Vaikhānasamantrapraśna, 5-8 · Chapter 8.1.50

ásunīte púnar asmā́su cákṣuḥ púnaḥ prāṇám ihá no dhehi bhógam
jyók paśyema sūryám uccáraṃtam ánumate mr̥láyā nas svastí

amr̥taṃ vaí prānā́ amŕ̥tam ā́paḥ prāṇā́n evá yathā-sthānám úpahvayate

mámá prā́ṇá íhá prāṇáḥ

mámá jī́vá íhá jī́vás sthitáḥ

mámá sárvéndríyā́ṇí vā́ṅ-mánó-búddhy-áháṃkā́rá-kā́ma-rāgāntáṃ

pŕ̥thívy-áp-téjó-vā́yv-ā́kā́śá-śábdá-spárśá-rū́pá-rásá-gándhá-tvák cákṣúś-śrótrá-jíhvā́-ghrā́ṇá-vā́k-pā́ṇí-pā́dá-pā́yū́pásthá-prā́ṇā́ ihaivā́gátyá súkháṃ círaṃ tiṣṭhantú hrī́ṃ svāhā́

máma hŕ̥daye páramātmanas sakākā́j jī́vā́tmā́náṃ prátiṣṭhāpayāmy ón námaḥ

haṃsa-haṃsā́ya vidmáhe parama-haṃsā́ya dhīmahi
táṃn no haṃsaḥ pracodáyāt