Vaikhānasamantrapraśna, 5-8 · Chapter 8.1.4

dhātā́ dhātr̥ṇā́ṃ bhúvanasya yás patir devá(g)ṃ savitā́ram[*769] abhimātiṣā́ham
imáṃ yajñám aśvínobhā́ bŕ̥haspátir devā́ḥ pāntu yájamānaṃ nyarthā́t

sā́dhyébhyá ímáṃ lóhítā́śmáká-máṇíṃ sā́dhya-sthāne 'háṃ prátiṣṭhāpayāmy óṃ námaḥ

víśve-devásya víśvébhyó dévébhyá ímám útpálá-máṇíṃ víśvé-déva-sthāne 'háṃ prátiṣṭhāpayāmy óṃ námaḥ

ádhi brahmā́ yatatām eṣá devó divás-pátyāṃ vādhi marúto vóbhayeṣā́m

tápo-yogī́ yogá ekás svādhiṣṭhā́ ninīhi víśvaṃ bhúvanasya bhū́yaḥ

síddhébhyá ímáṃ právā́lá[*770]-máṇíṃ síddha-sthāne 'háṃ prátiṣṭhāpayāmy óṃ námaḥ

ímā́ṃ mūrdhanyā́ máma vāṇy asū́nāṃ páter indriyā́ṇāṃ máteḥ priyā́ṇām
vā́co rucīnā́m[*771] právarāya gā́yan nídhiṃ nídadhyan prajáyā astu bhū́tyai
[*769] RV: trātāram; TS, VMP: savitā́ram
[*770] Text: právā́ḷá
[*771] 1926, '46, '84 editions: r̥cīnā́m