Vaikhānasamantrapraśna, 5-8 · Chapter 8.1.94

bhū́r agnáye ca pr̥thivyaí ca mahaté ca námo bhúvo vāyáve cāntárikṣāya ca mahaté ca námas súvar ādityā́ya ca divé ca mahaté ca námo bhū́r bhúvas súvaś candrámase ca nákṣatrebhyaś ca digbhyáś ca mahaté ca námaḥ[*834]

yajñéna yajñám ayajanta devā́ḥ tā́ni dhármāṇi prathamā́ny āsan
té ha nā́kaṃ mahimā́nas sacante yátra pū́rve sādhyā́s sánti devā́ḥ

yáḥ prāṇató nimiṣató mahitvaíka íd rā́jā jágato babhū́va
yá ī́śe asyá dvi-pádaś cátuṣ-padaḥ kásmai devā́ya havíṣā vidhema

śukrán tvā śukrā́yāṃ dhā́mne-dhāmne devébhyo yájuṣe-yajuṣe gr̥hṇāmi
jyótis tvā jyótiṣy arcís tvārcíṣi dhā́mne-dhāmne devébhyo yájuṣe-yajuṣe gr̥hṇāmi

námo bráhmaṇe námo astv agnáye námaḥ pr̥thivyaí náma óṣadhībhyaḥ
námo vācé námo vācás-pátaye námo víṣṇave br̥haté karomi
[*834] TA, MahānU give svāhā in place of namaḥ in this verse. cf. VMP 6.11.7