Vaikhānasamantrapraśna, 5-8 · Chapter 8.1.65

índro 'bhimantā́ manávo vā́yavaś cā́pas samagrā́ abhíto yásya dadyā́t

víṣṇo imā́n vaiṣṇavā́(g)ṃs tarpayāmi prásīda devā́dhika-téjasainam

agnír índro váruṇo mitró aryamā́ vāyúḥ pūṣā́ sárasvatī sa-jóṣasaḥ

ādityā́ víṣṇur marútaḥ svar br̥hat-sómo rudró áditir bráhmaṇaspátiḥ

trír deváḥ[*820]

indriyā́ṇí śátá-kráto yā́ te jáneṣu pañcásu
índra tā́ni ta ā́ vr̥ṇe

ágann índra śrávo br̥hád dyumnáṃ dádhiṣva duṣṭáraṃ
út te śuṣmáṃ trirāmasi

yóge-yoge śáṃ no devī́

ghatā́t pári maṇḍa ivā́psu snehás sárvā́dhikas sarva-dhátteṣu śarváḥ

sá cetánáś cetáyate sva-śaktyā́

éko lokā́n gárbhavat pātu sárvān

vícakrame pr̥thivī́
[*820] Text: dreváḥ