Vaikhānasamantrapraśna, 5-8 · Chapter 8.1.162

kánikradaj janúṣam
svasti-dā́ viśás-pátiḥ

suparṇo 'si garútmān tri-vŕ̥tte śíro gāyatráṃ cákṣus stóma ātmā́ sā́ma te tanū́r vāmadevyáṃ br̥had-rathantaré pakṣaú yajñāyajñíyaṃ púcchaṃ chándā(g)ṃsy áṅgāni dhíṣṇiyāś śaphā́ yájū́(g)ṃṣi nā́ma

suparṇo 'si garútmān dívaṃ gaccha súvaḥ pata

havíṣmatīr imā́ ā́po havíṣmān devó adhvaró
havíṣmā(g)ṃ ā́ vivāsati havíṣmā(g)ṃ astu sū́ryaḥ

agnér vó 'panna-gr̥hasya sádasi sādayāmi sumnā́ya sumninīs sumné mā dhattendrāgniyór bhāgadhéyīs stha mitrā́-váruṇayor bhāgadhéyīs stha víśveṣāṃ devā́nāṃ bhāgadhéyīs stha yajñé jāgr̥ta

bhū́r asi bhū́ḥ prátiṣṭhityai

dhvajáṃ prátiṣṭhāpayāmí

jayā́ya námaḥ
atyucchritā́ya námaḥ