vināyakastotram · Chapter 1

mūṣikavāhana modakahasta cāmarakarṇa vilambitasūtra .
vāmanarūpa maheśvaraputra vighnavināyaka pāda namaste ..
devadevasutaṃ devaṃ jagadvighnavināyakam .
hastirūpaṃ mahākāyaṃ sūryakoṭisamaprabham .. १..
vāmanaṃ jaṭilaṃ kāntaṃ hrasvagrīvaṃ mahodaram .
dhūmrasindūrayudgaṇḍaṃ vikaṭaṃ prakaṭotkaṭam .. २..
ekadantaṃ pralamboṣṭhaṃ nāgayajñopavītinam .
tryakṣaṃ gajamukhaṃ kṛṣṇaṃ sukṛtaṃ raktavāsasam .. ३..
dantapāṇiṃ ca varadaṃ brahmaṇyaṃ brahmacāriṇam .
puṇyaṃ gaṇapatiṃ divyaṃ vighnarājaṃ namāmyaham .. ४..
devaṃ gaṇapatiṃ nāthaṃ viśvasyāgre tu gāminam .
devānāmadhikaṃ śreṣṭhaṃ nāyakaṃ suvināyakam .. ५..
namāmi bhagavaṃ devaṃ adbhutaṃ gaṇanāyakam .
vakratuṇḍa pracaṇḍāya ugratuṇḍāya te namaḥ .. ६..
caṇḍāya gurucaṇḍāya caṇḍacaṇḍāya te namaḥ .
mattonmattapramattāya nityamattāya te namaḥ .. ७..
umāsutaṃ namasyāmi gaṅgāputrāya te namaḥ .
oṅkārāya vaṣaṭkāra svāhākārāya te namaḥ .. ८..
mantramūrte mahāyogin jātavede namo namaḥ .
paraśupāśakahastāya gajahastāya te namaḥ .. ९..
meghāya meghavarṇāya megheśvara namo namaḥ .
ghorāya ghorarūpāya ghoraghorāya te namaḥ .. १०..
purāṇapūrvapūjyāya puruṣāya namo namaḥ .
madotkaṭa namaste'stu namaste caṇḍavikrama .. ११..
vināyaka namaste'stu namaste bhaktavatsala .
bhaktapriyāya śāntāya mahātejasvine namaḥ .. १२..
yajñāya yajñahotre ca yajñeśāya namo namaḥ .
namaste śuklabhasmāṅga śuklamālādharāya ca .. १३..
madaklinnakapolāya gaṇādhipataye namaḥ .
raktapuṣpa priyāya ca raktacandana bhūṣita .. १४..
agnihotrāya śāntāya aparājayya te namaḥ .
ākhuvāhana deveśa ekadantāya te namaḥ .. १५..
śūrpakarṇāya śūrāya dīrghadantāya te namaḥ .
vighnaṃ haratu deveśa śivaputro vināyakaḥ .. १६..
phalaśruti
japādasyaiva homācca sandhyopāsanasastathā .
vipro bhavati vedāḍhyaḥ kṣatriyo vijayī bhavet ..
vaiśyo dhanasamṛddhaḥ syāt śūdraḥ pāpaiḥ pramucyate .
garbhiṇī janayetputraṃ kanyā bhartāramāpnuyāt ..
pravāsī labhate sthānaṃ baddho bandhāt pramucyate .
iṣṭasiddhimavāpnoti punātyāsattamaṃ kulaṃ ..
sarvamaṅgalamāṅgalyaṃ sarvapāpapraṇāśanam .
sarvakāmapradaṃ puṃsāṃ paṭhatāṃ śruṇutāmapi ..
.. iti śrībrahmāṇḍapurāṇe skandaprokta vināyakastotraṃ sampūrṇam ..