoti .
(P_6,3.34.1) KA_III,150.3-16 Ro_IV,599-601 {5/20} atha vijñāyate kva cit bhāṣitapuṃskam iti droṇībhāryaḥ , kuṭībhāryaḥ , pātrībhāryaḥ atra api prāpnoti .
(P_6,3.34.1) KA_III,150.3-16 Ro_IV,599-601 {6/20} astu samānāyām ākṛtau yat bhāṣitapuṃskam iti .
(P_6,3.34.1) KA_III,150.3-16 Ro_IV,599-601 {7/20} katham garbhibhāryaḥ , prajātabhāryaḥ , prasūtabhāraḥ iti .
(P_6,3.34.1) KA_III,150.3-16 Ro_IV,599-601 {8/20} kartavyaḥ atra yatnaḥ .
(P_6,3.34.1) KA_III,150.3-16 Ro_IV,599-601 {9/20} atha kimartham ūṅaḥ pṛthak pratiṣedhaḥ ucyate na yatra eva anyaḥ pratiṣedhaḥ tatra eva ayam ucyeta .
(P_6,3.34.1) KA_III,150.3-16 Ro_IV,599-601 {10/20} na kopadhāyāḥ iti uktvā tataḥ ūṅaḥ ca iti ucyeta .
(P_6,3.34.1) KA_III,150.3-16 Ro_IV,599-601 {11/20} tatra api ayam arthaḥ dviḥ pratiṣedhaḥ na vaktavyaḥ bhavati .
(P_6,3.34.1) KA_III,150.3-16 Ro_IV,599-601 {12/20} na evam śakyam .
(P_6,3.34.1) KA_III,150.3-16 Ro_IV,599-601 {13/20} paṭhiṣyati hi ācāryaḥ puṃvat karmadhāraye pratiṣiddhārtham iti .
(P_6,3.34.1) KA_III,150.3-16 Ro_IV,599-601 {14/20} saḥ puṃvadbhāvaḥ yathā iha bhavati : kārikā vṛndārikā kārakavṛndārikā iti evam iha api syāt : brahmabandhūḥ vṛndārikā brahmabandūvṛndārikā iti .

(P_6,3.34.1) KA_III,150.3-16 Ro_IV,599-601 {15/20} atha pṛthak pratiṣedhe api ucyamāne yāvatā saḥ pratiṣiddhārthaḥ ārambhaḥ kasmāt eva atra na bhavati .
(P_6,3.34.1) KA_III,150.3-16 Ro_IV,599-601 {16/20} pṛthakpratiṣedhavacanasāmarthyāt .
(P_6,3.34.1) KA_III,150.3-16 Ro_IV,599-601 {17/20} atha vā anūṅ iti tatra anuvartiṣyate .
(P_6,3.34.1) KA_III,150.3-16 Ro_IV,599-601 {18/20} atha vā na ayam prasajyapratiṣedhaḥ .
(P_6,3.34.1) KA_III,150.3-16 Ro_IV,599-601 {19/20} kim tarhi paryudāsaḥ ayam yat anyat anūṅ iti .
(P_6,3.34.1) KA_III,150.3-16 Ro_IV,599-601 {20/20} saḥ ca pratiṣedhāṛthaḥ ārambhaḥ .
(P_6,3.34.2) KA_III,150.17-153.20 Ro_IV,601-609 {1/162} kim punaḥ idam puṃvadbhāve strīgrhaṇam strīpratyayagrahaṇam āhosvit strīśabdgrahaṇam āhosvit stryarthagrahaṇam .
(P_6,3.34.2) KA_III,150.17-153.20 Ro_IV,601-609 {2/162} kaḥ ca atra viśeṣaḥ .
(P_6,3.34.2) KA_III,150.17-153.20 Ro_IV,601-609 {3/162} puṃvadbhāve strīgrahaṇam strīpratyayagrahaṇam cet tatra puṃvat iti uttarapade tatpratiṣedhavijñānam .
(P_6,3.34.2) KA_III,150.17-153.20 Ro_IV,601-609 {4/162} puṃvadbhāve strīgrahaṇam strīpratyayagrahaṇam cet tatra puṃvat iti uttarapade tatpratiṣedhaḥ ayam vijñāyeta .
(P_6,3.34.2) KA_III,150.17-153.20 Ro_IV,601-609 {5/162} kasya .
(P_6,3.34.2) KA_III,150.17-153.20 Ro_IV,601-609 {6/162} strīpratyayasya pratiṣedhaḥ .
(P_6,3.34.2) KA_III,150.17-153.20 Ro_IV,601-609 {7/162} kim ucyate strīpratyayasya pratiṣedhaḥ iti .
(P_6,3.34.2) KA_III,150.17-153.20 Ro_IV,601-609 {8/162} na punaḥ anyat api kim cit puṃsaḥ pratipadam kāryam ucyate yat samānādhikaraṇe uttarapade bhāṣitapuṃskasya atidiśyeta .
(P_6,3.34.2) KA_III,150.17-153.20 Ro_IV,601-609 {9/162} anārambhāt puṃsi .
(P_6,3.34.2) KA_III,150.17-153.20 Ro_IV,601-609 {10/162} na hi kim cit puṃsaḥ pratipadam kāryam ucyate yat samānādhikaraṇe uttarapade bhāṣitapuṃskasya atidiśyeta .
(P_6,3.34.2) KA_III,150.17-153.20 Ro_IV,601-609 {11/162} tatra kim anyat śakyam vijñātum anyat ataḥ strīpratyayapratiṣedhāt .
(P_6,3.34.2) KA_III,150.17-153.20 Ro_IV,601-609 {12/162} katham punaḥ puṃvat iti anena strīpratyayasya pratiṣedhaḥ śakyaḥ vijñātum .
(P_6,3.34.2) KA_III,150.17-153.20 Ro_IV,601-609 {13/162} vatinirdeśaḥ ayam kāmacāraḥ ca vatinirdeśe vākyaśeṣam samarthayitum .
(P_6,3.34.2) KA_III,150.17-153.20 Ro_IV,601-609 {14/162} tat yathā .
(P_6,3.34.2) KA_III,150.17-153.20 Ro_IV,601-609 {15/162} uśīnaravat madreṣu yavāḥ .
(P_6,3.34.2) KA_III,150.17-153.20 Ro_IV,601-609 {16/162} santi na santi iti .
(P_6,3.34.2) KA_III,150.17-153.20 Ro_IV,601-609 {17/162} mātṛvat asyāḥ kalāḥ .
(P_6,3.34.2) KA_III,150.17-153.20 Ro_IV,601-609 {18/162} santi na santi .
(P_6,3.34.2) KA_III,150.17-153.20 Ro_IV,601-609 {19/162} evam iha api puṃvat bhavati puṃvat na bhavati iti vākyaśeṣam samarthayiṣyāmahe .
(P_6,3.34.2) KA_III,150.17-153.20 Ro_IV,601-609 {20/162} yathā puṃsaḥ strīpratyayaḥ na bhavati evam samānādhikaraṇe uttarapade bhāṣitapuṃskasya na bhavati iti .
(P_6,3.34.2) KA_III,150.17-153.20 Ro_IV,601-609 {21/162} prātipadikasya ca pratyāpattiḥ .
(P_6,3.34.2) KA_III,150.17-153.20 Ro_IV,601-609 {22/162} prātipadikasya ca pratyāpattiḥ vaktavyā .
(P_6,3.34.2) KA_III,150.17-153.20 Ro_IV,601-609 {23/162} enī bhāryā asya , etabhāryaḥ , śyetabhāryaḥ .
(P_6,3.34.2) KA_III,150.17-153.20 Ro_IV,601-609 {24/162} puṃvadbhāvena kim kriyate .
(P_6,3.34.2) KA_III,150.17-153.20 Ro_IV,601-609 {25/162} strīpratyayasya nivṛttiḥ .
(P_6,3.34.2) KA_III,150.17-153.20 Ro_IV,601-609 {26/162} arthaḥ anivṛttaḥ strītvam .
(P_6,3.34.2) KA_III,150.17-153.20 Ro_IV,601-609 {27/162} tasya anivṛttatvāt kena naśabdaḥ na śrūyeta .
(P_6,3.34.2) KA_III,150.17-153.20 Ro_IV,601-609 {28/162} striyām iti ucyamānaḥ prāpnoti .
(P_6,3.34.2) KA_III,150.17-153.20 Ro_IV,601-609 {29/162} sthānivatprasaṅgaḥ ca .
(P_6,3.34.2) KA_III,150.17-153.20 Ro_IV,601-609 {30/162} sthānivabhāvaḥ ca prāpnoti .
(P_6,3.34.2) KA_III,150.17-153.20 Ro_IV,601-609 {31/162} paṭvībhārā asya paṭubhāryaḥ .
(P_6,3.34.2) KA_III,150.17-153.20 Ro_IV,601-609 {32/162} puṃvadbhāvena kim kriyate .
(P_6,3.34.2) KA_III,150.17-153.20 Ro_IV,601-609 {33/162} strīpratyayasya nivṛttiḥ .
(P_6,3.34.2) KA_III,150.17-153.20 Ro_IV,601-609 {34/162} tasya sthānivabhāvāt yaṇādeśaḥ prāpnoti .

(P_6,3.34.2) KA_III,150.17-153.20 Ro_IV,601-609 {35/162} kimartham idam ubhayam ucyate na prātipadikasya ca pratyāpattiḥ iti eva sthānivabhāvaḥ api coditaḥ syāt .
(P_6,3.34.2) KA_III,150.17-153.20 Ro_IV,601-609 {36/162} purastāt idam ācāryeṇa dṛṣṭam sthānivatprasaṅgaḥ ca iti tat paṭhitam .
(P_6,3.34.2) KA_III,150.17-153.20 Ro_IV,601-609 {37/162} tataḥ uttarakālam idam dṛṣṭam prātipadikasya ca pratyāpattiḥ iti .
(P_6,3.34.2) KA_III,150.17-153.20 Ro_IV,601-609 {38/162} tat api paṭhitam .
(P_6,3.34.2) KA_III,150.17-153.20 Ro_IV,601-609 {39/162} na ca idānīm ācāryāḥ sūtrāṇi kṛtvā nivartayanti .
(P_6,3.34.2) KA_III,150.17-153.20 Ro_IV,601-609 {40/162} vataṇḍyādiṣu puṃvadvacanam .
(P_6,3.34.2) KA_III,150.17-153.20 Ro_IV,601-609 {41/162} vataṇḍyādiṣu puṃvadbhāvaḥ vaktavyaḥ .
(P_6,3.34.2) KA_III,150.17-153.20 Ro_IV,601-609 {42/162} ke punaḥ vataṇḍyādayaḥ .
(P_6,3.34.2) KA_III,150.17-153.20 Ro_IV,601-609 {43/162} lugalugastrīviṣayadvistrīpratyayāḥ .
(P_6,3.34.2) KA_III,150.17-153.20 Ro_IV,601-609 {44/162} luk .
(P_6,3.34.2) KA_III,150.17-153.20 Ro_IV,601-609 {45/162} gārgyaḥ vṛndārikā gargavṛndārikā .
(P_6,3.34.2) KA_III,150.17-153.20 Ro_IV,601-609 {46/162} puṃvadbhāvena kim kriyate .
(P_6,3.34.2) KA_III,150.17-153.20 Ro_IV,601-609 {47/162} strīpratyayasya nivṛttiḥ .
(P_6,3.34.2) KA_III,150.17-153.20 Ro_IV,601-609 {48/162} arthaḥ anivṛttaḥ strītvam .
(P_6,3.34.2) KA_III,150.17-153.20 Ro_IV,601-609 {49/162} tasya anivṛttatvāt kena yaśabdaḥ na śrūyeta .
(P_6,3.34.2) KA_III,150.17-153.20 Ro_IV,601-609 {50/162} astriyām iti hi luk ucyate .
(P_6,3.34.2) KA_III,150.17-153.20 Ro_IV,601-609 {51/162} luk .
(P_6,3.34.2) KA_III,150.17-153.20 Ro_IV,601-609 {52/162} aluk .
(P_6,3.34.2) KA_III,150.17-153.20 Ro_IV,601-609 {53/162} vataṇḍī vṛndārikā vātaṇḍyavṛndārikā .
(P_6,3.34.2) KA_III,150.17-153.20 Ro_IV,601-609 {54/162} puṃvadbhāvena kim kriyate .
(P_6,3.34.2) KA_III,150.17-153.20 Ro_IV,601-609 {55/162} strīpratyayasya nivṛttiḥ .
(P_6,3.34.2) KA_III,150.17-153.20 Ro_IV,601-609 {56/162} arthaḥ anivṛttaḥ strītvam .
(P_6,3.34.2) KA_III,150.17-153.20 Ro_IV,601-609 {57/162} tasya anivṛttatvāt luk striyām vataṇḍāt iti yakārasya luk prāpnoti .
(P_6,3.34.2) KA_III,150.17-153.20 Ro_IV,601-609 {58/162} yadi punaḥ ayam īkāre eva luk ucyeta .
(P_6,3.34.2) KA_III,150.17-153.20 Ro_IV,601-609 {59/162} tat īkāragrahaṇam kartavyam .
(P_6,3.34.2) KA_III,150.17-153.20 Ro_IV,601-609 {60/162} na kartavyam .
(P_6,3.34.2) KA_III,150.17-153.20 Ro_IV,601-609 {61/162} kriyate nyāse eva .
(P_6,3.34.2) KA_III,150.17-153.20 Ro_IV,601-609 {62/162} praśliṣṭanirdeśaḥ ayam .
(P_6,3.34.2) KA_III,150.17-153.20 Ro_IV,601-609 {63/162} strī , ī strī , striyām .
(P_6,3.34.2) KA_III,150.17-153.20 Ro_IV,601-609 {64/162} īkāravidhau vai apratyayakasya pāṭhaḥ kriyate vataṇḍa iti .
(P_6,3.34.2) KA_III,150.17-153.20 Ro_IV,601-609 {65/162} śārṅgaravādau sapratyayakasya pāṭhaḥ kariṣyate .
(P_6,3.34.2) KA_III,150.17-153.20 Ro_IV,601-609 {66/162} saḥ vai sapratyayakasya pāṭhaḥ kartavyaḥ .
(P_6,3.34.2) KA_III,150.17-153.20 Ro_IV,601-609 {67/162} antaraṅgatvāt ca luk prāpnoti .
(P_6,3.34.2) KA_III,150.17-153.20 Ro_IV,601-609 {68/162} aluk .
(P_6,3.34.2) KA_III,150.17-153.20 Ro_IV,601-609 {69/162} astrīviṣaya .
(P_6,3.34.2) KA_III,150.17-153.20 Ro_IV,601-609 {70/162} kauṇḍīvṛsī vṛndārikā kauṇḍīvṛsyavṛndārikā .
(P_6,3.34.2) KA_III,150.17-153.20 Ro_IV,601-609 {71/162} puṃvadbhāvena kim kriyate .
(P_6,3.34.2) KA_III,150.17-153.20 Ro_IV,601-609 {72/162} strīpratyayasya nivṛttiḥ .
(P_6,3.34.2) KA_III,150.17-153.20 Ro_IV,601-609 {73/162} arthaḥ anivṛttaḥ strītvam .
(P_6,3.34.2) KA_III,150.17-153.20 Ro_IV,601-609 {74/162} tasya anivṛttatvāt kena yaśabdaḥ śrūyeta .

(P_6,3.34.2) KA_III,150.17-153.20 Ro_IV,601-609 {75/162} astriyām iti hi ñyaḥ vidhīyate .
(P_6,3.34.2) KA_III,150.17-153.20 Ro_IV,601-609 {76/162} astrīviṣaya .
(P_6,3.34.2) KA_III,150.17-153.20 Ro_IV,601-609 {77/162} dvistrīpratyaya .
(P_6,3.34.2) KA_III,150.17-153.20 Ro_IV,601-609 {78/162} gārgyāyaṇī vṛndārikā gārgyavṛndārikā .
(P_6,3.34.2) KA_III,150.17-153.20 Ro_IV,601-609 {79/162} atra puṃvadbhāvaḥ na prāpnoti .
(P_6,3.34.2) KA_III,150.17-153.20 Ro_IV,601-609 {80/162} kim kāraṇam .
(P_6,3.34.2) KA_III,150.17-153.20 Ro_IV,601-609 {81/162} bhāṣitapuṃskāt anūṅaḥ samānādhikaraṇe uttarapade puṃvadbhāvaḥ bhavati iti ucyate .
(P_6,3.34.2) KA_III,150.17-153.20 Ro_IV,601-609 {82/162} yaḥ ca atra bhāṣitapuṃskāt anūṅ na asau uttarapade yaḥ ca uttarapade na asau bhāṣitapuṃskāt anūṅ iti .
(P_6,3.34.2) KA_III,150.17-153.20 Ro_IV,601-609 {83/162} astu tarhi strīśabdagrahaṇam .
(P_6,3.34.2) KA_III,150.17-153.20 Ro_IV,601-609 {84/162} strīśabdasya puṃśabdātideśaḥ iti cet sarvaprasaṅgaḥ aviśeṣāt .
(P_6,3.34.2) KA_III,150.17-153.20 Ro_IV,601-609 {85/162} strīśabdasya puṃśabdātideśaḥ iti cet sarvasya strīśabdasya puṃśabdātideśaḥ prāpnoti .
(P_6,3.34.2) KA_III,150.17-153.20 Ro_IV,601-609 {86/162} asya api prāpnoti , aṅgārakāḥ nāma śakunayaḥ .
(P_6,3.34.2) KA_III,150.17-153.20 Ro_IV,601-609 {87/162} teṣām kālikāḥ striyaḥ .
(P_6,3.34.2) KA_III,150.17-153.20 Ro_IV,601-609 {88/162} kālikāvṛndārikāḥ .
(P_6,3.34.2) KA_III,150.17-153.20 Ro_IV,601-609 {89/162} aṅgārakavṛndārikāḥ prāpnuvanti .
(P_6,3.34.2) KA_III,150.17-153.20 Ro_IV,601-609 {90/162} kṣemavṛddhayaḥ kṣatriyāḥ .
(P_6,3.34.2) KA_III,150.17-153.20 Ro_IV,601-609 {91/162} teṣām tanukeśyaḥ striyaḥ .
(P_6,3.34.2) KA_III,150.17-153.20 Ro_IV,601-609 {92/162} tanukeśīvṛndārikāḥ .
(P_6,3.34.2) KA_III,150.17-153.20 Ro_IV,601-609 {93/162} kṣemavṛddhivṛndārikāḥ prāpnuvanti .
(P_6,3.34.2) KA_III,150.17-153.20 Ro_IV,601-609 {94/162} haṃsasya varaṭā .
(P_6,3.34.2) KA_III,150.17-153.20 Ro_IV,601-609 {95/162} kacchapasya ḍulī .
(P_6,3.34.2) KA_III,150.17-153.20 Ro_IV,601-609 {96/162} ṛśyasya rohit .
(P_6,3.34.2) KA_III,150.17-153.20 Ro_IV,601-609 {97/162} aśvasya vaḍavā .
(P_6,3.34.2) KA_III,150.17-153.20 Ro_IV,601-609 {98/162} puruṣasya yoṣit .
(P_6,3.34.2) KA_III,150.17-153.20 Ro_IV,601-609 {99/162} kim kāraṇam .
(P_6,3.34.2) KA_III,150.17-153.20 Ro_IV,601-609 {100/162} aviśeṣāt .
(P_6,3.34.2) KA_III,150.17-153.20 Ro_IV,601-609 {101/162} na hi kaḥ cit viśeṣaḥ upādīyate evañjātīyakasya strīśabdasya puṃśabdātideśaḥ bhavati iti .
(P_6,3.34.2) KA_III,150.17-153.20 Ro_IV,601-609 {102/162} anupādīyamāne viśeṣe sarvatra prasaṅgaḥ .
(P_6,3.34.2) KA_III,150.17-153.20 Ro_IV,601-609 {103/162} katham ca nāma na upādīyate yāvatā bhāṣitapuṃskāt iti ucyate .
(P_6,3.34.2) KA_III,150.17-153.20 Ro_IV,601-609 {104/162} bhāṣitapuṃskānupapattiḥ ca .
(P_6,3.34.2) KA_III,150.17-153.20 Ro_IV,601-609 {105/162} hyarthe ca ayam caḥ paṭhitaḥ .
(P_6,3.34.2) KA_III,150.17-153.20 Ro_IV,601-609 {106/162} sarvaḥ hi śabdaḥ bhāṣitapuṃskāt paraḥ śakyaḥ kartum .
(P_6,3.34.2) KA_III,150.17-153.20 Ro_IV,601-609 {107/162} astu tarhi arthagrahaṇam .
(P_6,3.34.2) KA_III,150.17-153.20 Ro_IV,601-609 {108/162} arthātideśe vipratiṣedhānupapattiḥ .
(P_6,3.34.2) KA_III,150.17-153.20 Ro_IV,601-609 {109/162} arthātideśe vipratiṣedhaḥ na upapadyate .
(P_6,3.34.2) KA_III,150.17-153.20 Ro_IV,601-609 {110/162} paṭhiṣyati hi ācāryaḥ vipratiṣedham puṃvadbhāvāt hrasvatvam khidghādikeṣu iti .
(P_6,3.34.2) KA_III,150.17-153.20 Ro_IV,601-609 {111/162} saḥ vipratiṣedhaḥ na upapadyate .
(P_6,3.34.2) KA_III,150.17-153.20 Ro_IV,601-609 {112/162} dvikāryayogaḥ hi nāma vipratiṣedhaḥ na ca atra ekaḥ dvikāryayuktaḥ .
(P_6,3.34.2) KA_III,150.17-153.20 Ro_IV,601-609 {113/162} śabdasya hrasvatvam arthasya puṃvadbhāvaḥ .
(P_6,3.34.2) KA_III,150.17-153.20 Ro_IV,601-609 {114/162} kim ca sarvaprasaṅgaḥ aviśeṣāt iti .

(P_6,3.34.2) KA_III,150.17-153.20 Ro_IV,601-609 {115/162} sarvasya strīśabdasya puṃśabdātideśaḥ prāpnoti .
(P_6,3.34.2) KA_III,150.17-153.20 Ro_IV,601-609 {116/162} asya api prāpnoti , aṅgārakāḥ nāma śakunayaḥ .
(P_6,3.34.2) KA_III,150.17-153.20 Ro_IV,601-609 {117/162} teṣām kālikāḥ striyaḥ .
(P_6,3.34.2) KA_III,150.17-153.20 Ro_IV,601-609 {118/162} kālikāvṛndārikāḥ .
(P_6,3.34.2) KA_III,150.17-153.20 Ro_IV,601-609 {119/162} aṅgārakavṛndārikāḥ prāpnuvanti .
(P_6,3.34.2) KA_III,150.17-153.20 Ro_IV,601-609 {120/162} kṣemavṛddhayaḥ kṣatriyāḥ .
(P_6,3.34.2) KA_III,150.17-153.20 Ro_IV,601-609 {121/162} teṣām tanukeśyaḥ striyaḥ .
(P_6,3.34.2) KA_III,150.17-153.20 Ro_IV,601-609 {122/162} tanukeśīvṛndārikāḥ .
(P_6,3.34.2) KA_III,150.17-153.20 Ro_IV,601-609 {123/162} kṣemavṛddhivṛndārikāḥ prāpnuvanti .
(P_6,3.34.2) KA_III,150.17-153.20 Ro_IV,601-609 {124/162} haṃsasya varaṭā .
(P_6,3.34.2) KA_III,150.17-153.20 Ro_IV,601-609 {125/162} kacchapasya ḍulī .
(P_6,3.34.2) KA_III,150.17-153.20 Ro_IV,601-609 {126/162} ṛśyasya rohit .
(P_6,3.34.2) KA_III,150.17-153.20 Ro_IV,601-609 {127/162} aśvasya vaḍavā .
(P_6,3.34.2) KA_III,150.17-153.20 Ro_IV,601-609 {128/162} puruṣasya yoṣit .
(P_6,3.34.2) KA_III,150.17-153.20 Ro_IV,601-609 {129/162} kim kāraṇam .
(P_6,3.34.2) KA_III,150.17-153.20 Ro_IV,601-609 {130/162} aviśeṣāt .
(P_6,3.34.2) KA_III,150.17-153.20 Ro_IV,601-609 {131/162} na hi kaḥ cit viśeṣaḥ upādīyate evañjātīyakasya strīśabdasya puṃśabdātideśaḥ bhavati iti .
(P_6,3.34.2) KA_III,150.17-153.20 Ro_IV,601-609 {132/162} katham ca nāma na upādīyate yāvatā bhāṣitapuṃskāt iti ucyate .
(P_6,3.34.2) KA_III,150.17-153.20 Ro_IV,601-609 {133/162} bhāṣitapuṃskānupapattiḥ hi bhavati .
(P_6,3.34.2) KA_III,150.17-153.20 Ro_IV,601-609 {134/162} na hi arthen paurvāparyam asti .
(P_6,3.34.2) KA_III,150.17-153.20 Ro_IV,601-609 {135/162} ayam tāvat adoṣaḥ yat ucyate arthātideśe vipratiṣedhānupapattiḥ iti .
(P_6,3.34.2) KA_III,150.17-153.20 Ro_IV,601-609 {136/162} na avaśyam dvikārayogaḥ eva vipratiṣedhaḥ .
(P_6,3.34.2) KA_III,150.17-153.20 Ro_IV,601-609 {137/162} kim tarhi .
(P_6,3.34.2) KA_III,150.17-153.20 Ro_IV,601-609 {138/162} asambhavaḥ api .
(P_6,3.34.2) KA_III,150.17-153.20 Ro_IV,601-609 {139/162} saḥ ca atra asti asambhavaḥ .
(P_6,3.34.2) KA_III,150.17-153.20 Ro_IV,601-609 {140/162} kaḥ asambhavaḥ .
(P_6,3.34.2) KA_III,150.17-153.20 Ro_IV,601-609 {141/162} puṃvadbhāvaḥ abhinirvartamānaḥ hrasvatvasya nimittam vihanti .
(P_6,3.34.2) KA_III,150.17-153.20 Ro_IV,601-609 {142/162} hrasvatvam abhinirvartamānam puṃvadbhāvam bādhate .
(P_6,3.34.2) KA_III,150.17-153.20 Ro_IV,601-609 {143/162} sati asambhave yuktaḥ vipratiṣedhaḥ .
(P_6,3.34.2) KA_III,150.17-153.20 Ro_IV,601-609 {144/162} ayam tarhi doṣaḥ sarvaprasaṅgaḥ aviśeṣāt iti .
(P_6,3.34.2) KA_III,150.17-153.20 Ro_IV,601-609 {145/162} tasmāt astu saḥ eva madhyamaḥ pakṣaḥ .
(P_6,3.34.2) KA_III,150.17-153.20 Ro_IV,601-609 {146/162} nanu ca uktam strīśabdasya puṃśabdātideśaḥ iti cet sarvaprasaṅgaḥ aviśeṣāt iti .
(P_6,3.34.2) KA_III,150.17-153.20 Ro_IV,601-609 {147/162} na eṣaḥ doṣaḥ .
(P_6,3.34.2) KA_III,150.17-153.20 Ro_IV,601-609 {148/162} samāsanirdeśaḥ ayam : bhāṣitapuṃskāt anūṅ yasmin saḥ ayam bhāṣitapuṃskādanūṅ iti .
(P_6,3.34.2) KA_III,150.17-153.20 Ro_IV,601-609 {149/162} yadi evam luk prāpnoti .
(P_6,3.34.2) KA_III,150.17-153.20 Ro_IV,601-609 {150/162} nipātanāt na bhaviṣyati .
(P_6,3.34.2) KA_III,150.17-153.20 Ro_IV,601-609 {151/162} atha vā aluk prakṛtaḥ saḥ anuvartiṣyate .
(P_6,3.34.2) KA_III,150.17-153.20 Ro_IV,601-609 {152/162} katham punaḥ anūṅ iti anyena strīpratyayagrahaṇam śakyam vijñātum .
(P_6,3.34.2) KA_III,150.17-153.20 Ro_IV,601-609 {153/162} nañivayuktam anyasadṛśādhikaraṇe tathā hi arthagatiḥ .
(P_6,3.34.2) KA_III,150.17-153.20 Ro_IV,601-609 {154/162} nañyuktam ivayuktam ca anyasmin tatsadṛśe kāryam vijñāyate .

(P_6,3.34.2) KA_III,150.17-153.20 Ro_IV,601-609 {155/162} tathā hi arthaḥ gamyate .
(P_6,3.34.2) KA_III,150.17-153.20 Ro_IV,601-609 {156/162} tat yathā abrāhmaṇam ānaya iti ukte brāhmaṇasadṛśaḥ ānīyate .
(P_6,3.34.2) KA_III,150.17-153.20 Ro_IV,601-609 {157/162} na asau loṣṭam ānīya kṛtī bhavati .
(P_6,3.34.2) KA_III,150.17-153.20 Ro_IV,601-609 {158/162} evam iha api anūṅ iti ūṅpratiṣedhāt anyasmin ūṅsadṛśe kāryam vijñāyate .
(P_6,3.34.2) KA_III,150.17-153.20 Ro_IV,601-609 {159/162} kim ca anyat anūṅ ūṅsadṛśam .
(P_6,3.34.2) KA_III,150.17-153.20 Ro_IV,601-609 {160/162} strīpratyayaḥ .
(P_6,3.34.2) KA_III,150.17-153.20 Ro_IV,601-609 {161/162} evam api iḍabiḍ vṛndārikā , aiḍabiḍvṛndārikā , pṛth vṛndārikā , pārthavṛndārikā , darat vṛndārikā , dāradavṛndārikā , uśik vṛndārikā , auśijavṛndārikā , atra puṃvadbhāvaḥ na prāpnoti .
(P_6,3.34.2) KA_III,150.17-153.20 Ro_IV,601-609 {162/162} kartavyaḥ atra yatnaḥ .
(P_6,3.34.3) KA_III,153.21-28 Ro_IV,609-610 {1/11} atha iha katham bhavitavyam .
(P_6,3.34.3) KA_III,153.21-28 Ro_IV,609-610 {2/11} paṭvīmṛdvyau bhārye asya paṭvīmṛdubhāryaḥ , āhosvit paṭumṛdubhāryaḥ iti .
(P_6,3.34.3) KA_III,153.21-28 Ro_IV,609-610 {3/11} paṭvīmṛdubhāryaḥ iti bhavitavyam .
(P_6,3.34.3) KA_III,153.21-28 Ro_IV,609-610 {4/11} puṃvadbhāvaḥ kasmāt na bhavati .
(P_6,3.34.3) KA_III,153.21-28 Ro_IV,609-610 {5/11} bhāṣitapuṃskāt iti ucyate .
(P_6,3.34.3) KA_III,153.21-28 Ro_IV,609-610 {6/11} nanu ca bhoḥ paṭuśabdaḥ mṛduśabdaḥ puṃsi bhāṣyete .
(P_6,3.34.3) KA_III,153.21-28 Ro_IV,609-610 {7/11} samānāyām ākṛtau yat bhāṣitapuṃskam ākṛtyantare ca etau bhāṣitapuṃskau .
(P_6,3.34.3) KA_III,153.21-28 Ro_IV,609-610 {8/11} samānāyām ākṛtau api etau bhāṣitapuṃskau .
(P_6,3.34.3) KA_III,153.21-28 Ro_IV,609-610 {9/11} katham .
(P_6,3.34.3) KA_III,153.21-28 Ro_IV,609-610 {10/11} ārabhyate matublopaḥ .
(P_6,3.34.3) KA_III,153.21-28 Ro_IV,609-610 {11/11} evam tarhi bhāṣitapuṃskāt anūṅ samānādhikaraṇe uttarapade kṛtaḥ tasya puṃvadbhāvaḥ yasya ca akṛtaḥ na asau bhāṣitapuṃskāt anūṅ samānādhikaraṇe uttarapade .
(P_6,3.34.4) KA_III,154.1-4 Ro_IV,610 {1/7} pūraṇyām pradhānapūraṇīgrahaṇam .
(P_6,3.34.4) KA_III,154.1-4 Ro_IV,610 {2/7} pūraṇyām pradhānapūraṇīgrahaṇam kartavyam .
(P_6,3.34.4) KA_III,154.1-4 Ro_IV,610 {3/7} iha mā bhūt .
(P_6,3.34.4) KA_III,154.1-4 Ro_IV,610 {4/7} kalyāṇī pañcamī asya pakṣasya kalyāṇapañcamīkaḥ pakṣaḥ iti .
(P_6,3.34.4) KA_III,154.1-4 Ro_IV,610 {5/7} atha iha katham bhavitavyam kalyāṇī pañcamī āsām rātrīṇām iti .
(P_6,3.34.4) KA_III,154.1-4 Ro_IV,610 {6/7} kalyāṇīpañcamāḥ rātrayaḥ iti bhavitavyam .
(P_6,3.34.4) KA_III,154.1-4 Ro_IV,610 {7/7} rātrayaḥ atra pradhānam .
(P_6,3.35) KA_III,154.6-155.24 Ro_IV,610-614 {1/68} iha ke cit tasilādayaḥ ā kṛtvasucaḥ paṭhyante yeṣu puṃvadbhāvaḥ na iṣyate ke cit ca anyatra paṭhyante yeṣu puṃvadbhāvaḥ iṣyate .
(P_6,3.35) KA_III,154.6-155.24 Ro_IV,610-614 {2/68} tatra kim nyāyyam .
(P_6,3.35) KA_III,154.6-155.24 Ro_IV,610-614 {3/68} parigaṇanam kartavyam . tasilādī tratasau .
(P_6,3.35) KA_III,154.6-155.24 Ro_IV,610-614 {4/68} tratasau tasilādī draṣṭavyau .
(P_6,3.35) KA_III,154.6-155.24 Ro_IV,610-614 {5/68} tasyām śālāyām vasati .
(P_6,3.35) KA_III,154.6-155.24 Ro_IV,610-614 {6/68} tatra vasati .
(P_6,3.35) KA_III,154.6-155.24 Ro_IV,610-614 {7/68} tasyāḥ , tataḥ , yasyām , yatra, yasyāḥ , yataḥ .
(P_6,3.35) KA_III,154.6-155.24 Ro_IV,610-614 {8/68} taratamapau .
(P_6,3.35) KA_III,154.6-155.24 Ro_IV,610-614 {9/68} taratamapau tasilādī draṣṭavyau .
(P_6,3.35) KA_III,154.6-155.24 Ro_IV,610-614 {10/68} darśanīyatarā darśanīyatamā .
(P_6,3.35) KA_III,154.6-155.24 Ro_IV,610-614 {11/68} caraḍjātīyarau .
(P_6,3.35) KA_III,154.6-155.24 Ro_IV,610-614 {12/68} caraḍjātīyarau tasilādī draṣṭavyau .
(P_6,3.35) KA_III,154.6-155.24 Ro_IV,610-614 {13/68} paṭucarī , paṭujātīyā .
(P_6,3.35) KA_III,154.6-155.24 Ro_IV,610-614 {14/68} kalpabdeśīyarau .

(P_6,3.35) KA_III,154.6-155.24 Ro_IV,610-614 {15/68} kalpabdeśīyarau tasilādī draṣṭavyau .
(P_6,3.35) KA_III,154.6-155.24 Ro_IV,610-614 {16/68} darśanīyakalpā , darśanīyadeśīyā .
(P_6,3.35) KA_III,154.6-155.24 Ro_IV,610-614 {17/68} rūpappāśapau .
(P_6,3.35) KA_III,154.6-155.24 Ro_IV,610-614 {18/68} rūpappāśapau tasilādī draṣṭavyau .
(P_6,3.35) KA_III,154.6-155.24 Ro_IV,610-614 {19/68} darśanīyarūpā , darśanīyapāśā .
(P_6,3.35) KA_III,154.6-155.24 Ro_IV,610-614 {20/68} thamthālau .
(P_6,3.35) KA_III,154.6-155.24 Ro_IV,610-614 {21/68} thamthālau tasilādī draṣṭavyau .
(P_6,3.35) KA_III,154.6-155.24 Ro_IV,610-614 {22/68} kayā ākṛtyā katham , yayā yathā .
(P_6,3.35) KA_III,154.6-155.24 Ro_IV,610-614 {23/68} dārhilau .
(P_6,3.35) KA_III,154.6-155.24 Ro_IV,610-614 {24/68} dārhilau tasilādī draṣṭavyau .
(P_6,3.35) KA_III,154.6-155.24 Ro_IV,610-614 {25/68} tasyām velāyām , tadā , tarhi . tilthyanau .
(P_6,3.35) KA_III,154.6-155.24 Ro_IV,610-614 {26/68} tilthyanau tasilādī draṣṭavyau .
(P_6,3.35) KA_III,154.6-155.24 Ro_IV,610-614 {27/68} vṛkī vṛkatiḥ , ajathyā yūthiḥ .
(P_6,3.35) KA_III,154.6-155.24 Ro_IV,610-614 {28/68} śasi bahvalpārthasya .
(P_6,3.35) KA_III,154.6-155.24 Ro_IV,610-614 {29/68} śasi bahvalpārthasya puṃvadbhāvaḥ vaktavyaḥ .
(P_6,3.35) KA_III,154.6-155.24 Ro_IV,610-614 {30/68} bahvībhyaḥ dehi .
(P_6,3.35) KA_III,154.6-155.24 Ro_IV,610-614 {31/68} bahuśaḥ dehi .
(P_6,3.35) KA_III,154.6-155.24 Ro_IV,610-614 {32/68} alpaśaḥ .
(P_6,3.35) KA_III,154.6-155.24 Ro_IV,610-614 {33/68} tvataloḥ guṇavacanasya .
(P_6,3.35) KA_III,154.6-155.24 Ro_IV,610-614 {34/68} tvataloḥ guṇavacanasya puṃvadbhāvaḥ vaktavyaḥ .
(P_6,3.35) KA_III,154.6-155.24 Ro_IV,610-614 {35/68} paṭvyāḥ bhāvaḥ paṭutvam , paṭutā .
(P_6,3.35) KA_III,154.6-155.24 Ro_IV,610-614 {36/68} guṇavacanasya iti kimartham .
(P_6,3.35) KA_III,154.6-155.24 Ro_IV,610-614 {37/68} kaṭhyāḥ bhāvaḥ kaṭhītvam , kaṭhītā .
(P_6,3.35) KA_III,154.6-155.24 Ro_IV,610-614 {38/68} bhasya aḍhe taddhite .
(P_6,3.35) KA_III,154.6-155.24 Ro_IV,610-614 {39/68} bhasya aḍhe taddhite puṃvadbhāvaḥ vaktavyaḥ .
(P_6,3.35) KA_III,154.6-155.24 Ro_IV,610-614 {40/68} hastinīnām samūhaḥ hāstikam .
(P_6,3.35) KA_III,154.6-155.24 Ro_IV,610-614 {41/68} aḍhe iti kimartham .
(P_6,3.35) KA_III,154.6-155.24 Ro_IV,610-614 {42/68} śyaineyaḥ , rauhiṇeyaḥ .
(P_6,3.35) KA_III,154.6-155.24 Ro_IV,610-614 {43/68} yadi aḍhe iti ucyate , agnāyī devatā asya , āgneyaḥ sthālīpākaḥ , atra na prāpnoti .
(P_6,3.35) KA_III,154.6-155.24 Ro_IV,610-614 {44/68} iha ca prāpnoti , kauṇḍinyaḥ , sāpatnaḥ iti .
(P_6,3.35) KA_III,154.6-155.24 Ro_IV,610-614 {45/68} yadi punaḥ anapatye iti ucyeta .
(P_6,3.35) KA_III,154.6-155.24 Ro_IV,610-614 {46/68} na evam śakyam .
(P_6,3.35) KA_III,154.6-155.24 Ro_IV,610-614 {47/68} iha hi na syāt .
(P_6,3.35) KA_III,154.6-155.24 Ro_IV,610-614 {48/68} gārgyāyaṇyāḥ apatyam māṇavakaḥ gārgaḥ jālmaḥ .
(P_6,3.35) KA_III,154.6-155.24 Ro_IV,610-614 {49/68} astu tarhi aḍhe iti eva .
(P_6,3.35) KA_III,154.6-155.24 Ro_IV,610-614 {50/68} katham kauṇḍinyaḥ , sāpatnaḥ iti .
(P_6,3.35) KA_III,154.6-155.24 Ro_IV,610-614 {51/68} kauṇḍinye nipātanāt siddham .
(P_6,3.35) KA_III,154.6-155.24 Ro_IV,610-614 {52/68} kim nipātanam .
(P_6,3.35) KA_III,154.6-155.24 Ro_IV,610-614 {53/68} āgastyakauṇḍinyayoḥ iti .
(P_6,3.35) KA_III,154.6-155.24 Ro_IV,610-614 {54/68} sāpatnaśabdaḥ prakṛtayataram .

(P_6,3.35) KA_III,154.6-155.24 Ro_IV,610-614 {55/68} [R 613: sāpatnaḥ prakṛtyantatatvāt .
(P_6,3.35) KA_III,154.6-155.24 Ro_IV,610-614 {56/68} sāpatnaśabdaḥ prakṛtayataram asti .] katham agnāyī devatā asya sthālīpākasya , āgneyaḥ sthālīpākaḥ iti .
(P_6,3.35) KA_III,154.6-155.24 Ro_IV,610-614 {57/68} astu tarhi anapatye iti .
(P_6,3.35) KA_III,154.6-155.24 Ro_IV,610-614 {58/68} katham gārgaḥ jālmaḥ .
(P_6,3.35) KA_III,154.6-155.24 Ro_IV,610-614 {59/68} gārgāgneyau na saṃvadete .
(P_6,3.35) KA_III,154.6-155.24 Ro_IV,610-614 {60/68} kartavyaḥ atra yatnaḥ .
(P_6,3.35) KA_III,154.6-155.24 Ro_IV,610-614 {61/68} ṭhakchasoḥ ca .
(P_6,3.35) KA_III,154.6-155.24 Ro_IV,610-614 {62/68} ṭhakchasoḥ ca puṃvadbhāvaḥ vaktavyaḥ .
(P_6,3.35) KA_III,154.6-155.24 Ro_IV,610-614 {63/68} bhavatyāḥ chātrāḥ , bhāvatkāḥ , bhavadīyāḥ .
(P_6,3.35) KA_III,154.6-155.24 Ro_IV,610-614 {64/68} ṭhaggrahaṇam kimartham na ike kṛte ajādau iti .
(P_6,3.35) KA_III,154.6-155.24 Ro_IV,610-614 {65/68} na evam śakyam .
(P_6,3.35) KA_III,154.6-155.24 Ro_IV,610-614 {66/68} ajādilakṣaṇe hi māthitikādivat prasaṅgaḥ .
(P_6,3.35) KA_III,154.6-155.24 Ro_IV,610-614 {67/68} ajādilakṣaṇe hi māthikādivat prasajyeta .
(P_6,3.35) KA_III,154.6-155.24 Ro_IV,610-614 {68/68} tat yatha mathitam paṇyam asya māthitikaḥ iti akāralope kṛte tāntāt iti kādeśaḥ na bhavati evam iha api na syāt .
(P_6,3.36) KA_III,156.2-6 Ro_IV,614 {1/7} maningrahaṇam kimartham .
(P_6,3.36) KA_III,156.2-6 Ro_IV,614 {2/7} māningrahaṇam astryartham asamānādhikaraṇārtham ca .
(P_6,3.36) KA_III,156.2-6 Ro_IV,614 {3/7} māningrahaṇam kriyate astryartham asamānādhikaraṇārtham ca .
(P_6,3.36) KA_III,156.2-6 Ro_IV,614 {4/7} astryartham tāvat .
(P_6,3.36) KA_III,156.2-6 Ro_IV,614 {5/7} darśanīyām manyate devadattaḥ yajñadattām darśanīyamānī ayam asyāḥ .
(P_6,3.36) KA_III,156.2-6 Ro_IV,614 {6/7} asamānādhikaraṇārtham .
(P_6,3.36) KA_III,156.2-6 Ro_IV,614 {7/7} darśanīyām manyate devadattā yajñadattām darśanīyamāninī iyam asyāḥ .
(P_6,3.37) KA_III,156.8-17 Ro_IV,615-616 {1/16} kim idam evamādi anukramaṇam ādyasya yogasya viṣaye āhosvit puṃvadbhāvamātrasya .
(P_6,3.37) KA_III,156.8-17 Ro_IV,615-616 {2/16} kim ca ataḥ .
(P_6,3.37) KA_III,156.8-17 Ro_IV,615-616 {3/16} yadi ādyasya yogasya viṣaye mādhyamkīyaḥ , śālūkikīyaḥ , atra na prāpnoti .
(P_6,3.37) KA_III,156.8-17 Ro_IV,615-616 {4/16} vidhīḥ api atra na sidhyati .
(P_6,3.37) KA_III,156.8-17 Ro_IV,615-616 {5/16} kim kāraṇam .
(P_6,3.37) KA_III,156.8-17 Ro_IV,615-616 {6/16} bhāṣitapūṃśkāt anūṅ iti ucyate .
(P_6,3.37) KA_III,156.8-17 Ro_IV,615-616 {7/16} na hi etat bhavati bhāṣitapūṃśkāt anūṅ .
(P_6,3.37) KA_III,156.8-17 Ro_IV,615-616 {8/16} idam tarhi vilepikāyāḥ dharmyam vailepikam .
(P_6,3.37) KA_III,156.8-17 Ro_IV,615-616 {9/16} vidhiḥ ca siddhaḥ bhavati pratiṣedhaḥ ca na prāpnoti .
(P_6,3.37) KA_III,156.8-17 Ro_IV,615-616 {10/16} atha puṃvabhāvamātrasya viṣaye hastinīnām samūhaḥ hāstikam , jātilakṣaṇaḥ puṃvabhāvapratiṣedhaḥ prāpnoti .
(P_6,3.37) KA_III,156.8-17 Ro_IV,615-616 {11/16} evam tarhi na kopadhāyāḥ iti eṣaḥ yogaḥ puṃvabhāvamātrasya uttaram evamādi anukramaṇam ādyasya yogasya viṣaye .
(P_6,3.37) KA_III,156.8-17 Ro_IV,615-616 {12/16} na kopadhapratiṣedhe taddhitavugrahaṇam .
(P_6,3.37) KA_III,156.8-17 Ro_IV,615-616 {13/16} na kopadhapratiṣedhe taddhitavugrahaṇam kartavyam .
(P_6,3.37) KA_III,156.8-17 Ro_IV,615-616 {14/16} taddhitasya yaḥ kakāraḥ voḥ ca yaḥ kakāraḥ tasya grahaṇam kartavyam .
(P_6,3.37) KA_III,156.8-17 Ro_IV,615-616 {15/16} iha mā bhūt .
(P_6,3.37) KA_III,156.8-17 Ro_IV,615-616 {16/16} pākabhāryaḥ , bhekabhāryaḥ .
(P_6,3.40) KA_III,156.19-157.2 Ro_IV,616 {1/5} svāṅgāt ca ītaḥ amānini .
(P_6,3.40) KA_III,156.19-157.2 Ro_IV,616 {2/5} svāṅgāt ca ītaḥ amānini iti vaktavyam iha api yathā syāt .
(P_6,3.40) KA_III,156.19-157.2 Ro_IV,616 {3/5} dīrghamukhamānī , ślakṣṇamukhamāninī .

(P_6,3.40) KA_III,156.19-157.2 Ro_IV,616 {4/5} yadi amānini iti ucyate dīrghamukhamāninī , ślakṣṇamukhamānininī iti na sidhyati .
(P_6,3.40) KA_III,156.19-157.2 Ro_IV,616 {5/5} prātipadikagrahaṇe liṅgaviśiṣṭasya api grahaṇam bhavati iti evam bhaviṣyati .
(P_6,3.42.1) KA_III,157.4-14 Ro_IV,616-617 {1/19} kimartham idam ucyate .
(P_6,3.42.1) KA_III,157.4-14 Ro_IV,616-617 {2/19} puṃvat karmadhāraye pratiṣiddhārtham .
(P_6,3.42.1) KA_III,157.4-14 Ro_IV,616-617 {3/19} pratiṣiddhāṛthaḥ ayam ārambhaḥ .
(P_6,3.42.1) KA_III,157.4-14 Ro_IV,616-617 {4/19} na kopadhāyāḥ iti uktam .
(P_6,3.42.1) KA_III,157.4-14 Ro_IV,616-617 {5/19} tatra api puṃvat bhavati .
(P_6,3.42.1) KA_III,157.4-14 Ro_IV,616-617 {6/19} kārikā vṛndārikā kārakavṛndārikā kārakajātīyā kārakadeśīyā .
(P_6,3.42.1) KA_III,157.4-14 Ro_IV,616-617 {7/19} sañjñāpūraṇayoḥ ca iti uktam .
(P_6,3.42.1) KA_III,157.4-14 Ro_IV,616-617 {8/19} tatra api puṃvat bhavati .
(P_6,3.42.1) KA_III,157.4-14 Ro_IV,616-617 {9/19} dattā vṛndārikā dattavṛndārikā dattajātīyā dattadeśīyā .
(P_6,3.42.1) KA_III,157.4-14 Ro_IV,616-617 {10/19} pañcamī vṛndārikā pañcamavṛndārikā pañcamajātīyā pañcamadeśīyā .
(P_6,3.42.1) KA_III,157.4-14 Ro_IV,616-617 {11/19} vṛddhinimittasya iti uktam .
(P_6,3.42.1) KA_III,157.4-14 Ro_IV,616-617 {12/19} tatra api puṃvat bhavati .
(P_6,3.42.1) KA_III,157.4-14 Ro_IV,616-617 {13/19} sraughnī vṛndārikā sraughnavṛndārikā sraughnajātīyā sraughnadeśīyā .
(P_6,3.42.1) KA_III,157.4-14 Ro_IV,616-617 {14/19} svāṅgāt ca ītaḥ amānini iti uktam .
(P_6,3.42.1) KA_III,157.4-14 Ro_IV,616-617 {15/19} tatra api puṃvat bhavati .
(P_6,3.42.1) KA_III,157.4-14 Ro_IV,616-617 {16/19} ślakṣṇamukhī vṛndārikā ślakṣṇamukhavṛndārikā ślakṣṇamukhajātīyā ślakṣṇamukhadeśīyā .
(P_6,3.42.1) KA_III,157.4-14 Ro_IV,616-617 {17/19} jāteḥ ca iti uktam .
(P_6,3.42.1) KA_III,157.4-14 Ro_IV,616-617 {18/19} tatra api puṃvat bhavati .
(P_6,3.42.1) KA_III,157.4-14 Ro_IV,616-617 {19/19} kaṭhī vṛndārikā kaṭhavṛndārikā kaṭhajātīyā kaṭhadeśīyā .
(P_6,3.42.2) KA_III,157.15-24 Ro_IV,617-618 {1/21} kukkuṭyādīnām aṇḍādiṣu puṃvadvacanam .
(P_6,3.42.2) KA_III,157.15-24 Ro_IV,617-618 {2/21} kukkuṭyādīnām aṇḍādiṣu puṃvadbhāvaḥ vaktavyaḥ .
(P_6,3.42.2) KA_III,157.15-24 Ro_IV,617-618 {3/21} kukkuṭyāḥ aṇḍam kukkuṭāṇḍam , mṛgyāḥ padam mṛgapadam , kākyāḥ śāvaḥ kākaśāvaḥ .
(P_6,3.42.2) KA_III,157.15-24 Ro_IV,617-618 {4/21} na vā astrīpūrvapadavivakṣitatvāt .
(P_6,3.42.2) KA_III,157.15-24 Ro_IV,617-618 {5/21} na vā vaktavyam .
(P_6,3.42.2) KA_III,157.15-24 Ro_IV,617-618 {6/21} kim kāraṇam astrīpūrvapadavivakṣitatvāt .
(P_6,3.42.2) KA_III,157.15-24 Ro_IV,617-618 {7/21} na atra strīpūrvapadam vivakṣitam .
(P_6,3.42.2) KA_III,157.15-24 Ro_IV,617-618 {8/21} kim tarhi .
(P_6,3.42.2) KA_III,157.15-24 Ro_IV,617-618 {9/21} astrīpūrvapadam .
(P_6,3.42.2) KA_III,157.15-24 Ro_IV,617-618 {10/21} ubhayoḥ aṇḍam ubhayoḥ padam ubhayoḥ śāvaḥ .
(P_6,3.42.2) KA_III,157.15-24 Ro_IV,617-618 {11/21} yadi api tāvat atra etat śakyate vaktum iha tu katham .
(P_6,3.42.2) KA_III,157.15-24 Ro_IV,617-618 {12/21} mṛgyāḥ kṣīram mṛghakṣīram iti .
(P_6,3.42.2) KA_III,157.15-24 Ro_IV,617-618 {13/21} atra api na vā astrīpūrvapadavivakṣitatvāt iti eva .
(P_6,3.42.2) KA_III,157.15-24 Ro_IV,617-618 {14/21} katham punaḥ sataḥ nāma avāvivakṣā syāt .
(P_6,3.42.2) KA_III,157.15-24 Ro_IV,617-618 {15/21} sataḥ api avivakṣā bhavati .
(P_6,3.42.2) KA_III,157.15-24 Ro_IV,617-618 {16/21} tat yathā .
(P_6,3.42.2) KA_III,157.15-24 Ro_IV,617-618 {17/21} alomikā eḍakā .
(P_6,3.42.2) KA_III,157.15-24 Ro_IV,617-618 {18/21} anudarā kanyā iti .
(P_6,3.42.2) KA_III,157.15-24 Ro_IV,617-618 {19/21} asataḥ ca vivakṣā bhavati .

(P_6,3.42.2) KA_III,157.15-24 Ro_IV,617-618 {20/21} samudraḥ kuṇḍikā .
(P_6,3.42.2) KA_III,157.15-24 Ro_IV,617-618 {21/21} vindhyaḥ vardhitakam iti .
(P_6,3.42.3) KA_III,158.1-18 Ro_IV,618-619 {1/33} agneḥ īttvāt varuṇasya vṛddhiḥ vipratiṣedhena .
(P_6,3.42.3) KA_III,158.1-18 Ro_IV,618-619 {2/33} agneḥ īttvāt varuṇasya vṛddhiḥ bhavati vipratiṣedhena .
(P_6,3.42.3) KA_III,158.1-18 Ro_IV,618-619 {3/33} agneḥ īttvasya avakāśaḥ , agnīṣomau .
(P_6,3.42.3) KA_III,158.1-18 Ro_IV,618-619 {4/33} varuṇasya vṛddheḥ avakāśaḥ , vāyuvāruṇam .
(P_6,3.42.3) KA_III,158.1-18 Ro_IV,618-619 {5/33} iha ubhayam prāpnoti , āgnivāruṇīm anaḍvāhīm ālabheta .
(P_6,3.42.3) KA_III,158.1-18 Ro_IV,618-619 {6/33} varuṇasya vṛddhiḥ bhavati vipratiṣedhena .
(P_6,3.42.3) KA_III,158.1-18 Ro_IV,618-619 {7/33} na eṣaḥ yuktaḥ vipratiṣedhaḥ .
(P_6,3.42.3) KA_III,158.1-18 Ro_IV,618-619 {8/33} dvikāryayogaḥ hi vipratiṣedhaḥ na ca atra ekaḥ dvikāryayuktaḥ .
(P_6,3.42.3) KA_III,158.1-18 Ro_IV,618-619 {9/33} katham .
(P_6,3.42.3) KA_III,158.1-18 Ro_IV,618-619 {10/33} agneḥ īttvam varuṇasya vṛddhiḥ .
(P_6,3.42.3) KA_III,158.1-18 Ro_IV,618-619 {11/33} na avaśyam dvikārayogaḥ eva vipratiṣedhaḥ .
(P_6,3.42.3) KA_III,158.1-18 Ro_IV,618-619 {12/33} kim tarhi .
(P_6,3.42.3) KA_III,158.1-18 Ro_IV,618-619 {13/33} asambhavaḥ api .
(P_6,3.42.3) KA_III,158.1-18 Ro_IV,618-619 {14/33} saḥ ca atra asti asambhavaḥ .
(P_6,3.42.3) KA_III,158.1-18 Ro_IV,618-619 {15/33} kaḥ asau asambhavaḥ .
(P_6,3.42.3) KA_III,158.1-18 Ro_IV,618-619 {16/33} agneḥ īttvam abhinirvartamanam varuṇasya vṛddhim bādhate .
(P_6,3.42.3) KA_III,158.1-18 Ro_IV,618-619 {17/33} varuṇasya vṛddhiḥ abhinirvartamanā agneḥ īttvam bādhate .
(P_6,3.42.3) KA_III,158.1-18 Ro_IV,618-619 {18/33} eṣaḥ asambhavaḥ .
(P_6,3.42.3) KA_III,158.1-18 Ro_IV,618-619 {19/33} sati asambhave yuktaḥ vipratiṣedhaḥ .
(P_6,3.42.3) KA_III,158.1-18 Ro_IV,618-619 {20/33} pūṃvadbhāvāt hrasvatvam khidghādiṣu .
(P_6,3.42.3) KA_III,158.1-18 Ro_IV,618-619 {21/33} pūṃvadbhāvāt hrasvatvam bhavati vipratiṣedhena khidghādiṣu .
(P_6,3.42.3) KA_III,158.1-18 Ro_IV,618-619 {22/33} pūṃvadbhāvasya avakāśaḥ , paṭubhāryaḥ , mṛdubhāryaḥ .
(P_6,3.42.3) KA_III,158.1-18 Ro_IV,618-619 {23/33} khiti hrasvaḥ bhavati iti asya avakāśaḥ , kālimmanyaḥ , hariṇimmanyaḥ .
(P_6,3.42.3) KA_III,158.1-18 Ro_IV,618-619 {24/33} iha ubhayam prāpnoti , kālimmanyā , hariṇimmanyā .
(P_6,3.42.3) KA_III,158.1-18 Ro_IV,618-619 {25/33} ghādiṣu nadyāḥ hrasvaḥ bhavati iti asya avakāśaḥ , nartakitarā , nartakitamā .
(P_6,3.42.3) KA_III,158.1-18 Ro_IV,618-619 {26/33} pūṃvadbhāvasya avakāśaḥ , darśanīyatarā , darśanīyatamā .
(P_6,3.42.3) KA_III,158.1-18 Ro_IV,618-619 {27/33} iha ubhayam prāpnoti , paṭvitarā , paṭvitamā .
(P_6,3.42.3) KA_III,158.1-18 Ro_IV,618-619 {28/33} ke hrasvaḥ bhavati iti asya avakāśaḥ , nartakika .
(P_6,3.42.3) KA_III,158.1-18 Ro_IV,618-619 {29/33} pūṃvadbhāvasya avakāśaḥ , dāradikā .
(P_6,3.42.3) KA_III,158.1-18 Ro_IV,618-619 {30/33} iha ubhayam prāpnoti , paṭvikā , mṛdvikā .
(P_6,3.42.3) KA_III,158.1-18 Ro_IV,618-619 {31/33} hrasvatvam bhavati vipratiṣedhena .
(P_6,3.42.3) KA_III,158.1-18 Ro_IV,618-619 {32/33} atha idānīm hrasvatve kṛte punaḥprasaṅgavijñānāt puṃvadbhāvaḥ kasmāt na bhavati .
(P_6,3.42.3) KA_III,158.1-18 Ro_IV,618-619 {33/33} sakṛt gatau vipratiṣedhe yat bādhitam tat bādhitam eva iti .
(P_6,3.43) KA_III,158.21-159.9 Ro_IV,620-621 {1/28} ṅīgrahaṇam kimartham .
(P_6,3.43) KA_III,158.21-159.9 Ro_IV,620-621 {2/28} anekācaḥ hrasvaḥ iti iyati ucyamāne khaṭvātarā mālātarā , atra api prasajyeta .
(P_6,3.43) KA_III,158.21-159.9 Ro_IV,620-621 {3/28} na etat asti prayojanam .
(P_6,3.43) KA_III,158.21-159.9 Ro_IV,620-621 {4/28} bhāṣitapuṃskāt iti vartate .
(P_6,3.43) KA_III,158.21-159.9 Ro_IV,620-621 {5/28} evam api dattātarā guptātarā , atra api prāpnoti .

(P_6,3.43) KA_III,158.21-159.9 Ro_IV,620-621 {6/28} ītaḥ iti vartate .
(P_6,3.43) KA_III,158.21-159.9 Ro_IV,620-621 {7/28} evam api grāmaṇītaraḥ , senāṇītaraḥ atra api prāpnoti .
(P_6,3.43) KA_III,158.21-159.9 Ro_IV,620-621 {8/28} striyām iti vartate .
(P_6,3.43) KA_III,158.21-159.9 Ro_IV,620-621 {9/28} evam api grāmaṇītarā , senāṇītarā atra api prāpnoti .
(P_6,3.43) KA_III,158.21-159.9 Ro_IV,620-621 {10/28} striyāḥ striyām iti vartate .
(P_6,3.43) KA_III,158.21-159.9 Ro_IV,620-621 {11/28} śeṣaprakḷptyartham tarhi ṅīgrahaṇam kartavyam , nadyāḥ śeṣasya anyatarasyām iti .
(P_6,3.43) KA_III,158.21-159.9 Ro_IV,620-621 {12/28} kaḥ śeṣaḥ .
(P_6,3.43) KA_III,158.21-159.9 Ro_IV,620-621 {13/28} āṅīca yā nadī ṅyantam ca yat ekāc .
(P_6,3.43) KA_III,158.21-159.9 Ro_IV,620-621 {14/28} antareṇa api ṅīgrahaṇam kḷptaḥ śeṣaḥ .
(P_6,3.43) KA_III,158.21-159.9 Ro_IV,620-621 {15/28} katham .
(P_6,3.43) KA_III,158.21-159.9 Ro_IV,620-621 {16/28} ītaḥ iti vartate .
(P_6,3.43) KA_III,158.21-159.9 Ro_IV,620-621 {17/28} anīt ca yā nadī , īdantam ca yat ekāc .
(P_6,3.43) KA_III,158.21-159.9 Ro_IV,620-621 {18/28} śeṣagrahaṇam ca api śakyam akartum .
(P_6,3.43) KA_III,158.21-159.9 Ro_IV,620-621 {19/28} katham .
(P_6,3.43) KA_III,158.21-159.9 Ro_IV,620-621 {20/28} aviśeṣeṇa ghādiṣu nadyāḥ anyatarasyām hrasvatvam utsargaḥ .
(P_6,3.43) KA_III,158.21-159.9 Ro_IV,620-621 {21/28} tasya anekācaḥ nityam hrasvatvam apavādaḥ .
(P_6,3.43) KA_III,158.21-159.9 Ro_IV,620-621 {22/28} tasmin nitye prāpte ugitaḥ vibhāṣā ārabhyate .
(P_6,3.43) KA_III,158.21-159.9 Ro_IV,620-621 {23/28} yadi evam lakṣmitarā tantritarā iti na sidhyati .
(P_6,3.43) KA_III,158.21-159.9 Ro_IV,620-621 {24/28} lakṣmītarā tantrītarā iti prāpnoti .
(P_6,3.43) KA_III,158.21-159.9 Ro_IV,620-621 {25/28} iṣṭam eva etad saṅgṛhītam .
(P_6,3.43) KA_III,158.21-159.9 Ro_IV,620-621 {26/28} lakṣmītarā tantrītarā iti eva bhavitavyam .
(P_6,3.43) KA_III,158.21-159.9 Ro_IV,620-621 {27/28} evam hi saunāgāḥ paṭhanti .
(P_6,3.43) KA_III,158.21-159.9 Ro_IV,620-621 {28/28} ghādiṣu nadyāḥ hrasvatve kṛnnadyāḥ pratiṣedhaḥ .
(P_6,3.46.1) KA_III,160.2-161.5 Ro_IV,622-627 {1/32} iha kasmāt na bhavati , amahān mahān sampannaḥ mahadbhūtaḥ candramāḥ iti .
(P_6,3.46.1) KA_III,160.2-161.5 Ro_IV,622-627 {2/32} anyaprakṛtiḥ tu amahān mahatprakṛtau mahān mahati eva . anyaḥ mahān .
(P_6,3.46.1) KA_III,160.2-161.5 Ro_IV,622-627 {3/32} anyaḥ mahān bhūtaprakṛtau vartate .
(P_6,3.46.1) KA_III,160.2-161.5 Ro_IV,622-627 {4/32} mahān mahati eva .
(P_6,3.46.1) KA_III,160.2-161.5 Ro_IV,622-627 {5/32} tasmāt āttvam na syāt . tasmāt āttvam na bhaviṣyati .
(P_6,3.46.1) KA_III,160.2-161.5 Ro_IV,622-627 {6/32} puṃvattvam tu katham bhavet atra .
(P_6,3.46.1) KA_III,160.2-161.5 Ro_IV,622-627 {7/32} puṃvadbhāvaḥ api tarhi na prāpnoti .
(P_6,3.46.1) KA_III,160.2-161.5 Ro_IV,622-627 {8/32} amahatī mahatī sampannā mahadbhūtā brāhmaṇī .
(P_6,3.46.1) KA_III,160.2-161.5 Ro_IV,622-627 {9/32} evam tarhi amahati mahān hi vṛttaḥ tadvācī ca atra bhūtaśabdaḥ ayam .
(P_6,3.46.1) KA_III,160.2-161.5 Ro_IV,622-627 {10/32} amahati hi mahacchabdaḥ vartate tadvācī ca atra bhūtaśabdaḥ prayujyate .
(P_6,3.46.1) KA_III,160.2-161.5 Ro_IV,622-627 {11/32} kiṃvācī .
(P_6,3.46.1) KA_III,160.2-161.5 Ro_IV,622-627 {12/32} mahadvācī .
(P_6,3.46.1) KA_III,160.2-161.5 Ro_IV,622-627 {13/32} tasmāt sidhyati puṃvat . tasmāt sidhyati puṃvadbhāvaḥ .
(P_6,3.46.1) KA_III,160.2-161.5 Ro_IV,622-627 {14/32} yadi evam āttvam api prāpnoti .
(P_6,3.46.1) KA_III,160.2-161.5 Ro_IV,622-627 {15/32} mahadbhūtaḥ candramāḥ .
(P_6,3.46.1) KA_III,160.2-161.5 Ro_IV,622-627 {16/32} nivartyam āttvam tu manyante .
(P_6,3.46.1) KA_III,160.2-161.5 Ro_IV,622-627 {17/32} āttvam api prāpnoti .

(P_6,3.46.1) KA_III,160.2-161.5 Ro_IV,622-627 {18/32} na eṣaḥ doṣaḥ .
(P_6,3.46.1) KA_III,160.2-161.5 Ro_IV,622-627 {19/32} yaḥ tu mahataḥ pratipadam samāsaḥ uktaḥ tadāśrayam hi āttvam kartavyam manyante na lakṣaṇena lakṣaṇoktaḥ ca ayam . evam tarhi lakṣaṇapratipadoktayoḥ pratipadoktasya eva iti pratipadam yaḥ samāsaḥ vihitaḥ tasya grahaṇam .
(P_6,3.46.1) KA_III,160.2-161.5 Ro_IV,622-627 {20/32} lakṣaṇoktaḥ ca ayam .
(P_6,3.46.1) KA_III,160.2-161.5 Ro_IV,622-627 {21/32} iha api tarhi na prāpnoti .
(P_6,3.46.1) KA_III,160.2-161.5 Ro_IV,622-627 {22/32} mahān bāhuḥ asya mahābāhuḥ iti .
(P_6,3.46.1) KA_III,160.2-161.5 Ro_IV,622-627 {23/32} śeṣavacanāt tu yaḥ asau pratyārambhāt kṛtaḥ bahuvrīhiḥ tasmāt sidhyati tasmin .
(P_6,3.46.1) KA_III,160.2-161.5 Ro_IV,622-627 {24/32} yasmāt śeṣaḥ bahuvrīhiḥ iti siddhe anekam anyapadārthe iti āha tena pratipadam bhavati .
(P_6,3.46.1) KA_III,160.2-161.5 Ro_IV,622-627 {25/32} pradhānataḥ vā yataḥ vṛttiḥ .
(P_6,3.46.1) KA_III,160.2-161.5 Ro_IV,622-627 {26/32} atha vā gauṇamukhyayoḥ mukhye kāryasampratyayaḥ .
(P_6,3.46.1) KA_III,160.2-161.5 Ro_IV,622-627 {27/32} tat yathā gauḥ anubandhyaḥ ajaḥ agnīṣomīyaḥ iti na bāhīkaḥ anubadhyate .
(P_6,3.46.1) KA_III,160.2-161.5 Ro_IV,622-627 {28/32} katham tarhi bāhīke vṛddhyāttve bhavataḥ .
(P_6,3.46.1) KA_III,160.2-161.5 Ro_IV,622-627 {29/32} gauḥ tiṣṭhati , gām ānaya iti .
(P_6,3.46.1) KA_III,160.2-161.5 Ro_IV,622-627 {30/32} arthāśraye etat evam .
(P_6,3.46.1) KA_III,160.2-161.5 Ro_IV,622-627 {31/32} yat hi śabdāśrayam śabdamātre tat bhavati .
(P_6,3.46.1) KA_III,160.2-161.5 Ro_IV,622-627 {32/32} śabdāśraye ca vṛddhyāttve .
(P_6,3.46.2) KA_III,161.6-15 Ro_IV,627-628 {1/13} mahadāttve ghāsakaraviśiṣṭeṣu upasaṅkhyānam puṃvadvacanam ca asamānādhikaraṇārtham .
(P_6,3.46.2) KA_III,161.6-15 Ro_IV,627-628 {2/13} mahadāttve ghāsakaraviśiṣṭeṣu upasaṅkhyānam kartavyam puṃvadbhāvaḥ ca asamānādhikaraṇārthaḥ kartavyaḥ .
(P_6,3.46.2) KA_III,161.6-15 Ro_IV,627-628 {3/13} mahatyāḥ ghāsaḥ mahāghāsaḥ , mahatyāḥ karaḥ mahākaraḥ , mahatyāḥ viśiṣṭaḥ mahāviśiṣṭaḥ .
(P_6,3.46.2) KA_III,161.6-15 Ro_IV,627-628 {4/13} aṣṭanaḥ kapāle haviṣi .
(P_6,3.46.2) KA_III,161.6-15 Ro_IV,627-628 {5/13} aṣṭanaḥ kapāle haviṣi upasaṅkhyānam kartavyam .
(P_6,3.46.2) KA_III,161.6-15 Ro_IV,627-628 {6/13} aṣṭākapālam carum nirvapet .
(P_6,3.46.2) KA_III,161.6-15 Ro_IV,627-628 {7/13} haviṣi iti kimartham .
(P_6,3.46.2) KA_III,161.6-15 Ro_IV,627-628 {8/13} aṣṭakapālam brāhmaṇasya .
(P_6,3.46.2) KA_III,161.6-15 Ro_IV,627-628 {9/13} gavi ca yukte .
(P_6,3.46.2) KA_III,161.6-15 Ro_IV,627-628 {10/13} gavi ca yukte upasaṅkhyānam kartavyam .
(P_6,3.46.2) KA_III,161.6-15 Ro_IV,627-628 {11/13} aṣṭāgavena śakaṭena .
(P_6,3.46.2) KA_III,161.6-15 Ro_IV,627-628 {12/13} yukte iti kimartham .
(P_6,3.46.2) KA_III,161.6-15 Ro_IV,627-628 {13/13} aṣṭagavam brāhmaṇasya .
(P_6,3.47) KA_III,161.17-18 Ro_IV,629 {1/1} prāk śatāt iti vaktavyam iha mā bhūt . dviśatam , dvisahasram , aṣtaśatam , aṣṭasahasram .
(P_6,3.48) KA_III,161.20-162.3 Ro_IV,629 {1/12} sarveṣāṅgrahaṇam kimartham .
(P_6,3.48) KA_III,161.20-162.3 Ro_IV,629 {2/12} catvāriṃśatprabhṛtau sarveṣām vibhāṣā yathā syāt , dvyaṣṭanoḥ ca treḥ ca .
(P_6,3.48) KA_III,161.20-162.3 Ro_IV,629 {3/12} na etat asti prayojanam .
(P_6,3.48) KA_III,161.20-162.3 Ro_IV,629 {4/12} prakṛtam dvyaṣṭangrahaṇamanuvartiṣyate .
(P_6,3.48) KA_III,161.20-162.3 Ro_IV,629 {5/12} yadi tat anuvartate treḥ trayaḥ dvyaṣṭanoḥ ca iti dvyaṣṭanoḥ api dtrayaḥ ādeśaḥ prāpnoti .
(P_6,3.48) KA_III,161.20-162.3 Ro_IV,629 {6/12} na eṣaḥ doṣaḥ .
(P_6,3.48) KA_III,161.20-162.3 Ro_IV,629 {7/12} maṇḍūkagatayaḥ adhikārāḥ .
(P_6,3.48) KA_III,161.20-162.3 Ro_IV,629 {8/12} yathā maṇḍūkāḥ utplutya utplutya gacchanti tadvat adhikārāḥ .
(P_6,3.48) KA_III,161.20-162.3 Ro_IV,629 {9/12} atha vā ekayogaḥ kariṣyate .
(P_6,3.48) KA_III,161.20-162.3 Ro_IV,629 {10/12} dvyaṣṭanaḥ saṅkhyayām abahuvrīhyaśītyoḥ treḥ trayaḥ .
(P_6,3.48) KA_III,161.20-162.3 Ro_IV,629 {11/12} tataḥ vibhāṣā catvāriṃśatprabhṛtau sarveṣām iti .

(P_6,3.48) KA_III,161.20-162.3 Ro_IV,629 {12/12} atha vā ubhayam nivṛttam tat apekṣiṣyāmahe .
(P_6,3.50) KA_III,162.5-17 Ro_IV,629-631 {1/22} yaṇgrahaṇam idam pratyayagrahaṇam .
(P_6,3.50) KA_III,162.5-17 Ro_IV,629-631 {2/22} tatra pratyayagrahaṇe yasmāt saḥ tadādeḥ grahaṇam bhavati iti yadaṇante prāpnoti .
(P_6,3.50) KA_III,162.5-17 Ro_IV,629-631 {3/22} yadaṇgrahaṇe rūpagrahaṇam lekhagrahaṇāt .
(P_6,3.50) KA_III,162.5-17 Ro_IV,629-631 {4/22} yadaṇgrahaṇe rūpagrahaṇam draṣṭavyam .
(P_6,3.50) KA_III,162.5-17 Ro_IV,629-631 {5/22} kutaḥ .
(P_6,3.50) KA_III,162.5-17 Ro_IV,629-631 {6/22} lekhagrahaṇāt .
(P_6,3.50) KA_III,162.5-17 Ro_IV,629-631 {7/22} yat ayam lekhagrahaṇam karoti tat jñāpayati ācāryaḥ na yadaṇante bhavati iti .
(P_6,3.50) KA_III,162.5-17 Ro_IV,629-631 {8/22} aparaḥ āha : atyalpam idam ucyate .
(P_6,3.50) KA_III,162.5-17 Ro_IV,629-631 {9/22} sarvatra eva uttarapadādhikāre pratyayagrahaṇe rūpagrahaṇam draṣṭavyam .
(P_6,3.50) KA_III,162.5-17 Ro_IV,629-631 {10/22} kutaḥ .
(P_6,3.50) KA_III,162.5-17 Ro_IV,629-631 {11/22} lekhagrahaṇāt eva .
(P_6,3.50) KA_III,162.5-17 Ro_IV,629-631 {12/22} kim prayojanam .
(P_6,3.50) KA_III,162.5-17 Ro_IV,629-631 {13/22} kumārī gauritarā .
(P_6,3.50) KA_III,162.5-17 Ro_IV,629-631 {14/22} ghādiṣu nadyāḥ hrasvaḥ bhavati iti hrasvatvam prasajyeta .
(P_6,3.50) KA_III,162.5-17 Ro_IV,629-631 {15/22} yadi etat jñāpyate khiti anavyayasya iti khiti eva anantarasya anavyayasya hrasvatvam prāpnoti .
(P_6,3.50) KA_III,162.5-17 Ro_IV,629-631 {16/22} khiti anantaraḥ hrasvabhāvī na asti iti kṛtvā khidante bhaviṣyati .
(P_6,3.50) KA_III,162.5-17 Ro_IV,629-631 {17/22} nanu ca ayam asti stanandhayaḥ iti .
(P_6,3.50) KA_III,162.5-17 Ro_IV,629-631 {18/22} atra api śapā vyavadhānam .
(P_6,3.50) KA_III,162.5-17 Ro_IV,629-631 {19/22} ekādeśe kṛte na asti vyavadhānam .
(P_6,3.50) KA_III,162.5-17 Ro_IV,629-631 {20/22} ekādeśaḥ pūrvavidhau sthānivat bhavati iti sthānivadbhāvāt vyavadhānam eva .
(P_6,3.50) KA_III,162.5-17 Ro_IV,629-631 {21/22} atha vā etat jñāpayati ācāryaḥ khiti anantarasya na bhavati iti yat ayam anavyayasya iti pratiṣedham śāsti .
(P_6,3.50) KA_III,162.5-17 Ro_IV,629-631 {22/22} na hi khiti anantaram avyayam asti .
(P_6,3.52) KA_III,162.19-163.4 Ro_IV,631-632 {1/11} padādeśe antodāttanipātanam [R: padopahatārtham ] . padādeśe antodāttanipātanam kartavyam .
(P_6,3.52) KA_III,162.19-163.4 Ro_IV,631-632 {2/11} kim prayojanam .
(P_6,3.52) KA_III,162.19-163.4 Ro_IV,631-632 {3/11} padopahatārtham .
(P_6,3.52) KA_III,162.19-163.4 Ro_IV,631-632 {4/11} pādena upahatam padopahatam .
(P_6,3.52) KA_III,162.19-163.4 Ro_IV,631-632 {5/11} tṛtīyā karmaṇi iti prakṛtisvaratve pūrvapadāntodāttatvam yathā syāt .
(P_6,3.52) KA_III,162.19-163.4 Ro_IV,631-632 {6/11} upadeśivadvacanam ca svarasiddhyartham .
(P_6,3.52) KA_III,162.19-163.4 Ro_IV,631-632 {7/11} upadeśivadbhāvaḥ ca vaktavyaḥ .
(P_6,3.52) KA_III,162.19-163.4 Ro_IV,631-632 {8/11} kim prayojanam .
(P_6,3.52) KA_III,162.19-163.4 Ro_IV,631-632 {9/11} svarasiddhyartham .
(P_6,3.52) KA_III,162.19-163.4 Ro_IV,631-632 {10/11} upadeśāvasthāyām antodāttanipātane kṛte samāsasvareṇa bādhanam yathā syāt .
(P_6,3.52) KA_III,162.19-163.4 Ro_IV,631-632 {11/11} padājiḥ , padātiḥ .
(P_6,3.53) KA_III,163.6-7 Ro_IV,632 {1/3} padbhāve ike caratau upasaṅkhyānam .
(P_6,3.53) KA_III,163.6-7 Ro_IV,632 {2/3} padbhāve ike caratau upasaṅkhyānam kartavyam .
(P_6,3.53) KA_III,163.6-7 Ro_IV,632 {3/3} pādābhyām carati padikaḥ .
(P_6,3.56) KA_III,163.9 Ro_IV,632 {1/2} niṣke ca upasaṅkhyānam kartavyam .
(P_6,3.56) KA_III,163.9 Ro_IV,632 {2/2} panniṣkeṇa pādaniṣkeṇa .
(P_6,3.57) KA_III,163.11-12 Ro_IV,632 {1/2} sañjñāyām uttarapadasya iti vaktavyam iha api yathā syāt .

(P_6,3.57) KA_III,163.11-12 Ro_IV,632 {2/2} lohitodaḥ , kṣīrodaḥ iti .
(P_6,3.59) KA_III,163.14-164.2 Ro_IV,633 {1/19} ekahalādau iti kimartham .
(P_6,3.59) KA_III,163.14-164.2 Ro_IV,633 {2/19} udakasthānam .
(P_6,3.59) KA_III,163.14-164.2 Ro_IV,633 {3/19} ucyamāne api etasmin atra prapnoti .
(P_6,3.59) KA_III,163.14-164.2 Ro_IV,633 {4/19} etat api ekahalādi .
(P_6,3.59) KA_III,163.14-164.2 Ro_IV,633 {5/19} kim kāraṇam .
(P_6,3.59) KA_III,163.14-164.2 Ro_IV,633 {6/19} ekaikavarṇavartitvāt vācaḥ uccaritapradhvaṃsitvāt ca varṇānām .
(P_6,3.59) KA_III,163.14-164.2 Ro_IV,633 {7/19} ekaikavarṇavartinī vāk .
(P_6,3.59) KA_III,163.14-164.2 Ro_IV,633 {8/19} na dvau varṇau yugapat uccārayati .
(P_6,3.59) KA_III,163.14-164.2 Ro_IV,633 {9/19} tat yathā gauḥ iti ukte yāvat gakāre vāk vartate tāvat na aukāre na visarjanīye .
(P_6,3.59) KA_III,163.14-164.2 Ro_IV,633 {10/19} yāvat auakāre na tāvat gakāre na visarjanīye .
(P_6,3.59) KA_III,163.14-164.2 Ro_IV,633 {11/19} yāvat visarjanīye na tāvat gakāre na aukāre .
(P_6,3.59) KA_III,163.14-164.2 Ro_IV,633 {12/19} uccaritapradhvaṃsitvāt ca varṇānām .
(P_6,3.59) KA_III,163.14-164.2 Ro_IV,633 {13/19} uccaritaḥ varṇaḥ pradhvastaḥ ca .
(P_6,3.59) KA_III,163.14-164.2 Ro_IV,633 {14/19} atha aparaḥ prayujyate .
(P_6,3.59) KA_III,163.14-164.2 Ro_IV,633 {15/19} na varṇaḥ varṇasya sahāyaḥ .
(P_6,3.59) KA_III,163.14-164.2 Ro_IV,633 {16/19} evam tarhi ekahalādau iti ucyate sarvaḥ ca ekahalādiḥ .
(P_6,3.59) KA_III,163.14-164.2 Ro_IV,633 {17/19} tatra prakarṣagatiḥ vijñāyate : sādhīyaḥ yaḥ ekahalādiḥ iti .
(P_6,3.59) KA_III,163.14-164.2 Ro_IV,633 {18/19} kaḥ ca sādhīyaḥ .
(P_6,3.59) KA_III,163.14-164.2 Ro_IV,633 {19/19} yatra ekam halam uccārya ac ucyate .
(P_6,3.61) KA_III,164.4-19 Ro_IV,634-635 {1/20} ikaḥ hrasvatvam uttarapadamātre .
(P_6,3.61) KA_III,164.4-19 Ro_IV,634-635 {2/20} ikaḥ hrasvatvam uttarapadamātre vaktavyam iha api yathā syāt , alābukarkandhudṛnbhuphalam iti .
(P_6,3.61) KA_III,164.4-19 Ro_IV,634-635 {3/20} kim punaḥ kāraṇam na sidhyati .
(P_6,3.61) KA_III,164.4-19 Ro_IV,634-635 {4/20} sarvānte hi lokavijñānam .
(P_6,3.61) KA_III,164.4-19 Ro_IV,634-635 {5/20} lokavijñānāt hi yat eva sarvāntam padam tasmin pūrvapadasya hrasvatvam syāt .
(P_6,3.61) KA_III,164.4-19 Ro_IV,634-635 {6/20} atha vā evam vigrahaḥ kariṣyate .
(P_6,3.61) KA_III,164.4-19 Ro_IV,634-635 {7/20} alābūḥ ca karkandhūḥ ca , alābukarkandhvau , alābukarkandhvau dṛnbhūḥ ca, alābukarkandhudṛnbhvaḥ , alābukarkandhudṛnbhūnām phalam alābukarkandhudṛnbhuphalam iti .
(P_6,3.61) KA_III,164.4-19 Ro_IV,634-635 {8/20} yadi evam dṛnbhvāḥ pūrvanipātaḥ prāpnoti .
(P_6,3.61) KA_III,164.4-19 Ro_IV,634-635 {9/20} rājadantādiṣu pāṭhaḥ kariṣyate .
(P_6,3.61) KA_III,164.4-19 Ro_IV,634-635 {10/20} atha vā evam vigrahaḥ kariṣyate .
(P_6,3.61) KA_III,164.4-19 Ro_IV,634-635 {11/20} dṛnbhvāḥ phalam dṛnbhuphalam , karkandhūḥ ca dṛnbhuphalam ca karkandhudṛnbhuphalam , alābūḥ ca karkandhudṛnbhuphalam ca alābukarkandhudṛnbhuphalam iti .
(P_6,3.61) KA_III,164.4-19 Ro_IV,634-635 {12/20} evam api phalena akṛtaḥ abhisambandhaḥ bhavati .
(P_6,3.61) KA_III,164.4-19 Ro_IV,634-635 {13/20} pratyekam phalaśabdaḥ parisamāpyate .
(P_6,3.61) KA_III,164.4-19 Ro_IV,634-635 {14/20} iyaṅuvaṅavyayapratiṣedhaḥ .
(P_6,3.61) KA_III,164.4-19 Ro_IV,634-635 {15/20} iyaṅuvaṅbhāinām avyayānām ca pratiṣedhaḥ vaktavyaḥ .
(P_6,3.61) KA_III,164.4-19 Ro_IV,634-635 {16/20} śrīkulam , bhrūkulam , kāṇḍībhūtam vṛṣalakulam , kuḍyībhūtam vṛṣalakulam .
(P_6,3.61) KA_III,164.4-19 Ro_IV,634-635 {17/20} abhrūkaṃsādīnām iti vaktavyam .
(P_6,3.61) KA_III,164.4-19 Ro_IV,634-635 {18/20} bhrukuṃsaḥ , bhrukuṭiḥ .
(P_6,3.61) KA_III,164.4-19 Ro_IV,634-635 {19/20} aparaḥ āha : akāraḥ bhrūkaṃsādīnām iti vaktavyam .
(P_6,3.61) KA_III,164.4-19 Ro_IV,634-635 {20/20} bhrakuṃsaḥ , bhrakuṭiḥ .

(P_6,3.62) KA_III,164.21 Ro_IV,635-636 {1/28} taddhite kim udāharaṇam .
(P_6,3.62) KA_III,164.21 Ro_IV,635-636 {2/28} ekatvam , ekatā .
(P_6,3.62) KA_III,164.21 Ro_IV,635-636 {3/28} na etat asti prayojanam .
(P_6,3.62) KA_III,164.21 Ro_IV,635-636 {4/28} puṃvadbhāvena api etat siddham .
(P_6,3.62) KA_III,164.21 Ro_IV,635-636 {5/28} katham puṃvadbhāvaḥ .
(P_6,3.62) KA_III,164.21 Ro_IV,635-636 {6/28} tāsilādiṣu ā kṛtvasucaḥ .
(P_6,3.62) KA_III,164.21 Ro_IV,635-636 {7/28} idam tarhi prayojanam .
(P_6,3.62) KA_III,164.21 Ro_IV,635-636 {8/28} ekasyāḥ āgatam ekarūpyam , ekamayam .
(P_6,3.62) KA_III,164.21 Ro_IV,635-636 {9/28} idam ca api udāharaṇam .
(P_6,3.62) KA_III,164.21 Ro_IV,635-636 {10/28} ekatvam , ekatā .
(P_6,3.62) KA_III,164.21 Ro_IV,635-636 {11/28} nanu ca uktam puṃvadbhāvena api etat siddham iti .
(P_6,3.62) KA_III,164.21 Ro_IV,635-636 {12/28} na sidhyati .
(P_6,3.62) KA_III,164.21 Ro_IV,635-636 {13/28} uktam etat tvataloḥ guṇavacanasya iti .
(P_6,3.62) KA_III,164.21 Ro_IV,635-636 {14/28} atha uttarapade kim udāharaṇam .
(P_6,3.62) KA_III,164.21 Ro_IV,635-636 {15/28} ekaśāṭī .
(P_6,3.62) KA_III,164.21 Ro_IV,635-636 {16/28} na etat asti .
(P_6,3.62) KA_III,164.21 Ro_IV,635-636 {17/28} puṃvadbhāvena api etat siddham .
(P_6,3.62) KA_III,164.21 Ro_IV,635-636 {18/28} katham puṃvadbhāvaḥ .
(P_6,3.62) KA_III,164.21 Ro_IV,635-636 {19/28} samānādhikaraṇalakṣaṇaḥ .
(P_6,3.62) KA_III,164.21 Ro_IV,635-636 {20/28} idam tarhi prayojanam .
(P_6,3.62) KA_III,164.21 Ro_IV,635-636 {21/28} ekasyāḥ kṣīram ekaṣīram .
(P_6,3.62) KA_III,164.21 Ro_IV,635-636 {22/28} idam ca api udāharaṇam .
(P_6,3.62) KA_III,164.21 Ro_IV,635-636 {23/28} ekaśāṭī .
(P_6,3.62) KA_III,164.21 Ro_IV,635-636 {24/28} nanu ca uktam puṃvadbhāvena api etat siddham iti .
(P_6,3.62) KA_III,164.21 Ro_IV,635-636 {25/28} na sidhyati .
(P_6,3.62) KA_III,164.21 Ro_IV,635-636 {26/28} na kopadhāyāḥ iti pratiṣedhaḥ prāpnoti .
(P_6,3.62) KA_III,164.21 Ro_IV,635-636 {27/28} na eṣaḥ doṣaḥ .
(P_6,3.62) KA_III,164.21 Ro_IV,635-636 {28/28} uktam etat kopadhapratiṣedhe taddhitavugrahaṇam iti .
(P_6,3.66) KA_III,165.9-166.3 Ro_IV,636-637 {1/47} khiti hrasvāprasiddhiḥ anajantatvāt .
(P_6,3.66) KA_III,165.9-166.3 Ro_IV,636-637 {2/47} khiti hrasvāprasiddhiḥ .
(P_6,3.66) KA_III,165.9-166.3 Ro_IV,636-637 {3/47} kālimmanyā , hariṇimmanyā .
(P_6,3.66) KA_III,165.9-166.3 Ro_IV,636-637 {4/47} kim kāraṇam .
(P_6,3.66) KA_III,165.9-166.3 Ro_IV,636-637 {5/47} anajantatvāt .
(P_6,3.66) KA_III,165.9-166.3 Ro_IV,636-637 {6/47} mumi kṛte anajantatvāt hrasvatvam na prāpnoti .
(P_6,3.66) KA_III,165.9-166.3 Ro_IV,636-637 {7/47} siddham tu hrasvāntasya mumvacanāt .
(P_6,3.66) KA_III,165.9-166.3 Ro_IV,636-637 {8/47} siddham etat .
(P_6,3.66) KA_III,165.9-166.3 Ro_IV,636-637 {9/47} katham .
(P_6,3.66) KA_III,165.9-166.3 Ro_IV,636-637 {10/47} hrasvāntasya mum bhavati iti vaktavyam .
(P_6,3.66) KA_III,165.9-166.3 Ro_IV,636-637 {11/47} sanniyogāt vā .
(P_6,3.66) KA_III,165.9-166.3 Ro_IV,636-637 {12/47} atha vā sanniyogaḥ kariṣyate .

(P_6,3.66) KA_III,165.9-166.3 Ro_IV,636-637 {13/47} kaḥ eṣaḥ yatnaḥ codyate sanniyogaḥ nāma .
(P_6,3.66) KA_III,165.9-166.3 Ro_IV,636-637 {14/47} cakāraḥ kartavyaḥ .
(P_6,3.66) KA_III,165.9-166.3 Ro_IV,636-637 {15/47} mum ca .
(P_6,3.66) KA_III,165.9-166.3 Ro_IV,636-637 {16/47} kim ca. yat ca anyat prāpnoti .
(P_6,3.66) KA_III,165.9-166.3 Ro_IV,636-637 {17/47} kim ca anyat prāpnoti .
(P_6,3.66) KA_III,165.9-166.3 Ro_IV,636-637 {18/47} hrasvatvam .
(P_6,3.66) KA_III,165.9-166.3 Ro_IV,636-637 {19/47} sidhyati .
(P_6,3.66) KA_III,165.9-166.3 Ro_IV,636-637 {20/47} sūtram tarhi bhidyate .
(P_6,3.66) KA_III,165.9-166.3 Ro_IV,636-637 {21/47} yathānyāsam eva astu .
(P_6,3.66) KA_III,165.9-166.3 Ro_IV,636-637 {22/47} nanu ca uktam khiti hrasvāprasiddhiḥ anajantatvāt iti .
(P_6,3.66) KA_III,165.9-166.3 Ro_IV,636-637 {23/47} parihṛtam etat siddham tu hrasvāntasya mumvacanāt iti .
(P_6,3.66) KA_III,165.9-166.3 Ro_IV,636-637 {24/47} tat tarhi hrasvagrahaṇam kartavyam .
(P_6,3.66) KA_III,165.9-166.3 Ro_IV,636-637 {25/47} na kartavyam .
(P_6,3.66) KA_III,165.9-166.3 Ro_IV,636-637 {26/47} prakṛtam anuvartate .
(P_6,3.66) KA_III,165.9-166.3 Ro_IV,636-637 {27/47} kva prakṛtam .
(P_6,3.66) KA_III,165.9-166.3 Ro_IV,636-637 {28/47} ikaḥ hrasvaḥ aṅyaḥ gālavasya iti .
(P_6,3.66) KA_III,165.9-166.3 Ro_IV,636-637 {29/47} tat vai prathamānirdiṣṭam ṣaṣṭhīnirdiṣṭena ca iha arthaḥ .
(P_6,3.66) KA_III,165.9-166.3 Ro_IV,636-637 {30/47} khiti iti eṣā saptamī hrasvaḥ iti prathamāyāḥ ṣaṣṭhīm prakalpayiṣyati tasmin iti nirdiṣṭe pūrvasya iti .
(P_6,3.66) KA_III,165.9-166.3 Ro_IV,636-637 {31/47} atha vā khiti hrasvaḥ bhavati iti ucyate .
(P_6,3.66) KA_III,165.9-166.3 Ro_IV,636-637 {32/47} khiti hrasvabhāvī na asti iti kṛtvā bhūtapūrvagatiḥ vijñāsyate .
(P_6,3.66) KA_III,165.9-166.3 Ro_IV,636-637 {33/47} ajantam yat bhūtapūrvam iti .
(P_6,3.66) KA_III,165.9-166.3 Ro_IV,636-637 {34/47} atha vā kāryakālam sañjñāparibhāṣam yatra kāryam tatra draṣṭavyam .
(P_6,3.66) KA_III,165.9-166.3 Ro_IV,636-637 {35/47} khiti hrasvaḥ bhavati iti upasthitam idam bhavati acaḥ iti .
(P_6,3.66) KA_III,165.9-166.3 Ro_IV,636-637 {36/47} tatra vacanāt anajantasya api bhaviṣyati .
(P_6,3.66) KA_III,165.9-166.3 Ro_IV,636-637 {37/47} iha api tarhi vacanāt prāpnoti .
(P_6,3.66) KA_III,165.9-166.3 Ro_IV,636-637 {38/47} vāṅmanyaḥ iti .
(P_6,3.66) KA_III,165.9-166.3 Ro_IV,636-637 {39/47} na etat asti .
(P_6,3.66) KA_III,165.9-166.3 Ro_IV,636-637 {40/47} ikaḥ iti vartate .
(P_6,3.66) KA_III,165.9-166.3 Ro_IV,636-637 {41/47} evam api khaṭvammanyaḥ , atra na prāpnoti .
(P_6,3.66) KA_III,165.9-166.3 Ro_IV,636-637 {42/47} na eṣaḥ doṣaḥ .
(P_6,3.66) KA_III,165.9-166.3 Ro_IV,636-637 {43/47} ābgrahaṇam api prakṛtam anuvartate .
(P_6,3.66) KA_III,165.9-166.3 Ro_IV,636-637 {44/47} kva prakṛtam .
(P_6,3.66) KA_III,165.9-166.3 Ro_IV,636-637 {45/47} ṅyāpoḥ sañjñācchandasoḥ bahulam iti .
(P_6,3.66) KA_III,165.9-166.3 Ro_IV,636-637 {46/47} evam api kīlālapammanyaḥ , śubhaṃyammanyaḥ atra na prāpnoti .
(P_6,3.66) KA_III,165.9-166.3 Ro_IV,636-637 {47/47} tasmāt pūrvoktau eva parihārau .
(P_6,3.68.1) KA_III,166.5-167.3 Ro_IV,638-639 {1/42} amaḥ pratyayavadanudeśe kim prayojanam .
(P_6,3.68.1) KA_III,166.5-167.3 Ro_IV,638-639 {2/42} amaḥ pratyayavadanudeśe prayojanam ātvapūrvasavarṇaguṇeyaṅuvaṅādeśāḥ .
(P_6,3.68.1) KA_III,166.5-167.3 Ro_IV,638-639 {3/42} amaḥ pratyayavadanudeśe ātvapūrvasavarṇaguṇeyaṅuvaṅādeśāḥ prayojanam .
(P_6,3.68.1) KA_III,166.5-167.3 Ro_IV,638-639 {4/42} ātvam prayojanam .
(P_6,3.68.1) KA_III,166.5-167.3 Ro_IV,638-639 {5/42} gāmmanyaḥ .

(P_6,3.68.1) KA_III,166.5-167.3 Ro_IV,638-639 {6/42} pūrvasavarṇaḥ prayojanam .
(P_6,3.68.1) KA_III,166.5-167.3 Ro_IV,638-639 {7/42} strīmmanyaḥ .
(P_6,3.68.1) KA_III,166.5-167.3 Ro_IV,638-639 {8/42} guṇaḥ prayojanam .
(P_6,3.68.1) KA_III,166.5-167.3 Ro_IV,638-639 {9/42} narammanyaḥ .
(P_6,3.68.1) KA_III,166.5-167.3 Ro_IV,638-639 {10/42} iyaṅuvaṅau prayojanam .
(P_6,3.68.1) KA_III,166.5-167.3 Ro_IV,638-639 {11/42} śriyammanyaḥ , bhruvammanyaḥ .
(P_6,3.68.1) KA_III,166.5-167.3 Ro_IV,638-639 {12/42} amaḥ pratyayavadanudeśe ātvapūrvasavarṇāprasiddhiḥ aprathamātvāt .
(P_6,3.68.1) KA_III,166.5-167.3 Ro_IV,638-639 {13/42} amaḥ pratyayavadanudeśe ātvapūrvasavarṇayoḥ aprasiddhiḥ .
(P_6,3.68.1) KA_III,166.5-167.3 Ro_IV,638-639 {14/42} kim kāraṇam .
(P_6,3.68.1) KA_III,166.5-167.3 Ro_IV,638-639 {15/42} aprathamātvāt .
(P_6,3.68.1) KA_III,166.5-167.3 Ro_IV,638-639 {16/42} prathamayoḥ iti ucyate na ca atra prathamām paśyāmaḥ .
(P_6,3.68.1) KA_III,166.5-167.3 Ro_IV,638-639 {17/42} kim ca bhoḥ ātvam prathamayoḥ iti ucyate .
(P_6,3.68.1) KA_III,166.5-167.3 Ro_IV,638-639 {18/42} na khalu prathamayoḥ iti ucyate .
(P_6,3.68.1) KA_III,166.5-167.3 Ro_IV,638-639 {19/42} prathamayoḥ iti tu vijñāyate .
(P_6,3.68.1) KA_III,166.5-167.3 Ro_IV,638-639 {20/42} katham .
(P_6,3.68.1) KA_III,166.5-167.3 Ro_IV,638-639 {21/42} amśasoḥ iti ucyate .
(P_6,3.68.1) KA_III,166.5-167.3 Ro_IV,638-639 {22/42} te evam vijñāsyāmaḥ .
(P_6,3.68.1) KA_III,166.5-167.3 Ro_IV,638-639 {23/42} śassahacaritaḥ yaḥ amśabdaḥ .
(P_6,3.68.1) KA_III,166.5-167.3 Ro_IV,638-639 {24/42} kaḥ ca śassahacaritaḥ .
(P_6,3.68.1) KA_III,166.5-167.3 Ro_IV,638-639 {25/42} prathamā eva .
(P_6,3.68.1) KA_III,166.5-167.3 Ro_IV,638-639 {26/42} nanu ca pratyayavadanudeśāt bhaviṣyati .
(P_6,3.68.1) KA_III,166.5-167.3 Ro_IV,638-639 {27/42} na sidhyati .
(P_6,3.68.1) KA_III,166.5-167.3 Ro_IV,638-639 {28/42} kim kāraṇam .
(P_6,3.68.1) KA_III,166.5-167.3 Ro_IV,638-639 {29/42} sāmānyātideśe [R: hi] viśeṣānatideśaḥ .
(P_6,3.68.1) KA_III,166.5-167.3 Ro_IV,638-639 {30/42} sāmanye hi atidiśyamāne viśeṣaḥ na atidiṣṭaḥ bhavati .
(P_6,3.68.1) KA_III,166.5-167.3 Ro_IV,638-639 {31/42} tat yathā .
(P_6,3.68.1) KA_III,166.5-167.3 Ro_IV,638-639 {32/42} brahmaṇavat asmin kṣatriye vartitavyam iti sāmānyam yat brāhmaṇakāryam tat kṣatriye atidiśyate .
(P_6,3.68.1) KA_III,166.5-167.3 Ro_IV,638-639 {33/42} yat viśiṣṭam māṭhare kauṇḍinye vā na tat atidiśyate .
(P_6,3.68.1) KA_III,166.5-167.3 Ro_IV,638-639 {34/42} evam iha api sāmānyam yat pratyayakāryam tat atidiśyate yat viśiṣṭam dvitīyaikavacane bhavati prathamayoḥ iti na tat atidiśyate .
(P_6,3.68.1) KA_III,166.5-167.3 Ro_IV,638-639 {35/42} siddham tu dvitīyaikavacanavadvacanāt .
(P_6,3.68.1) KA_III,166.5-167.3 Ro_IV,638-639 {36/42} siddham etat .
(P_6,3.68.1) KA_III,166.5-167.3 Ro_IV,638-639 {37/42} katham .
(P_6,3.68.1) KA_III,166.5-167.3 Ro_IV,638-639 {38/42} dvitīyaikavacanavat bhavati iti vaktavyam .
(P_6,3.68.1) KA_III,166.5-167.3 Ro_IV,638-639 {39/42} ekaśeṣanirdeśāt vā .
(P_6,3.68.1) KA_III,166.5-167.3 Ro_IV,638-639 {40/42} atha vā ekaśeṣanirdeśaḥ ayam .
(P_6,3.68.1) KA_III,166.5-167.3 Ro_IV,638-639 {41/42} am ca am ca am .
(P_6,3.68.1) KA_III,166.5-167.3 Ro_IV,638-639 {42/42} icaḥ ekācaḥ am bhavati ampratyayavat ca asmin kāryam bhavati iti .
(P_6,3.68.2) KA_III,167.4-14 Ro_IV,639-640 {1/20} atha iha katham bhavitavyam .
(P_6,3.68.2) KA_III,167.4-14 Ro_IV,639-640 {2/20} śriyam ātmānam manyate brāhmaṇakulam .
(P_6,3.68.2) KA_III,167.4-14 Ro_IV,639-640 {3/20} śriyammanyam āhosvit śrimanyam iti .

(P_6,3.68.2) KA_III,167.4-14 Ro_IV,639-640 {4/20} śriyammanyam iti bhavitavyam .
(P_6,3.68.2) KA_III,167.4-14 Ro_IV,639-640 {5/20} svamoḥ napuṃsakāt iti luk kasmāt na bhavati .
(P_6,3.68.2) KA_III,167.4-14 Ro_IV,639-640 {6/20} na aprāpte luki am ārabhyate .
(P_6,3.68.2) KA_III,167.4-14 Ro_IV,639-640 {7/20} saḥ yathā eva supaḥ dhātuprātipadikayoḥ iti etam bādhate evam svamoḥ napuṃsakāt iti etam ami lukam bādheta .
(P_6,3.68.2) KA_III,167.4-14 Ro_IV,639-640 {8/20} na bādhate .
(P_6,3.68.2) KA_III,167.4-14 Ro_IV,639-640 {9/20} kim kāraṇam .
(P_6,3.68.2) KA_III,167.4-14 Ro_IV,639-640 {10/20} yena na aprāpte tasya bādhanam bhavati .
(P_6,3.68.2) KA_III,167.4-14 Ro_IV,639-640 {11/20} na ca aprāpte supaḥ dhātuprātipadikayoḥ iti etasmin etat ārabhyate .
(P_6,3.68.2) KA_III,167.4-14 Ro_IV,639-640 {12/20} svamoḥ napuṃsakāt iti etasmin punaḥ prāpte ca aprāpte ca .
(P_6,3.68.2) KA_III,167.4-14 Ro_IV,639-640 {13/20} atha vā madhye apavādāḥ pūrvān vidhīn bādhante iti evam supaḥ dhātuprātipadikayoḥ iti etam bādhate .
(P_6,3.68.2) KA_III,167.4-14 Ro_IV,639-640 {14/20} svamoḥ napuṃsakāt iti etam na bādhiṣyate .
(P_6,3.68.2) KA_III,167.4-14 Ro_IV,639-640 {15/20} evam tarhi asiddham bahiraṅgam antaraṅge iti asiddhatvāt bahiraṅgalakṣaṇasya amaḥ antaraṅgalakṣaṇaḥ luk na bhaviṣyati .
(P_6,3.68.2) KA_III,167.4-14 Ro_IV,639-640 {16/20} na eṣā paribhāṣā uttarapadādhikāre śakyā vijñātum .
(P_6,3.68.2) KA_III,167.4-14 Ro_IV,639-640 {17/20} iha hi doṣaḥ syāt .
(P_6,3.68.2) KA_III,167.4-14 Ro_IV,639-640 {18/20} dviṣantapaḥ , parantapaḥ .
(P_6,3.68.2) KA_III,167.4-14 Ro_IV,639-640 {19/20} saṃyogāntalopaḥ na syāt .
(P_6,3.68.2) KA_III,167.4-14 Ro_IV,639-640 {20/20} tasmāt śrimanyam iti eva bhavitavyam .
(P_6,3.70) KA_III,167.16-168.14 Ro_IV,641-642 {1/33} astusatyāgadasya kāre .
(P_6,3.70) KA_III,167.16-168.14 Ro_IV,641-642 {2/33} astusatyāgadasya kāre upasaṅkhyānam kartavyam .
(P_6,3.70) KA_III,167.16-168.14 Ro_IV,641-642 {3/33} astuṅkāraḥ , satyaṅkāraḥ , agadaṅkāraḥ .
(P_6,3.70) KA_III,167.16-168.14 Ro_IV,641-642 {4/33} bhakṣasya chandasi .
(P_6,3.70) KA_III,167.16-168.14 Ro_IV,641-642 {5/33} bhakṣasya chandasi upasaṅkhyānam kartavyam .
(P_6,3.70) KA_III,167.16-168.14 Ro_IV,641-642 {6/33} tasya te bhakṣaṅkārasya .
(P_6,3.70) KA_III,167.16-168.14 Ro_IV,641-642 {7/33} chandasi iti kim .
(P_6,3.70) KA_III,167.16-168.14 Ro_IV,641-642 {8/33} bhakṣakārasya tat matam iti .
(P_6,3.70) KA_III,167.16-168.14 Ro_IV,641-642 {9/33} dhenoḥ bhavyāyām .
(P_6,3.70) KA_III,167.16-168.14 Ro_IV,641-642 {10/33} dhenoḥ bhavyāyām upasaṅkhyānam kartavyam .
(P_6,3.70) KA_III,167.16-168.14 Ro_IV,641-642 {11/33} dhenumbhavyā .
(P_6,3.70) KA_III,167.16-168.14 Ro_IV,641-642 {12/33} l okasya pṛṇe .
(P_6,3.70) KA_III,167.16-168.14 Ro_IV,641-642 {13/33} lokasya pṛṇe upasaṅkhyānam kartavyam .
(P_6,3.70) KA_III,167.16-168.14 Ro_IV,641-642 {14/33} lokamprṇasya dhanvinaḥ .
(P_6,3.70) KA_III,167.16-168.14 Ro_IV,641-642 {15/33} itye anabhyāśasya .
(P_6,3.70) KA_III,167.16-168.14 Ro_IV,641-642 {16/33} itye anabhyāśasya upasaṅkhyānam kartavyam .
(P_6,3.70) KA_III,167.16-168.14 Ro_IV,641-642 {17/33} anabhyāśamityaḥ .
(P_6,3.70) KA_III,167.16-168.14 Ro_IV,641-642 {18/33} bhrāṣṭrāgnyoḥ indhe .
(P_6,3.70) KA_III,167.16-168.14 Ro_IV,641-642 {19/33} bhrāṣṭrāgnyoḥ indhe upasaṅkhyānam kartavyam .
(P_6,3.70) KA_III,167.16-168.14 Ro_IV,641-642 {20/33} bhrāṣṭramindhaḥ , agnimindhaḥ .
(P_6,3.70) KA_III,167.16-168.14 Ro_IV,641-642 {21/33} gile agilasya .
(P_6,3.70) KA_III,167.16-168.14 Ro_IV,641-642 {22/33} gile agilasya upasaṅkhyānam kartavyam .
(P_6,3.70) KA_III,167.16-168.14 Ro_IV,641-642 {23/33} timiṅgilaḥ .

(P_6,3.70) KA_III,167.16-168.14 Ro_IV,641-642 {24/33} agilasya iti kimartham .
(P_6,3.70) KA_III,167.16-168.14 Ro_IV,641-642 {25/33} gilagilaḥ .
(P_6,3.70) KA_III,167.16-168.14 Ro_IV,641-642 {26/33} gilagile ca iti vaktavyam .
(P_6,3.70) KA_III,167.16-168.14 Ro_IV,641-642 {27/33} timiṅgilagilaḥ .
(P_6,3.70) KA_III,167.16-168.14 Ro_IV,641-642 {28/33} uṣṇabhadrayoḥ karaṇe .
(P_6,3.70) KA_III,167.16-168.14 Ro_IV,641-642 {29/33} uṣṇabhadrayoḥ karaṇe upasaṅkhyānam kartavyam .
(P_6,3.70) KA_III,167.16-168.14 Ro_IV,641-642 {30/33} uṣṇaṅkaraṇam , bhadraṅkaraṇam .
(P_6,3.70) KA_III,167.16-168.14 Ro_IV,641-642 {31/33} sūtograrājabhojakulamerubhyaḥ duhituḥ putraṭ vā .
(P_6,3.70) KA_III,167.16-168.14 Ro_IV,641-642 {32/33} sūtograrājabhojakulamerubhyaḥ duhituḥ putraṭ vā bhavati iti vaktavyam .
(P_6,3.70) KA_III,167.16-168.14 Ro_IV,641-642 {33/33} sūtaputrī , sūtaduhitā , ugraputrī , ugraduhitā , rajaputrī , rājaduhitā , bhojaputrī , bhojaduhitā , kulaputrī , kuladuhitā , meruputrī , meruduhitā .
(P_6,3.72) KA_III,168.16-20 Ro_IV,642-643 {1/9} kim iyam prāpte vibhāṣā āhosvit aprāpte .
(P_6,3.72) KA_III,168.16-20 Ro_IV,642-643 {2/9} katham ca prāpte katham vā aprāpte .
(P_6,3.72) KA_III,168.16-20 Ro_IV,642-643 {3/9} khiti iti vā nitye prāpte anyatra vā aprāpte .
(P_6,3.72) KA_III,168.16-20 Ro_IV,642-643 {4/9} rātreḥ aprāpte .
(P_6,3.72) KA_III,168.16-20 Ro_IV,642-643 {5/9} rātreḥ aprāpte vibhāṣā .
(P_6,3.72) KA_III,168.16-20 Ro_IV,642-643 {6/9} prāpte nityaḥ vidhiḥ .
(P_6,3.72) KA_III,168.16-20 Ro_IV,642-643 {7/9} rātrimmanyaḥ .
(P_6,3.72) KA_III,168.16-20 Ro_IV,642-643 {8/9} aprāpte vibhāṣā .
(P_6,3.72) KA_III,168.16-20 Ro_IV,642-643 {9/9} rātryaṭaḥ , rātrimaṭaḥ .
(P_6,3.73) KA_III,168.22-169.8 Ro_IV,642-643 {1/13} kimartham nañaḥ sānubandhakasya grahaṇam kriyate na nasya iti eva ucyeta .
(P_6,3.73) KA_III,168.22-169.8 Ro_IV,642-643 {2/13} nasya iti ucyamāne karṇaputraḥ , varṇaputraḥ iti atra api prasajyeta .
(P_6,3.73) KA_III,168.22-169.8 Ro_IV,642-643 {3/13} na eṣaḥ doṣaḥ .
(P_6,3.73) KA_III,168.22-169.8 Ro_IV,642-643 {4/13} arthavadgrahaṇe na anarthakasya iti evam etasya na bhaviṣyati .
(P_6,3.73) KA_III,168.22-169.8 Ro_IV,642-643 {5/13} evam api praśnaputraḥ , viśnaputraḥ iti atra api prāpnoti .
(P_6,3.73) KA_III,168.22-169.8 Ro_IV,642-643 {6/13} na eṣaḥ doṣaḥ .
(P_6,3.73) KA_III,168.22-169.8 Ro_IV,642-643 {7/13} ananubandhakagrahaṇe na sānubandhakasya iti evam etasya na bhaviṣyati .
(P_6,3.73) KA_III,168.22-169.8 Ro_IV,642-643 {8/13} evam api vāmanaputraḥ , pāmanaputraḥ iti atra api prāpnoti .
(P_6,3.73) KA_III,168.22-169.8 Ro_IV,642-643 {9/13} tasmāt sānubandhakasya grahaṇam kartavyam .
(P_6,3.73) KA_III,168.22-169.8 Ro_IV,642-643 {10/13} nañaḥ nalope avakṣepe tiṅi upasaṅkhyānam .
(P_6,3.73) KA_III,168.22-169.8 Ro_IV,642-643 {11/13} nañaḥ nalope avakṣepe tiṅi upasaṅkhyānam kartavyam .
(P_6,3.73) KA_III,168.22-169.8 Ro_IV,642-643 {12/13} apacasi vai tvam jālma .
(P_6,3.73) KA_III,168.22-169.8 Ro_IV,642-643 {13/13} akaroṣi vai tvam jālma .
(P_6,3.74) KA_III,169.10-16 Ro_IV,644 {1/14} kimartham tasmāt iti ucyate na nuṭ aci iti eva ucyeta .
(P_6,3.74) KA_III,169.10-16 Ro_IV,644 {2/14} nuṭ aci iti ucyamāne nañaḥ eva nuṭ prasajyeta .
(P_6,3.74) KA_III,169.10-16 Ro_IV,644 {3/14} evam tarhi pūrvāntaḥ kariṣyate .
(P_6,3.74) KA_III,169.10-16 Ro_IV,644 {4/14} tatra ayam api arthaḥ .
(P_6,3.74) KA_III,169.10-16 Ro_IV,644 {5/14} tadoḥ saḥ sau anantyayoḥ iti tadoḥ grahaṇam na kartavyam .
(P_6,3.74) KA_III,169.10-16 Ro_IV,644 {6/14} tatra hi tavargānirdeśe etat prayojanam iha mā bhūt .
(P_6,3.74) KA_III,169.10-16 Ro_IV,644 {7/14} aneṣaḥ karoti iti .
(P_6,3.74) KA_III,169.10-16 Ro_IV,644 {8/14} yāvatā pūrvāntaḥ saḥ api adoṣaḥ bhavati .

(P_6,3.74) KA_III,169.10-16 Ro_IV,644 {9/14} na evam śakyam .
(P_6,3.74) KA_III,169.10-16 Ro_IV,644 {10/14} anuṣṇaḥ iti nalopaḥ prātipadikāntasya iti nalopaḥ prasajyeta .
(P_6,3.74) KA_III,169.10-16 Ro_IV,644 {11/14} nugvacanāt na bhaviṣyati .
(P_6,3.74) KA_III,169.10-16 Ro_IV,644 {12/14} ṅamuṭ tarhi prāpnoti .
(P_6,3.74) KA_III,169.10-16 Ro_IV,644 {13/14} tasmāt parādiḥ kartavyaḥ .
(P_6,3.74) KA_III,169.10-16 Ro_IV,644 {14/14} parādau ca kriyamāṇe tasmāt iti vaktavyam .
(P_6,3.76) KA_III,169.18-170.4 Ro_IV,644-645 {1/26} kimartham āduk ucyate na aduk eva ucyate .
(P_6,3.76) KA_III,169.18-170.4 Ro_IV,644-645 {2/26} kā rūpasiddhiḥ : ekānnaviṃśatiḥ , ekānnaśatam .
(P_6,3.76) KA_III,169.18-170.4 Ro_IV,644-645 {3/26} savarṇadīrghatvena siddham .
(P_6,3.76) KA_III,169.18-170.4 Ro_IV,644-645 {4/26} na sidhyati .
(P_6,3.76) KA_III,169.18-170.4 Ro_IV,644-645 {5/26} ataḥ guṇe iti pararūpatvam prāpnoti .
(P_6,3.76) KA_III,169.18-170.4 Ro_IV,644-645 {6/26} evam tarhi aduṭ kariṣyate .
(P_6,3.76) KA_III,169.18-170.4 Ro_IV,644-645 {7/26} aduṭ ca aśakyaḥ kartum .
(P_6,3.76) KA_III,169.18-170.4 Ro_IV,644-645 {8/26} ānunāsikyam hi na syāt .
(P_6,3.76) KA_III,169.18-170.4 Ro_IV,644-645 {9/26} yat hi tat yaraḥ anunāsike anunāsikaḥ va iti padāntasya iti evam tat .
(P_6,3.76) KA_III,169.18-170.4 Ro_IV,644-645 {10/26} kim punaḥ kāraṇam padāntasya iti evam tat .
(P_6,3.76) KA_III,169.18-170.4 Ro_IV,644-645 {11/26} iha mā bhūt .
(P_6,3.76) KA_III,169.18-170.4 Ro_IV,644-645 {12/26} budhnaḥ , bradhnaḥ , badhnāti .
(P_6,3.76) KA_III,169.18-170.4 Ro_IV,644-645 {13/26} evam tarhi anuṭ kariṣyate .
(P_6,3.76) KA_III,169.18-170.4 Ro_IV,644-645 {14/26} anuṭ ca aśakyaḥ kartum .
(P_6,3.76) KA_III,169.18-170.4 Ro_IV,644-645 {15/26} vibhāṣayā ānunāsikyam .
(P_6,3.76) KA_III,169.18-170.4 Ro_IV,644-645 {16/26} tena idam eva rūpam syāt ekānnaviṃśatiḥ .
(P_6,3.76) KA_III,169.18-170.4 Ro_IV,644-645 {17/26} idam na syāt .
(P_6,3.76) KA_III,169.18-170.4 Ro_IV,644-645 {18/26} ekānnaviṃśatiḥ iti .
(P_6,3.76) KA_III,169.18-170.4 Ro_IV,644-645 {19/26} astu tarhi aduk eva .
(P_6,3.76) KA_III,169.18-170.4 Ro_IV,644-645 {20/26} nanu ca uktam ataḥ guṇe iti pararūpatvam prāpnoti iti .
(P_6,3.76) KA_III,169.18-170.4 Ro_IV,644-645 {21/26} na eṣaḥ doṣaḥ .
(P_6,3.76) KA_III,169.18-170.4 Ro_IV,644-645 {22/26} akāroccāraṇasāmarthyāt na bhaviṣyati .
(P_6,3.76) KA_III,169.18-170.4 Ro_IV,644-645 {23/26} yadi tarhi prāpnuvan vidhiḥ akāroccāraṇasāmarthyāt bādhyate savarṇadīrghatvam api na prāpnoti .
(P_6,3.76) KA_III,169.18-170.4 Ro_IV,644-645 {24/26} yam vidhim prati upadeśaḥ anarthakaḥ saḥ vidhiḥ bādhyate .
(P_6,3.76) KA_III,169.18-170.4 Ro_IV,644-645 {25/26} yasya tu vidhiḥ nimittam eva na asau bādhyate .
(P_6,3.76) KA_III,169.18-170.4 Ro_IV,644-645 {26/26} pararūpam ca prati akāroccāraṇam anarthakam savarṇadīrghatvasya punaḥ nimittam eva .
(P_6,3.78) KA_III,170.6-12 Ro_IV,645-646 {1/12} sahasya halopavacanam .
(P_6,3.78) KA_III,170.6-12 Ro_IV,645-646 {2/12} sahasya halopaḥ vaktavyaḥ .
(P_6,3.78) KA_III,170.6-12 Ro_IV,645-646 {3/12} sādeśe hi svare doṣaḥ .
(P_6,3.78) KA_III,170.6-12 Ro_IV,645-646 {4/12} sādeśe hi [sati] svare doṣaḥ syāt .
(P_6,3.78) KA_III,170.6-12 Ro_IV,645-646 {5/12} āntaryataḥ udāttānudāttayoḥ [sthāne] svaritaḥ ādeśaḥ prasajyeta .
(P_6,3.78) KA_III,170.6-12 Ro_IV,645-646 {6/12} [saputraḥ , sabhāryaḥ .] saḥ tarhi lopaḥ vaktatvyaḥ .
(P_6,3.78) KA_III,170.6-12 Ro_IV,645-646 {7/12} na vaktatvyaḥ .
(P_6,3.78) KA_III,170.6-12 Ro_IV,645-646 {8/12} ādyudāttanipātanam kariṣyate .