Vaikhānasamantrapraśna, 5-8 · Chapter 8.1.15

nírasta(g)ṃ rákṣo nírasto 'ghá-śá(g)ṃso nírastā árātayaḥ

sá-sómā devā́ rakṣadhvam

híraṇya-pā́ṇím ūtáye savitā́ram úpa hvaye
sá céttā devátā padám

diváṃ vívr̥ṇotu diví svargáṃ pihita-dvāráṃ vívr̥notu

dívy antárikṣe devátānā(g)ṃ sāpsaró-gaṇam abhídarśayatām

bhúvaṅgāya námaḥ

áto devā́ idáṃ víṣṇus trī́ṇi padā́ víṣṇoḥ kármāṇi tád víṣṇoḥ paramáṃ padá(g)ṃ tad víprāsaḥ

úddīpyasva jātavedo 'paghnáṃ nírr̥tiṃ máma
paśū́(g)ṃś ca máhyam ā́vaha jī́vanañ ca díśodiśa