Vaikhānasamantrapraśna, 5-8 · Chapter 8.1.156

ā́ no niyúdbhiś śatínībhir adhvará(g)ṃ sahasríṇībhir úpa yāhi yajñám
vā́yo asmín havíṣi mādayasva yūyáṃ pāta svastíbhis sádā naḥ

vā́yo śatá(g)ṃ hárīṇāṃ yuvásva póṣyāṇām
utá vā te sahasríṇo rátha ā́ yātu pā́jasā

prá yā́ vā́jaṃ ná héṣantaṃ perúm ásyasy arjuni
r̥dūdáreṇa sákhyā saceya yó mā ná ríṣyed dharyaśva pītáḥ

prakramyātha[*893] ū́rdhvaṃ púruṣa-jo vivéśa prájāsu vr̥tyā́ya ásūn dadāti
so 'ham asmín yájāni sámāpātu

yo mātaríśvā víyaj jātó[*894] 'ṃśako vr̥to hūyáte
yásya satá(g)ṃ sametu

marútaḥ paramātmā́ páramā gatíḥ páraṃ bráhma páraṃ yógam
paramātmā́naṃ manye ajáraṃ yo 'gnir ahám ánnaṃ vāyáve

marúto gaṇā́nāṃ prathamás saptádhānāṃ mūrdhā́ vāyo ányam ajára(g)ṃ śriyam
hotāraṃ vaí ráyan tvā́hur ágne havyáṃ marúdbhyaḥ
[*893] Text: prakramyādha
[*894] 1984 edition: viyajñātó instead of víyaj jātó